ياسماء امطـري واعصفي الريـف

Part 7

صلو ع نبينا محمد عليه افضل الصلاه والسلام ....

_____
رفع يده وتنهدت الريف براحه ونطقت : الاكل
عاصف وهو عيونه يفتحها بصعوبه ، قربت الريف وهي تمسك جبهته وكان عليه حراره نطقت بخوف : انت نارررر، عاصف تكفى خل نروح المستشفى
عاصف ابتسم ونطق : عالجيني انتي
الريف دموعها نزلت وهي تناظره اخذت كمادات وهي تحطها ع جبهته وهو بس يناظرها ويشوف خوفها عليه ، بدت تهتم فيه لين حرارته بدت تنخفظ نطقت : قوم اكل
جاء بيعدل جلسته وقامت هي تساعده وتحط المخده ورا ظهره ، جلست جنبه ومدت له الطبق ، ناظرها ونطق : وكليني
الريف رفعت حاجبها ونطقت: طعنت ببطنك مو ايدك ترا
ضحك بخفه ومد يده لها ونطق : اطعنيها اذا بغيتي
رجعت يده وهي تاخذ الملعقه ، وتبدا تشيل المكرونه فيها وقربته لفم عاصف فتح فمه وهو ياكل وبطقطقه كح وهو يقول : الله يديم النعمه
الريف بصدمه : وشو م عجبتك ؟
عاصف وهو مكشر حواجبه نطق : ذي مكرونه متاكده ؟ ولا بحر ؟ مالللحه
الريف وهي تاخذ لقمه من الطبق ، ناظرته ونطقت : والله انها ازين من وجهك
ضحك وناظرها واخذ الطبق منها ونطق : امزح معس حلوه
ابتسمت الريف وهي تمسك جبهته ونطقت : حرارتك باقي م نزلت
عاصف وهو ياكل نطق : عادي انتي تنزلينها لي
الريف ابتسمت ونطقت : وش شايفني انت
عاصف وهو ياكل رفع عيونه عليها ونطق : شايفك جرحي وعلاجي
الريف ضحكت والتفت ناظرها عاصف ونطق : ليش تضحكين
الريف ناظرته ونطقت : اذكر يوم قلت لك قفل باب غرفتك انتبه لاطعنك ، م توقعت اسويها
ناظرها ورفع حاجبه ونطق : اشوفك تضحكين عاجبك الوضع ؟
الريف وهي تاخذ الطبق منه وتضحك : شويه
مسكها عاصف مع يدها وسحبها عنده ، كان فوق صدره نطقت وهي خايفه ع جرحه : فكني جرحك بينفك الحين
عاصف وهو يناظر عيونها نطق : خليك شوي
ناظرته الريف وعاصف ماسكها غمض عيونه وراح بسابع نومه ، كانت قريبه منه وتتامل وجهه مسكت جبهته بيدها وكانت حرارته منخفظه تنهدت براحه وحط راسها ع صدره وراحت بسابع نومه بدون م تحس
.....
| في ديره الريف |
كانت البندري جالسه في الحوش وبس تفكر تبي تروح هناك ب اي طريقه ، وجت فكره في بالها ودخلت للبيت ع طول شافت امها تقطع الخضار تنحنحت وجلست جنبها وابتسمت : يمه
نجمه التفت ع البندري : هلا
البندري اخذت نفس ونطقت : انا بروح عند هدى اليوم ويمكن انام عندها
شهقت نجمه ونطقت بحده : وراس ؟ م عندس بيت تنامين فيه
البندري تنهدت ونطق : لا يمه مو ذا قصدي بس هي تجهز ل زواجها وتبيني اساعدها تعرفين م عندها خوات وتحسبنا خواتها ولا ؟ يلا يمه تكفيننننن
ناظرتها نجمه وسكتت شوي بعدين نطقت : خلاص تمام بس انتبهي لنفسك
ابتسمت البندري وهي تسلم ع راس امها ونطقت : ابشري لاتشيلين همي
دخلت البندري تاخذ عبايتها وشافت ليث الي يلعب ب سياراته سلمت عليه ونطقت : اسمعني بروح عند هدى انا وبنام عندها انتبه لنفسك اتفقنا ولاتزعج امي
ناظرها ليث ببراءه ونطق : طيب
ابتسمت البندري وقامت من عنده اخذت عبايتها ولبستها ، وطلعت متوجهه لهدى دقت الباب وفتحت لها ام هدى
ام هدى ببتسامه : بنتي البندري حياس الله
ابتسمت البندري : الله يبقيك ي خاله ، شكلك رايحه ؟
ام هدى وهي لابسه عبايتها نطقت : اي بالله رايحه عند خواتي ، حياك ادخلي هدى في غرفتها
ابتسمت البندري ودخلت وطلعت ام هدى متوجهه ل خواتها ، البندري دخلت ع هدى الي كانت تحط حلق التفت ع البندري الي دخلت وابتسمت ونطقت : البندرييي شرايك ب الحلق
البندري ناظرتها ونطقت : يجنن
سحبتها البندري وجلستها : اتركيك من الحلق الحين
تناظرتها هدى ونطقت : وش فيس
البندري ناظرتها وتنحنحت وبدت تعلمها بالخطط الي ببالها ، شهقت هدى ونطقت : منجدككك ؟؟؟؟
البندري : اي منجدي الحين بتساعديني ولا لا
ناظرتها هدى شوي وقامت وهي تلبس عبايتها ونطقت : م عندي حل ثاني م قدر اتركك
ابتسمت البندري ووقفت ، طلعت هي وهدى كانهم حراميه متوجهيننن لبيت فواز وقفو قدام بيته
هدى نطقت : كيف نسرقها الحين
البندري نطقت : مو زوجك م عطاك مفتاح للبيت ؟
هدى : تستهبلين باقي ماصار عرسنا
البندري ناظرتها ونطقت : حتى لو تملك عليك
هدى تاففت ونطقت : الحين بنقعد نتكلم ع مفتاح البيتتتت اخلصي وش نسوي
البندري سحبتها واخذت خشب صغيره من الارض ، قربو من سياره فواز وحاولت البندي تفك الباب ب الخشبه
هدى نطقت : تستهبلين خشب بيفتح السياره
التفت عليها البندري : عندك حل ثاني اخت هدى ؟
هدى ناظرتها ونطقت : انتظريني هينا بجيك
راحت هدى من عند البندري ، ومن الباب الخلفي دخلت كانها حرامي وهي حافظه اماكن البيت اصلاً دخلت غرفه فواز وهو في سابع نومه ابتسمت وهي تناظره وبينها وبين نفسها " مو وقتك هدى " ، بهدووء اخذت مفتاح سيارته وطلعت وهو تتنفس بصعوبه مهي مصدقه انها سرقه مفتاح سياره فواز راحت تركض ل البندري وهي ترفع لها المفتاح وبحماس زايد رفعت صوتها : لقيته لقيته
مسكتها البندري وهي تمسك فم هدى بيدها ونطقت : انطميييييييي الحين احد يسمعنا
هدى بهدوء : تحمست شوي ، المهم من بيسوق ؟
البندري وهي تفتح باب السياره : اركبي انا بسوق
راحت هدى لطرف الثاني وركبت ، ناظرت البندري ونطقت : تعرفين
البندري وهي متوتره : مو مره ، اعرف شوي
هدى اخذت نفس ونطقت : يرب اني اذكر الشهاده
البندري التفت عليها ونطقت : اووووصصص لاتوتريني ، بس المشكله م نعرف المكان
هدى طلعت جولها ونطقت : معليك قوقل يعلمك
البندري : وشلون
هدى شغلت جوالها وحطت الوجهه ونطقت : بيقولك وين تتوجهين لين م نوصل عند الريف
شغلت البندري السياره ، وهي تمشي ع نمل التفت عليها هدى ونطقت : ع سرعتك ذي بيجي السنه الجايه وحنا م وصلنا
ضحكت البندري ونطقت : اخاف اسرع واجيب العيد
هدى : اخذي نفس وامشي بعدين والله ساعتين الطريق طويل ويخوف وش رايك نرجع ؟
البندري ب اصرار : مستحيللللللللللللللللللل انسي ماني راجعه لين اشوف الريف
هدى تنهدت : اجل تعوذي من ابليس وسوقي زين
....
| عند الريف |
صحت وهي تناظر نفسها انها بحضن عاصف ، قامت بسرعه وناظرته شافته صاحي ويناظرها حطت شعرها ورا اذنها ونطقت : ترا غفيت ب الغلط
عاصف وهو يرجع يده ورا راسه ونطق : نمتي نومه عميقه مو غفوه عجبك المكان شكل
الريف بنرفزه صكت جرحه ، مسك ونطق : اههه بنت
الريف : تستاهل
ضحك عاصف ونطق : اول تبكين وقامت القيامه الحين استاهل
ناظرته الريف بطرف عينها ونطقت بتكابر : بكيت شفقه
مو خوفاً عليك
عاصف ناظرها ونطق : اجل قومي من جنبي ي ام شفقه
قامت الريف ، وقام عاصف وهو ماسك جرحه الريف وهي تناظره ناوي يلبس ثوبه نطقت : ع وين
التفت عليها ونطق : ل جهنم الحمراء تروحين معي ؟
الريف بلعت ريقها ونطقت : لا احترق فيها لحالك
عاصف ابتسم ابتسامه جانبيه ونطق : هذا المطلوب ي بنت ملهم اني احترق لحالي فيها
الريف وهي ماتدري ليه هو يسوي كذا وليش عنده انفصام شخصيه ونطقت : صدقت ذا المطلوب كل واحد يحترق بناره يولد برق
ابتسم وهو يشوفها تقلده لبس ثوبه قدامها ، واخذ شماغه رماه ع كتفه وفك الباب وطلع ناظرت ظهره وهو طالع وقفل الباب اخذت نفس وجلس وهي متنكده هي في اي حفره طاحت ؟ تحس انها بحفره عميقه وصعب تطلع منها
تنهدت ونطقت : يرب اذا كان ذا اختبار منك انه يخلص بسرعه انا تعبت
....
| عند البندري & هدى |
تقريباً وصلو وكانت البندري ترجف مع سواقتها الخايسه ، تخاف يطلع لها جمل من مكان ولا شيء وتروح شربه هي وهدى وهي تسوق مرت سياره بسرعه من جنبها ومن خوفها لفت بقوه وضربت سيارتها بسيارته ، هدى وهي تصارخ كان منظر مرعببب ضربت البندري براسها ع الدركسون وضغطت ع الفرامل بقووووه
وقفو ورفعت البندري راسها بالم التفت ع هدى ونطقت : انتي بخيرررر ؟
هدى وهي تاخذ نفس نطقت : بخير انتي الي راسك يصب دم
البندري وهي تمسح راسها وتمسكه ، شافت الي نزل من السياره وخافت ونطقت : هدى نزل
هدى ارتعبت والتفت وهي تشوف الرجال الي يمشي نحو سيارتهم ، قوه البندري قلبها ونزلت وهي تشوف سياره فواز مره معدومه
صوت رجال الي نطق بهيبه : وش تسوون بذا الليل بغيتو تموتون
التفت البندري ونطقت : اسفه انا غلطت عليك بس ماله داعي نجم تكفى
الرجال ناظرها ونطقها : في الحديد ولا فينا ي اختي بس وش تسوون بذا الخطوط ؟
هدى برعب نطقت : كنا بنروح ديره البرق نبي نشوف اختنا خايفين عليها
راكان وهو يناظرهم ونطق : من ديره الريف انتم ؟
هزت البندري راسها ونطقت : انا بنت الشيخ ملهم
راكان والي عرف انهم يبون يشوفون زوجه عاصف وشايفهم بذا الليل ولحالهم نطق : عطيني مفتاح السياره
انخرشت البندري ونطقت في رجفه في صوتها : ليش
راكان وهي حس فيها انها خافت ونطق بصوت خلاها ترتاح : بحطها ع جنب واركبو معي اوصلكم ع دربي
البندري بلعت ريقها ومدت له المفتاح ، ناظر راكان السياره وحس انها مهي غريبه عليه السياره ذي واللوحه ذي قد شافها ركب السياره وحطها ع جنب الطريق ورجع لسيارته ونطق : اركبو وراء
هدى بلعت ريقها وبصوت كله رعب همست : شلون نوثق فيه البندريييييي
البندري نطقت : عندك حل ثاني ؟
هزت هدى راسها ب لا وهي ماسكها يد يد البندري ، اخذت البندري نفس ونطقت : اجل اركبي
راكان كان واقف متكي ع الباب يناظرهم اخذ محفظته وطلع هويته مدها لهم ونطق : تقدرون تاخذون هويتي لين اوصلكم
ناظرت البندري هدى واخذ هويته من يده عشان لاسمح الله اي شيء يصير تقدر تشتكي وتعطيهم هويته ، ركب راكان ومسكت البندري هدى وركبو وراء شغل راكان السياره وحرك متوجهه لديرة البرق وطول الطريق البندري وهدى ماسكين يد بعض ، وقف راكان عن محطه بنزين يعبي نزل القزاز ونطق : فل ي محمد
قربت هدى من البندري وهمست : تصدقين انه مملوح
ضربتها البندري ع بطنها ونطقت : انطمي ذا وانتي متزوجه
هدى وهي ماسكه بطنها نطقت : شدخل ذا اصلاً م يسوى ظفر فوازي بس انا اقولك يعني
البندري ناظرت راكان ونطقت : طيب اسكتي الحين يقول وش يهمسون به المجنن
راكان والي فك باب سيارته نطق : تبون اجيب لكم شيء من البقاله ؟
هدى والي كانت عطشانه نطقت : مويه اذا معليك امر
هز راكان راسه وشاف ان البندري م تكلمت ونطق : تبين شيء انتي ؟
البندري : لا
قفل راكان باب السياره وتوجه لسوبر ماركت دخل اخذ له ثلاث مويات واغراض هو يبيها ، ودفع الفلوس وطلع شاف ان البنزين تعبى خلاص دفع فلوسه وركب ب السياره اخذ له مويه حطها ع جنب ومد كيس فيه مويتين لوراء وهو غاض البصر ، اخذت هدى الكيس من يده وطلعت لها مويه ومدت ماء ع البندري
شغل السياره راكان وحرك طلع جواله وهو يسوق ويناظر الجوال ارسل رساله ع عاصف وعلمه بالي حصل وطفى جواله لين وصل ديره البرق
كانت البندري تناظر الديره من الشباك وكيف انها هدووء وظلام
البندري وهي تسال راكان : وصلنا ؟
راكان : اي
البندري تنحنت ونطقت : طيب تعرف فين مكان اختي ؟
راكان والي حاط يده ع الدركسون نطق : زوجه اخوي اختك
ناظرت البندري هدى بفرح ونطقت : طيب خذنا لها
هز راكان راسه لين وصل بيت الشيخ مصلح ، شاف عاصف الي واقف ع الباب وبيده سبحته نزلت البندري وهدى وهم ماسكين يدين بعض
ناظرهم عاصف وكانو نفسهم الي جو يسالون عن الريف
| عند الريف |
كانت من الشباك تناظر عاصف لين وقفت سياره راكان ، ونزلو بنات بدت تركز ونطقت بفرح : البندريييي هدى
ركضت تلبس طرحتها وعبايتها وفتحت الباب وهي تركض : البندري
التفت البندري وبدموع بعينها ركضت لاختها وحضنتها ، كانت البندري شاده ع حضن اختها وتبكي وتشهق : اشتقتتت لككك البيت ولاشيء بدونك ريفي
كان عاصف واقف يناظر وجنبه راكان ، وهدى قربت من الريف وحضنتها بعد البندري : ياكلبه حتى قطاوه الديره اشتاقت لك
حضنت الريف البندري وهدى وهي تقاوم دموعها م تبي دموعها تنزل قدام عاصف نطقت وهي صوته فيها بحه : وحشتوووووووونييييييييي
البندري وهي تبكي وتعلم الريف : لو تشوفين حالنا من بعدك لو تشوفين ابوي من بعدك لو تشوفين ليثث الي م يعلم احد ب اي شيء يصير له لو تشوفين امي الي م تنام ي الريفف
الريف اخذت نفس وابتسمت ونطقت : قريب قريب ارجع
ناظرت عاصف الي تلاقت عيونهم ببعض ، ناظر راكان ثوب عاصف الي بدا يطلع دم من بطنه ونطق : يولد انت تنزف
التفتو كلهم ع عاصف وفعلاً فيه بقه دم ع ثوبه ، نطق عاصف : بسيطه يخوك
راكان والي انشغل باله : ويننن بسيطه ؟ ساطي ؟ الي سوا فيك كذا تضاربتو مره ثانيه ي عاصف
عاصف التفت ع راكان ونطق : لاتشيل هم يولد قلت بسيطه ومهو ساطي يخسي انا كنت اللعب بسكيني وطاحت علي
ناظرت الريف وفعلاً ينزف بقوه ، فك راكان باب سيارته : اركب اركب باخذك للمستشفى
عاصف قفل باب سياره راكان ونطق : قلت لك بخير
راح عاصف ع رجله ولحقه راكان ، ناظرت البندري الريف ونطقت : ذا وش فيه
الريف بدم بارد نطقت : طعنته
شهقو البندري وهدى ، التفت الريف عليهم : ادخلو ادخلو
البندري والي كانت مستغربه من استغراب هدى فكت الريف الباب ودخلو البنات فكت الريف الطرحه عن وجهها وطلعت عبايتها وهي تعلقها والبندري وهدى بس يناظرون فيها جت وجلست جنبهم
البندري نطقت : الريف منجدك ؟
الريف اخذت نفس ونطقت وهي م تبي تعلمهم بالسالفه الحقيقيه : تهاوشنا وبيدي سكين وبالغلط طعنته
البندري نطقت : منتي مرتاحه هينا صح ؟
الريف ابتسمت ونطقت : لا مرتاحه لاتشيلين هم انتم الي كيف جيتو وليش نزلتو من سياره راكان
والبندري الي ذكرت هويه راكان ونطقت : يوووه هويته للحين معي
الريف ب استغراب : اي هويه ؟
البندري والي عدلت جلستها وبدت هي وهدى يسردون القصه ل الريف من البدايه لين النهايه
شهقت الريف ونطقت : صاحيه انتي الحمدلله م صار فيكم شيء وان راكان الي طلع قدامكم
هدى وهي تشرب ماء نطقت : وهو عشان نوثق فيه مد ل لبندري هويته
الريف ناظرت البندري ونطقت : انا كلمتك وقلت اني بخير ليش ذا كله ؟
اخذت البندري نفس ونطقت : وين بخير ي الريف ؟ انتي تقولين عشان تطمنيني وجوالك معاد فيه ارسال
بلعت الريف ريقها ونطقت : انكسر
ناظرو البندري وهدى بعضهم ونطقو : هو كسره ؟
الريف هزت راسها ب اي ، البندري وهي قلقت ع اختها : م يسوي فيك شيء ؟ يضربك ؟
الريف : لا م يضرب يخسي بس نتهاوش المهم معلينا علموني سوالفكم
بدو البنات يسولفون ويضحكون مع بعضهم ويزلون الشوق
البندري : اي صدق جاء عندنا زوجك في الديره اضن امس المهم كان يتهاوش مع صافي
الريف والي عدلت جلستها نطقت : ليش ؟
هدى : مدري انا شفته يتهاوش مع صافي وعلمت البندري كان يضربه ع كبوت السياره بعدين رماه ب الصندوق سيارته ومشى
ضحكت الريف ونطقت : وصافي بصندوقه ؟
البندري بضحكه : ايييي الله اعلم وش سواء فيه وليش تهاوش معاه وجاء الديره عشانه
الريف وهي تعرف السبب ابتسمت ونطقت : امي وابوي م يدرون عنك؟
هزت البندري راسها ب لا ونطقت : ركبت وجيت بدون تفكير
اخذت الريف نفس وابتسمت وجت جلست بين هدى والبندري ونطقت : عادي اليوم ننام هينا ونسهر مع بعض
هزت البندري راسها وحضنت الريف وضلو يسولفون لين غفو الثلاثه
....
| عند عاصف |
كان جرحه ينزف وهو صامدد وراكان يناظره ، دخل العزبه شاف انها فاضيه مافيها احد نطق : جيب العزبه نبي نطبخ
راكان والي يناظره نطق : ي خي انت وش انت جرحك ينزف مشانا المستشفى يشوفونه يمكن يبي خياطه
عاصف والي م كانه يسمع راكان نطق : عطني الحطب
راكان اخذ نفس باستفزاز ومد الحطب ع عاصف ، الي جلس وبدا يولع ب الحطب جلس جنبه راكان ونطق : يولد يمكن يبي لجرحك خياطه
ابتسم عاصف ابتسامه جانبيه ونطق : زوجتي خيطته
راكان : ترا جرح مو قطعه قماش !
ناظره عاصف ونطق : تكفى راكان لاتبدا الي فيني مكفيني
جاء بيقوم ومسك جرحه بالم
مسكه راكان ونطق : شايف قايل لك يمكن الخياطه انفكت وانت تمشي
عاصف بعد راكان وابتسم ونطق : بخيرررر مافيني شيء كمل الكبسه بروح الحمام " وانتم بكرامه " واجيك
راح عاصف من عند راكان ودخل الحمام وقف قدام المرايه وهو يشوف ثوبه بقعت الدم كل مالها وتكثر طلع ثوبه بالم ورفع عن جرحه يناظره ب المرايه ، طلع الصقه وبدا ينظفه وهو متالم ويمسحه عقمه ولف عليه ، دخل للغرفه الي بالعزبه وكانت له فتح دولابه يبدل ملابسه الي كلها دم حصل بدله فضل انه يلبسها لبس بدله سوداء الوون وفيها كلام بالانجليزي وسروال ابيض قفل الدولاب وطلع ل راكان الي كان جالس يقطع البصل
عاصف بصوته الهيبه : ع القوووه
التفت راكان ونطق : يقويك
جلس عاصف ونطق راكان : كيف جرحك
عاصف والي بدا يطلع القدر نطق : بخير لفيت عليه
راكان اخذ نفس ونطق : طيب بنات ملهم كلهم متواجدات هينا وش نسوي
عاصف والي يقطع وياكل نطق : ملهم يجي ياخذ بنته اما الثانيه زوجتي محد له حق عليها
راكان تنحنح وابتسم والتفت ع عاصف ونطق : وقعت بحبها ؟
التفت عاصف بملامح عصبيه ونطق : وقعت بكفوك فيك
ضحك راكان ونطق : خلاص سكتنا كمل كبستك
بدا عاصف يسوي الكبسه وهو يفكر بكلام راكان الي يتردد بعقله كل شوي ، خلص الكبسه واكلو انسدوح في العزبه وهم يناظرون السماء لين راكان غفى ودعسها نومه التفت عاصف ع راكان النايم وتنهد قعد شويات وقام وطلع من العزبه اخذ نفس وهو يمشي والساعه 4 الفجر لين وصل عند بيت عمه شاف ظل بنت واقفه ب الحوش دخل الهوش وهو يشوف الطرحه ع كتفها وشعرها بالهواء يطير بلع ريقه وهو يناظرها وتكى ع جدار البيت وهو يناظرها من بعيدد ويتامل شعرها من وراء بلع ريقه وقرب منها بخطوات بطيئه لين قرب منها وبدا شعرها يجي ع وجهه من الهواء ويستنشق ريحت شعرها فزت بخوف وهي تدفه نطقت : غبي انت قطعت قلبي
ناظرها عاصف وعيونها شاهبه ونطق : وش تسووين ب الحوش بذا الوقت
الريف ناظرته ونطقت : جاي عشان تحاسب ؟
عاصف هز راسه ب اي ونطق بحده : بالضبط جاي عشان احاسبك واطلع كل الي فيني فيك
ناظرته الريف وهي شاده ع اسنانه نطقت : فرغ الي فيك بعيد عني ولاتدخلني جهنمك مالي مكان فيها تسمع
ناظرها وضحك وهي يقرب منها اكثر وهي تبعد وهو يقرب وهي تبعد اكثر لين ضرب ظهرها ع الجدار وكان عاصف حاشرها وانفاسها مختلطه مع انفاسه الريف قلبها يدق وتدفه بيدينها : بعد عني
عاصف وهو يقرب اكثر منها باستفزاز نطق : وشو ي بنت ملهم م تبين تقتنعين انك دخلتي ناري من زمان ولا لك مخرج منها والسبب كان ابوك
الريف ناظرته وعيونها تلمع ب الدموع نطقت : انا للحين في ناري ي ولد برق ولا اختلطت ناري مع نارك ولابتختلط
عاصف ضحك وقرب اكثر ونطق : اي صح
الريف وهي تشوفه يقرب اكثر ضربته كف لف عاصف وجهه ومسك مكان كفها بيده وناظرها ونطق : ذا الي عندك ي بنت ملهم ؟
رفعت الريف يدها مره ثانيه تبي تضربه ومسكها عاصف بقوه ونطق بحده : لاتتعدين حدودك
فكت يدها من يده ودفته وهي تمشي يم الملحق دخلت وقفلت الباب وهي تتكي عليها ودموعها تنزل ع خدها لا ارادي قامت وهي تلم نفسها اخذت نفس وهي تمسح دموعها قربت من هدى والبندري نايمين ب الصاله اخذت لحاف ولحفتهم وجلست ع جنب تناظرهم
اما عاصف ناظرها وهي تددخل وتكى ع الجدار وهو يحك راسه م يدري ليش يعذبها ذا العذاب كله م يدري وش سبب ذاا كله اخذ نفس وهو يشوف اماني الي راجعه من عند خوالها وامها مو موجوده معاها ، تنحنح عاصف
وقربت اماني منه : عاصف وش تسووي ذا الوقت هينا ؟
عاصف : ابد بروح المسجد
اماني : الريف نايمه ؟
عاصف هز راسه ب لا : خواتها عندها جو من ديرتهم
شهقت اماني ونطقت : امانه
م رد عاصف عليها وهو يطلع من حوش عمه واذن الفجر ع طلوعه شاف واحد من شباب الديره ونادها جاءه يركض الولد ونطق :امرني ي عاصف
عاصف تنحنح ونطق : بعد الصلاه انقز ل ديره الريف وقول ل الشيخ ملهم بناتك كلهم عندنا اذا تبيهم تعال خذهم
هز الولد راسه ونطق : ابشر
هز عاصف راسه ودخل الولد المسجد ودخل عاصف من بعده صلى ورجع للعزبه شاف ان راكان راحت عليه نومه ولا صلى عاصف وهو يقومه برجله : راكان راكاننن
قام راكان وهو يحك عينه : هممم
عاصف : قم الفجر اذن وخلص وانت م صليت
فز راكان ونطق : ليش م قومتني
عاصف جلس ونطق : نسيتك
قام راكان وهو ياخذ مفتاح سيارته من الفرشه ودخل للحمام " وانتم بكرامه " بيوضي ويصلي اما عاصف كان يشرب شاهي وجاء ممدوح ووجهه مفقع نوم : سلام عليكم
رفع عاصف انظاره ع ممدوح : عليكم السلام صح النوم
ممدوح والي يتثاوب : صح بدنك
عاصف : اجلس اجلس
ممدوح رفع ثوبه وجلس جنب عاصف ونطق : شفيك وجهك شاهب
عاصف وهو يشفط ب الشاهي : م نمت المهم قم فك عن الغنم تروح ترعى
ممدوح والي ذكر الغنم فز ونطق : اي والله انك صادق
راح هو يفك شبك الغنم الي بدو يطلعون عشان ياكلون ورجع ممدوح ل عاصف
.....
ننهي البارت هينا