ياسماء امطـري واعصفي الريـف

Part:25

صلى ع النبي عليه افضل الصلاه والسلام

_______
جلسو البنات وبدو يسولفون صح الريف كانت تفكر ب عاصف كثير ويمر ع تفكيرها وتسهى في التفيكر وكانت تسولف مع البنات ، طبعاً مشو البنات ونامو اهلها وجلست بالحوش والساعه 2 الفجر ، حطت لوحه رسم قدامها والوانها بدت ترسم بتشتت بس تبي تفرق الي بداخلها بشيء تمنت لو السلاح بيدها وقدامها علب قزاز وترمي بالسلاح تطلع حراتها لكن الوقت متاخر ولاتقدر بتصحي الديره كلهم
....
~ بعد مرور شهر وعاصف للحين بالسجن ~
كان عاصف جالس في وقت متاخر من الليل ،كان متكي والكل نايم قرب منه الشايب ومد له فنجال شاهي ونطق : سم
ناظره عاصف واخذ من الشاهي ونطق : سم الله عدوك ياعم
جلس الشايب جنب عاصف وابتسم ونطق : تهوجس
عاصف وهو ياخذ رشفه من الشاهي وبعدها نطق : هواجيسي ماتخلص ياعمي
ابتسم الشايب ونطق : انت ابو من ؟
ناظره عاصف وابتسم : ابو برق
الشايب والي تعرف ع عاصف خلال الفتره ذي وعاصف كان يدافع عنه من المساجين كان يعرف ان ابو عاصف متوفي ونطق : الله يرحمه
عاصف اخذ نفس ونطق : اللهم امين ، وانت ابو من
ابتسم الشايب ونطق : ابو لولؤه بنتي الوحيده
عاصف نطق : الي كانت تزورك هي بنتك
الشايب هز راسه ب اي ، عاصف نطق : حسبتها زوجتك الله يحفظ بنتك لك
ابو لولؤه : اللهم امين ، لكن دامني بالسجن قلبي مو مرتاح
عاصف بالستغراب : وراك ياعم
ابو لولؤه اخذ نفس ونطق : انا منسجن ظلم يولدي ، وبنتي بين عمانها ماوثق بهم
عاصف طبطب ع الشايب ونطق : فرج ع همك ياعم يفرج لك
ابو لولؤه ابتسم : ان شاءالله يولدي ، ماتقولي وش قضيتك من لما عرفتك ماحبيت اضغط عليك لكن رجال مثلك شهم محترم وش مدخله السجن
عاصف اخذ نفس ونطق : قصه طويله ياعم ، قد سمعت بقلوب المحبين ؟
ابتسم ابولولؤه : اي بالله سمعت وجربت
عاصف : وانا اجهد بدرب المحبه ، اطريت ادخل السجن
طبطب ابو لولؤه ع كتف عاصف ونطق : ودك تحكي ؟
بدا عاصف يعلمه وكل مابقلبه ل الريف قاله : احس طول ما انا بالسجن مشتاق لها ، ودي اشوفها وكانها دواء لي لكن عزه النفس ي عم ترد اشياء واجد
....
~ مرت الايام وانتهى الشهريين ~
طلع عاصف من السجن لكن وقتها مارجع ل الديره وقال للمحامي مايقول لاي شخص انه طلع والمحامي لبى طلبه كان فيه شغله بيسويها عاصف ويرجع لهم بعد اسبوع ...
| عند البندري |
كان راكان جالس عندهم بالمجلس عازمهم ملهم ، وكانو يتناقشون عن موضوع عاصف ومتى بيطلع والحمدلله علاقه ملهم ومصلح خل نقول بدت تزين ، دخل ضيدان ابوصافي عليهم ونطق ملهم : اقلط اقلط ياخوي
جلس ضيدان وناظر ب مصلح ونطق : علاقتكم زانت ؟
مصلح : تقدر تقول
ضيدان ضحك ونطق : وانا الي مخربينها معي
مسك ملهم راسه ونطق : ضيدان انا ماني مخربها معك ولاشيء انت اخوي مستحيل ازعل عليك
ضيدان اخذ نفس ونطق : زين ، بس الديره كلها تتكلم عن بنتك وسمعتنا طايحه بالارض وانت شيخ القبيله
فز ملهم ونطق : ضيدان بنتي ماتطيح لها سمعه وانا عايش هينا تسمع
ضيدان : لو زوجتها صافي ماصار في بنتك الي صار مزوجها ثنين الواحد اخس من الثاني
مصلح شد ع يده ونطق : عاصف ماتقارنه ب ساطي والخايس والرخمه هو ورعك وينه مانشوفه بالمجلس ولاعشانه تزوج تمشيه زوجته
ابتسم راكان اول مره يعجبه مصلح ونطق ضيدان : عن الغلط
مسك ملهم ضيدان ونطق : مهو وقتك تسمع اهدى
ضيدان بعد ملهم ونطق : انا ماني جاي عشان اتهاوش والريف غاليه عندي مثل ماهي عندك ي ملهم وانت خابر
هز ملهم راسه ونطق : خابر
ضيدان : وسمعتها تهمني الكل يتكلم عنها والكل يقول انها كانت تخون ساطي مع طليقها عشان كذا قتله وهي توها شابه ي ملهم محد بيتزوجها قاعدين يطعنون بالشرف وبشرف البندري لانها اختها
مسك ملهم راسه ونطق : بوضح لهم ي ضيدان بتكلم وبخليهم يعقبون
ضيدان : الريف ممكن تسكتهم بس البندري ؟ كلهم يتكلمون عن بناتك ي ملهم من بياخذ البندري
شد راكان ع يده وانقهر ان كلام الناس يطعن خاف البندري تسمع وتتضايق من الي يقولونه ونطق : انا باخذها
لف ملهم والكل عليه وممدوح ناظره وابتسم وهو كاتم ضحكته
ملهم عقد حواجبه ونطق بعصبيه : وشهوووو
راكان عرف ان ملهم فاهم غلط ونطق : لا ياعم مو مثل منت فاهم ، انا ابي بنتك البندري ع سنه الله ورسوله
ملهم ناظره ونطق : وانت شايف بنتي شفقه !!!!! لاكلام الناس ولا كلامك بيتكلم ع شرف " عصب ملهم مره ع راكان وكان عباله ان راكان بياخذها شفقه وحاط انها شفقه مثل ماضيدان قال والبندري وش دخلها اصلاً ؟ "
راكان انخرش ونطق : ياعم والله مو ذا مقصدي انا قسم اني حاب بنتك وعاجبتني اخلاقها ولو لا الظروف الي صارت كان جيتك من زمان وخطبتها
مصلح : هد ي ملهم هد والبندري وش دخلها بسالفه اختها ضيدان قاعد يعطي احتمالات فاضيه انهم بيتكلمون عن البندري مثل الريف الريف يمكن طبيعي الناس فاهمه غلط وتتكلم كذا بس البندري مالها اي ذنب ي ضيدان ومافي احد بيتكلم عنها وراكان حاب بنتك ومعجب باخلاقها وطلبها لكن الله يهداه طلب بوقت غلط صح راكان
هز راكان راسه ب اي ، ممدوح وهو يطبطب ع كتف راكان ونظق : والله ياعم انا خابره مو ذا مقصده وانه ناوي يخطب بنتك من زمان بس عشان الي صار اجلها
ملهم ناظره ونطق : وانت تبي بنتي
راكان : اي والله ياعم انا طالب يدها ع سنه الله ورسوله
عدل ملهم جلسته وهو يعطي راكان نظرات وراكان يبلع ريقه من نظرات ملهم نظق ملهم : انت شايف بنتي من قبل
راكان وهو يذكر لما شافها بالعرس بالغلط وحافظ تفاصيلها نطق وهو خايف ومخروش ؛ لا لا يشهد علي الله معرفها كيف شفتها ياعم ها وشهو الله يهداك
ملهم بجديه : وراك خايف ومتوتر
عدل راكان جلسته ونطق : ماني خايف ياعم بس سوالك مدري
ملهم ضحك : اركد اركد ماراح اعطي بنتي واحد خبل خلك راكد
ضحك مصلح وممدوح ونطق مصلح : موافق ع ولدنا
ملهم ابتسم : انا ماعندي مشكله اناسب رجال عن الف لكن الراي الاخير لبنتي ، بس يويلك ثم يويلك وياسواد ليلك لو بكت بنتي ولو شوي منك وقتها اذبحك
ابتسم راكان وقام يحب راس ملهم ونطق : ان كانها صارت من نصيبي يشهد علي الله ماتنزل دمعه منها اكون انا سببها
مصلح : ع بركه الله
...
~ مر اسبووع وخلص عاصف شغله وجاء وقت رجوعه ~
وقتها كلم راكان وعلمه بس ماعلمه بشغلته بس قاله انه طالع وكان راكان يعرف انه طلع من اسبوع ف راكان وش قرر ؟ قرر انه يكتب كتابه ع البندري بعد ماوافقت وكانو مستغربين انه بيكتب كتابه بدون عاصف لكن راكان قال ل عاصف يجي وعاصف عرف كل شيء من راكان ولبى طلبه
بس لا راكان ولاغيره كان عارف بالي يصير ~~
ممدوح وهو داخل عليهم بشوكلت وورد وراكان واقف جنبه معدل شماغه ومصلح جنبهم والحريم ام اماني الي غصبها مصلح تجي واماني وساره وام راكان
استقبلتهم نجمه احلى استقبال وضيفتهم ، اما البندري كانت جالسه بالغرفه تتجهز سلمت الريف ع راسها ونطقت : اختي كبرت وبتصير عروسه
ابتسمت البندري : والله اني خايفه
الريف : من وش يعيوني ؟ راكان مافي مثله يحبك واضح
البندري : الصدق اني احبه بس خايفه مدري
الريف : توكلي ع الله خلاص وافقنا ، بيكتب الشيخ كتابكم
ابتسمت البندري وحضنت الريف ، الريف بعدت عنها ونطقت : مشينا
عند ممدوح نطق ل راكان : ليش مانتظرت لين عاصف طلع من السجن استغربت منك
ابتسم راكان ونطق : يمكن طلع
ممدوح : تقول صادق ؟
ضحك راكان ونطق : شويات وبيجي بس لاتقول لاحد
ممدوح فرح فرح من اعماق قلبه ونطق : معليك
كانو جالسين بحوش ملهم والحريم داخل ، جلسو وجاء الشيخ وبدا عاد يكتب الكتاب ونطق : هل تقبل البندري ال ملهم زوجه لك
راكان : اقبل
الشيخ : تقبل؟
راكان : اقبل
الشيخ : تقبل؟
راكان : اقبل
الشيخ : اعلنكم زوج وزوجه
دخل عاصف وقتها ونطق : سلام عليكم
الكل ناظر عاصف ووقف مصلح ونطق : عاصف
ابتسم راكان وملهم فرح بشوفه عاصف ، سلم عليهم عاصف ونطق : انا طالع من اسبوع بس كانت عندي شغله
مصلح : وشهي شغلته؟ اسبوع طالع وحنا ماندري
مسك عاصف يد مصلح ونطق : ياعمي دام الشيخ هينا انا ناوي اكتب كتابي
استغربو كلهم ونطق راكان : ع مين
عاصف : ع بنت معي بالسياره
مصلح : وشهووو وشقاعد تقول انت من ذي وش الي تكتب كتابك توك طالع من السجن وكيف معك بالسياره
عاصف ناظرهم ونطق : بقولكم كل شيء بس ابي اكتب كتابي عليها تسمح لي ياعمي ملهم اكتبه في بيتك؟
ابتسم ملهم : ابشر يولدي
مسك عاصف مصلح ونطق ؛ ابيك تكون ولي امرها طيب
مصلح انهبل منه ونطق : وش تقول انت
عاصف : تكفى ياعم اسمع كلمتي مره بس
جلسو وطلع عاصف هويه البنت وكل شيء وعطاها الشيخ ونطق : تقدر تكتب كتابي ؟
الشيخ : ولي امرها؟
عاصف جلس ونطق : ابوها مسجون بس مصلح يكون وصي عليها والبنت تقبل وشوف توقيعها انها تقبل ان مصلح يكون ولي امرها
مسك الشيخ الاوراق من عاصف وشاف وفعلاً البنت موقعه تحت اسمها وتحت الوصي الشرعي لها في عقدها يكون مصلح
الشيخ : طيب اجلس يامصلح
جلس مصلح وحط يده بيد عاصف ونطق الشيخ : عاصف ال برق هل تقبل ب لولؤه بنت معيض ع سنه الله ورسوله زوجه لك بالسراء والضراء وبالصحه وبالمرض ؟
عاصف : اقبل
ناظر الشيخ مصلح ونطق : تزوجها ك وصي شرعي في زوجها ل عاصف ال برق ؟
مصلح ناظره واخذ نفس ونطق : ازوجها
| عند الحريم |
جلسو وسلمو ع البندري وتقهوو ، اماني ابتسمت ونطقت : ياجعل ايامكم كلها سعاده
ام راكان : ع الوجه الحلو ذا بتصير سعاده يارب
كانت البندري مستحيه قامت الريف تصب لهم قهوه ، سمعو الحريم يوم الرجال قامو يباركون الريف ابتسمت واماني نطقت : هيا هيا نشوفهم
قامو البنات يناظرون من الشباك حق الغرفه كانت تبينهم شافو عاصف ضحكت اماني بفرح ؛ عااااصف طلععع
ابتسمت الريف وهي تناظره وودها تنط من الشباك تحضنه ، ساره جت بنات اسمع صوت عاصف مسكتها اماني توريها مع الشباك : شووووفي طلع
كان واقف ويبارك ل راكان ويحضنه ونطق كلمه خلت البنات يفكرون : كتابي وكتابك صار بيوم واحد
الريف بقلبها تقول معقول بيخطبني ؟ كان كذا تفكيرها بس صدمها لما قال ملهم : نزل زوجتك من السياره عيب وخلها تدخل عند الحريم يضيفونها
عاصف : لالا ياعم كفايه اني ازعجتك وكتب كتابي عندك وماقصرت
ملهم : عيب عليك يولد انت سويت شيء لي اقوى من ذا لو تبي عيوني ياعاصف بعطيك اياها
ابتسم عاصف وحضن ملهم ونطق : انا بعدين ابيك بموضوع ياعم
ملهم : وانا ابيك بمواضيع بس نزل زوجتك وبعلم زوجتي وبناتي يضيفونها وبدال الفرحه صارت فرحتين
ساره : ويشششش ذا وش قاعد يهبد وش الي فرحتين
اماني بلعت ريقها ونطقت : اتوقع عاصف تزوج يسويها
راح عاصف فتح السياره عن لولوه ونطق : صرتي زوجتي خلاص
ابتسمت ونطقت : طيب خل نروح
عاصف اخذ نفس ونطق : بننزل بيضيفونا
مسك يدها لاول مره لانها صارت حلاله ونزلها من السياره ، لولوه بصوت ناعم : عاصف
التفت عاصف عليها ونطق : هلا
لولؤه : ذا مو بيتك صح
عاصف اخذ نفس : لا علمتك عن راكان وانه بيتزوج ذا بيت اهل زوجته وحنا بندخل
هزت لولوه راسها باحياء ودخلو ، وقتها بلغ ملهم نجمه نجمه عورها قلبها ماودها الريف تشوف البنت بس وش تسوي ضيفتهم والصدق حتى عاصف ماكان يبي الريف تشوف البنت بس دخلت البنت وسلمت عليها نجمه : حياك
دخلت وناظرتها ام اماني وام راكان وسلمو عليها وجاهلين مين هي ، اما البنات طلعو من الغرفه ع اصوات البنت ناظرت الريف البنت وكانت واقفه بعبايتها ونطقت نجمه : ذي زوجه عاصف كتب كتابه عليها اليوم
ام راكان : وشهو
البنت بلعت ريقها ونطقت : انا لولوه ماتعرفوني لان استعجلنا انا وعاصف بالزواج
ناظرو كلهم الريف ومن ضمنهم ام اماني الي لاول مره حنت ع الريف ، قربت الريف ونطقت : حياك حياك ليش واقفه اجلسي
استغربو كلهم من تصرفها ونطقت البندري : ياهلا ومرحبا تشرفنا
سلمت لولوه ع البندري ونطقت : شكلك العروسه
ابتسمت البندري وهزت راسها ونطقت : وانتي بعد عروسه الحين
قامت ام راكان تسلم عليها ونطقت : انا خاله عاصف
لولوه : تشرفنا كلمني عاصف عنك وانك صرتي ام له من بعد امه
اماني : انا اعتبر اخت عاصف بنت عمه انا
لولوه : تشرفنا
بدو يعرفون عن نفسهم عندها وناظرت بالريف ونطقت : وانتي
الريف ابتسمت وكلهم ناظروها ونطقت : انا اخت البندري اسمي الريف
ناظرتها لولوه من فوق لين تحت ونطقت : تشرفنا ياقلبي
كانت الريف تناظرها وكانت البنت حلوه فعلاً جميله ، بمعنى الكلمه قامت الريف مع البندري لان بيدخل راكان عليها دخلو مجلس الحريم وكان مضبط من ناحيه الديكور وكل شيء كان جاهز ل التصوير ، البندري كانت متوتره مسكتها الريف ونطقت : لاتتورين ذي اجمل لحظه بحياتك خليك هاديه وتصوري ولاتضحكين كثير خليك مبتسمه بس
البندري اخذت نفس : طيب
دخلت اماني معاهم ، وشافت الكميرا والاشياء ونطقت : البندري اذا دخل لاتتورين وتجينه هو يجيك
البندري : طيب بس انا اخاف ارجف
الريف : معليه يروحي طبيعي تحصلينه هو جته ام الركب
ضحكت اماني ونطقت : صدق ، الريف انتي بتصورينهم ؟
الريف : ايوه المصوره ماجت سحبت علينا
البندري ضحكت ونطقت : دفعنا لها جعله مايحدر
لبست الريف عبايتها وتلطمت بالطرحه ، ودخل وقتها راكان وكانو واقفين ام البندري والريف وام راكان وساره واماني بدو يغطلون اول مادخل قرب راكان يسلم ع امه ويبوس يدها وهي تقول له : الله يارب انه توفقكم يابعدي
قرب من نجمه وسلم ع راسها ونطقت : الله يارب انه يسعدكم
ابتسمت ساره وهي تبارك لاخوها باركت له الريف واماني ، وقرب من البندري شافها لابسه فستان موفي حرير ضيق ع جسمها وشعرها الويفي المتناثر ع جسمها وماسكه ورد ابيض بيدها ، كان يقول ياربي انا كيف طحت ع ذا الملاك ؟ ، البندري بلعت ريقها من التوتر ورفعت راسها عليه شافته بثوبه الابيض وشماغه الرسمي ولحيته المرتبه وعيونه الفاتنه ، قرب منها يبوس جبينها ونطق : مبروك
البندري بصوت فيه حياء : يبارك فيك
غيطلو البنات وهم يناظرهم ومبسوووطين ، ابتسم راكان وناظر امه ونطق : يمه فين السلسال
ابتسمت ام راكان وطلعت السلسال ذهب وسوارات وعطتها راكان ، استغربو الريف وامها لان راكان اعطى الذهب قبل بس فتحت الريف الكميرا تصور ، ولف راكان ع البندري يبعد شعرها ويلبسها السلسال مكتوب عليه اسمها همس ياذنها : اسمك يطليه الذهب ي البندري
ابتسمت البندري والتفت عليه ، اخذ السوار ومسك معصم يدها يلبسها جابت له امه باقي الذهب وكان كثير فعلاً كثير ونطقت : لبسها اياه كله يولدي
اخذ راكان اطقم الذهب وبدا يلبسها ، لين غطاء الذهب نحرها
~ انتهت ليلتهم الي كانت جميله لبعض العشاق وبعض العشاق مكسورين بذيك الليله الاحوال غير عند بعضهم البعض يبكي من كسر محبوبه والبعض يضحك لانه كسب محبوبه ~
وقفو يودعونهم بعد ماتعشو ناظر ملهم الريف ونطق : الريف اخذي سيارتي بعديها عنهم عشان يمشون يابنتي
اخذت الريف مفتاح السياره وطلعت ، شافت عاصف لما مسك بيد لولوه وفتح الباب لها عشان تركب ، جاء راكان عند عاصف ونظق : عندنا تفاهم بعدين
عاصف ناظره ونطق : في وش
راكان : في وش ؟؟؟ في قلبك ياخوك في قلبك
تركه راكان وفتح باب سيارته لامه وساره وركبو ، ركب عاصف سيارته وشغلها طلعت الريف الي كانت سياره ابوها مقفله ع سياره راكان فتحت باب سياره وركبت الريف عاصف ماشافها شغلت الريف السياره وناظر راكان من شباكه ونطق : ي الررررريفففف ورا ورا شوي
سمع اسمها وهو يرجع بسيارته ل وراء ، ناظرته لولوه ونطقت : ماشاءالله بنت تعرف تسوق احس شيء غريب
ماركز عاصف بكلامه وهو يناظرها وتلاقت عينه بعينها من بعد مده طويله كانت الريف تناظره ، ناظرت لولوه عاصف والريف وكيف ماتحركت سياره واحد منهم ، لولوه : للحين تحبها ؟
ناظرها عاصف ونطق بنبره شوي حاده : قلنا ماتفتحين ذا الموضوع نهائي
وقفت الريف سياره ابوها بعد مامشى راكان ، ونزلت وعاصف مشى كانت لولوه ساكته طول الطريق نطقت : عاصف صح قلت مانفتح الموضوع بس انا احس اني طرف ثالث بينكم
عاصف كان مركز بسواقته ونطق ؛ ليش تكونين طرف ثاني مابيني وبينك شيء
لولوه : مابيننا شيء بس الريف بتحسب بيننا شيء ، وانت تحبها كذا انا اكون طرف ثالث
عاصف اخذ نفس ونطق : لولوه انا تزوجت لسبب انتي تعرفينه وانا رجال مارجع بوعدي حسيتي انك طرف ثالث رابع خامس مايهم في اتفاق بيننا
سكتت لولوه وهي تناظر بالطريق نزلو عند بيت عمهم ، نزلت لولوه وناظر مصلح عاصف ونطق : ابيك بالمجلس الحين
ناظرت لولوه عاصف اخذ عاصف نفس وفتح شنطه السياره ينزل اغراض لولوه ، شاف الملحق الي كان عايش فيه مع الريف لكن مصلح قسم البيت الحين عشان لاتزوج عاصف يكون له قسم مطبخ وثلاث غرف ومجلس وصاله وبينه وبين بيت عمه باب ، دخل لولوه بالبيت وقعدت تناظر بالبيت كان فخم ناظرته ونطقت : انت شيخ القبيله ؟
ناظرها عاصف : عمي ابوي كان بعدها عمي
ابتسمت لولوه واخذت شنطتها من عاصف وقالت : خلاص انا بدخلها
تركها عاصف ونطق : ذي غرفتك
هزت لولوه راسها ودخلت ، رمى عاصف شماغه في الصاله وطلع ل عمه للمجلس دخل ل عمه ناظره مصلح ونطق : وش تسوي انت وش تسوووووووووي انت
عاصف كان واقف ومسكه مصلح نطق : من ذي
عاصف : زوجتي
مصلح مسك راسه ونطق : عااااصف!!!! ، انت وش تبي بالضبط قلبك ل وش يميل انت ماتبنيت جريمه عشان الريف ؟؟؟؟ انت ماتبرعت بكبدك ل الريف انت مابغيت تموت لما سمعت ان قلبها تووووقف !!! عااااااااصففف الريف الكل يتكلم عليها ويطعنون بشرفها انا شفت بعيون ملهم القهر وكل ذا بسببك ياعاصف بسببك انت تزوجت وبتعيش حياتك بس الريف مابتعيشها بتقعد بظلك وظل ساطي انا سويت اخطاء كثيررره بحياتي لدرجه انك انت كرهتني وانا احبك ياعاصف وانت تعلم بحبك بقلبي مابيك تعيد اغلاطي ، انا كنت ابيك تنتقم من الريف صح بس انت حبيتها انا تصالحت مع ملهم عشانك حبيت بنته يشهد علي الله مادخلت مجلس ملهم الا عشانك انا كسرت ملهم كثيررر وكسرت ابوك كثيرررر باشياء كانت غلطي انا وضيدان وكسرتك وكنت بسرقك اعترف بس لعب الشيطان بعقلي الحين ودي ملهم يسامحني بس ملهم مكسور
عاصف ناظره ونطق : بتزوجها
ناظره مصلح ونطق : بيتوافق يعني ؟
عاصف : بتزوجها عشان كلام الناس وعشاني السبب مصلح : يعني شفقه تشفق عليها !!!
عاصف : حشى ياعم لا بتزوجها لاني ابيها صدق انا ابيها ياعمي باخذها الثانيه وعشان استر عليها من كلام الناس
مصلح مسك راسه ونطق : انت تحبها ؟
اخذ عاصف نفس وقف ونطق : انا استاذنك ياعم بروح اريح
طلع عاصف من عنده واخذ مصلح نفس ونطق : الله يهداك ياولدي
طلع عاصف وهو يشم الهواء البارد ، ماكان يبي يدخل عند لولوه ركب سيارته وراح للعزبه ينام فيها حط فراشه تحت السماء والنجوم وانسدح وهو يناظر النجوم وغفى بين النجوم
اما الريف كانت جالسه ع شباك غرفتها تناظر بالديره ، كان كلام الديره يغث كانت تنتظر طلوع عاصف عشان تشكره وتعلمه بكل شيء صار لها وكيف انها تحبه بس كسرها لما شافته مع غيرها عرفت شعوره وحست فيه كيف انه شعور يعور تذكر لما دخل عليها من الشباك يكلمها وماسمعت له وعاندته وتزوجت وهذا الي صار لها حملت ومات زوجها والكلام يطعن انه زوجها ماضربها وذبح ولده الا لانه مو ولده ويمكن انها مو شريفه كان ملهم يسكتهم ويسكتون عند ملهم لانه شيخ القبيله ويحترمونه بس الريف كانت تعرف ان وراء جدرانهم يتكلمون قامت تطفي النور وتنسدح ع سريرها ونزلت دموعها ونطقت : عاصف ان كانك تعاندي وتحسسني بالشعور لاتسوي انا تعبت

___
ننهي البارت هينا