ياسماء امطـري واعصفي الريـف

Part:4

صلو ع نبينا محمد عليه افضل الصلاه والسلام ....

_____
تهاني تركت فنجالها وابتسمت بتسليك : لاعادي انا بروح اكيد زوجي جاء بسوي له الغداء
طلعت تهاني من عندهم ، والتفت اماني ع الجوهره : ليه جرحتيها كذا
الجوهره : والله م قصدت
ام اماني اخذت نفس ونطقت : يويلي عليس ي تهاني
اماني ناظرتهم ونطقت : يخي لاتحسسونها انكم تشفقون عليها ! هي م فيها شيء وربي هو الي يرزق
قامت اماني من عندهم ودخلت البيت ، تاففت وهي تاخذ ملابس وتطبقها كانت ودها تفهمهم ان مافيه عيب اذا احد انحرم من شيء ذي اراده رب العالمين
فتح باب الغرفه ونطق صوت مراهق : خاله اماني
التفت اماني ع بنت اختها رنيم ونطق : ادخلي ي خالتي ادخلي
ابتسمت رنيم ودخلت اخذت الملابس مع خالتها وبدت تطبق نطقت : خاله بقولك شيء
التفت اماني ونطقت بقلق : قولي ي قلبي
رنيم وهي متوتره من الي بتقوله نطقت : خالها فيها عيب اذا طلعت ودرست لحالي فمدارس بعيده عن مدارس الديره
ناظرتها اماني ب استغراب وابتسمت : مافيه عيب ي قلبي بس كيف بتروحين واهلك هينا ؟
رنيم نطقت بنبره حزينه : انا مابي اجلس كذا ادرس الثنوي واضل جالسه ابي اكون دكتوره والكل يشوفني ناجحه بس انا اخاف اخاف من ابوي م راح يرضى اني اصير دكتوره وان ذا الشغل مو للبنات اخاف احلم
اماني ابتسمت وقربت من رنيم : لو الشغل مو للبنات كانت خديجه زوجه الرسول ماشتغلت في التجاره ، خديجه رضي الله عنها هي ممن كمل من النساء كانت عاقله جليله دينه مصونه كريمه وكانت من افضل التجار وتجارتها مربحه ، رنيم حبيبتي لاتخافين وانا بدعمك لاتحلمين حققي وانا معاك لو اطر اصارخ ويبيح صوتي عشان اخليك احسن شيء انتي تبينه
ابتسمت رنيم وهي ارتاحت وحضنت اماني ونطقت : كنت شايله هم واخترت اني اقولك همي والحمدلله اني قلته
ابتسمت اماني وهي ترجع شعر رنيم ورا اذنها ونطقت : بروح اشوف زوجه عاصف تعبانه شوي هي
رنيم قامت ونطقت بحماس : عادي اشوفها ؟
اماني ببتسامه : تعالي
طلعت اماني ورنيم من البيت ، ودخلو عند عند الريف
اماني وهي تشوف الريف تعدل جلستها : اوو شكلك صرتي بخير
ابتسمت الريف وهي وجهها شاهب ونطقت : بخير ، " رفعت انظارها ع رنيم " من الحلوه ذي
اماني ابتسمت وناظرت رنيم : رنيم بنت اختي الجوهره
الريف : تشرفت
رنيم ابتسمت ونطقت : لي الشرف ، بس اقولك شيء
الريف ابتسمت وناظرتها ونطقت : قولي
رنيم وهي تجلس جنب اماني نطقت : خالي عاصف محظوظ بذا الجمال " كانت تناديه خالي احتراماً له "
اماني ابتسمت ونطقت : شوفي رنيم انا قلت لها نفس ذا الكلام اول يوم شفته فيها طلع مو بس انا الي شايفتها كذا
الريف ابتسمت والتفت ع رنيم ونطقت : انتي الحلوه اتركيك مني انا
اماني ابتسمت وهي تناظر رنيم ورجعت نظرها ع الريف : شفيه وجهك شاهب رجعت حرارتك ؟
الريف هزت راسها ب لا : بخير انا
فتحت الباب الجوهره وضرب الباب بقوه ونطقت بحده : وش قاعدين تسوون عند ذي ها
اماني وقفت وهي تناظر اختها ونطقت : زريبه هي وش فكت الباب ذي ؟
الجوهره وهي تنادي رنيم جنبها ، جتها رنيم وناظرت اماني : اماني تبين ذي تذبح بنتي ؟ كانت بتذبح ساره
وقفت الريف وهي تناظر الجوهر ونطقت : مو عيب عليك تفتحين الباب كذا
ضحكت الجوهره : لا والله بيت ابوك وانا مدري ؟ ولا محتزمه بعاصف ؟
ضحكت الريف وناظرت الجوهره ونطقت : انا م احتاج احتزم ب احد والي براسي اسويه ولاتخليني اسوي فيس مثل ساره واردى
الجوهره ناظرت اماني : وتهدد الاخت
اماني وهي تمسك راسها من اختها نطقت : بس ي الجوهره
التفت الجوهره ع رنيم بنتها ونطقت : امشي قدامي انتي الثانيه بعد وش تسوين بذا البيت
رنيم : يمه عورتيني بعدين خاله الريف م سوت شيء
الجوهره نطقت بحده : بعد بعد صارت خاله ، امشي لاضربس بالجزمه
تاففت رنيم وهي تمشي وامها وراها ، التفت اماني ع الريف ونطقت : لاتهتمين لهم
الريف جلست وهي تتنهد ونطقت : ماهموني وقفت عليهم
اماني جلست ولفت انتباها ضربه يدها شهقت وهي تقرب منها : الريف شبلاها يدس ؟
الريف وهي تخبي يدها بطرف كمها ونطقت : ولا شيء بس صكيت بالباب
اماني ناظرتها ونطقت : تعورس تبيني احط ضماد عليها ؟
الريف هزت راسها ب لا : صدقيني بخير م تعورني
....
| في ديره الريف |
وقفت البندري مع هدى وهم ينتظرون فواز ، شويات وجاء فواز نزل من السياره وقرب منهم
فواز وهو بيده كيس نطق : جبت الجوال
التفت هدى ع البندري : تعرف الريف تستخدمه ؟
البندري نطقت : اكيد تعرف كان عندنا واحد انا وياها
فواز : جبت لها اخر اصدار
هدى نطقت : مو مهم اصدار الجوال اهم شيء نقدر نكلمها
فواز : وانا كيف بعطيه الريف ؟ ، حتى ديرتهم معرفها
البندري تنهدت بضيق : وش الحل طيب من وين نجيب الديره الحين
هدى : اششش خلاص بنجيب الحل فواز انتم اسال الرجال لين توصل ديرتهم ووقتها كلمني
فواز ابتسم ونطق : ابشر والله بعزس انتي لو تقولين فواز نط من فوق جبل فواز بينط
ابتسمت هدى بخجل ونطقت : الله لايخليني منك
ابتسم فواز وفتح باب سيارته وركب ، ومشى من عند البندري وهدى
تنهدت البندري بقلق : يرب يقدر يوصل لها انا قلقانه عليها اخاف تكون تعبت ، حتى امي بس ع سجادتها وتدعي ابيها تسمع صوت الريف
هدى اخذت نفس : لا مافيها الا العافيه ان شاءالله ، بس هي حبوبها معاها ؟
البندري هزت راسها ب اي ونطقت : اعطيتها اياها
تنهدت هدى وهي حط يدها بيد البندري : رجعنا البيت
راحو البيت والبندري تفكيرها ب الريف وتدعي ان م يصير لها شيء وتكون بخير وسلامه
دخلت البندري البيت وهي تطلع حذيانها عند الباب وتفكه ،
ام الريف : وين كنتي
البندري اخذت نفس ونطقت بهدوء : مع هدى
ام الريف تنهدت بضيييق وضح عليها ، قربت البندري منها : وش فيس يمه
ام الريف نزلت دموعها ، والبندري شهقت وهي تبوس راس امها : يمه لااا لاتبكين
ام الريف وهي تبكي : اختك صار لها ثلاث ايام لاخبر لاحس اخاف يكون صاير لها شيء
البندري وهي تحضن امها : بخير الريف يمه صدقيني
ام الريف مسحت دموعها وهي تاخذ نفس
البندري : ابوي وين
ام الريف تنهدت : حاله اخس من حالنا وم بيده شيء
البندري ابتسمت بتسليك ونطقت : بروح اجهز العشاء
هزت ام الريف راسها ب الايجاب ودخلت البندري تطلع عبايتها ودخلت المطبخ
....
| في ديره البرق |
كانت ظلام وهدوووء وصل فواز لها ونزل من سيارته وهو يناظر ذا الديره ويجهل مكان الريف ، اخذ جواله وهو يرسل ل هدى انه وصل ورجع جواله بجيبه بدا يمشي بالديره وشاف ولد صغير ونادها جاءه الولد يركض
فواز ببتسامه : وين المسجد ؟
الولد وهو يوصف له طريق المسجد ، ابتسم فواز ونطق : تعرف كل دروب الديره صح ؟
الولد : اي
فواز ابتسم وهو يمسح ع راسه : وين بيت شيخ الديره ؟
الولد ناظر فواز : الشيخ مصلح ؟
فواز : الله الله
الولد وصف ل فواز بيت الشيخ مصلح ابتسم فواز وشكر الولد وراح الولد ، مشى فواز لين وصل المسجد وبدت اهل الديره يطلعون من بيوتهم متوجهين للمسجد يصلون صلاه العشاء راح فواز يوصي ورجع دخل معاهم يصلي بعد م خلص وطلعو نده عليه عاصف والتفت فواز
عاصف وهو يلعب بسبحته ويقرب من فواز نطق : نورت الديره يضيف
ابتسم فواز : منوره ب اهله
عاصف نطق : امرني وش بغيت من اهل الديار
فواز : ابد والله باغي الشيخ مصلح
عاصف تعقدت حواجبه ب استغراب : وش باغي فيه ؟
فواز : ودي اشتري من الحلال
عاصف : ايي اجل حياك معاي اقلط عندي ومنها تريح من طريق
فواز ابتسم ونطق : لا بالله مابي اكلف عليكم انام بسيارتي وبكره اكلم الشيخ مصلح
عاصف وهو يلزم ع فواز انه يجي ينام عندهم وافق فواز وفعلاً راح مع عاصف للبيت ، قلطه عاصف للمجلس وهو مجلس عمه
عاصف : حياك بقوم اجيب القهووه
فواز جلس وهو يتلفت في المجلس ، وطلع عاصف من عنده قام فواز وهو يناظر المكان طلع الحووش وبدا يتلفت طلع له عاصف بالقهوه وكشر حواجبه وهو يشوفه ب الحوش نطق عاصف بحده : وراك طلعت من المجلس
التفت فواز عليه وابتسم : ابد والله الجو عجبني وطلعت
عاصف : اي اجل تبي نجلس ب الحوش
فواز ببتسامه : ي ليت والله
عاصف وهو مو مرتاح ل فواز ، ترك القهوه ع الدكه واخذ الفرشه يفرشها ب الحوش وجلس هو وفواز عليها اخذ الدله وهو يصب القهوه ل فواز : سم
اخذ فواز من يده القهوه : سم الله عدوك وكثر الله خيرك
دخل راكان وهو يسلم ، ورد السلام قام فواز وهو يسلم ع راكان
راكان : شحالك شخبارك حي الله من جانا
فواز ؛ بخير ي مال الخير الله يبقيك وحييك
عاصف وهو يصب القهوه ل راكان : حياك تقهو
اخذ راكان من يد عاصف القهوه : دامك مديتها والله م ردها وانا جايب لك موترك
عاصف اخذ المفتاح من راكان ، وحطه بجيبه
راكان : اي وش اسم ضيفنا ؟
ابتسم فواز : اسمي فواز الا وش اسماءكم انتم
عاصف : معك عاصف ال برق وذا ولد خالتي راكان
فواز ببتسامه وهو عرف عاصف وعرف ان الريف بذا البيت موجوده : تشرفنا
ردو بصوت واحد : الشرف لنا
| عند الريف |
كانت تدور بذا البيت ومالها مطلع ، تاففت وهي تقرب من الشباك وفكته لمحت عاصف وراكان ومعاهم ثالث
قربت وجهها من الشباك اكثر ونطقت : فواز ؟
عرفت الريف ان البنات ارسلو فواز م تعرف ليه بس كان لازم انها تعلم فواز انها موجوده هينا ، التفت يمين يسار واخذت طرحتها طلعت من البيت من ورا وهي بهدوء تمشي من ورا الحوش وفي بالها خطه
| في الحوش عند العيال |
كانو يسولفون وفواز معاهم ، مد القهوه : كثر الله خيركم ي رجال بس انا بمشي
عاصف اخذ فنجاله : علي ب الطلاق م تروح وانك ضيفنا وبترقد عندنا لبكره
فواز : والله م ودي اكلف عليكم ي عاصف
عاصف : ممن كلافه وان قلت انك بترقد بترقد قفل السالفه تراني طلقت
ابتسم فواز وجلس شويات وقامو راح عاصف يجهز ل فواز فراشه ب المجلس ، ولمح قطاوه متجمعه ع اكل
عاصف : من حاط الاكل هينا ومخلي القطاوه تتجمع ؟
التفت فواز ع الاكل وع القطاوه ، وابتسم وهو الرساله وصلته جلس قريب من القطاوه وهو يمسح عليها : ي خوك اجر الي حطها كبير
عاصف وهو يكره القطاوه : فكنا منها ي خوك م ادانيها
ابتسم فواز وفي عقله يقول الله يعينك اجل بيتك من الريف بيصير مزرعه قطاوه ، نطق عاصف والتفت له فواز : فراشك جاهز نوم العوافي
ابتسم فواز : الله يعافيك م قصرت وتعبتك معي
عاصف ببتسامه : ابد تعبك راحه
دخل فواز المجلس وطلع ثوبه وهو يمسك جواله يدق ع هدى ، اما عاصف وهو يناظر القطاوه وومكشر حواجبه بعد من عنده وقرب من الملحق الريف وهي تناظر من الشباك اول م شافته جاي يم الملحق طلعت طرحتها وهي تاخذ البطانيه وتنسدح ع الكنبه وتغفل عيونها تسوي نفسها نايمه ، دخل عاصف وهو يتافف شاف الريف الي نايمه ع الكنبه قرب منها وهو يشيك ع حرارتها ومن رمشه عيونها عرف انها مو نايمه نطق وهو يطلع الكبك : عيونس فاضحتس ي ام النوم
فتحت الريف عينها وهي تناظره ونطقت : يعني بسوي نفسي نايمه عشانك ؟
عاصف وهو يفك زرار ثوبه ويطلعه نطق : اسالي نفسك
الريف ابتسمت بسخريه والتفت ع طرفها الثاني ونطقت : طف النور معاك لاهنت
عاصف ابتسم ونطق : اي ابشري
التفت ع ازرار النور ، وشغلها كلها التفت الريف ونطق : نوم العافيه
ضحك ودخل غرفته ، الريف جلست بنرفزه ونطقت : مستفزززززززززززززززز
قامت الريف وهي تطفي النور ، ناظرت غرفته وفتحت الباب وكانت ظلام شغلت النوررر كله ونطقت : هاردلك
جت بتقفل الباب وناظرت وهي تفكه : انا ليش اقفله اذا تبي قوم قفله انت
عاصف الي منسدح ع السرير ويناظر حركاتها ، ضحك ونطق : اصلاً عادي انا انام ب الشمووس وقفت ع النور
الريف برفعت صوت من الصاله : عشان كذا انت اسود محروق
ضحك عاصف ومات ضحك : اي صاير شوكلاته
الريف بطقطقه : هاها ويننن الشوكلاته ووينك انت
عاصف انسدح ع الطرف الثاني ونطق : انا منبعها
الريف ناظرته ونطقت : يشينك
ضحك عاصف وهو مغمض عينه ، وغرق بنومته وسط النورر والريف انسدحت ع جنبها وهي م نامت قامت بتافف وهي تدخل الحمام ، قربت من مرايه وهي ترفع عن بطنها تشوف النفوخ الي فيه ولونها شاحببب ، نزلت بلوزتها ع بطنها وهي تغسل وجهها وتستغفر وضت وطلعت وهي تفرش السجاده تصلي وترفع يدها ل السماء وهي تدعي وتقول : يالله عطتني القوه لاتخليني اضعف يالله اللهم اشف مرضانا ومرضى المسلمين شفاءً لا يغادر سقمًا، اللهم يا من تعيد المريض لصحته، وتستجيب دُعاء البائس، اشف كل مريض. اللهم يا مسهّل الشديد، ويا مليّن الحديد، ويا منجز الوعيد، أخرج مرضانا ومرضى المسلمين من حلق الضيق إلى أوسع الطريق، بك أدفع عن المسلمين ما لا يطيقون، ولا حول ولا قوة إلا بالله العلي العظيم.
عاصف صحى ع صوتها وهي تدعي حك عينه وهو يتثاوب ، جلس وناظرها فارشه سجادتها وتصلي وتدعي استغرب من دعاءها ، شافها يوم قامت ولبست عبايتها وحطت طرحتها وفكت باب البيت ، فز من السرير وهو يلحقها فك باب الملحق وحست فيه الريف وهي توكل القطاوه ، التفت عليه وهو حتى ثوبه م لبسه نطقت : وشو خفت اني هجيت ؟
عاصف قرب منها : طالعه الفجر عشان توكلين قطاوه ؟ ، وانا اقول ليش متجمعه عندها
الريف وهي تتلمس القطوه ابتسمت : ذي حامل ولازم تتغذى
عاصف ناظرها : وانتي شعرفس انها حامل ؟
طلعت اماني من بيتهم وبيدها اكل للقطاوه ، وعاصف يناظرها وهي تجلس جنب الريف تحط اكل للقطاوه
عاصف وهو يتثاوب بنوم : اقولكم طلعو ذا القطاوه برا خيسونا
رجع للملحق وهو يقفل باب الملحق ، التفت اماني ونطقت بهمس : اخذتي الجوال ؟
ابتسمت الريف وهزت راسها ب اي ، ونطقت اماني : مو سهلين انتي واهل ديرتس بقطاوه فهمك وفهمتيه ويجي ويحط الجوال في نفس المكان الي حطيتي فيه القطاوه
ضحكت الريف : شلون اصارحس اني م كنت ادري انه بيحط جوال كنت احسبها رساله من البندري
ابتسمت اماني :اختس ؟
الريف : ايوه احسن شخص بحياتي
اماني ابتسمت : اكيد تنتظرك تكلمينها ادخلي ولاتدقين الا لما عاصف يطلع من البيت ، " اماني وهي تحط يدها ع عيونها " وانا م شفت شيء " ورجعت يديها ع اذنها " ولا سمعت شيء " وغمزت ل الريف "
ضحكت الريف وحضنت اماني : انتي ورده طلعتي بين ذا الوحوووش
اماني بطقطقه : خذيني معاس
الريف : والله لاخذس
ضحكت اماني ونطقت : بقوم اجهز الفطور الله المستعان
الريف ببتسامه : تبين اساعدس ؟
اماني : م اقول لا ابد
قامت اماني ولحقتها الريف دخلو المطبخ ، وعطت اماني ل الريف 15 بيضه شهقت الريف : تبين اسوي ذي كلها ؟
اماني : يدوبها بعد خواتي الشيخات وعيالها يلطونها لاتشلين هم التبذير
ضحكت الريف وهي تشغل ع الفرن ، وتحط الصاج وتحط الزيت وتبدا تكسر البيضات بيضه بيضه
اماني ببتسامه : اطربينا وحنا نشتغل منتي حافظه شيله اغنيه شيء ؟
ابتسمت الريف وهي تخلط البيض ونطقت : لاعبيني ي هواء والليل سامر لاعبيني بالحون السامريه لاعبيني بالحون السامريه
ابتسمت اماني ونطقت وهي تشبك مع الريف : م هقيتك ب حياتي حلم عابر انتي مثل الحلم لاكن واقعيه ،كيف حرفك لاعزم احبال الحناجر من سناء الافكار والاشواق حيه
الريف وهي تهز بكتفها جت اماني جنبها وهي تهز كتفها ع الريف : لاعبيني ي هواء والليل سامر لاعبيني بالحون السامريه
ضحكت الريف ونطقت : طلعتي حافظتها
اماني وهي تقطع البصل نطقت : عاصف كل شوي يحطها بسيارته عشان كذا
الريف كشرت وجهها من طاريه ونطقت : الغنيه حلوه بس م تناسب ذوقه
ضحكت اماني ونطقت : م تدرين يمكن هي الصله بينك وبينه
الريف وهي ترفع الملعقه : والله اصكها في راسك ، ذا من الي يصير صله بينه وبين احد
ضحكت اماني : خلاص سكتنا
دخلت ام اماني وهي تناظرهم ، والتفتو عليها ونطقت : والله الاخت تضحك وصوتها واصل لاخر الديره
ابتسمت الريف ونطقت باستفزاز : وش عجبتس صوتي ؟
ام اماني : جعل احبالس الصوتيه تنقطع قلي امين
اماني وهي كاتمه ضحكتها ، ام اماني : بعدين زين انتي الي بديتي وعلمتس دامس ببيتي تنظفين وتطبخين وغصباً عنس ، " التفت ع اماني " حريم الديره بيجون اليوم نظفي البيت انتي والي جنبس
طلعت ام اماني من عندهم ، والتفت اماني : معليس منها م تقدر تسوي شيء وعاصف موجود
الريف : من قالس اني محتزمه فيه ؟ كلها تنظيف عادي مو مشكله
اماني تنهدت والتفت ع البصل : يذا البصل الي وجهي فيه من لما اصبح لين ارقد
ضحكت الريف وهي تطفي ع البيض : استوى البيض
اماني : شوفي الصحون حطيها فيه ، واسمعي حطي قليل بذا الصحن
الريف ب استغراب : لمين ؟
اماني وهي تبتسم : ل ممدوح
الريف وهي تناظر ابتسامتها الي مو طبيعه : ومن ممدوح ؟
اماني وهي تاخذ الصينيه ونطقت بضحك : زوجي المستقبلي
ضحكت وهي تطلع من المطبخ التفت عليها الريف وهي مبتسمه من هبالت اماني
طلعت اماني وبيدها صينه فطور ، طلعت وم شافت ممدوح مثل عادته ، انتظرت شوي وسمعت صوت فزها : تنتظريني
ابتسمت اماني ومدت له الصينيه : فطورك
اخذها ممدوح من يدها ، وجت اماني بترجع ونادى عليها ممدوح ورجعت : هلا
ممدوح تنحنح : اماني اذا خطبتس بتوافقين ؟
اماني انصدمت وابتسمت في نفس الوقت ونطقت بهدوء : واذا قلت لا يعني بتتنازل ؟
ممدوح : لا بالله وش اتنازل
اماني ابتسمت : اجل كلم ابوي
ورجعت للبيت ابتسم ممدوح وهي اعطته الموافق توها صح شفرتها بس هو فهمها ، ابتسم ومن فرحته معاد يعرف وش يسوي بدا يمشي بالديره وهو يسلم ع الرايح وع الجاي ويغني
راكان وهو ياكل تفاحه عند محل الفواكه ويناظر ممدوح ، قرب من ممدوح الي يوزع حلاو ع الاطفال وكانه طفل بينهم نطق راكان : عطني حلاوه
التفت ممدوح وهو ياخذ الحلاو يرميه فووق : خذوو خذوو كلكم حلوو حلوو
ضحك راكان وهو يتحسس ع جبهت ممدوح : عليك حراره انت
ممدوح وهو يحضن راكان : الحراره بقلبي يخووووكك
راكان وهو يبي يطلع نفسه من حضن ممدوح : فكني كسرت عظامي جعل عظامك تتكسر
الاطفال وهم يضحكوون ع راكان الي يبي يطلع نفسه من ممدوح ، وممدوح شاد عليه
راكان وهو انخنق : يولدددد فكك، ارجموه خلوه يفكني
نطق بنت صغيره خلت ممدوح يفك راكان ويلتفت ، وهي تركض وتقول : خالههه اماااااااانيييي
ابتسمت اماني وهي تجلس ع مستوى الطفله وتحضنهااا : عيوووني
ضحك راكان وهو يحط كتفه ع ممدوح : م بقيت تفكني يوم جت وانت تقلب 180 درجه
ممدوح وهو بتنحنح ويعدل شماغه ، ضحك راكان : الله لايخليني احب وش ذا الحاله الي انت فيها
الطفله وهي توري اماني الحلاو الي بيدها : شوفي ممدوح عطاني حلاو
ابتسمت اماني : واااه حلاوه ياكل حلاوووه ؟ " رفعت نظرها ع ممدوح وابتسمت " لازم تشكرين ممدوح صح ؟
هزت الطفله براسها اي وراحت تشكر ممدوح ، قامت اماني وقربت منهم ونطقت بخجل من ممدوح الي واقف جنب راكان : راكان عاصف قالي ع طريقك اذا شفتي راكان قولي له يجيني ابيه
راكان وهو ياخذ شماغه الي ع كتف يرجعه ع راسه : بروح يعطيس العافيه
ابتسمت اماني وتعدت ممدوح رايحه محل الخضار، راكان وهو يرجع وجهه ممدوح عن اماني : ناظر قدام لاتصير خفيف انت وشنبك ذا روح للحلاق يعدله لك
ممدوح وهو يمسح ع شنبه : وش فيه شنبي
راكان : اسال الحلاق الي بتروح له ، ولا اقولك اسال اماني " ضحك وراح جهت بيت عاصف "
وانصدم من كميت الحريم الي يدخلون البيت ، طلع عاصف وجنبه فواز
راكان باستغراب : وش عندكم ؟
عاصف باستغراب مثل راكان : مدري يخوك منصدم مثلك
فواز تنحنح : اجل انا بستاذنكم واضح انكم مشغولين
عاصف : م تبي تكلم عمي ؟
فواز تنحنح وهو يحاول م يبين انه كذاب نطق : عمك واضح انه مشغول وانا م ودي ابطي ع اهلي
عاصف وهو يمسح ع شنبه نطق : ايي اجل الله يستر عليك
فواز : توصون ع شيء ؟
راكان وعاصف بصوت واحد : ابد سلامتك
تركهم فواز وركب سيارته وتحرك متوجهه لديرتهم ، عاصف ناظر بيتهم ونطق : مشانا شكل حريم الديره كلهم بيجون
| عند الريف |
كانت تنظف الارضيه ، ودخلت اماني وبيدها اكياس خضار بدت ترتبها في الثلاجه ، دخلت مزنه وام اماني ناظرو الريف الي تنظف الارضيه ابتسمت ام اماني وبيدها عصير طرحته : يوووه مسحيه بسرعه بيجون الضيوف
ناظرت اماني امها ورفعت حواجبها : يمه ؟
ام اماني : ها
الريف تنهدت ونطقت : يصبرر
بدت الريف تمسح الارضيه حقت العصير ، مزنه بضحكه : شوفيها مؤدبه شطوره تسوي بدون م تتكلم
ام اماني ضحكت ، ومزنه راحت تذوق الاكل وعن طريق العمد نثرت منه ع الارض : اوبس مسحيها
رفعت الريف نظرها ع مزنه ، ووقفت وابتسمت في وجه مزنه : تبين امسحها ؟
مزنه ببتسامه مستفزه تهز راسها ب اي ، مسكتها الريف من شوشتها وصارخت مزنه نزلت الريف مزنه لحد الارض : امسحها بشعرس ابشري
ام اماني صارخت وهي تقول : مجنننووووونهههههه
اماني وهي كاتمه ضحتكها صح اهلها بس يستاهلون ، دخلو حريم المطبخ وهم يشوفون الريف تصفق مزنه وبدت اصواتهم تعلى ، لدرجه عاصف وراكان الي برا سمعو ودخل عاصف وهو يركض ودخل للمطبخ تغطو كل الحريم وهو يشوف الريف ماسكه شعر مزنه
مسكها عاصف وبصوت مرتفع : الررررررررريفففف
فكتها الريف وطاحت مزنه ع الارض وهي ماسكه شعرها ، مسكها عاصف من يدها بقوه ونطق : وش قاعده تسووين انتي
الريف : هم الي بدو تبيني اسكت ؟
ام اماني : تخسي اخذ ذا البنت من بيتي
مسكها عاصف وفك باب البيت وطلعها ، ام اماني التفت ع حريم الديره : شفتوووهاا اذا صار لنا شيء يوم من الايام هي السبب
بدو اهل الديره يتكلمون عن الريف وهم كل شوي يكرهونها عن اول ، فك عاصف باب الملحق ودخلها بقوه ونطق : مسويه قويه قدام حريم الديره ؟
الريف رفعت نظرها ع عاصف : قلت لك هم الي بدو طبيعي م راح اسكت
عاصف : ومن انتي ؟ لاتنسين نفسك
الريف : انا تاج ع روسكم كلكم
مسكها عاصف بنرفزه : اثمني كلامس
الريف بالم بيدها : فكني
عاصف والي يبي يشوف دموعها يبي شوكتها تنكسر : وان م فكيتها
الريف ناظرته : قلت فكني
عاصف وهو يشد ع يدها اكثر : وقلت لك وان م فكيتها وش بتسووين
الريف وهو تقاوم الالم : فك يدي
ضربها عاصف ع الجدار وكانت الضربه خفيفه م تحمل ، بس خشمها نزف دم حست بدم خشمها ينزل ، وعاصف ناظرها وفك يدها داخت من الدم وهي تحاول بيدها تحجبه شاف دمعتها لما نزلت ع خدها ، دفته من قدامها وهي تفتح باب الحمام وتنزل راسها عند المغسل وبالماء تغسله ، وهي دايخه وبالقوه توقف ع رجولها رفعت راسها لفوق وهي تبي توقف النزيف ، قرب عاصف منها لما شافها دايخه وضرب ظهرها بصدره ومن دوختها سندت راسها عليه ونطقت بصوت مبحووح: اكرهك
عاصف وهو ماسك لحيها ويرفع راسها لفوق نطق : اعرف
ضلت الريف سانده راسها عليه لبعض الوقت ، لي م بدا النزيف يخفف ويتوقف ، نزلت راسها مره ثانيه للمغسله وهي تغسل خشمها ، كان عاصف واقف وراها رفعت راسها وهي تاخذ مناديل تمسح التفت وهي تدفه وتطلع جلست ع الكنب ، وعاصف فك الباب وطلع من الملحق اخذت الجوال الي مخبيته
....
ننهي البارت هينا