ياسماء امطـري واعصفي الريـف

Part:13

صلو ع النبي عليه افضل الصلاه والسلام ...

____

مد عاصف يده ع المسجل وطفأ معاد يبي يسمع اي شيء نهائي بدا بس يمشي بهدووء الديره
....
| اليوم الثاني |
صحت الريف وهي تتثاوب، جلست وهي تناظر الساعه وكانت الساعه 12 الظهر استغربت كيف نامت ذا الساعات كلها ، اخذ ربطت شعرها وهي تلم شعرها باهمال وبعدت البطانيه عنها وقامت دخلت الحمام " وانتم بكرامه " اخذت دش وفرشت اسنانها وتوضت ، طلعت من الحمام والمنشفه ع راسها المبول ، اخذت السجاده وفرشتها قدامها ونزلت المنشفه من راسها وبالشرشف الصلاه غطت راسها وكبرت تصلي فروضها الي طافتها ، بعد الصلاه سلمت وقامت وهي تشيل السجاده من الارض وتحطها ع طرف الكنبه ، حست بجوع فضيع وقررت تروح تسوي فطور لها ولعاصف، وبدون م تنشف شعرها طلعت متوجهه للمطبخ المشترك بينهم ، دخلت المطبخ وكان مافيه احد واستغلت انها تسوي بسرعه قبل تجي ام اماني وهي مالها خلقها ، فتحت الثلاجه وشافت البيض طلعته وبدت تشغل ع النار وتسوي البيض ، وبصحن ثاني قطعت لها خيار وحطت جبن ونوعت الفطور وكان شكله يفتح النفس ، ابتسمت وهي تسوي الشاهي اخذت الاكل وطلعت متوجهه للملحق ، حطت الصينيه ع الارض وفتحت الباب بعدين نزلت تاخذ الصحن ودخلت حطت الاكل ع الطاوله واخذت نفس ، ناظرت شكلها بالمرايه وهي تناظر بملامحها وتشوف شكلها حلو او لا ، بعدين اخذت نفس وهي تقرب من غرفه عاصف تبي تصحيه ، فتحت الباب ودخلت وناظرت بالسرير بس ماكان موجود احد ناظرت باطراف الغرفه وبغرفه الملابس ماكان موجود
الريف تنهدت ونطقت : فين راح
قفلت باب الغرفه والتفت وكان عاصف بوسط الصاله دخل بدون م تحس الريف شهقت الريف وهي تمسك قلبها ونطقت : خوفتي
ناظرها عاصف وهو يشوف شعرها المبول الي طايح ع كتوفها ونطق : شعرك مبول لايصبك برد
الريف والي مسكت شعرها ناظرته ونطقت : فين كنت
عاصف م رد عليها وناظر الاكل وكان جوعان وجلس ، اخذ من الخيار واكل وقطعه من الخبز ورفع انظاره عليها ونطق : متى جابته اماني ؟
الريف ناظرته وابتسمت ونطقت : انا الي سويته
ناظرها عاصف ونطق : انتي الي سويتيه ؟
الريف الي جت وجلست جنب عاصف : ايوه دخلت المطبخ شفت زوجة عمك القشرى مهي فيه وسويت فطور لي ولك
ضحك عاصف ونطق : واذا فيه زوجة عمي اطنخي وادخلي مالها دخل فيك
الريف ابتسمت ومدت يدها ع الاكل تاكل ونطقت : ادري بجلدها اصلاً
ابتسم عاصف وهو يشوفها تاكل ونسى الاكل وهو يناظرها وهي تاكل ، الريف حست بنظراته لها والتفت عليه وبلعت ريقها ونطقت : فيه شيء ؟
عاصف ناظرها ومد يده ع فمها ومسحه ونطق : بقايا الاكل
الريف والي ذابت من قربه تنحنت وهي تاخذ المناديل : اوقات انسى نفسي اذا اكلت
ابتسم عاصف ونطق : مسحته انا خلاص
الريف ناظرته وهزت راسها ، قعدو ياكلون شوي وتكلمت الريف : بنروح لعرس هدى صح
عاصف اخذ نفس ونطق : نروح
ابتسمت الريف وقامت ونطقت : اجل بروح اتجهز ، وترا اماني بتروح معانا
ناظرها عاصف ونطق : مهي مشكله
دخلت الريف الغرفه وبدت تسوي نفسها ، وتضبط شعرها لبست فستانها الازرق الحرير كان ماسك ع جسمها ومبين ادق تفاصيلها ، فتحت شعرها الي سوته ويفي وطاح ع ظهرها بدت تحط لنفسها مكياج وتتامل نفسها لين خلصت ابتسمت وهي تشوف ورد اصطناعي ديكور في غرفه عاصف قطفت لها ورده وحطتها على اذنها اخذت كعبها وجلست تلبسه دخل عاصف بذا الحظه وهو لابس ثوبه وجاهز ، ناظر الريف الي جالسه ع السرير وبيدينها تلبس الكعب بلع ريقه وهو يشوف كميه جمالها الي م تنوصف قرب منها وجلس ع رجوله ناظرته الريف اخذ الكعب من يد الريف ، وبدا يدخل الكعب برجل الريف ويلبسها ، ابتسمت الريف وهي تناظره رفع عاصف انظاره لها ووقف مد يده لها مسكت الريف يده ووقفت كانت قريبه من عاصف بدت ريحه عطرها تهب على عاصف بلع ريقه ونطق : طالعه حلوه
ابتسمت الريف وكانها تنتظر المجامله ذي منه هو خصيصاً ونطقت : وانت مو شين
تنحنح عاصف ونطق : يلا نمشي ؟
الريف هزا براسها اي ونطقت : بلبس عبايتي واجيك
طلع عاصف من عندها ودخلت اماني ، اماني نطقت : ريفيييي تجنينن
الريف ناظرتها وابتسمت ونطقت : ياقلبي انتي الي تجننين وش ذا الاحمررررر تهبلين
اماني والي بدت تدلع نطقت : اخخ بس متى يجي زواجي
الريف والي تلبس عبايتها نطقت بضحك : اثقلييييي ، بعدين روحي البسي عبايتك ترا عاصف بالسياره
اماني : والله بالغصب طلعت من عند امي قعدت اصرف لها
ضحكت الريف ونطقت : بعد م نسوي الفعل نفكر ب العواقب
ضحكت اماني ونطقت : بالضبطططط ، يلا بجيب عبايتي واجيكم
طلعت الريف لعاصف الي بالسياره وكان عاصف جالس قدام والي يسوق راكان ، وبسياره جنبهم كانت للممدوح وكانو كلهم رايحين ركبت الريف وراء وسلمت ، شويات وجت اماني كان ممدوح وقاف يناظرها ، ابتسمت اماني وركبت تمنى ممدوح ان يكون هو الي وقتها ياخذها تنهد ونطق : يربي متى متى العرس
حركو متوجهيين لديار الريف ، كانت الريف تناظر من الشباك لحد م وصلو الديره الريف ناظرت بديرتها والي اسمها على اسم الديره ونطقت بصوت عالي : يكثر الشوق
ناظرها عاصف وهي تناظر بالديره
اماني وهي تناظر الديره نطقت : ماتوقعتها حلوه وفيها حياه كذا
ابتسمت الريف وهي تناظر الديره ونطقت : ذي سميتي
كانت الديره كلها قايمه بزواج فواز ، ابوه وامه والكل كان متواجدين شاف الشيخ ملهم السياره من بعيد وبصوت عالي نطق : يمرحبااااااا بضيوفنا ي مرحبااااا
نزل عاصف وراكان من السياره يسلمون على الشيخ ملهم ، كان ضيدان قريب من ملهم ويشوف علاقته مع عاصف
عاصف : وشحالك وشعلومك عساك طيب
الشيخ ملهم : بخير انتم شحالكم
عاصف وراكان بصوت واحد نطقو : بخير دامك بخير
وقف ممدوح سيارته ونزل ، وقرب منهم وسلم ع الشيخ ملهم
الشيخ ملهم نطق : ياهلا وي مرحبا
ممدوح : ياهلا فيك
نزلت الريف من السياره واماني الي قعدت واقفه عند السياره قربت الريف من الشيخ ملهم وحضنها الشيخ ملهم وهو يرحب ببنتها باعلى صوته : يامرحبا يامرحبا بريفي يامرحبا بكبدي وضلوعي يامرحبا بالروح الي بصدري
الريف ابتسمت من ترحيب ابوها ونطقت : ياهلا فيك ياقلبي كيفك يبه
الشيخ ملهم نطق : كنت ضايق لين شفتك وسلمت عليك وصرت بافضل حال
ابتسم عاصف من علاقت ملهم مع عياله ، قرب ضيدان ورد السلام وسلمو عليه عاصف وراكان ومن بعدها قربت الريف تسلم عليه ونطقت : شحالك ي عمي
ضيدان ناظرها ونطق من غير نفس : بخير بخير ، المفروض ازفك بذا اليوم عروسه على صافي بس خاب ضني
شد عاصف ع سنونه والتفت ملهم ع ضيدان ، مسك عاصف يد الريف ونطق : نصيب نصيب
الريف شدت ع يد عاصف وكان صافي يناظرهم من بعيد وقلبه محروووقه عليهم ، جاء فواز طالع وشاف عاصف وقرب منه وهو يرحب فيهم ، عاصف عرف فواز وسلم عليه
راكان وهو يناظر فواز نطق : انت مو كنت عندنا وجيت عشان الشيخ مصلح واليوم عرسك؟
ابتسم فواز وهو يحك لحيته نطق : وقتها اطريت اسوقها عليكم شوي
عاصف ناظره وذكر الجوال وكان بنفس اليوم الي جاء فيه فواز ، التفت ع الريف وهو ربط كل شيء ببعضه
الريف بلعت ريقها ونطقت : يلا حنا بنروح
عاصف : وين رايحه
الريف : بيت هدى العرس هناك
الشيخ ملهم نطق : اي اي يبنتي خذي ضيفتنا وروحو وانتم حياكم الخيمه يرجال
ناظر عاصف الريف الي راحت واخذت اماني ومشو ، قرب ممدوح من عاصف ونطق : بنقلط ؟
عاصف هز راسه ب اي ، دخلو عاصف وراكان وممدوح وهم يسلمون ، فزو الكل يسلمون عليهم وابو فواز وفواز يرحبون في ضيوفهم
عاصف وهو يطلع من جيبه العانيه ونطق : هاذي لك ي فواز
فواز ناظر بظرف فلوس ونطق : والله م تقسم لي
مسك عاصف يده ونطق : علي بالطلاق لتاخذها حنا م حنا برجال نجي ويدينا فاضيه
بعد اصرار من عاصف اخذها فواز ونطق : بيض الله وجيهكم اجل
ابتسم ملهم وهو عاصف يذكره ببرق حركاته وشهامته وقوته تمنى وقتها ملهم انه زف الريف على عاصف بطريقه ثانيه مسح ملهم ع وجهه ونطق : حياكم اجلسو اجلسو
جلس عاصف وعلى يمينه راكان ، وعلى يمين راكان ممدوح جاء ملهم وجلس جنب عاصف ونطق وهو يكلم راكان : انت ولد من انفداك
راكان ابتسم ونطق : ولد عبدالهادي
فز الشيخ ملهم ونطق : ونعمممم ونعممم والله
قام راكان مع الشيخ ملهم ، الي قرب ونزل راس راكان وباسه ، رفع راكان وباس راس ملهم ونطق : ماعليك زود ي عم
ابتسم الشيخ ملهم ونطق : ابك انت ولد عبدالهادي وانا توي اعرف علي بالطلاق يابكره عشاك عندي
راكان : لاتحلف ي عم وش له الكلافه
الشيخ ملهم : ابدددد ماش كلافه ي ثلاثتكم حياكم عندنا بكره
ابتسم راكان وهو يشوف الناس يحبون ابوه ونطق : انت كيف تعرف ابوي ي عم
الشيخ ملهم ابتسم من ذكره ونطق : صاحبي وحبيبي ياني يوم سمعت خبر وفاته حسيت الدنيا قدامي انعمت
عاصف والي حس ان الشيخ ملهم مو عدوهم يحس فيه شيء غلط شلون يعرف ابوه وابو راكان ؟
راكان ابتسم ونطق : الله يرحمه
جلسو وناظر عاصف الشيخ ملهم وهو وده يسحب الكلام منه ونطق : ي عم
التفت الشيخ ملهم ونطق : سم
عاصف والي عدل جلسته وشماغه ونطق : كيف تعرفت ع ابوي
ناظر الشيخ ملهم عاصف وابتسم ونطق : ابوك ي عاصف اعرفه من يوم م انخلقت ع الارض من يوم م فتحت عيوني ع الدنيا وهم جيراننا طفولتي كلها مع ابوك مراهقتي مع ابوك كبرنا وحنا مع بعضنا
عاصف ناظره ونطق : دام طفولتك مع ابوي اكيد انها مع عمي مصلح
ناظر الشيخ ملهم عاصف وبلع ريقه ونطق : لا
استغرب عاصف من اجابته المختصره ونطق : ليش ؟
الشيخ ملهم والي معاد وده يكمل الكلام نطق : مو وقته ي عاصف
وقام الشيخ ملهم من عندهم ، التفت عاصف ع راكان وممدوح ونطق : ي عياللل فيه قصه وموضوع انا م اعرفه
راكان وهو يحك لحيته وحس بنفس احساس عاصف بس عشان م يشوش راس ع عاصف نطق : مافيه الا كل خير
ممدوح ناظر عاصف ونطق : انا اشوف ان الشيخ ملهم يحب ابوك ي عاصف
التفت عاصف ع ممدوح ونطق : ان ذا الان بالموضوع كيف ذا الشخص ضر ابوي وضر ديرتي ويجي يمدح ابوي
راكان ناظر ممدوح وعطاه نظره انه يسكت تنحنح ممدوح ونطق : يعني انت لاتشغل بالك كلشي ينحل
التفت عاصف وهو يلعب بسبحته ويفكر ، ناظر ابو صافي الي كانت انظاره كلها ع عاصف وملهم لين قام ونطق : ذا شبلا امه يناظر
التفت راكان ع ابو صافي ونطق : مدري بس انا م حبيته مو مثل اخوه
ممدوح نطق : خلاص ي عيال لاتددقوون
رجع عاصف ظهره ل وراء وبنظرات يدق فيها ل ضيدان ويلعب بسبحته
.....
| عند الريف |
لما دخلت الزواج وبجنبها اماني قامو كل الديره يسلمون عليها وفرحانين بوجودها رغم انتقادهم لها ، كيف مبتسمه وجايبه بنت عم زوجها؟ سلمت ع الموجودين وشافت امها وحضنتها
الريف ببتسامه : يمه كيفك
ام الريف : بخير ي نظر عيني انتي كيفك
الريف ابتسمت : بخير
ام الريف: شحالك اماني
اماني ابتسمت ونطقت : بخير يخاله انت كيفك
ام الريف : بخير يقلبي
الريف : هدى داخل ؟
ام الريف : اي اي يمه داخل
هزت الريف راسها ومسكت اماني وراحو عند هدى والبندري وام هدى
فتحت الريف الباب وهي تقول : هااااااااااييييي
التفت هدى ع الريف وصارخت بفرح : رييفييي اوووففف خفت م تجين
حضنت الريف هدى وسلمت اماني ع البندري ، وبعدها اماني باركت ل هدى
الريف : تجنون كل وحده تقول الزين عندي
هدى ابتسمت ونطقت : الزين عندك انتي
الريف ناظرت هدى ونطقت : تصورتي انتي وفواز
هدى ابتسمت وهي تناظر بالمرايه ونطقت : اي العصر تصورنا عشان الليل يكون عند الرجال باقي بس زفتي
ابتسمت الريف ونطقت : اجل تعالو نتصور
وقفت هدى في النص وباليمين البندري مسكت الريف يد اماني وسحبتها معاهم وقفو وقامت المصوره تصورهم الريف وهي تعطي هدى بوسه وتصورهم المصوره ابتسمت الريف وهي تناظر هدى : الله يرب انه يوفقك مع فواز يعيوني
هدى ناظرتها ونطقت : اميننن ، ويارب يوفقك مع عاصف لاني حاسه انك حبيتيه
ضربتها الريف بخفه ونطقت : اقول اسكتي
اماني وهي تضحك نطقت : بعيداً عن كل المشاكل الي صايره انا متاكده يحبون بعض بس محد يبي يقول كل واحد يكابر
البندري ضحكت ونطقت : واه واه اختي حبت ، بقولك شيء ريفي مو كنتي تقولين ابي رجال كفو وعصبي وله صيته بالديار مو مثل صافي ؟ كل الصفات ذي ب عاصف يعني طحتي ومحد سمى عليك
الريف والي وجهها حمررر من كلامهم نطقت بعصبيه : اوووص بس انتي وياها انتي خليك عند ممدوح وانشغلي فيه وانتي بفواز وانتي الثالثه ابيك عون صرتي فرعون ، وجع يوجعكم ويوجع عاصف معاكم
ضحكو البنات وهم يشوفون عصبيه الريف ، ناظرتهم الريف وهم ميتين ضحك وطلعت وسحبت عليهم اخذت نفس الريف وراحت عند الحريم بدت تساعدهم ب الضيافه وكذا وهي تشوف الكل يناظر فيها وتعرف ان حريم الديره يبون العلوم وكانهم يشغفون عليها ، الريف تضايقت مره من ذا الاسلوب حتى ان ام الريف حست عليها ومسكتها ع جنب وهي تمسك بشعرها بحنيه ونطقت : اعرف انك متضايقه يمك بس لاتهتمين لهم
الريف وهي تناظر الحريم ابتسم ونطقت : ماهتم يمه مو مشكله
ام الريف اخذت نفس وهي تمنت انها تزف الريف بفستان عرسها مثلها مثل اي بنت ، مسكت راس الريف وسلمت عليه ونطقت : الله يحفظك يعيوني
...
| عند البندري |
كانت تتافف وهي حرانه وتهف ع نفسها ، طلعت عشان تجيب الكراتين من براء وهي شايله فستانها بيد وتتافف فتحت الباب وشافت الكراتين وسهت انها مي لابسه عبايها وطرحتها ، ترفع فستانها من الارض لايتوسخ ارتحت تاخذ الكرتون وضايقها شعرها الي نزل ع وجهها تاففت وهي ترفع شعرها اخذت الكرتون المويه الي كان ثقيل عليها شالته وهي مو قادره ، التفت وطاحت الكرتون ع الارض والماء الي فيه تناثر وانزلقت ب فستانها جاهله الي واقف ع يمينها يناظر بجواله ولا شافها صارخت والتفت راكان ، وطاح جواله من يده والبندري تمسكت بيده مسكها راكان بحركه غير اراديه من الموقف ناظرها راكان وكانه شاف ملاك قدامه ، البندري رفعت انظارها عليه وهي ماسكه يده بعدت عنه ورفعت فستانها تدخل وقفلت الباب تكت ع الباب وهي مو قادره تتنفس وتقول : يويليييييي يويليييييي لو ابوي درا والله ليذبحني بدال الذبيحه يوه يوه ي البندري
جت الريف وهي تشوف اختها واقف ع الباب ترجف ، جتها الريف بخوف ونطقت : البندري شفيك
البندري ناظرت الريف وهي الكلام م يطلع من فمها ، الريف جلستها ونطقت : خذي نفس شوي شوي وقولي لي
اخذت البندري نفس وبدت تتكلم
اما راكان كان واقف بمكانه مو مستوعب ولا شيء ، وش الي صار اصلاً كان بمأن الله يراسل ب الجوال ويمشي ناظر الارض والماء بكل مكان ، نزل ع ركبته يجمع الماء بالكرتون رفع جواله وكان مكسور ابتسم وهو يمسح التراب من جواله ونطق : فدا يرجال الملاك الي شفناه يسوى الجوال وابو الجوال ( يقصد نفسه ب ابو الجوال)
مشى وهو متوجه لخيمه الرجال راجع ، قابله عاصف ونطق : وين كنت يرجال كنت ادورك
راكان ناظر عاصف وتنحنح ونطق : كنت اكلم حق المعارض وسهيت واثرني مشيت مسافه طويله شوي
عاصف ناظر جوال راكان المكسور الي بيده ونطق : وش كسر جوالك
راكان ناظر جواله وابتسم عاصف استغرب من ابتسامته ونطق : يولد انت صاحي جوالك مكسور وتناظره وتبتسم
راكان ناظر عاصف ونطق : ها ؟
عاصف وهو يحك حواجبه ويناظر راكان ونطق : تراك ذا الايام منت مضبوط اركب معك السياره تنزل تكلم وتبتسم والحين جايني جوالك بيدك مكسور وتضحك بتنطق ولا اهفك بكف الحين
ضحك راكان ونطق : ي ابن الحلال مافي شيء جوالي طاح مني
عاصف ناظره ونطق : طاح منك ها
راكان اخذ نفس وهو وده يعلم عاصف بس عشانه وعد الريف انه م يقول انها كلمت البندري من جواله سكت نطق : حقت الجوال يوم نزلت صدق مافي شيء والله ، بس الحين تعال اعلمك
عاصف ناظره ونطق : انطق انطق
ناظر راكان عاصف واخذ نفس وبدا يعلمه
.....
~ تقديم للوقت~
في الزواج كانت زفه هدى كانو البنات واقفات ع جنب وام هدى تناظر ببنتها الي اقبلت عليها بدو كلهم يغطلون ، قربت الريف تعدل فستان هدى من وراء لين هدى مشت ووصلت عند امها وام فواز سلمت عليهم وبدو الحريم يرقصون لها ، قامو البنات مع هدى الي كانت زفتها برا بحكم الديره وكذا بدو البنات يغنون لها وشغلو الاغنيه وهم يرقصون معاها وانظار الحريم عليهم وع الريف الي اخذت المكرفون وترقص وتغني هي والبندري مع بعضهم واماني تشاركهم
كانو يغنون ويصارخون ويقولون:
دي حياتي معاها بقى فيه حياه لو افضل طول لحد معاها مش هشبع من حضن حبيبي ، استني ي شمس بقى استنى مش عايزه حبيبي يروح مني
صارخو البنات وهم يقولون :
استنى ي شمس كمان حبه محتاجه بحضنك حبه
بدو يرقصون والغنيه تغني وهدى فرحانه ترقص معاهم ، صارخو كلهم مع بعض وهدى معاهم :
وامانه عليك اه يليل طول !
وحياتنا لترجع من الاول
خلليك سهران حبه معاناا
الليه انا اجملل انساااااااانه