صلو ع نبينا محمد عليه افضل الصلاه والسلام
...
راكان يشرب شاهي ويناظرهم وهو طربان ع اصواتهم ويقول : صحح لسانكممم
ترك عاصف الشاهي ب الارض وابتسم وهو يعدل شماغه : صح بدنك
...
| في بيت الشيخ مصلح | تحديداً في الملحق |
كانت الريف نايمه ع ظهرها وتناظر ب السقف ، فزت من فك باب الملحق بقوه عدلت جلستها وهي تلتفت ع الباب
دخلت ام اماني وهي تقول : ست الحسن والدلال منسدحه
قامت الريف وهي تجهل الحرمه ذي : من انتي !
ام اماني نطقت بنبره هواش : والله ي ست الحسن انا راعيه ذا البيت واي شيء ابيه يصير
الريف جلست ع الكنب : وش اسويلك ؟
ام اماني نطقت بحده : ماخذه وضع سيده البيت طال عمرس تبين شاهي قهوه ؟
دخلت اماني ع امها وهي تقول : يمه وش تبين ب البنت !
ام اماني بعدت يد اماني الي ع كتفها : انتي سدي حلقس وفارقي ! ، " التفت ع الريف " وانتي امشي قدامي نظفي مع اماني ماراح تجلسينن مثل الاميرات عندي هينا
اخذت منشفه ورمتها ع الريف ونطقت : نظفي الحوش
الريف تنهدت بصبر واخذت المنشفه وطلعت ، ناظرت ام اماني ، اماني ونطقت : خل اسمع صوتس انتي لاقطع احبالس الصوتيه
تنهدت اماني وطلعت امها ، طلعت اماني ل الريف وشافتها تنظف جدران الحوش راحت اماني تاخذ منشفه لها وتجي تنظف مع الريف نادتها امها والتفت اماني عليها
ام اماني : اماني ادخلي
اماني ناظرت امها : بساعد الريف
ام اماني رفعت صوتها : قلت لك ادخلييي !!!
ناظرت الريف اماني ونطقت بهدوء : ادخلي بنظف لحالي
ابتسمت اماني وقامت متوجهه ل امها ، طلعت ام اماني وعطت الريف السلم وهي تقول : جدران البيت من فوق
ناظرتها الريف من طرف عينها ونطقت ام اماني : وشو مو عاجبك ؟ اطلعي من بيتي
الريف اخذت نفس وهي تسغفر
ام اماني نطقت بحده : شايفه شيطان
قامت الريف وهي تناظرها ونطقت بحده : مو من جمال بيتس قاعده فيه
ام اماني تنزفزت من الريف : اجل اذلفي
الريف : بذلف قريب
ام اماني ضحكت باستفزار : ع بال م تذلفين نظفي وانتي ساكته
دخلت ام اماني البيت ودفت اماني معاها داخل البيت وقفلت الباب ، ناظرت الريف السلم وركبت عليه وهي تنظف الجدران من فوق كان متعبب وهي جوعانه ولا نامت زين ، كانت منهلكه شويات وبدت الغيوم تتجمع ، وهي تنظف بدت تنزل قطرات الغيث من سماء ربي ، ابتسمت وهي تناظر السماء الممطره وتتذكر لما يجيهم مطر في ديرتهم كانت تنبسط هي والبندري ويركضووون تحت مطر ربي ، بدا المطر يكثرر وهي تنظف فوق السلم غرقها المطر كانت تمسح بطرف كمها المبلوول قطرات الماء الي ع جبينها فقدت توازنها من ع السلم وصارخت وهي تطيح جهت الارض ، حاوطتها يدين عاصف وارمت بحضنه ، كانت مغمضه عيونها بخوووف من السقوطه فتحت عينها وهي تناظر عاصف الي فكها من يدينه وطاحت ع الارض بالم
ناظرها وهو مببلل من المطر ، رفعت نظرها عليه وقامت وهي غرقانه دفته وهي تقول : ي نذل
عاصف ناظرها : كنتي متوقعه اني بنقذك خوفناً عليك ! بس م ابيك تموتين ببيتي
تركها وراه ودخل الملحق كانت الريف تمسك دموعهاا من النزول ماتبيه يشوف ضعفها رمت المنشفه الي بيدها ع الارض : لابوكم لابو تنظيفكم
دخلت الريف وهي ترجف للملحق ، كانت الارض وهي تمشي الماء يقطر فيها شافته طالع من الحمام " وانتم بكرامه " ينشف شعره ناظرها بطرف عينها وهي بردانه ودخل الغرفه ، اخذت الريف عبايتها ولبستها تتدفى فيها بس كانت م تدفي وضلت ترجفف واسنانه ببعض تصك من قوه البرد طلع عاصف من غرفته ناظرها شافها بردانه مره ولا تناظره ، طلع من الملحق متوجه لبيت عمه مصلح دق الباب وهو يحجب بيده المطر ، فكت اماني له الباب : عاصف ؟ امرني
عاصف نطق : اماني اذا عندك ملابس عطيني اياها بعطيها " كان عاصف م يعرف اسم الريف "
اماني تنهدت بضيق : غرقت الريف من المطر ؟ الله يهدي امي والله حاولت ي عاصف انها م تنظف بس م باليد حيله
عاصف ناظر اماني ونطق : مهي مشكله انتي عطيني ملابس لها
دخلت اماني لغرفتها تاخذ ملابس ل الريف وعطته اكثر من لبسه ، طلعت ل عاصف ومدتها له : سم اكثر من لبسه
ابتسم عاصف واخذها من يدها : يعطيس العافيه
رجع عاصف للملحق وهو يركض عشان م يغرق من المطر ، دخل الملحق وقرب منها وهو يمد الملابس عليها : البسي
ناظرته الريف بطرف عين ونطقت : مابي
عاصف رمى الملابس جنبها ونطق : براحتك
دخل الغرفه وهو يقفل الباب ويرتمي ع السرير ، ناظرت الريف الملابس وهي بردانه وترجفففف عورها قلبها من قوه البرد وقامت تاخذ لبس ودخلت الحمام تلبس ، طلعت ملابسها المبلله بصعوووبه لبست الملابس وهي ترجف ، فتحت شعرها الطوويل الي واصل خصرها ، ناظرت منشفته معلقه واخذتها وهي تنشف شعرها من الماء ، مسكت قلبها بالم وهو يعوررهاا كانت تقاوم الم قلبها ، فكت باب الحمام " وانتم بكرامه " قربت ل شنطتها الصغيره وفتحتها كان فيها حبوب اخذتها بعدين رجعتها بشنطتها جلست ع الكنبه وهي تسند ظهرها بتعب
كان عاصف يناظر ب السقف والنوم يجفاه سمع باب يدق فز وهو يفك باب غرفته ، طلع يبي يفتح الباب فتح باب الملحق وكان واحد من احفاد الجد مصلح
عاصف : امرني ؟
الولد وهو يبلغ من العمر 17 سنه : جدي يبغاك ي عاصف
ابتسم عاصف : رح وانا جايه ي اسد
قفل عاصف الباب داخل يلبس ثوبه لبس ثوبه وطلع ل عمه مصلح دخل عليه ب المجلس وهو يسلم
ناظره الشيخ مصلح : عليكم السلام
قرب عاصف وجلس ونطق الشيخ مصلح : م كلمتك من يوم جبت البنت قلت يمكن يرجع عقله ل راسه بس شكل العقل معاد هو موجود
ناظره عاصف ونطق : ي عمي قفلنا ذا السالفه !
الشيخ مصلح بنبره حاده : م بدينا فيها عشان نقفلها " وبتهديد ل عاصف وهو ياشر بعصاته " قلت انك الشيخ من بعدي واعتبرتك مثل ولدي انا طول السنين اقولك تزوج تزوج بتصك الثلاثين وبخاطري ازوجك بنت ناس وعربان اجاويد تروح تتزوج بنت ملهم !!! ليكون حبيتها
فز عاصف وهو يناظر مصلح : افا يعمي كانك ندمان انك اعتبرتني ولدك ! ، يدي م هانت علي امدها ع طفل ي عم حلي احرق قلب الابو ع بنته وهي بذمتي الحين
مصلح ناظر عاصف بطرف عينه ونطق : بعدين تجيني وتقول ي عمي حبيتها
عاصف بنبره حاده نطق : ماني قايله ولا راح احب بنت عدو ابوي الناس الي م يبيهم ابوي انا مابيهم " قام عاصف من عند عمه وطلع من مجلسه تنهد بضيق وناظر الملحق ماكان يبي يدخله مايبي شوفتها ، طلع سبحته من جيبه وبدا يلعب فيها بيده توجه يم سيارته فتح الباب وركب رجع سيارته الورا ومشى ب ديره وهو راسه بينفجر من التفكيررر وقف ضل يدور ويلف ب الديره لين استسلم ل النوم وقف ع جنب وهو يرخي مرتبت السياره حط راسه ورما شماغه فوق عينه ونام ، صحى ع الشمس الي حرقت جسمه من حرارتها فز وهو يجهل الساعه كم بس صلاه الفجر فاتته
تنهد وهو يستغفر ويطلب من ربي المغفره ، مسك رقبته بالم من النومه الغلط الي نامها ناظر يمين ويساره وشغل سيارته متوجه للبيت نزل وهو اخلاقه قافله معه فتح الباب ودخل يتوضى ويصلي م فاته من صلاه طلعت من الحمام " وانتم بكرامه " وقابلته تعداها
....
| في ديره الريف |
كانت نجمه جالسه وهي القمه م تهنى لها وقلبها متقطع ع بنتها ناظرت البندري ونطقت بحزن : ليت اختس م راحت ليتهم اخذو رقبتي ولاعطيتهم اختس
البندري وهي الي فيها مكفيها نطقت بحزن وقربت من امها : يمه الريف بترجع لنا هي وعدتني وبتنتبه ع نفسها
ام الريف بضيق نطقت : ي بنتي انتي م تعرفينهم م تعرفين نوره زوجه مصلح انا خايفه من بنتي منها
البندري حضنت امها بزعل وبحزن ، دخل عليهم ليث وهو يركض ويبي
فزو له نجمه والبندري
البندري بخوف ع اخوها : وش فيك
ليث وهو يشهق ويمسح دموعه بيدينه الصغيره نطق : الريف وووينها ابي الريف
جلست البندري مستوى طول ليث ونطقت : بتجي الريف بس انت علمني من الي سوا فيك كذا
نجمه بخوف ع ولدها نطقت : جعل يده الكسر
البندر ناظرت امها ورجعت نظرها ل ليث ونطقت : ولد نمر ؟
هز ليث راسه ب لا وهو يشهق ولا ينطق بحرف وكانه ينتظر الريف تجي عشان يعلمها هي
تنهدت البندري بضيق وقامت تاخذ عبايتها تشوف من الي سوا ب ليث كذا ، طلعت ب الديره وشافت عيال واقفين مع بعضهم قربت منهم البندري ونفخت فيهم
ناظرو العيال ببعضهم ورجعو ناظروها
البندري بحده في صوتها : وش سويتو ل ليث !!!!
تكلم واحد من الولاد : بس اخذنا الكوره وقلنا نبي نلعب ب الدور
اخذت البندري من يدينهم الكوره ونطقت : مالك شغل فيه مره ثانيه
رجعت ودخلت البيت
...
| في المحلق |
كانت الريف تدور ع تلفون تدق فيه ع بيت امها ، كانت التلفونات سلكي بالديره ولا احد يستخدم التلفونات الثانيه رغم ان التطور كان موجود ، ضلت تدور بالملحق تلفون بس م حصلت طلع من الحمام " وانتم بكرامه " ودخل غرفته ، شافها وهي بغرفته وتبحث عن شيء
نفخ بصوته وهو يقول : وش تسوووين هينا
فزت الريف والتفت له وبدون م تبرر جت تتعداه ، مسكها بيدها ورجعها ونطق بحده : سوالي م يصير ثنين وذي قاعده خليها عندس
رفعت الريف عيونها عليه ونطقت بحده : مو الريف الي تحط لها قواعد رح شف لك احد ثاني
شد عاصف ع يدها حاولت تفكها بس قوته ابداً م تساوي قوتها ، تذكرت المهارات الي علمها ابوها لها ، ثبتت يده وبحركه سريعه منها رفعت رجلها يم بطنه وبركبتها ضربت بطنه ، بعد عاصف عنها بالم بالضربه الي ببطنه
الريف بحده نطقت: م تمسكني مره ثانيه تسمعني
رفع عاصف نظره عليها وقرب منها وضرب فيها ب الجدار وصدرها بصدره ، مسك وجهها ونطق بحده : تحسبين انك قويه ترا اقدر اخلي دمعتك تنزل بس مو عاصف الي يطلع قوته ع بنات
الريف وهي مثبته بيدين عاصف ناظرته وهي تمسك دموعها غصباً عنها ، وكانت قوه عاصف مو ربع قوتها حتى
فكها من بين يدينه ونطق : وش تسووين بالغرفه والسوال م يصير ثالث
رفعت الريف انظارها ل عاصف ونطقت : قلت لك قواعدك مو علي ي تسال السوال زي الناس ي لا تسال
غمض عاصف عيونه وهو يستغفر ورجع نظره ل الريف ونطق : وش تسوووين ب الغرفه
ابتسمت الريف وهي خلته يعيد السوال ثلاث مرات ، نطقت : ادور تلفون
ناظرها عاصف ونطق : وش تبي فيه !
الريف اخذت نفس ونطقت : بكلم امي
قرب عاصف منها ونطق : ومن سمح لك تكلمينها !
ناظرته الريف وضحكت ضحكه استهزاء : من انت عشان اخذ الاذن منك ؟
ضحك عاصف نفس ضحكتها ومسكها مع يدها ونطق : اول شيء زوجك ثاني شيء لاتنسين اخوك
ناظرته الريف وفكت يده من يده ، وتركته دخلت ل الصاله دق بال الملحق وطلع عاصف يفك وكانت اماني وبيديها فطورهم
اماني نطقت : فطوركم
اخذه عاصف من يدها ونطق : تسلمين ليش تتعبين نفسك ؟ ، كان خليتي الريف تجيبه
اماني تنهدت ونطقت : مابي اتعبها ، بعدين تراها من امس م اكلت وانا احاول فيها
ناظرها عاصف ب استغراب : رفضت ؟
اماني هزت راسها ب اي ، وراحت دخل عاصف عند الريف وبيده الاكل حطه قدامها وقال : اكلي
الريف ناظرته بطرف عينها ونطقت : مابي
عاصف شد ع سنونه وهو وده يكسر عنادها ونطق بحده : قلت لك اكلي !
الريف نطقت بنفس حدته : ماراح اكل
عاصف برفعه صوت شوي : براحتس عساك م اكلتي
تركها عاصف ودخل يلبس ثوبه يبي يطلع ، ناظرت الريف الصحن وهي تدوخ من الجوووع بس تقاوم طلع عاصف وهو يشوفها للحين م مدت يدها ع الصحن ، جلس عند الصحن وبدا ياكل وهو يناظر فيها وهي تشمق فيه
عاصف وهو يشرب شاهي نطق : م راح اقول لك شيء اذا جيتي ومديتي يدك واكلتي
التفت الريف عليه ونطقت وهي تقلده : شيء منك م اخذه وخل ذي قاعده عندك
عاصف وهو يشرب شاهي بطريقه استفزازيه نطق : زين اختصرتيها علي
شمقت الريف عليه وهي تفك شعرها تلمه مره ثانيه ، كان يناظرها وهي تفك شعرها وتحط الشباصه بفكها ، وبيدينها تلف شعرها ل فوق اخذت الشباصه من فمها ورجعت تحطها بشعرها ونزل خصلات ع وجهها
ناظرها وزي اي رجال م يقاوم الجنس الاخر ، تنحنح وقام من الاكل وهو ياخذ سبحته من ع الطاوله ويطلع
الريف ناظرته ونطقت : بالي م يردك
قامت هي بعد بعد واخذت عبايتها وكان الملل مداهمها ، لاتطلع ولا تروح ولاتجي لبست عبايتها وفكت الباب وطلعت وهي تتجول بالديار البرق كانت تمشي وتشم هواء والتفت وحست بان كل الحريم ياشرون عليها ويتكلمون فيها هي تعرف انها مكروه بذا المكان بس ماهتمت ضلت تتمشى لين وصلت مكان يبع اسوارات ابتسمت وقربت وهي بس تناظر الاسواره
نطقت بنت بجانبها : ولك عين تتمشين بديرتنا ؟
التفت الريف ع البنت ونطقت : لي عين حتى اجلس ع روسكم
ضحكت ساره وهي تناظر الريف نطقت : والله عينك يبي من يفقها اجل
ضحكت الريف وناظرتها ونطقت : ليكون انتي الي بتفقعينها ؟
ساره ابتسمت وقربت من الريف ونطقت : افقع الثنتين بعد
الريف ابتسمت ونطقت : اذا عندك الجراءه امسكي شعره مني ولاتخلين كلامس بس كلام خليه افعال وش رايس ؟
ساره وهي تاشر ل الريف ب اصبعها نطقت : اخليه افعال من قبل لاشوفس " مسكت كتف الريف مسكت الريف يدها ولوتها ورا ظهر ساره قامت ساره تصارخ قربت الريف قريب من اذن ساره وهمست : قلت لك اذا عندك جراه امسكي شعره مني اكسر يدك كسررر
تجمعو اهل الديره عليهم وكلهم يتكلمون ع بنت ملهم ، اما ساره كانت تصارخ وتقول : شوفووو ي اهل الديره بنت ملهم وش تسوووي فينااا
تكلمت الريف وهي تقول : بنت ملهم تسواكم كلكم " وفكت ساره "
طلع راكان وعاصف من بين اهل الديره المتجمعين ، ناظر عاصف الريف عض ع شفته وقرب منها ومسكها من يدها
وراكان قرب من اخته ومسكها ونطق : وش قاعده تسووين انتي
رفعت ساره صوتها وصل مسمع كل اهل الديره : انا الي سويت !!! ولا هي الي مو متربيه بنت كلب قليل حيا
الريف م تحملت اهانتها ونطقت : انتي الي قليله ادب مو انا وذا م رديت عليس مو معناته م عندي رد ع كلامس الا ابو مربيني اني م اتلفض ع احد
مسك راكان ساره وقال بحده : وش بنت الكلب !! من الي معلمك ع الكلام ذا م تستحين
ناظر عاصف الريف ومسكها مع يدها وسحبها معاه ، نطقو ع اهل الديره : كذا ي عاصف تخلي بنت ملهم ع روسنا ؟ وتضرب بنت خالتك وانت ساكت
التفت عاصف عليهم ونطق : لحد يقرب منها من كبيركم لصغيركم ولا ينطق كلمه وحده لها
التفت ع الريف ومسكها مع يدها وسحبها معاه ، بدو اهل الديره يتكلمون ع انه يحبها من اول وجابها وهو يبيها ، ناظرت الريف عاصف وهو ماسكها مع يدها متوجه فيها للبيت كانت ملامحه ملامح غضب قرب من بيتهم ودخل للحوش ، شافهم جالسين بالحوش ومعاهم ام صالح عجوز من عجايز الديره وبنات عمه مصلح كلهم متواجدين
نطقت ام اماني وهي تشرب القهوه : والله ضنتي يوخيتس يحبها ولا شلون تضرب بنت خالته وهو ساكت ؟ م ضنتي الشيخ بيكون هو مصلح غسل يده منه
نطقت ام صالح : والله مدري يوخيتي انتبهي بس لاتاكلكم البنت كانها وحش
اماني ناظرتهم ونطقت : بس خلاص
الجوهره ناظرت اماني : انتي انطمي اي صوت ثاني بالفنجال ع وجهك
انجرحت الريف منهم كثيررر وناظر عاصف ام اماني ونطق :جايبه ام زكي هينا توزع العلوم عليس ها
ابتسمت ام اماني : اي يولد جميله كل اخبارك واصلتني
عاصف ابتسم ونطق : زين ، بس صدقيني ان البيت اليي انتي فيه بيتي حطي لسانك بفمك واقعدي بسكوت ولاتقعدين تدقين ب الكلام ي حرمه عمي وتطلعين هروج
مسك الريف وفك باب الملحق ودخل هو وياها ، اما ام اماني قعدت بحرتها من عاصف بالعاده يسكت عنها بس ذا المره صوته طلع
دخل الريف وقفل الباب ، التفت عليها بنظره كلها غضب ونطق : انا مو قايل لس طلعه من ذا المكان م فييييه
الريف نطقت بحده : حيوان انا يوم تحبسني ! تخسي ماتتامر علي
شد عاصف ع يده وهو يهدي اعصابه نطق : لاتخليني اكسر راسك يبنت ملهم ، واذا قلت مافيه طلعه يعني مافيه
الريف وهي دايخه وجوعانه م تبي تناقش عاصف نطقت : مالي خلقك واعرف ان كلامك ماني سامعته
دخلت وهي تطلع عبايتها وتجلس ع الكنب ، مسح عاصف ع وجهه بغضب وقرب منها ونطق : اذا انتي بنت ابوك اطلعي من ذا البيت
رفعت الريف انظارها عليه ونطقت : يصير خير يولد برق
عاصف وهو شاد ع يده نطق : مسويه تطقطقين !
قامت الريف وهي تتافف نطقت : قلت لك ماتقدر تامرني اذا م تبي تدخلها براسك انا ادخلها لك
مسكها عاصف بيده وهو معصب لاخر درجه منها نطق : من انتي عشان تدخلينها براسي !
الريف وهي حاطه عينها بعين عاصف نطقت : بنت ملهم
عاصف ناظرها ونطق : اكسر راسك ي بنت ملهم
الريف دفته ونطقت : م تقدر
مسكها عاصف وصك ظهرها ع الجدار وهو قريب منها نطق : لاتتحددين ي بنت ملهم
كانت مسكت عاصف تعور الريف بيدها نطقت : فك يدك عورتني
عاصف شد ع يده اكثر ارخت الريف نفسها ع مستوى يده من قوه شده نطقت : بعدد عني
عاصف قرب منها ونطق : اكسر يدك اذا طلعتي من ذا البيت
فكها وطاحت الريف بالم بيدها ، فك عاصف الباب وطلع وهو يقفله
مسكت الريف يدها بالم ونزلت دموعها وهي تمسحها بيدها الثانيه وتشهق ، تحاول تصير قويه ولايشوف ضعفها بس هي تعبت حاولت تقوم من الارض وهي تسند نفسها ع يدها وعورتها يدها وطاحت مره ثانيه بكت وهي تمسك يدها ، ودايخه من جوعها
...
| عند راكان |
دخل البيت وهو يدف ساره من برا ، وصوت هواشه ب البيت كله
طلعت ام راكان من المطبخ ونطقت بخوف : علامكم وش صاير
ناظر راكان ساره ونطق بحده : اسالي بنتك اساليها وش تسوي مع زوجه عاصق
ناظرت ام راكان ساره ونطقت بحده : وش سواتها !
ساره ناظرت امها ونطقت : هي تضربني والاخ يهاوشني وحبيب القلب عاصف يدافع عن زوجته
ام راكان شهقت ونطقت : وشهوو ضربتس !
راكان ناظر امه ونطق : يمه هي الغلطانه انا متاكد !
ام راكان ناظرت راكان ونطقت بحده : وبنت نجمه مهي بغلطانه ؟
قربت ساره من امها : يمه شوفيها وش سوت بيدي ويدافعون عنها ، وعاصف كذاب يحبها يمه دافع عنها قدام الديره كلها وهو يقول لحد يقربها
راكان نطق : اجل يخليس تكلمين بنت الناس كذا ؟ يمه قليله الادب ذي تقول بنت الكلب للبنت
شهقت ام راكان وهي تناظر ساره مسكها مع اذنها ونطقت : انا ربيتس كذا !!!!! هااا
ساره بالم وهي تحاول تفك يد امها : يمه بالغلط طلعت من فمي
راكان مسكها مع يدها : تثمنين كلامس مره ثانيه توحين ؟
ساره بتافف نطقت : خلاص طيبببب
فكها راكان وراحت من عنده بزعل ، طلع راكان جواله من جيبه ودق ع عاصف
...
| في ديره الريف |
كانت البندري تنظف وهي ضايقه ، وكل البيت ضايق بعد م راحت الريف دخلت هدى ع البندري وهي بالمطبخ
هدى نطقت : الحلو وش يسوي ؟
التفت البندري عليها وابتسمت : ارحبي
هدى ابتسمت : البقى ، شفيس سرحانه
البندري وهي تقفل الماء ، وتمسح يدها بقميصها نطقت : احس اشتقت الريف
ابتسمت هدى بضيق ونطقت : حتى انا ، حتى القطاوه الي ب الديره متعوده ع الريف كيف حنا ؟
البندري تنهدت ونطقت : تعالي نجلس ب الغرفه
طلعت البندري وهدى للغرفه ، فتحت البندري الغرفه ودخلت اخذت هدى شنطتها وهي تحطها ع جنب ونطقت : تهقين الريف بتجي تسير علينا ؟
البندري التفت عليها : اكيد بتجي هي بس تزوجت !
هدى اخذت نفس بضيق ونطقت : دعيت لها ان ربي يفكها من زواجها من صافي بس ماهقيت انها بتتزوج من واحد ثاني واخس من صافي عدوها
البندري تنهدت ونطقت : عند الريف كل شيء يهوون غير صافي
ضحكت هدى وضحكت البندري معاها وهم يتذكرون كلام الريف عن صافي كانت تكره بشكل مو طبيعي وصافي ناشب لها
البندري وهي تناظر هدى : انتي وش صار ع زواجك ؟
هدى وهي تتكي بظهرها نطقت : ابد والله المفروض ذا الشهر بس شكلي ب اجله بدون الريف م بسوي زواجي
البندري : بتجي الريف ولايهمك ، لاتخلين فواز يطق له عرق صارخ وصاح ومات وعاش عشان ياخذس
ضحكت هدى ونطقت : وذا المفروض عشان يعرف اني غاليه وصعب ياخذني
ضحكت البندري ونطقت : منتي بهينه
هدى وهي ترجع شعرها لورا بنرجسيه : اجل شعبالك ياخذني بساهل ؟
البندري ابتسمت ونطقت : كفو عليس ، تبين نطلع نتمشى بالديره شوي ؟
هدى وهي تحط طرحتها ع شعرها نطقت : يلا البسي عبايتس وطلعنا
قامت البندري تاخذ عبايتها وتلبسها واخذت هدى شنطتها وطلعو ب الديره بتمشون ويسولفون
البندري نطقت وهي تتمشى مع هدى : اقولس هدى
هدى وهي تناظر ب اجواء الديره نطقت : هلا
البندري وقفت هدى الي تمشي ونطقت : ودي اروح ديره البرق ابي اتطمن ع الريف
هدى شهقت : صاحي انتي ؟ ، اجلسي بمكانك الريف بتدق عليك اكيد اذا م جت بتدق
البندري : ومن فين لها جوال ؟ حنا ع جوال السلكي لو اشترينا جوالات الي بدون سلكي كان قدرت اكلمها واتواصل معاها
هدى ناظرتها وهي م تايد فكرتها : البندري لا ، اذا تبين نشتري جوال بدون سلك وارسله مع فواز لعند الريف ومن جوالي نتصل عليها بس انك تروحين لحالك انتي لا
البندري تنهدت بضيق : خليني ادل ديارهم عشان اروح وابوي م سوى شيء للحين
هدى وهي تطبطب ع كتف البندري : صدقيني كل شيء بيهون
التفتو ع صوت صافي الي جاي يركض عند البندري
البندري : مو وقته ذا
صافي قرب من البندري ونطق : الريف كلمتك ؟ وينها فيه اروح اخذها ؟
البندري ناظرته : اي كلمتني وهي مبسوطه مع زوجها انت ليه م تستوعب انها تزوجت
صافي بحده : هي زوجتي انا
البندري وهي تشوف الليل بدا يجي : الدنيا عتمت ماني فاضيه اتناقش معك ي صافي دور نصيبك وانسى الريف
وقف صافي قدام البندري : مستحيل انسى الريف ! وعلميها اني باخذها لو هي باخر الدنيا
مسكت البندري هدى وتعدت صافي
...
| عند عاصف |
نزل من الشاص وقرب من الملحق فكه ودخل ، طلع شماغه من راسه وهو يرميه ع كتفه دخل وناظرها وهي طايحه بنفس المكان الي هو تركها فيه قرب منها ومسكها
عاصف وهو يضرب وجهها بيدينه الخشنه عشان تصحى : بنت ملهم بنت ملهم
كانت الريف م تستجيب له مغمى عليها ، شالها من ع الارض وهو يفك باب غرفته برجله بقوه ويدخلها حطها ع سرير وهو يشغل النور جلس جنبها وهو يحط مويه في يده ويرش الريف ، ويرجع يضرب وجهها شوي : الرريف
مسك راسها وكانت البنت ناررر ، عرف انها مو ماكله شيء وحرارتها ارتفعت
شالها من ع السرير ودخل الحمام " وانتم بكرامه " فك الدش عليها وقتها صحت الريف وهي ترجف واسنانها ببعض تصك بصوت مبحوح : اترركني
عاصف وهو يوفقها ع رجولها نطقت بهدوء : صحصحي اول
الريف وهي تغمض وترجع تفتح : اتركني
طلع عاصف يجيب المنشفه لها وطلعت الريف وهي تلتف بالمنشفه ببرد
عاصف نطق : ملابسك متبلله بتزيد حرارتك تقدرين تلبسين ؟
الريف هزت راسها ب اي ، طلع عاصف وقعدت الريف تلبس ملابسها بصعوبه دخل عاصف بعد م خلصت جت الريف بتمشي بس من دوخه جوعها جت بتطيح وداركتها يدين عاصف الي جلسها ع السرير ، ناظر يدها الي كانت بنفسجيه مكان ضربته تركها جالسه وقام طلع من الملحق رايح بيت عمه مصلح ، دخل للمطبخ من ورا كان الكل نايم شاف بيض وخبز ، اخذ البيض وشغل ع الفرن وهو يحط البيض بدا يسوي البيض وحطه في الصحن فك الباب واخذه ل الريف ، فك باب الملحق ودخل دخل على الريف الي ترجف ومتليمه في سريره حط الصحن ع جنب ونطق بصوت خشن : قومي اكلي
الريف وهي م ترد عليه
عاصف بصوت مرتفع شوي : الررريف
ناظرته الريف ونطقت بصوت مبحوح : قلت لك اي شيء منك م اخذه
قرب منها ومسكها وجلسها ونطق : تبين تموتين علي فايق لك انا اكلي عشان تصيرين بخير
اخذ الصحن وحطه عندها ، الريف وهي تدوخ وقلبها بدا يعورها مسكت قلبها بالم وهو يناظرها نطقت ودموعها بعينها وبصوت مو مسموع : حبوبي
عاصف وهو م سمعها نطق : ها ؟
الريف وهي ماسكه قلبها بقوووه نطقت بصوت فيه بكى : حبوووبي
ناظر عاصف شنطتها ونط لها فكها بسرعه وهو يدور الحبوب من بين اغراضها ، طلعها من بين اغراضها وهو يجيب قاروره مويه ويحط الحبه بفمها ، وبيده يشربها
شرب الماء الريف وسندت ظهرها ع حافه السرير
اخذ عاصف الاكل وحطها عندها : اكلي لاتكابرين وتعاندين ترا صحتك
ناظرت الريف عاصف وهي حيلها انهد وقرب الاكل منها وبدت تاكل وهي الجووع ذابحها ، جلس عاصف وهو يناظرها تاكل ويناظر يدها المزرقه من مسكته كانت تاكل وهي تمسك قلبها كل دقيقه
ناظر عاصف شعرها المبلول ونطق : نشفي شعرك
رفعت الريف انظارها عليه ولا كلمته ، اخذت الصحن وحطته ع جنب وجت بتقوم
عاصف مسكها وجلسها : ع وين
الريف نطقت بتعب : بروح انام
عاصف قام من عند الريف : نامي هينا بنام ب الصاله
الريف : مابي
عاصف جلسها ونطق : قلت نامي هينا وكلمتي م تنعاد ! ، فايق لك انا
الريف ناظرته وتنهدت : مابيك تكون فايق لي ارتاح
عاصف : اي اجل انثربي هينا ونامي
اخذ عاصف شماغه الي طايح ع الارض وفتح الباب وطلع وقفل باب الغرفه عليها ، ناظر بالكنبه وحط الشماغ تحت راسه وانسدح قعد يناظر ب السقف لين النوم غلبه ونام
صحى اليوم الثاني بالم في رقبته جلس وهو يمسك راسه بصداع طلع جواله يناظر الساعه وكانن الساعه 5 الفجر تنهد وقام يدخل الحمام " وانتم بكرامه " ويتوضى رايح للمسجد كان الصداع مزامنه طلع وهو يشمر ثوبه ويستغفر اخذ المناديل يمسح وجهه من الماء ، التفت وناظر الغرفه فك الباب ودخل عليها شافها ملتمه ب البطانيه ونايمه قرب اكثر منها وهو يتلمس جبهتها يتاكد من حرارتها وكانت ماعليها اخذ الباب وطلع للمسجد يصلي قابل راكان الي متوجه للمسجد بعد
راكان قرب من عاصف ونطق : شبلاك ادق عليك م ترد اشغلت بالي
عاصف ابتسم ونطق : م شفت الجوال
راكان : اهم شيء انك بخير ؟
عاصف : بخير بخير لاتشيل هم
دخلو يصلون ومن ثمها طلعو للحلال وهم يشيكون عليه
راكان : افطرت ؟
عاصف : لابالله م افطرت
راكان : اجل بنقز للبقاله اجيب فطور ونفطر
عاصف : ع بال م تجيب الفطور ابي احلب الناقه
هز راكان راسه وراح للبقاله بشتري فطور ، وعاصف جلس يحلب الناقه
| عند الريف |
كانت نايمه وصحت ع صوت الباب يدق قامت بتعب ، وهي تلم شعرها المتناثر ع ظهرها فتحت بال الغرفه متوجه للملحق فتحته وحصلت اماني
اماني وهي تناظر الريف التعبانه وملامحها الشاهبه نطقت : الريف ؟ انتي بخير
الريف ابتسمت ونطقت : بخير
اماني دخلت وقفلت الباب ونطقت : وش بخير شايفه وجهك " مسكت راسها تحس بحرارتها " حرارتك مرتفه
الريف تنهدت ونطقت : بدخل اخذ شور الحين بتنزل
اماني : اصبري بجيب خافظ حراره وفطور افطري وبعدين اخذيه
فكت اماني باب الملحق متوجه لبيتهم ، دخلت المطبخ وهي تجهز الفطور ل الريف اخذت خافظ حراره معاها وطلعت في طريقها ل الريف سمعت باب الحوش يدق حطت الفطور ع الدكه ، وحطت طرحتها ع شعرها تقدمت للباب وهي تقول مين
ورد عليها صوت ممدوح ابتسمت اماني وقلبها ينبض من سمعت صوته ، فتحت الباب ونطقت بصوت انوثي : امر ي ممدوح
اخذ ممدوح نفس ونطق من غير قصد : الا يزين اسمي من ثغرك
ضحكت اماني بصوت خافت وتنحنح ممدوح ونطق : العم مصلح هينا؟
اماني ببتسامه : ايوه يفطر تبيني انده لك ؟
ممدوح ببتسامه نطق : ي ليت
اماني : اصبر
تركت ممدوح ع الباب ورجعت تنده ع ابوها ، بعدين رجعت اخذت الفطور ودخلت ع الريف
جلست جنبها وحطت الفطور عندها ونطقت : الحين مافيه مابي قسم اصفقك اخليك تاكلين غصباً عنك
ابتسمت الريف وهي تناظر اماني نطقت بشوق : ذكرتيني ب اختي كانت تقول كذا كل م مرضت
ابتسمت اماني بحزن ونطقت : انا مثل اختك ، وان شاءالله قريب تشوفين اختك مامن درب بعيد قريب منا
ابتسمت الريف ونطقت : الله يسمع منك ي اماني
اماني ابتسمت ومدت ع الريف الاكل ونطقت : يلا اكلي واخذي خافظ الحراره
قربت الريف وبدت تاكل ، وبعدين اخذت من خافظ الحراره
اماني ابتسمت : بتركك الحين بشوف امي بس برجع اشوفك
هزت الريف راسها ببتسامه وطلعت اماني من عندها ، تمددت الريف ع الكنبه بتعب وغرقت بنومها
....
| في العزبه عند عاصف |
اشترى راكان الفطور وجلس هو وعاصف يفطرون ، دخل ممدوح عليهم وناداه عاصف
ممدوح : ارحبو اثركم هينا ؟
راكان وهو ياكل زيتون نطق : البقى وينك فيه
ممدوح جلس معاهم وهم ياكلون ونطق : مريت عند الشيخ مصلح بقاني
عاصف وهو ياكل نطق : وش بقى فيك ؟
ممدوح : ابد بقى اوصل خبر لشيخ المسجد
راكان هز راسها ونطق : تبي حليب نياق ؟
ممدوح : اي بالله صب لي
اخذ راكان الحليب وصب ل ممدوح فنجال ، مد له عاصف وصب له
ممدوح تنحنح ونطق : الا عاصف
ناظره عاصف ونطق : امرني
ممدوح وهو يحك لحيته نطق : انا ودي اخطب اماني
ضحك راكان ونطق : ودك ؟ الا متلهف
ناظره عاصف بحده خلت راكان يسكت لانها بنت عمه م يرضى ، والتفت ع ممدوح : زين م سويت ي ممدوح وانت رجال ونعم فيك تنشرى
ممدوح تنهد بضيق ونطق : بس تهقى عمك بعيطيني ؟
عاصف : وليش م يعطيك ؟ اماني اذا وافقت اكيد عمي بعطيك
ممدوح حس بعدم الراحه ونطق : الله يسمع منك
راكان وهو يطبطب ع ممدوح نطق : لاتخاف اذا ربي كتبها من نصيبك بتكون لك
ابتسم ممدوح ونطق : ان شاءالله انها من نصيبي
راكان وهو يرفع يدينه ل السماء ويدعي ويقول : يربي يربي انك تخلي نصيبي يجي بسرعه يربييي
ضحك عاصف ونطق : الله المستعان لاتزوجت
راكان نطق : افا يذا العلم وراه يبو برق ؟ علامي
عاصف : ابد والله كامل والكامل الله بس لو تترك الهباله عنك تكمل
راكان وهو يشرب حليب نطق : حاولت تحسب ماحاولت بس الهباله تمشي بعروقي وش اسوي
ممدوح وهو ياكل نطق : اجل عينا خير
ضحك عاصف وهو يناظر راكان نطق : ان شاءالله نشوف عيالك " قام من الجلسه " استاذنكم عندي كم شغله
راكان وهو ياكل : اذنك معك
طلع عاصف وركب سيارته متوجه للبيت دخل للبيت ونزل ، شاف زوجه عمه جالسه وسفهاء ودخل للمحلق ، شاف الريف نايمه الكنب وقدامها الاكل قرب منها وتحسس ع راسها وكانت مافيها حراره ، دخل الغرفه اخذ بطانيها وجاء يلبسها ودخل الحمام " وانتم بكرامه " اخذ شور يريح اعصابه فيه طلع وهو بنشف شعرها وهي لسى نايمه ، دخل وهو يلبس ورجع يطلع مره ثانيه
ام اماني وهي تناظره : شايفات رايح جاي حتى م يسلم
اماني وهي تصب القهوه : كانس تبين سلامه
مزنه : لعنه تلعنس خير تراددين ؟
اماني وهي تعدل جلستها نطقت : وانا صادقه
تهاني وهي تصب القهوه لنفسها نطقت : ياخي اتركوه بحاله يتيم
اماني : واخيراً احد نطق
ام اماني بنفخه : ناقصني انتي الثانيه ؟ كانس صفيتي يمه ؟
تهاني وهي تشرب قهوتها نطقت : ماني واقفه مع احد انا بس اقول الصدق
الجوهره نطقت بغير قصد منها : اتركي الصدق عنك وفكري في نفسك للحين م جبتي عيال
رفعت تهاني نظرها ع الجوهره ونطقت : تعايريني يختي ؟
الجوهره بلعت ريقها ونطقت : تهاني والله م قصدت
تهاني تركت فنجالها وابتسمت بتسليك : لاعادي انا بروح اكيد زوجي جاء بسوي له الغداء
طلعت تهاني من عندهم ، والتفت اماني ع الجوهره : ليه جرحتيها كذا
الجوهره : والله م قصدت
ام اماني اخذت نفس ونطقت : يويلي عليس ي تهاني
....
ننهي البارت هينا
أنت تقرأ
ياسماء امطـري واعصفي الريـف
Romance" ياسماء امطري واعصفي الريف " "لاعبيني ياهوى والليل سامر لاعبيني ب اللحون السامريه🎶" حسابي انستا | llzix_2 كتبت بواسطه | مجد
