ياسماء امطـري واعصفي الريـف

Part|12

صلو ع نبينا محمد عليه افضل الصلاه والسلام ...

____
قام عاصف لما شاف سياره راكان جايه ، ونطق : راكان جاء
التفت الريف ع سياره راكان واستغربت من عاصف : انت كنت تعرف انه بيجي ؟
عاصف والي يشيل العزبه نطق : اركبي معه وروحي للبيت
الريف : وانت ؟
عاصف ناظرها ونطق : مالك دخل فيني اركبي مع راكان ورحي للبيت
الريف ناظرته ونطقت : طيب
راحت بعصبيه وفتحت باب سياره راكان ، وركبت معه راكان ناظر عاصف هز عاصف راسه انه يركب وياخذها فتح راكان باب السياره وركب شغل سيارته وحرك وهم بالطريق الريف ناظرت ب راكان ونطقت : راكان
راكان وهو مركز بالطريق : امريني ي زوجه اخوي
الريف : زوجه اخوك !
راكان ابتسم ونطق : اي زوجه عاصف يعني
الريف تاففت ونطقت : مو مهم ، عادي اطلبك طلب
راكان : امريني
الريف تنحنحت ونطقت : عادي تعطيني جوالك بس ادق ع اختي تكفى بس بتطمن عليهم طلبتك
راكان اخذ نفس ونطق : بس ي خي
الريف اصرت ونطقت : ي خي تكفى م يجيك الهفه ع اهلك وتبي تتطمن عليهم؟ م تحس بشوق لهم وتبي تعرف حالهم راكان تكفى طلبتك اعرفك انت طيب واضح
مد راكان يده ع جواله ومده ع الريف وراء ونطق : استعجلي قبل نوصل
ابتسمت الريف واخذت الجوال من يده ، وكتبت رقم البندري ودقت عليها حطت الجوال ع اذنها تنتظر الرد وجاءها صوت البندري : الووو من معي
الريف ببتسامه نطقت : البندري
البندري ابتسمت من سمعت صوت الريف ، ونطقت : ريفي كيفك
الريف : انا بخير يعيوني انتي كيفك امي كيفها ابوي ليث كلكم
البندري : كلنا بخير يعيوني بس ناقصنا انتي
الريف اخذت نفس ونطقت : باذن الله اجيكم
البندري تنهدت ونطقت : بتجين بزواج هدى ؟ لاتقولين لا
الريف والي احتارت ولا تدري هي تجي ؟ ولا لا ونطقت : بجي بجي يعيوني اكيد بجي
ابتسمت البندري ونطقت : خفت انك م تجيين
ابتسمت الريف وهي تشوف انهم اقبلو ع بيت الشيخ مصلح ونطقت : يلا بقفل انا الحين يعيوني
البندري : الله معك
قفلت الريف ومدت الجوال ع راكان ونطقت : مره شكراً ي راكان
راكان اخذ الجوال منها وابتسم ونطق : العفو م سوينا شيء
الريف ابتسمت وفتحت باب السياره ونزلت ، دخلت البيت ومشى راكان راجع ل عاصف

~ تقديم الوقت الساعه 3 الفجر ~
توه عاصف يرجع انشغل بسيارته الي انخربت ورجع ذا الوقت المتاخر ، دخل الحوش وهو يحس بارهاق طلعت له ام اماني ونطقت : توك تقبل علينا
التفت لها عاصف ونطق : من حاك جلدك ي عجوز قريح
ام اماني عصبت ونطقت : انا عجوز قريح يولد جميلوه !
عاصف والي ماله خلقها نطق : ترا مالي خلق ابد
فتح باب الملحق ودخل ، اول م دخل بوجهه كانت الريف
الريف نطقت بقلق وضح عليها : فين كنت كل ذا الوقت
عاصف رمى سبحته ب اهمال ع الطاوله ، ومفتاح السياره ورجع ناظرها وهو رافع حاجبه ب استغراب نطق : تبين تبرير ؟
الريف تنرفزت من بروده وهي طول الوقت خايفه عليه ولانامت وتنتظره نطقت : اي ابي تبريرك
عاصف بانت طيف ابتسامه ع شفايفه ونطق : من تكونين ؟ زوجتي ؟ وين دورك ك زوجه يوم تطلبين الحمام من الغريب
عضت الريف شفايفها بقهر ونطقت : الحين ذا موضوعنا ؟
عاصف الي رمى شماغه بعصبيه ونطق : وشهوووو موضوعنا ها
الريف ناظرته ونطقت بنفس عصبيته : وشهو موضوعنا؟؟؟؟ انا انتظرك وخايفه عليككك واراقب الطريق لين جيت
عاصف بعصبيه نطق : احد قالك راقبي ؟؟؟ مو لازم تسوين دور المثاليه
الريف ناظرته ب استغراب ونطقت : الحين الذنب صار علي ؟
عاصف قرب منها اكثر ونطق : وش المطلوب الحين من ذا الهرج ها ؟ وش زبده الموضوع
الريف ناظرته وهي تكتف يدينها نطقت : زبده الموضوع انت عدل معالمتك معي ماني شغاله هينا عشان ترفع صوتك علي
هز عاصف راسه وبحركه سريعه منه مسكها مع خصرها ، ورفع بيده دقنها بدا قلب الريف يدق من قربه منها ، غمضت عيونها وهي مخنوقه من قربه بدت ترجع ع وراء وهو كل ماله ويتقدم لين ضرب ظهر الريف بالجدار ارخى عاصف نفسه عليها وهو يسمع دقات قلبها وانفاسها الي تتسارع ناظرها وفكها ، اخذ شماغه من الكنب وفكت الريف عيونها وهي تاخذ نفس فك عاصف باب الغرفه ودخل والريف مسكت قلبها وهي تشوفه يتلعب فيها نطقت بغضب : كلب
بعصبيه فكت باب غرفته تبي تطلع حرتها فيه شافت منسدح ع السرير وحاط يده تحت راسه ، الريف ناظرته وهو بارد واخذ مخده من جنبه وقامت تضربه وعاصف يصد الضربه بيده
الريف بانفعال زايد وهي تضرب : خذ ياكلللبببب ي حقيررررررررررررررررررررررررر
عاصف وهو يمسك المخده : هيييي
الريف وهي تضرب : م تكفيك ذي الضربه " رفعت المخده وصكته مره ثانيه " ولااا ذي الشررهه مو عليك ع الي ينتظررررك ي كلبب " جت تبي ترفع المخده تضربه مره ثانيه بس عاصف مسك المخده وسحبها ع حضنه "
ونطق وهو ماسكها : انتي وش ناويه عليه وش بقي م صكتيني فيه باقي بس السلاح
الريف وهي تناظره عطته بوكس في بطنه مسك بطنه بالم ونطق : قريب بنص جبهتك
عاصف ضحك وهو ماسك بطنه نطق : بس لاتبكين وتقولين بالغلط
الريف ابتسمت بسخريه : لو فيه سلاح جنبي الحين كان علمتك
ضحك عاصف وفك درجه وطلع منه مسدس ومده لها ونطق : تعرفين له اصلاً
جلس قدامها وفك يدينه ونطق : اطلقي
الريف ابتسمت وهي تشوفه يستهزاء فيها ، فكت زر الامان من المسدس وعشقته ناظر عاصف بصدمه انها تعرف ، رفعت السلاح عليه واطلقت النار وشطفت الرصاص عاصف وكانت حركه معتمده منها
انصدم وهو يناظرها ونطقت الريف : كانت قريبه منك حسافه
دق باب الملحق وناظرها عاصف ونطق : ماكان له داعي ترمين صحينا الناس بصوت السلاح
قام عاصف وفك الباب وكان عمه الواقف وجنبه اماني
نطق الشيخ مصلح بقلق : وش صوت السلاح ذا يولدي
عاصف وهو يحك راسه نطق : ولاشيء بس كنت اطلع الرصاص من المسدس واطلق بالهواء
اماني : يعني انتم بخير
عاصف : اي اي بخير لاتشيلون همنا
تنهد الشيخ مصلح : الله يهديك يولدي
طلع الشيخ مصلح واماني معاه ، قفل عاصف الباب ورجع ل الريف ناظر ب الجدار الي دخلت فيه الرصاص ونطق وهو يصفق : كان ناقص ذا بس وكملتيه
الريف وهي تناظر اظافيرها بدلع نطقت : ماحب اخلي شغلي ناقص
ابتسم عاصف وهو معجب بشخصيتها مررره يحسها نادره نطق : من وين تعلمتي اطلاق النار
رفعت الريف انظارها عليه ونطقت : مالك شغل
قامت من ع السرير رايح ل الصاله مسكت بطنها وناظرها عاصف وقرب منها ونطق : كبدك ؟
الريف ناظرته ونطقت : لا بخير انا
بعدت عنه ونطق عاصف : وين رايحه
الريف : بنام
عاصف ناظرها وحك دقنه ونطق : نامي ع السرير
التفت الريف له ، وقبل تتكلم نطق عاصف : وانا بنام ع الارض
الريف : لامشكور بنام ع الكنب
عاصف وقفها ونطق : بطلي العناد الي براسك وسوي الي قلت لك عليه
ناظرته الريف وهزت براسها ، وفعلاً انسدحت ع السرير وعاصف فرش له بالارض وطفئ النور كان الوضع هادئ