ياسماء امطـري واعصفي الريـف

Part:22

صلو ع محمد عليه افضل الصلاه والسلام ...

___

تنحنح راكان ونطق : خلاص سد حلقك ، مشينا ي عاصف نشوف الخيام
ناظره عاصف وكشر حواجبه واخذ فصفص من كيس ممدوح ونطق : الخيام اجل ؟ وش فيه ي ممدوح علمني
ممدوح بضحكه نطق : اعلم
راكان : لا ، بعدين في وش تعلم ترا ماقلت لك شيء
ممدوح ضحك : ماقلت شيء بس افعالك تقول
عاصف: اخلص وش
ممدوح ناظر عاصف وهو يضحك ونطق : شكل خوينا حاب بنت ملهم البندري
التفت عاصف ع راكان ونطق : صدق ذا العلم
ناظر راكان عاصف ونطق : ابك ذا كذوب تصدقه
عاصف : والله وانا اخوك اصدقه لان الحب واضح من عيونك
راكان والي مايبي يعترف انه يحب يحس الحب اوجاع من بعد الي شافه بالناس وكيف الحب لاعب فيهم ونطق : سرها انت وياه
تركهم راكان ومشى عنهم ضحك ممدوح ونطق : ياخي الله يعين
ابتسم عاصف وطبطب ع كتف ممدوح : انت كيفك مع الزواج
ابتسم ممدوح ونطق : الحمدلله بافضل حال
ابتسم عاصف ونطق : ياجعله دوم انفدا خشمك
مسك ممدوح راس عاصف وحطه ع راسه ونطق : ياجعل فرحتي تكون من نصيبك
ابتسم عاصف وسلم ع خشم ممدوح : نساعد الشباب
ابتسم ممدوح : مشانا
راحو يجهزون المخيم لان بيجلسون فيه حوالي يومين وذي من عادات الديره وذي جمعاتهم عشان صله الرحم والحب بينهم ...........
.............
| عند الريف |
كانت بالغرفه مقفل عليها والظلام كاتم المكان ومافي الاصوت شهقاتها ، والخوف الي بقلبها منه وش سوت بنفسها هي ضامه نفسها وتبكي وتفكر ب ابوها تقكر ب عاصف تنتظر واحد منهم ينقذها وبنفس الوقت ماتبي تشكي ل ابوها وتعلمه بالنهائيه هي الي اختارت العيشه ذي
انفتح باب الغرفه وتسلط الضوء على الغرفه ، دخل ساطي ناظرته وهي ودها تطعنه ونطق : صباح الخير ي زوجتي الحلوه
قرب منها وارتخى لها ومسكها هي خافت وقتها خافت ، قرب ساطي منها اكثر ودفته ونطقت : لاتقرررررب مني لاتقرب ابعد
ضحك ساطي ونطق : انا زوجك ليش ماقرب ولا عشاني عطيتك الامان اسبوعين صدقتي اني ماني مقرب
الريف وهي تتكلم فمها يرجف : بعد عني ياكلب بعددد
مسك شعرها يحطه وراء شعرها ونطق : لو اني عاصف بتخليني اقرب
ناظرته بحقد ونطقت : ماتسوى ظفر عاصف
عصب ساطي من كلمتها وضربها كف جرح شفتها ، ونطق : خلال عشر دقايق تتجهزين وتطلعين معي والضحكه شاقه فمك ولا مابيصير لك طيب
طلع ساطي من البيت ، وجلست الريف تبكي وتشهق وتصارخ باقوى اصواتها اخذت نفس وهي توقف ، قربت من المرايه تناظر وجهها تحت عينها مزرق ، وشفتها تصب دم ورجلها محروقه من دخانه ، وش تسوي كيف توري ابوها ذا المنظر تعرف ان ابوها وراها سند وظهر ومابيرضى عليها ويعقب يمد يده عليها ، بس هي خافت خافت ان ابوها يسوي له شيء ويصير لابوها شيء قررت تاجل تفكيرها شوي وتشوف وش مصيرها ووش ربي كاتب لها ...
جلست طلعت الكونسيلر تخفي اثار جروح وجهها وهي تطبطب عليها بالكونسيلر كانت تتالم ، اخفت الي بووجهها وتمكيجت وقفت فتحت دولابها وطلعت فستان ابيض وكانها كفنها تمنت وقتها الموت ، فتحت الدولاب وناظرت عطر عاصف الي كان معاها احتفظت فيه لسبب هي تجهله ، تركت العطر ولبست عبايتها وحطت الطرحه ع راسها ، وجهزت فراشها الي بتنام فيه عشان بينامون بالمخيم جت طالعه وكان ساطي واقف برا ، فتح باب السياره ونطق : اركبي
مشت الريف وركبت ، ركب ساطي ومشو متوجهين ل لمخيم
.....
كان عاصف وراكان يسوون انوار المخيم ، وكانو يضحكون ومرت سياره ساطي ناظروه كلهم ونزل وناظر عاصف الي واقف فوق كبوت السياره يسوي الانوار الي ع المخيم ونطق : ع القوووه
شد عاصف ع سنونه وهو يشوفه يبتسم بخباثه
راح ساطي وفتح الباب ل الريف ونزلت ، مسك ساطي يدها يبوسها قدام عاصف ، عاصف اخذ نفس وهي في باله يقول معقوله ي الريف حبيتيه ؟ ودخل واحد غيري بقلبك ، والريف في بالها تقول معقوله نسيتني ياعاصق نطق بصوت عالي : استغفرلله بس
دخلت الريف مخيم الحريم ، وساطي ناظر العيال ونطق : ماتبون مساعده ؟
ناظر عاصف وهو ينزل ونطق : الا والله ياليت يعني لو تساعدنا ع فرقاك وتفارقنا
ضحكو العيال وشد ساطي ع سنونه ونطق : صعب تفارقني
ضحك عاصف ضحكه استهزاء ونطق : يقولون البساس تحب خناقينها وشكلك من ذا النوع
مسك ساطي رقبت عاصف ونطق : شتقصدد
ضرب عاصف يد ساطي بقوه وطاحت من ع رقبته ، وجو العيال بسرعه فرقوهم ونطقق راكان : خلااص مهو وقت الهواش الحين
التفت ع ساطي ونطق : فارق
دف ساطي يد راكان ودخل مخيم الرجال يسلم عليهم ، ناظر راكان عاصف ونطق : حاول ماتتهاوش معه ياخي
عاصف ناظر راكان ونطق : شايف كلامه انت واستفزازه !!!
ممدوح : ياخي شايفين انه ملعون والدين لكن روق
راكان : ممدوح صادق الحين خل نخلص شغلنا
ناظر راكان ممدوح ونطق : بالله قل ل اماني تجيب الاكل لنا بسرعه احس طولت
ممدوح ضحك ونطق : طيب طيب
تركهم عاصف ومشى يكمل شغله
.....
دخلت الريف ع مخيم الحريم وشافتها اماني وقامت لها ونطقت : الريف
التفت لها الريف ونطقت : ياهلا
سلمت عليها اماني ونطقت : دخلنا يلا
الريف : اماني
التفت اماني عليها ونطقت : لبيه
الريف وهي تطلع عبايتها نطقت : وين احط عبايتي
اماني : تعالي حطيها مع عبايتي
ابتسمت الريف ونطقت يلا ، دخلو ع الحريم وناظرو الحريم الريف بفستانها الابيض وشعرها الي فاتحته ولامه نصه ب شباصه ع شكل ورده وروجها احمر كانت فاتنه الجمال للامانه الحريم كانو مستغربين ذا الجمال كله رضى ع ساطي !!!
جت تسلم عليهم ومرت ع ام اماني ناظرتها ام اماني ونطقت : ماشاءالله ماتوفرين تزوجتي مرتين بسنه
شدت اماني ع سنونها ونطقت : يمه !!!
نطقت مزنه اخت اماني : وشهو ماقلت شيء امي
ناظرتهم الريف ونطقت : ذي حياتي واضن محد له دخل فيها
ابتسمت الريف ابتسامه بارده ل ام اماني وسحبت عليها ، جت وجلست جنب ساره واماني
اماني : معليك من امي ي الريف
ناظرتها الريف وابتسمت ونطقت : لاعادي تعودت عليها
كانو الحريم مالهم غير سيره الريف وكانت الريف تحس وتعرف انهم يتكلمون عنها ، وكلهم منتقدين وش سالفتها وش صار بينها وبين عاصف وش الي زوجها ساطي كانت اسئلتهم كثيرررره والريف تنزفزت
قامت الريف رفعت ساره راسها ونطقت : وين رايحه
الريف وهي فيها غصه : الحمام
طلعت من عندهم راحت وراء المخيم شوي ، وحطت يدها ع فمها وبدت تبكي وشهقاتها تسدها كيف الريف تضعففف!!! الريف الي عمرها ماتضعف
كان عاصف جالس ع حصى وسمع صوت بكى وقف وشاف وحده واقفه شعرها يطير من الهواء و فستانها واضح ماعرف من هي ، قرب شوي استغرب من البنت؟ مسحت الريف دموعها وحاولت ان مكياجها مايخرب ولفت ودخلت ، عاصف ماعرف من البنت ذي ماهتم كثير رفع شماغه من ع التراب ورماه ع ظهره جاءه عمه مصلح يقول : عاصف
ناظره عاصف ونطق : هلا
مصلح : يلا بنطبخ العشاء وانا عمك
عاصف اخذ نفس : يلا يلا
راح عاصف مع عمه وبدو يطبخون العيال الذبايح ، وعاصف مشمر ثوبه يقطع اللحم ويحطها بالقدر ندا واحد من عيال الديره وجاءه يركض ونطق : امرني ي شيخ
ناظره عاصف ونطق : شف ترا عند الحريم ماء بغسل يدي من الدم
الولد : كيف ادخل عندهم
عاصف ناظره ونطق : انده ع اماني وهي تعطيك
الولد : ابشر ابشر
راح الولد طيران عن الحريم ، بدا ينادي وينده ع اماني الريف وهي كانت واقفه برا المخيم وكانت معاها اماني بس دخلت تاخذ اغراض وترجع نطقت الريف : اماني مو فيه مشغوله بغيت شيء ؟
الولد نطق : اي الله يسعدك ي اختي اذا عندكم ماء هاتوه بيغسلون الرجال
الريف لبست الطرحه ع راسها ونطقت : اي اي ابشر
دخلت الريف تاخذ الماء ، وجت طالعه شايلته وجاء عاصف ونطق : ساعه يولد عشان الماء
مدت الريف وهي ماسمعت عاصف ولادرت انه موجود ونطقت : تفضل
مدت يدها وبانت كانت لابسه فستان ابيض اكمامه طويله بس لما مدتها رجع الكم شوي ،
عاصف سوا نفسه ماهتم لما سمع صوتها لكن لما ناظر يدها شاف ندبه بنفسجيه ، عكر حواجبه ورجعت الريف يدها
اخذ الولد الماء منها ونطق : ماتقصرين
عاصف اخذ الماء من الولد ونطق : خلاص رح ساعد العيال
الريف جت بتدخل بس سمعت صوته ووقفت ، دق قبلها ورجعت قربت من الباب كان الباب حق الخيمه ترفعها بس يبان لها الي برا رفعت الخيمه تناظر شافت عاصف لما طلع ثوبه ورماه ع باب السياره حقته ، بدا يغسل يده من الدم وثوبه فيه دم كان ابيض فتح الباب ورما الثوب بسيارته واخذ ثوب ثاني كان اسودد وحق شتاء ، طلعه يلبسه اخذ شماغه الاحمر بناظر بمرايه السياره يعصب شماغه ، الريف تناظره متلهفه
جت اماني من وراء الريف ونطقت : وش تسوين
شهقت الريف بخوف ، سمع عاصف صوت الشهقه والتفت فكت الريف من يدها حق الخيمه وتقفل
اماني باستغراب : شقاعده تسوين
الريف وهي ماسكه قلبها : روعتيني
اماني ضحكت ونطقت : مانلام وش قاعده تناظرين انتي
جت اماني بتفتح الخيمه بتشوف وش كانت الريف وش تشوف وقفتها الريف ونطقت : وشوو ولاشيء جاء ولد يبي ماء وعطيته
اماني ضحكت ونطقت : طيب بعدي بشوف
الريف بنزفزه : وش تشوفين
اماني بضحكه : الولد
الريف : لاعيب وش بيقولون الرجال عنا يناظرونا
اماني ماتت ضحك وهي تشوف الريف تصرفها عرفت انه عاصف من ربكه الريف : اي اي صح عيب
مسكتها الريف ونطقت : اقول بس خل ندخل لايكثر

...
ننهي البارت هينا