ياسماء امطـري واعصفي الريـف

Part |26

صلو ع النبي محمد عليه افضل الصلاه والسلام ...

______
ملهم يسكتهم ويسكتون عند ملهم لانه شيخ القبيله ويحترمونه بس الريف كانت تعرف ان وراء جدرانهم يتكلمون قامت تطفي النور وتنسدح ع سريرها ونزلت دموعها ونطقت : عاصف ان كانك تعاندي وتحسسني بالشعور لاتسوي انا تعبت
نامت والدموع ع خدها ، نامت وهي قلبها متعذب نامت وهي مكسوره نامت وهي تحترق نامت وهي تتمنى الموت نامت وهي تتمنى ربي يريحها
.....
~ اليوم الثاني ~
عند عاصف
فز من نومه بفجعه من حلم جاء له ، بدا يتنفس سريع ويضيق بتنفسه فتح زرار ثوبه وهو يشهق ، حلم مفجع حلم مريب بدت احداث الحلم تراود عقله
شاف ابوه جالس ع قبر وقرب عاصف منه ، ولما يلمس كتف ابوه بلهفه كان ابوه زي الشبح شفاف كل ماقرب عاصف يمسكه كانت يد عاصف تبان بجسمه ، بدا عاصف يناديه يبه يبه ماكان يرد كان بس جالس ع قبر ويبكي ع ذا القبر قرب عاصف من القبر يبي يشوف قبر مين ذا حصله قبر ابوه ، ابوه جالس ع قبره ويبكي !! قرب عاصف من ابوه ونطق : يبه ليش تبكي
ماكان ابوه يرد بس يبكي ع قبره ، قرب عاصف من ابوه مره ثانيه وسمع اطلاق نار وانصاب عاصف مع ظهره وقتها التفت ابوه عليه طاح عاصف ، وبدا يمد يده ع ابوه وهو يدور النفس بيده الي كلها دم يستنجد بابوه فجاءه شاف امه وابوه جنب بعض يناظرونه وهو يموت وكان يستنجد بهم ويدور النفس قربت امه منه وهي تبكي وتنطق باسمه وتبكي وتقول انطق بالشهاده انطق بها جاء عاصف ينطق بها بتعتعه فجاءه شاف وحده لابسه فستان ابيض وشعرها يرفرف تركض لجهتهم كانت مثل الملاك قربت من عاصف وكان وجهها مشوش ونطقت : انت ماراح تموت انت بتكون معي
وقتها صحى عاصف ، مسك عاصف قلبه مايدري يشكر ربه عشان شاف امه وابوه حتى لو بالحلم او يخاف من مقصد الحلم ؟
قام وهو يقول لا اله الا الله ، دخل البيت متوجه للحمام طلع ثوبه ورماه بطريقه عشوائيه ودخل تروش وطلع وبدا يوضي عند المغسله وهو يقول اشهد الله لااله الا الله واشهد ان محمد رسول الله ، اللهم صلى ع محمد وع ال محمد كما صليت ع ابراهيم وع ال ابراهيم انك حميداً مجيد .
طلعت لولوه من غرفتها وشافت ثوبه مرمي بالصاله طلع دخل عاصف الصاله وشافها ، ماتكلم
ناظرت ثوبه ونطقت ؛ تبيني اغسله واكويه لك ؟
عاصف بدون مايناظرها : لا يعطيك العافيه
اخذ عاصف ثوبه من ع كنب الصاله ، وهو يرميه ع كتفه ويطلع من البيت كان يستغفر وهو يمشي قابله عمه مصلح الي كان طالع من بيته شاف عاصف بفنيله وسروال وثوبه مرمي ع كتفه ونطق : وراك ماتلبس ثوبك
عاصف رمى ثوبه داخل سيارته ونطق : وصخ يبي له غسيل وكوي باخذ لي ثوب من الملحق والحقك للمسجد
مصلح نطق : لا بنتظرك رح البسه وتعال بمشي معك للمسجد
هز عاصف راسه ، ودخل الملحق الي فيه كل ملابسه واغراضه وبعض من اغراض الريف للحين ماشالها ، دخل الغرفه وهو يفتح دولاب ملابسه ياخذ ثوبه الاسود الي يبرز ملامحه ورجولته ، اخذ شماغه الاحمر وهو يشخص به ثم بعدها فتح درجه الي فيه مسابح والي ماتنشال من يده والي يعرف عاصف دايم بمسبحته قفل باب الملحق وطلع ل عمه الي واقف ينتظره
عاصف : مشينا
طلع عاصف وعمه ع جنبه وهو يمشون رايحين ل الصلاه ، ناظر مصلح عاصف ونطق : انا عندي اقتراح
عاصف وهو يمشي : اسلم وشهو
مصلح : بما اننا تصالحنا مع ملهم واعتذرنا واشياء واغلاط كثير ندمنا عليها الي راح راح وانا وعمك ملهم تسامحنا وحبيت راسه نرجع الديار مثل ماكان ابوك يبيها
وقف عاصف والتفت ع مصلح : كيف كان يبيها
اخذ مصلح نفس ونطق : كان يبينا مع ديره الريف ديره وحده حلالنا واحد عيالنا واحدين
بدا الشيخ يقيم الصلاه وينادي المسلمين ، مصلح نطق : خل نلحق ع الصلاه
دخلو المسجد وجاء راكان جنب عاصف وهو يصلي رمى عاصف عقاله ع مكان سجوده وبدا يكبر وهم يصلون ، لين سلم الشيخ ونطق : السلام عليكم ورحمه الله
لف عاصف يمين يسلم ، ثم لف يسار بنطق : السلام عليكم ورحمه الله
اخذ عقاله يرجعه ل راسه وهو يستغفر لف عليه راكان ونطق : قم ابيك برا
طلع راكان واخذ عاصف نفس وقام وهو يسوي شماغه ، كان راكان واقف ع باب المسجد ينتظر عاصف لبس عاصف حذيانه وقرب منه ونطق : امرني
راكان : مايمر عليك ظالم ، بتفسر لي ؟
ضحك عاصف ونطق : زوجتي الثانيه وانا مدري ؟
ضحك ممدوح الي جاء من ورا عاصف ونطق : الواضح
راكان ابتسم ونطق : قسم لادبجك انت وياه هينا واكفر فيكم
ضحك عاصف ونطق : هدها يبوي امش بعلمكم بكل السالفه
راحو راكان وممدوح مع عاصف وجلسو في العزبة، كان عاصف جالس مع راكان وممدوح، لكن رغم إنهم كانوا يتكلمون، عاصف كان بعيد بفكره. الجو كان هادي، وريح الصباح تنسم من بعيد.