اللهم صلى وسلم ع نبينا محمد ..
_____
كان يدعي والريف بين يدين الدكاتره مغمى عليها ، تنزف كان خايف خايف من لما شافها تنزف خايفف عليها تمنى لو انه جنبها ويمسك يدها ، كان ينتظر خبر من راكان ع احر من الجمره
اما راكان كان ينتظر خبر من الدكاتره ، شويات وطلعت الدكتوره فز لها راكان بسرررعه ونطق : بشري كيفها
الدكتوره ناظرته وهي تنزل الكمامه ونطقت : انت زوجها
راكان ناظرها ونطق : زوجها توفى انا اخوها
ناظرته ونطقت : دامك اخوها هي بخير بس
راكان حس بتوتر ونطق : بس ؟؟
الدكتوره : اجهضت الطفل
استغرب راكان وهو يبلع ريقها ونطق : هي حامل ؟
الدكتوره ونطقت : اي حامل اسبوع ونص
راكان اخذ نفس ونطق : يعطيك العافيه بتتنوم؟
الدكتوره : بنشوفها لاصحت
طلع راكان من المستشفى وع طول ركب السياره رايح لعاصف ، اول ماوصل حصل ممدوح ومصلح واقفين برا للحين مادخلوهم ونطق : مادخلتم ماشفتوه؟
مصلح : عيو يدخلونا بدق ع واحد من اصحابي ضابط يشوف وضعه
راكان : طيب لازم نكلمه
ممدوح ناظره ونطق : هو توه دخلوه التحقيق قالو بعد التحقيق بنقدر نشوفه
وقف راكان وهم بنتظرون اذن الفجر وهم لسى برا وينتظرونه ، وقتها جاء الضابط صاحب مصلح وقال : لكم عشر دقايق تكلمونه وواحد بس الي يدخل
ناظر راكان مصلح ونطق : انا بدخل
ناظر مصلح راكان ونطق : اي خل راكان يدخل
دخل راكان وهو يشوف عاصف شاف عيونه سوود من السهر وعيونه حمر ، جاء عاصف وهو يكلم راكان من ورا الحديد اول شيء فكر فيه هي مافكر بنفسه ولافكر بمصيره ونطق : كيفها
راكان ناظره ونطق : بخير ، بس طلعت حامل
عاصف تغيرت ملامحه ونطق : بخير طفلها
راكان هز راسه لا ونطق : مات
عاصف وهو يشد ع الحديد بيده ونطق : قتل ولدها ابن الكلب
راكان اخذ نفس ونطق : وش صار ياعاصف انت ماتقتل مستحيل
عاصف ناظره ونطق : انت الحين انتبه عليها لين تطلع من المستشفى وعلم ابوها خله يسند بنته
ناظره راكان : طيب المحامي بيجي
عاصف ناظر راكان ونطق : لاتقول لي ان الريف تكلمت قدام الشرطه
راكان : مغمى عليها ممنوع يدخلون عندها ، لكن قل لي وش صار عشان اعرف اتصرف ي عاصف مصير الريف تصحى وقتها كيف امنع الشرطه تكلمها
ناظر عاصف راكان واخذ نفس ونطق وهو يعلمه الي صار
فلاش باك |
كسر عاصف باب البيت ودخل يركض ينادي باسمها ، فتح غرفه النوم شاف الريف تنزف وتبكي بالزاويه جاءها يركض ويمسك وجهها ويبعد شعرها عن عيونها ونطق : الريف الريف وش سوا فيك
بكت الريف وهي تناظر عاصف ، ارتمت في حضن عاصف وهي تحضنه وتبكي شدد عاصف عليها ودمها املى ثوبه ونطقت وهي تبكي : مات مات ياعاصف مات
عاصف وهو حاضنها التفت ع الوراء السرير شاف الجوال مكسور ، وساطي طايح ودمه ينثر من راسه ، قعدت تبكي وهي تشد نفسها ع عاصف ونطقت : قتلته قتلته ياعاصف قتلته انا صرت قاتله ياعاصف
عاصف من الصدمه بلع ريقه وبعد عنها ومسك وجهها بين يدينه ونطق : انتي منتي قاتله تسمعيني
كانت الريف تهز راسها ب لا وتبكي ، عاصف رفع صوته شوي ونطق : الرررريففف انتي ماقتلتيه هو مات يومه ذا
الريف ناظرت عاصف وهي دمها يصب ، ناظر عاصف الدم يجهل من وين يجي نطق : بدق ع الاسعاف
الريف بكت وهي تهز راسه ب لا : قتلته
عاصف ناظرها ومسكها ونطق: ماقتلتيه انا قتلته
الريف ناظرته وهو طارت ونطقت ؛ لا لا انت ماسويت شيء اطلع اطلع برا البيت قبل لايدرون وتجي الشرطه اطلع لايجيك شيء
عاصف ناظرها ونطق بصوت مرتفع : انا قتلته تسمعيني انا قتلته عاصف قتله دخلها براسك
مسكت الريف فمها تسد شهقاتها ونطقت : ضربني ع بطني عورني جيت بهرب مسكني من شعري ، " كانت تبكي وتعلم عاصف " جيت بطلع اخذت العطر وصكيته ع راسه وطاح
بكت ع صدر عاصف وداخت ، عاصف مسكها ونطق : تحملي الحين بدق ع الاسعاف تحملي الريف الحين اخذك المستشفى
طاحت الريف مغميه بحضن عاصف ، خاف عليها اكثر مما خاف ع نفسه مسكها وهو خايف عليها ونطق : تحملي تحملي الريف تكفين تحملي تكفين لاتخليني وتروحين
طلع جواله بسرعه وهو ناسي رقم الاسعاف ومخنوووق ، دق عليهم يبلغهم بحاله الريف ويبلغ بالميت ، شال الريف بدمها ينزلها ل الصاله حطها ع الكنب جاهل الدم من وين عشان يوقف نزيفها كان ماسكها بحضنه وهو يترجاها تصحى شويات ودخلت الشرطه ببلاغ من الاسعاف ان فيه ميت
دخلت الشرطه شافت عاصف حاط الريف ع رجله ونطق الضابط : انت الي بلغت
عاصف ناظره ونطق : اقولك اذا اخذوها ع الاسعاف تنزف
الضابط استعدى الاسعاف ودخلو ع طول يشوفون الريف ، دخلو الشرطه يدورون ع الميت شافو ساطي ميت طايح والريف تنزف ، الضابط ناظر ساطي ونطق : ذي جريمه قتل ، امسك الرجال الي واقف بالصاله بتهمت القتل
دخل العسكري ونطق : هات هويتك
ناظره عاصف ونطق : مايحتاج اسمي عاصف ال برق تقدرون تاخذوني مشتبه فيه
ناظر الضابط العسكري ونطق : عاصف ال برق انت متهم بالقتل
ناظره عاصف وهز راسه ونطق : عادي اعرف كيف حالها بعدين تاخذوني
الضابط جاء يكتف عاصف ونطق : توصلك حالتها ب بالقسم
ناظر العسكري ونطق : اخذه
أنت تقرأ
ياسماء امطـري واعصفي الريـف
Romance" ياسماء امطري واعصفي الريف " "لاعبيني ياهوى والليل سامر لاعبيني ب اللحون السامريه🎶" حسابي انستا | llzix_2 كتبت بواسطه | مجد
