ياسماء امطـري واعصفي الريـف

Part:8

صلو ع نبينا محمد عليه افضل الصلاه والسلام ...

____
ممدوح والي ذكر الغنم فز ونطق : اي والله انك صادق
راح هو يفك شبك الغنم الي بدو يطلعون عشان ياكلون ورجع ممدوح ل عاصف وجلس جنبه
ممدوح : شفيك مسرح يولد
ناظره عاصف وابتسم ونطق : اتركك مني كلمت عمي ؟
تنحتح ممدوح ونطق : عمك ذا الايام م يعطي فرصه لاحد اضنك ملاحظه
ابتسم عاصف وهز راسه ب اي : معليك دامك باغيها ب الحلال ربي بيكتبها من نصيبك
....
| في ديره الريف |
قام الشيخ ملهم وشاف زوجته تجهز الفطور وتحطه ب الصاله ، ابتسم وهو ينطق : الله يخليس لي ي ام الريف
ابتسمت ام الريف ونطقت : ويخليك لي ينظر عيني انت
ابتسم ملهم وهو يتلفت ب البيت كان هدووء يعور ونطق : وين البندري وليث ؟
نجمه اخذت نفس ونطقت : راحت ل هدى وليث صاير بس زعلان ولايكلمنا ولاياكل ولايشرب بس يقول ابي الريف
تنكد ملهم واخذ نفس وراح لليث ب الغرفه ، فتح الباب ونطق : ادخل ي الامير ؟
عدل ليث جلسته والتفت ع ابوه وبفم زعلان هز راسه ب اي ، دخل ملهم وهو يقفل الباب قرب بخطوات من ليث وجلس جنبه ونطق : علام الامير زعلان ؟
ليث بزعل : ابي الريف
مسكه ملهم ونطق : بتجي الريف كلنا نبيها ي بابا مو بس انت بعدين الريف تزوجت صارت مع زوجها الحين
هز ليث راسه ب لا وهو يبكي : مابي ابي الريف
كان ملهم يعرف ان ليث متعلق في الريف لحد الموووت ولايفارقها ابداً حضن ليث : قم اكل وانا اكلم الريف تجينا
ابتسم ليث وهو يمسح عيونه : وعد ؟
ملهم وهو يعدل شعر ليث : وعد ي بابا
قام ليث بفرح وهو يفتح الباب يركض لامه ، كان ملهم متكي ع الجدار والهم بقلبه نطق بحرقه : ليتك عايش ي برق وتشوف الي يصير بعيونك
بدت عيونه تلمع ع طاري صاحبه واخوه ورفيقه اخذ نفس وقام ولحق ليث ، جلسو ع الفطور وكانت نجمه توكل ليث لاحظت سرحان ملهم وضيقه ونطقت : وشبلاك ي ملهم
اخذ ملهم نفس وهو ياكل نطق : ضايع ي نجمه ضايع
نجمه بضيق :بسم الله عليك من الضياع ، بتنحل ي ملهم بتنحل وعاصف بيعرف الحقيقه
رفع ملهم انظاره ل نجمه ونطق : اكيد بيعرف قريب بس يبي لها صبر شوي
دق باب البيت والتفت نجمه : يمكن البندري
ملهم قام ونطق : اجلسي انا بفتح الباب
قام ملهم وهو يفتح الباب ويشوف الولد الي شكله يعطي انه عمره 18 سنه نطق ملهم : امرني يولدي من انت ؟
الولد : انا جايك من ديره البرق ي عم ، ومعي رساله ب اسم عاصف يقول فيها اذا تبي بناتك ترا كلهم عندنا
ملهم استغرب وانصدم م امدا يكلم الولد الا الولد ركب سيارته ومشى من عند باب ملهم ، كانت نجمه تسمع كل شيء وقربت من ملهم ونطقت بخوف : وش يقصد كل بناتك عندنا ؟
ملهم مسك اعصابه ونطق : يعني ان بنتك وهدى راحو ديره البرق
شهقت نجمه : وشلوووون
ملهم وهو يتذكر فواز : اكيد فواز اخذهم
دخل ياخذ شماغه ويلبس ثوبه بسرعه ، نجمه قربت : بروح معك بشوف الريف
نط ليث وهو يركض ويحظن رجول ابوه : حتى انا حتى انا بشوووف الرررريف انت وعدتني اذا اكلت تخليني اشوفها
ناظرهم ملهم كان بالبدايه بيرفض بس لما شاف ليث نطق : تمام اركبو
طلعو وركبو سياره ملهم نجمه قدام وليث وراء ، مشى ملهم وبطريقه شاف فواز الي واقف ، نزل ونطق : فوازززز
التفت فواز ونطق : عمي ملهم ؟
ملهم ب استغراب : م اخذت البندري وهدى لديره البرق ؟؟؟؟؟
فواز ب استغراب : لاا ي عم صحيت م حصلت سيارتي اصلاً سرقوها
ملهم وهو يمسك راسه وذكر البندري ونطق : دبر لك سياره والحقني الحينننننن
هز فواز راسه وركب ملهم السياره ومشى لديره البرق ، اما فواز قعد يدور سياره وهو يقول : اوووفففف منك ي هدى بتجننيني معك
.....
| في ديره البرق |
كان عاصف جالس ع الدكه عمه وبيده السبحه يلعب فيها ، والريف جالسه ب الملحق واماني معاهم
اماني ببتسامه : جبت لكم الفطور جعله عافيه يرب
الريف ابتسمت وحضنت اماني ونطقت : امونتي مشكووره
البندري ابتسمت : يوم عرفت انك مع اختي تطمنت
اماني بضحك جلست ع الكنبه ونطقت : هي ساده نفسها م خلت احد ب الديره م صفقته
ضحكت هدى ونطقت : اوووو الريف في ذا الوضع تفووز
ابتسمت الريف وجلست قريب من اماني ونطقت : بعض الناس م تفهم الا ب التصفيق
البندري : الحين امي مشغول بالها
هدى وهي تاكل نطقت : توك تفكرين اخت البندري ؟ صار الي صار وش نسوي عاد ننتظر ابوك يجينا يلعن جدفنا
ضحكت الريف ونطقت : م يسوووي شيء معليكم اكلو الحين وانا بكلم عاصف هو الي ياخذكم
البندري رفعت انطارها ع الريف ونطقت : وانتي ؟
الريف : انا وش
البندري : م راح تروحين معانا ؟
الريف تضايقت مره ونطقت : مقدر اروح الحين باذن الله ازوركم
اخذت البندري نفس وهي متضايقه ، وقامت الريف تحط ع راسها وطلعت شافت عاصف الي يلعب بسبحته ع الدكه اخذت نفس وهي تتذكر كلام امس ووش صار كله انعاد قدامها كانه فلم ، قربت منه ونطقت بصوت هادي : عاصف
عاصف الي جالس م حتى رفع انظاره عليها ، اخذت نفس الريف ونطقت : عاصف عادي ترجع البنات
كان عاصف م يرد وهو للحين يلعب ب السبحه ، الريف تنفزرت ونطقت بصوت مرفوووع : عاااااااصففففف
رفع انظاره عليها ببرود ، وتكلمت الريف : تاخذ البنات ؟
رجع عاصف انظاره ع السياره الي جايه من بعيد ونطق : ابوك الي جاء ياخذهم
وقف ع رجوله وقفت سياره ملهم قريب منهم ، ناظرت الريف السياره الي فيها امها وابوها وليث ، نزل ليث قبل الكل وهو يركض ويحضننن الرريففف ونطق : بطبوطه " كان ليث يسميها بطبوطه "
حضنته الريف وهي فيها بكيه ونطقت : بطبوط
ناظرها عاصف وجاء ملهم يمشي وهو يناظر عاصف ، نزلت نجمه وبعدت الريف عن ليث وحضنت امهاا كانت نجمه تبكي ولامسكت دموعها قلب الام يصعب ع فراق عيالها
نجمه : اوووه ي الريف اوووه ي بنتي وش صار لي من بعدس
ابتسمت الريف وبعدت عن امها وع طول حضنت ابوها وهو شد ع حضن بنته وكل ذا قدام انظار عاصف الي شاف كيف اهلها يحبوونهاا
بعد ملهم عنها وهو يمسك وجهها ونطق : كيفك ي بنتي ؟ تاخذين ادويتك زين ؟
الريف هزت راسها ب اي : بخير انا
عاصف بصوت كله هيبه واكراماً ل الضيف نطق : حياكم الله ادخلو تقهووى
رفع ملهم انظاره ع عاصف ونطق : كثر الله خيرك بس جاي عشان اخذ بناتي كلهم وبمشي
ناظره عاصف ونطق : بنتك تقصد ، الريف مالها روحه
التفت عليه بغضب ونطقت : بروح مع ابوي اسبوع وارجع
عاصف نطق وهو م رد ع الريف : ادخل ي عم اقلط نتفاهم
ناظر ملهم نجمه والريف ونطق : ادخلو
اخذت الريف امها وليث ودخلتهم للملحق شافتهم البندري وبدت نجمه تهاوشها هي وهدى شوي
اما عاصف ناظر ملهم ونطق : دخلنا
هز ملهم راسه ودخل للمجلس ، راح عاصف يسوي القهوى بحكم ان بيت عمه مافيه احد واماني مع البنات ب الملحق ، اخذ القهوى و رجع للمجلس عند ملهم جلس ومد الفنجال ل ملهم اخذ ملهم الفنجال من يد عاصف
ناظر ملهم عاصف ونطق : انا م جيتك عشان اتقهوى عندك ي عاصف انا ماني ورع تلعب فيني ع ذيلك
ناظر عاصف ملهم ونطق : انا م لعبت فيك وبنتك زوجتي الحين يعني انا نسيبك حتى لو م بغيت
ملهم ناظره وحط فنجاله ع الارض ونطق : صحيح انت نسيبي ودام فكينا من سالفه الدم وخلصنا م ابي بنتي تكون ضحيه ذا القصه
ناظره عاصف ونطق : اصير انا ضحيت ذي القصه اجل ؟
ملهم : انت ضحيت ذا القصه من يوم م ولدت ، ومن يوم م اخذك عمك ي عاصف
عاصف عقد حواجبه وم فهم ع ملهم ونطق : وش قصدك من ذا الحكي
ملهم قام ونطق : تعرف قصدي مع الوقت انا بطلع اخذ زوجتي وبنتي وبنتي الثانيه بتجلس بس انتبه لها وحطها بعيونك يولد برق وفكر في كلامي
ناظره عاصف وطلع ملهم من مجلس عاصف ونادى ع اهله ، طلعو وطلعت الريف معاهم ابتسم ملهم ونطق : انتبهي ع نفسك ي بنتي وانا باذن الله اسبوع وبجيك
ابتسمت الريف ونطقت : ابشر انتبهو مع الخط
مسكك ليث الريف ونطق : تعالليييييي معانا
الريف نزلت ل مستوى ليث ونطقت : بجيكم بس انت الحين لازم تروح بدوني
حضنها ليث وهو يبكي : مابي مابييييي ماراح اروح بجلس معك
كان عاصف يناظر ليث المتمسك ب الريف مرره وناظر ملهم ونطق : تقدر تخلي ليث عندنا بكره اجيبه لك يقعد مع اخته
ناظره ملهم وشاف ان م باليد حيله ونطق : طيب ، ليث بابا
التفت ليث ع ابوه ونطق ملهم : بتجلس عند الريف وبكره عمو يجيبك اتفقنا
هز ليث راسه ب اي وناظر ملهم الريف الي قالته انه عندها وم بيصير له شيء ، طلعو ملهم واهله وهدى معاهم قابلو فواز الي نزل من سيارته
ملهم : بدري ي فواز
فواز وهو يحك راسه : يدوب حصلت سياره ولقيت سيارته مصدومه ب الخط
ناظر فواز هدى الي بدت تناظر ب السماء ، ونطفت البندري : معليش ي فواز والله م قصدنا
فواز : عادي عادي ب الحديد ولافيكم ، هدى مشانا اركبي
ناظر ملهم فواز ونطق : انتبهو مع الخط يولدي
فواز : ابشر ابشر ي عم
ركبو فواز وهدى السياره ، وبالسياره الثانيه ملهم واهله اما الريف دخلت الملحق هي وليث ناظر عاصف وهم يدخلون ودخل وراهم ، جلست الريف وجلست ليث جنبها : بطبوط جوعان تبي اكل ؟
ليث وهو متوتر من وجود عاصف نطق : من ذا
عاصف ابتسم بحنيه لليث وجلس جنبه ونطق ؛ انا سوبر مان
ضحك ليث ونطق : انت الي بالتلفزون
ابتسم عاصف ونطق : اي انا
ليث : طيب طلع ذاك الي من يدك
عاصف : شوف يدي الان خربانه اذا صلحتها اسوي
التفت ليث ع الريف ونطق بحماس : قابلت سوبر مان بقول بعدين لعيال الديره
ابتسمت الريف ونطقت : قول يعيوني بقوم اسوي لك اكل واجي
قامت وناظرها عاصف وقام وراها ، ركض وهو يناديها : الريففف الريفففف
م كانت الريف ترد وهي كانها ترد له حركته ، مسكها مع يدها وسحبها يمه ونطق : اناديك ترا
الريف ناظرته ونطقت : حتى انا قبل شوي اناديك م كنت ترد حرام عليك وحلال علي ؟
مسكها مع يدها ونطق : متى تتركين عنادس !
الريف : اذا قامت القيامه
دخلت ام اماني وبنتها الجوهره الي مسانده امها الحزينه ، ناظرت ام اماني عاصف الي ماسك الريف وكيف انها قريبه منه مره واول م شافت عاصف تذكرت جميله ام عاصف ونطقت وهي تنكد عليهم: شايفتكم صايرين حبايب
فكت الريف يد عاصف وبعدت عنه ، ونطقت ام اماني بتامر : الريف ادخلي نظفي بيتي
ناظر عاصف ام اماني ونطق بحده : زوجتي مهي شغاله عندك
ام اماني ناظرت عاصف ونطقت : دامها عايشه عندي فهي شغاله وغصباً عنها ومن فوق خشمك
رفع عاصف نبره صوته ع ام اماني : البيتتت بيتي انااااا وانتي الغريبه هينا
سمع صوت الشيخ مصلح من وراء بحده : وش تقووووول !!!!
ناظر عاصف عمه وسكت ، قرب عمه من عاصف وضرب عاصف كف شهقت الريف وابتسمت ام اماني وذي اول مره الشيخ مصلح يرفع يده ع عاصف رفع عاصف وجهه ونطق بحده : ذي سواتك ي عمي ؟
الشيخ مصلح بحده : اجل ذيييي سواتكككك ، ذا الثار الي اخذتههه !!! وتدافع عنها قدام زوجه عمك
مسك عاصف الريف مع يدها وحطها وراء ظهره ونطق : اي ذي سواتي ياكثر م غلطت علي زوجتك وسكتت ي عم سكتت ، بس ان غلطت ع زوجتي وقتها تفاهم ثاني
الشيخ ملصح عقد حواجبه ونطق : زوجتك ضربت بنتي مزنه تكلمت ؟ لا سكتت قلت عاصف بتفاهم معاها طلع العكس تمام هي تسوي وانت تصفق لها !
عاصف ناظر الشيخ مصلح ونطق : بنتك الغلطانه ي عم مو زوجتي
مسكها عاصف وسحبها معاه دخلها للمحلق ، وقفل الباب ناظرته الريف وهي تشوف ان شفته تنزف من كف الشيخ مصلح
قربت من فمه ونطقت: شفايفك
بدت تمسك شفايفه بيدينها ، وكانت ريحه الريف خانقه عاصف مسك يدها ونطق وهو العبره خانقتها من قربها منه : كم مره قلت لك لاتقربين مني
الريف وهي تناظره نطقت : اعرف انك تكرهني بس مو لدرجه انك م تبيني اقرب منك
عاصف نزل يدها ونطق بحده : اي اكرهكك
الريف ناظرته ونطقت : ليش دافعت عني طيب ؟
عاصف : الشغله مهي متعلقه فيك بس ابي اقهر زوجه عمي
الريف والي حست ب الضيق بصدرها هزت راسها ونطقت : اذا مره ثانيه تبي تقهر احد لاتدخلني معك ولاتدافع عني اعرف ادافع عن نفسي
دفته الريف وراحت لليث شافته نايم ع الكنبه وبدون م ياكل ، اخذت البطانيه تلبسه ودخل عاصف وهو يشوفها تلبس ليث نطق : تبين اجيب اكل من برا ؟
الريف : لا
حس عاصف انه بالغ معاها ونطق : شفيك زعلتي
الريف التفت عليه ونطقت : مالك شغل
عاصف م رد عليها وطلع قفل الباب