ياسماء امطـري واعصفي الريـف

Part:21

اللهم صلى وسلم ع نبينا محمد ....

_______
ساطي : نونو وش مجنون مجنون فيك يمكن ذي صح
الريف والي يدها ترجف نطقت : ممكن تطلع بلبس واجي
ساطي : البسي قدامي
الريف ناظرته بعلامات استفهام كثيره وانرعبت منه كثيررررررر : تمام اجلس انت بالحمام وانا بروح الغرفه البس
ضحك وطلعت الريف من عنده ، وهي ودها تذبحه
لبست الريف بجامتها ودخل عليها ساطي ، اخذت نفس وعدت اليله نام ساطي اما الريف جفاها النووم ناظرته وهو نايم ، وقامت بشويش عشان مايحس عليها وطلعت ع بلكونة الفندق قررت انها تسامر الليل ، وهي تناظر بالقمر والهواء يلعب بشعرها وعلى كتفها بطانيه صغيره تدفيها من بروده الجو نزلت دمعه ع خدها وهي تناظر القمر
ع طرف ثاني من المدينه كان عاصف جالس ع كبوت الشاص في مكان من الاجبال مرتفع يناظر ويسامر القمر تكى بظهره ع القزازه الاماميه حقت الشاص الشيء الوحيد الي جمعهم كان القمر
عاصف بحرقه بقلبه نطق بصوت ضخم وهيبه :
شفتك بعيني مع غيري بكيت
ناظرت عيني عيونك وادمعت
ارتعش جسمي ابوقف ماقويت
ودي اكتم عبرتي وغصب اطلعت
عمري مافكرت ولا عمري هقيت
تجرح روحي بهواك تولعت
جارحي بالحب روحي لك هديتت
كنت اجذب اذني لو فيك اسمعت
باكر بتشوف المذله لي صحيت
تعرف ان ايدك للغدر اصنعت
ولو تجي وتقول سامحني خطيت
مارد للعين غيري طالعت
في سراب الحب عايش مادريت
ان روحك حايلتني وخدعت
زرعنا المسكين بيدي له سقيت
واحسايف مات كل الي زرعت

اخذ نفس وحط شماغه ع عيونه وراسه حطه ع القزاز وكتف يدينه ، والهواء البارد يمر ع جسمه وغفى ع الكبوت

~ بعد مرور ثلاث اسابيع ~
كان عاصف مايمر الديره ابداً من بعد عرس الريف وينام في ورشه السيارات ، دخل عليه ممدوح وكان عاصف تحت الشاص يسويه ، ممدوح : عاااصف
طلع عاصف من تحت السياره وهو بفنيله وسروال وثوبه معلقه ع باب الورشه
وقف وهو ينفض شعره من الغبار وهو لاف وجه ع ممدوح : ارحب
ممدوح ناظر الشاص ونطق : وش تسوي فيه انت
طلع عاصف فنيله الي تدمرت من الشاص ، وبان جسمه واكتافه العريضه وعضلات بطنه التفت ع ممدوح ورمى عليه الفنيله ونطق : اقوي سرعت الشاص
كان عاصف جاهل البنت الي كانت واققه ع باب الورشه تناظره
ممدوح نطق وقال : طيب في بنت تبي تكلمك
فك عاصف كبوت السياره ، وهو يناظر بالمكينه تكى بيده ع الشاص وناظر ممدوح ونطق : مين ؟
ممدوح : ماعرفها جت لديره وجبتها هينا
انصدم عاصف ونطق : جبت البنت هينا ؟؟؟
ممدوح : وش اسوي انت ماتطلع من هينا وهي اصرت الا انها تشوفك وتكلمك
رفع عاصف يده ع كبوت السياره وقفله ، واخذ الفنيله من يد ممدوح وهو ينفضها من الغبار ويلبسها جاء بيطلع وشاف البنت عند باب الورشه ، الطرحه ع راسها ، وماسكه بيدها طرف الطرحه مغطيه وجهها غض عاصف بصره عنها ونطق : امريني ي اختي ؟
ابتسمت البنت ونطقت : مايامر عليك عدو ، اذا ودك نتكلم في مكان بعيد فيه موضوع ابيك فيه مهم
عاصف هز براسه ونطق : طيب ابي البس ثوبي واجيك
البنت ببتسامه : خذ راحتك
دخب عاصف الورشه ولبس ثوبه ، فك باب الشاص واخذ شماغه من داخله عصب شماغه بحركه سريعه وطلع كان يمشي قدام البنت وهو حاط يدينه وراء ظهره الي ماسك فيها سبحته ويمشي
وقف في مكان بعيد شوي عن الورشه ونطق : امريني
قربت البنت وبدت تتكلم له
........
| عند الريف | تحديداً في ديره البرق |
كانت ببيتها الي هو بيت ساطي ، وجالسه بالصاله وحولينها الوان وادوات رسم ولوحه ترسم فيها ، كانت مثبته اللوحه ومرتخيه عليها وترسم وشعرها مبهذل ورافعته ولابسه بجامه ورديه وفوق اذنها قلم رصاص ، كانت ترسم شاص ومتقنه الرسم وعلى كبوت الشاص كانت ترسمه جالس فوقه وبيده سبحته الي ماتنشال من يده وشماغه على كتفه وشعره واكتافه العريضه كانت متعمقه في ادق تفاصيله ، وهي ترسمه اسئله في مخها انا ليش ارسمه ؟ معقوله شوقي غلبني ؟ معقوله احبه وانا متزوجه !!!!!!! ، ماكانت تتحكم في يدها كانت ترسمه لعل وعسى يطفي شوقها دق باب بيتها ورفعت راسها ع الباب ناظرت الرسمه ، وعلى طول شالتها فتحت دولاب غرفتها وحطت اللوحه فيه بعدين راحت تفتح الباب
دخلت اماني : هاااايييي
ابتسمت الريف : ياهلااا ومرحبا ومسهلا
حضنت اماني الريف ونطقت : كيفك اخبارك
الريف : بخير الحمدلله تفضلي تفضلي
ابتسمت اماني ودخلت ، قفلت الريف الباب من وراها ونطقت : انتي كيفك شخبارك عساك طيبه
اماني وهي تناظر الالوان الي بالصاله وادوات الرسم : بخير الحمدلله ، شكلك كنتي ترسمين
الريف وهي تجمع الالوان نطقت : اي والله اضيع وقتي
اماني : انا جيتك قلت اخذك معاي نروح نتمشى بالديره شوي
ناظرتها الريف ونطقت : اي تمام بس ماودك تتقهوين عندي بعدين نروح نتمشى
اماني : لايعيوني توي رافعه فنجالي وشربت لين قلت امين مشينا بس
ضحكت الريف ونطقت : يلا بلبس عبايتي واجيك
دخلت الريف تلبس عبايتها وطلعت لاماني وطلعو برا الشقه وبدو يتمشون بالديره ويضحكون مع بعضهم دخلت سياره في الديره وكانت الشاص حق عاصف ، التفتو عيال الديره ع شاص عاصف ومن شوقهم له بدو يصارخون ويقولون : الشيخخخ عاصف جاااء جاءء الشيخ جاءء
التفت اماني ع الشاص الي دخل اما الريف مالتفت وسوت انها مو مهتمه ولا هي قلبها نبض من اسمه بس ، وقف عاصف الشاص وتجمعو عيال الديره ع الشاص وهم يرحبون نزل عاصف قزازه سيارته ونطق : الشوق غلبكم ؟
وقف واحد ع سيارته وقرب منه ع القزاز ونطق : وشلون مايغلبني والديره مضيمه من بعدك ؟
ضحك عاصف ونطق : فكو فكو الطريق بعدين نتفاهم وناخذ لنا شوط
التفت الولد عليهم ونطق : افتحوووو افتحوووو الطريق عن الشيخ
بعدو كلهم ومشى عاصف لين وقف في وسط الديره ونزل ، وصدمهم لما فتح باب سيارته من وراء ونزلت بنت شابه
شهقت اماني ونطقت : ليكون تزوج ذا
التفت الريف ونطقت : وشهوووو
اماني مسكت يد الريف وسحبتها : امشي امشي خل نشوف ذي مين
ناظرته الريف وهو فاتح الباب للبنت ماتنكر انها غارت وماتتتتتتتت غيرره ، لدرجه ان عيونها بدت تدمع
ناظر عاصف الناس الديره ونطق : اسمعووووو يرجاللللل البنت ذي بنت عواض الله يرحمه ، ابيكم تعرفون ان قرب واحد فيكم عليهم ولاضرها هي وامها بيحصلني في وجهه هي من بعد اليوم في امان الله وفي امانتي
ناظر عاصف طارق الي ياكل فصفص وواقف مسوي نفسها برئي ، من قهره مسكه ونطق : تقرب لها بعد اليوم ؟
خاف طارق وهز راسه لا وهو خااايف ، رفع عاصف يده وضربه بقوه وقرب ابو طارق وهو ينطق : من انت عشاننن تضرب ولدي
ناظر عاصف في ابو طارق ونطق : لو ولدك رجال ماكان ضربته ان معرفت تربيه انت انا اربيه
كانت الريف تناظره وهو يدافع عن البنت ، والبنت واقفه وراه كانت الغيره تحررررق كبدها حرق وتطحنه
الريف ناظرت البنت ونطقت : تعرفين البنت ذي انتي
اماني ناظرت الريف ونطقت : ايوووه بنت عواض امها تعبانه مسكينه وشكل طارق الوصخ سوا لها شيء وهي راحت تعلم عاصف
الريف لاارداياً نطقت : وعاصف وشدخله ليش ماعلمت ابوك او كبار الديره
التفت اماني وضحكت نطقت : بدا الحب والغيره تتجدد ؟
الريف ناظرتها وضربتها بخفه : لاشدخل بعدين تراني متزوجه وش ذا الكلام
اماني وهي ترجع انظارها ع عاصف ونطقت : من زين ذا الزوج عاد
الريف ناظرتها ونطقت : خلاص خل نرجع
اماني نطقت : طيب وش رايك تجين عندي البيت تسمرين عندي
الريف ناظرتها ونطقت : ها
اماني : شفيك انتي مدلخه اقول تجين عندي تسمرين
الريف بلعت ريقها ونطقت : لالا ، ساطي بيجي شوي واذا ماحصلني بالبيت مدري وش بسوي
اماني من طاري ساطي تاففت وهي تشوف ان الريف ظالمه نفسها ، الريف : يلا انا برجع بيتي
لفت الريف وبدت تمشي لبيتها ، ماحست الا ب هواء الشاص مر من جنبها رفعت عينها ع سيارته من وراء ، اما عاصف ناظر مرايه السياره وهو يشوفها ، لف بسرعه قويه لدرجه غبر بالمكان وجاء راجع بالشاص اما الريف وقفت شافها لكن مر من عندها بعد ماديور وطلع براء الديره ،،، دخلت بيتها وشغلت انواره وشافت ساطي بنص الصاله شهقت بخوف ونطقت : انت ليش جالس بالظلام
رفع ساطي نظره لها وهو بين يدينه دخانه ، ويدخن بالصاله وقف ونطق : وين كنتي
الريف حطت شنطتها ع الطاوله ونزلت طرحتها من ع راسها ونطقت : رحت مع اماني اتمشى
ساطي ناظرها وهو يمص من الدخان ونطق : استاذنتي مني وانا مدري ؟
الريف حجبت حواجبها ونطقت : ليش استاذن الي سويته رحت اتمشى شوي ، بعدين انت صارلك يومين ماتجي البيت !
ساطي : همممم تتمشين
الريف طلعت عبايتها وجت بتدخل تعلقها بالغرفه ، ومسكتها يد ساطي وضغط ع يدها الريف بآلم : اههه عورتني
ساطي التفت عليها ونطق : تقولين رحتي تتمشين ؟
الريف وهي تشم ريحته غريبه وكانت مقرفه وتشبه ريحه الكحول ناظرت عيونه وكان تحت عيونه اسوددد والرجال غريب مو طبيعي ونطقت : ليش ريحتك كذا انت تشرب !!!
ضحك ساطي ونطق : شف شف من يحاسبني
الريف خافت منه لانه كان يخوووف ويخرع ، نطقت بهلع : فكني طيب
ساطي والي رفع شعرها بيده وكانت الريف تحاول تفك نفسها منه ، رفع ساطي يده وضربها كف طرحها ع الارض طاحت الريف ع الارض وهي ماسكه خدها ومنفجعه منه ، قرب منها ساطي وهي ترجع نفسها لوراء وهي جالسه ناظرها ونطق : عطيناك وجه ثلاث اسابيع مهي كثيره ؟
الريف بلعت ريقها ، وساطي ناظر رجلها وطفى فيها السقاره صارخت الريف من حرارت الدخان الي طفاه برجلها ونطق : ذي الرجل الي طلعت بدون ماتستاذن مني ذا الي يصير فيها
كانت الريف ماسكه رجلها وتبكي وتشوفه متخلف وعقله مو معه ، طلعت ساطي من البيت وبدت الريف تبكي باعلى صوتها ماتوقعت ماتوقعت انه يسوي كذا
.....
~ اليوم الثاني ~
| عند عاصف |
بعد مرور ثلاث اسابيع وهو مايمر ع الديره جاءهم الظهر ، وبدو العيال يسولفون معه ويضحكون ، الرايح والجاي يسلم عليه قرب من بيت خالته ودق الباب وفتح له راكان وهو يقول : بدري بدري الله يقطع بليسك بطني يقرصني من الجوع
ضحك عاصف وفك راكان له الباب ، وكانت ريحه اكل ام راكان تعج بالبيت عج والي براء يمشها نطق عاصف : يولدددد وش ذا الريحه الي تشبع قبل تاكل
راكان وهو يدف عاصف لداخل البيت ويقفل الباب ونطق : يرجال قسم لو ماجيت لاكله عنك ادخل سريع
طلعت ام راكان من المطبخ وهي تقول : ياهلا ياهلا بالشيخ ياهلا
راكان ناظره ونطق : وش ذا التفرقه يمه انا صارلي نص ساعه ع راسك عيتي تعطيني لقمه وحده ويوم جاء ذا تقولين يامرحبا
عاصف : ابوك ي الغيره انقلع انقلع برا بناكل انا وخالتي
راكان : والله انك تعقب ، انا معها من اول الطبخه حتى البصل اشتهيته وانت جاي ع النهايه يعني سر امها
طلعت ساره من المطبخ وهي حاطه الطرحه ع راسها وبيدها سلطه ونطقت : شرفتنا ترا الجوع ذبحنااااااا والوالده رافضه ناكل
عاصف وهو يحضن خالته نطق : خالتي وفيه مهي مثلكم ي المشفح انت وياها
ام راكان وهي تحط يدها ورا ظهر عاصف نطقت : بعدي بعدي الاكل كله لك
حاط راكان يده ع خصره وهو يناظرهم : خلصتو ؟ طيب الاكل سريععععغعع
ام راكان ضحكت : ابك اصبر يولد كان احد يركض وراك
ساره : يمه تكفين صدق جوووعع
ام راكان : يلا يلا ادخلو وانا بصرف الاكل
دخلو راكان وعاصف وكانو يدفون بعض ، دفه راكان وجلس عاصف ونطق راكان : ياخي انت بثر
جت ام راكان وبيدها الاكل ، وكان في ببسي حجم عائله وبدت تصب لهم ساره ومدته لعاصف ، اخذه راكان ونطق : انا اولى
عاصف ناظره وافتك الببسي من يده ، وشربه قطه وحده
ضحكت ساره وصبت واحد ثاني ل راكان ومدته له واخذه عاصف : شكراً
راكان : والله انك تعقب الببسي حقي شارب لك كاسه وبتاخذ الثاني
عاصف وهو ماسك بيد راكان وباليد الثاني يحاول يشرب فيه الببسي شرب نصه ونصه افتكه راكان منه ونطق : انقلع ي البثرررر
ام راكان تضحك من حركاتهم ونطقت : اهجدووو اهجدوو واتركو الببسي بعدين اكلو اول
بدو ياكلون وخلصو ، قام عاصف ونطق : كثر الله خيرك ياخالتي
ام راكان : وين رايح
عاصف : والله عندي شغل واليوم فيه عشاء بالديره مثل ماتخبرين وبنروح نجهز الخيام
ام راكان : اييي الله يوفقكم يارب
ناظر عاصف براكان الي للحين ياكل ، ومسكه من كتفه وقومه ونطق : يولد ارحم بطنك خلاص امش قدامي
راكان وفي فمه لقمه نطق : فك كتفي
ضحك عاصف من لقمته ونطق : بفكه بس غسل يدك يلا والحقني
فك عاصف كتف راكان ومشى ، وراكان راح يغسل يده ولحق عاصف ركب بالسياره ونطق : ايوه وين الوجهه
عاصف وهو يشغل السياره نطق : الخيام طال عمرك
راكان : انطلق
مشى عاصف الخيام وكانو كل اهل الديره معزومين الحريم والرجال والكل بيحظر وقف عاصف من عند الخيام وكانو العيال يسووونها ويضبطون الاوضاع نزل من السياره ونطق : ع القوووه
ردو عليه : الله يقوووويك
نزل عاصف وبدو يجهز معهم الخيام وجاء الشيخ مصلح والكل رحبو به ناظر مصلح عاصف ونطق : يامرحبا
عاصف وهو مايناظره نطق : مرحباً بك
مصلح اخذ نفس ونطق : انشغل بالي عليك وراك ماتمر الديره
عاصف : لاينشغل بالك الامور طيبه
مصلح هز راسه وسكت شويات بعدين نطق : وش سالفه بنت عواض ؟
ناظره عاصف ونطق : كانت تبي فزعه وفزعت لها ذي هي السالفه
مصلح : وعطيتها من شبك الحلال 10 ؟
عاصف : 14 عطيتها تربيها وتاخد رزقها من الحلال
ابتسم مصلح ونطق : بيض الله وجهك
عاصف ناظره وهز راسه ، جاء بيروح ومسكه مصلح ونطق : عاصف عارف انك منت قادر توثق فيني بس اذا نظره الخذلان ذي فيك بترك الشيخوخه
عاصف ناظره ونطق : انت شايف ان الثقه ترجع بسرعه ؟ مهو بشيء هين ي عم
مصلح سمع كلمه ي عم بعد وقت طويل ماسمعها والي كان عاصف يناديه مصلح بدال ي عم ابتسم مصلح ونطق : مهي بسهله وانا خابر فعلتي ومكسوراً منها
عاصف هز راسه ونطق : زين
ترك عاصف مصلح وراح عند ممدوح وراكان الي كانو يضحكون ، قرب منهم ونطق : وش يضحك
ممدوح والي ياكل فصفص مد الفصفص ع عاصف ونطق : تعال اسمع الاخبار الحصريه
تنحنح راكان ونطق : خلاص سد حلقك ، مشينا ي عاصف نشوف الخيام
ناظره عاصف وكشر حواجبه واخذ فصفص من كيس ممدوح ونطق : الخيام اجل ؟ وش فيه ي ممدوح علمني
ممدوح بضحكه نطق : اعلم
راكان : لا ، بعدين في وش تعلم ترا ماقلت لك شيء
ممدوح ضحك : ماقلت شيء بس افعالك تقول
عاصف: اخلص وش