ياسماء امطـري واعصفي الريـف

Part:6

صلو ع نبينا محمد عليه افضل الصلاه والسلام ..

____
ضحكت اماني ونطقت : والله الكل معصب اليوم ، حتى امي كرشتني مع الباب
ضحكت الريف ونطقت : ليش علامها
اماني : ع حسب م عرفت ان ابوي السبب ، والمشكله مو موجود هو م اختفى الا ع حضي
الريف ابتسمت ومسكت اماني من يدها ونطقت : ليش وش بغيتي
اماني التفت تتاكد مافي احد وهمست ل الريف : ممدوح بيخطبني
الريف ب انفعال زايددد : احلفييييييي
اماني وهي تمسك فم الريف : اووووصصص لايسمعون
الريف ضحكت واماني فتحت يدها من فمها ، نطقت الريف : وانا اشوف الوجهه منور وتبسم
اماني وهو مبتسمه وتضحك ، الريف نطقت : بروح اخذ شور وببدل ملابسي وبعدين اجيك تعلميني بكل شيء
اماني : بجهز الشاهي اجل انتظرس
هزت الريف راسها وراحت للملحق ، فتحت باب الملحق ودخلت شافت عاصف الي متمدد ع الكنبه وحاط يده ع عينه الواضح انه نايمه طلعت عبايتها وهي تدخل للحمام " وانتم بكرامه " ، اخذت شور ولبست طلعت وهي تنشف شعرها ب المنشفه ، شافته ع نفس حالته نايم فتحت الدرج بشويش وهي تطلع الجوال ، فتحت غرفته ودخلت وهي تدق ع البندري ردت البندري ، وبدت الريف تكلمها وتتطمن عن احوالهم ، انفتح باب الغرفه وفزت الريف والجوال ب اذنها ، نطقت وهي تقول : البندري شوي واكلمس
وقفلت قرب منها عاصف وهو ماسك اعصابه ونطق بحده : من فين لك الجوال !!
الريف اخذت نفس وناظرته : شدخلك ؟
عاصف بحده : سالتكككك سوووال الجوال من وين لك
الريف شمقت عليه ونطقت : من انت عشان تتدخل جوالي
مسكها مع يدها وهو ياخذ الجوال منها يرميه ع السرير ، ونطق بنفس الحده : تضحكين علي بعقلس الصغير ، بتقولين ولا اجرم فيس
الريف بنفس حدته نطقت وهي تستفزه : تبي تعرف من جابه ؟ خطيبي ولد عمي عندك شيء ؟
مسكها عاصف مع شعرها بغيره حرقت صدره نطق : والله ي بنت ملهم ؟ وتقولينها وين اتفقتي معاه هاااا
الريف وهي تفك شعرها من عاصف : فكني ي مختل
عاصف فكها لما شافها تتالم واخذ جوالها وهو يضربه ب الجدار ، لين صار قطعتين ناظرته الريف ودفته : انت غبييي مجنووووونننن وش تحسسس فيه الله ياخذكككك اكرهكككك اكررررهككككك ليتك تموتتتت واشوف موتك بعيوني
عاصف وهو يحس بحرقه بقلبه منها وهي تجرحه كان مغبوون ، طلع من الغرفه وهو يقفل الباب عليها دقت الباب وهي تناديه : عااااصفففف افتح البباااببببب انا ماني عبده عندككك
اخذ ثوبه وهو يلبسه ويسمع صراخها وهي تدق الباب ، فتح الباب وطلع شاف اماني الي جالسه ب الحوش ومجهزه الشاهي وكل شيء : عاصف وين الريف
ناظرها عاصف ونطق بصوت مبحوح : نامت
فتح باب السياره وركب ، وهو يمشي من عندهم بدا يمشي بسيارته وهو معصببببب ووجهته يجهلها ، بعد مرور ساعه ونص تقريباً وصل ديره الريف وكان السياره هي الي محدده وجهتها مو سايقها ، نزل وهو يبلع ريقه ويده تحكه جلس ع كبوت سيارته وهو يلعب بسبحته والرايح والجاي يناظره ويتكلمون عرفوه ، طلعت هدى وهي تشوفه شهقت وهي تسارع بخطواتها عند البندري توصل لها الخبر ، شويات وشاف عاصف صافي الي كان متوجهه ل عاصف اصلا
صافي نطق بحده : وش تسوي هينا
رفع عاصف نظره ل صافي ونزل من الكبوت وهو يلعب بسبحته نطق : اسير في ديره زوجتي عندك مانع ؟
صافي المقهور دفه ونطق : انت كيف تتجرآ الصبح عمك والعصر انت
مسكه عاصف وصك براسه ب كبوت سيارته ، وبيده لوها ورا ظهره صارخ صافي والي حس ان خشمه انكسر من الضربه قرب عاصف من اذن صافي ونطق وهو شاد ع سنونه : ان شفتك تجيب طاري زوجتي ع لسانك ولا حتى تعطيها شيء م ارحم امك وادفنك قدام باب بيتكم
م تكلم صافي ورفع عاصف راسه وصكه ب الكبوت مره ثانيه ونطق : تسمعننننيييييييييييي
صافي وهو يحاول يفك نفسه من عاصف نطق : انت الي تاخذها مني وتبيني اسكت تخسي اترك الريف لك وبيجي يوم وتتطلق منك وانا الي باخذها
عاصف والي تنرفز وقلبه كان جمره قاعده عليها ، فتح صندوق سيارته ودف صافي فيه ، جت البندري تركض هي وهدى وهي م همها صافي همها الريف قربت من عاصف ونطقت : اختي الريف بخير ؟ تكفى علمني
ناظرها عاصف ونطق : بخير بس ولد عمك بتشوفونه جثه
شهقت هدى وركب عاصف سيارته ، ومشى وفي صندوقه صافي
ناظرت البندري خطوات السياره وهي تمشي ، والتفت ع هدى ونطقت : انا لازمم اشوف الريف لازم
هدى اخذت نفس ونطقت : اهدي شفيك ان شاءالله مافيها الا العافيه
تاففت البندري ورجعت للبيت ، اما عاصف كان يمشي بالديار ومطلع يده مع الشباك ويلعب بالسبحه وفي صندوق سيارته صافي ، وقف السياره وهو ينزل ويفتح الصندوق عن صافي وطلعه ، كان فيه مثل المخزن دخل صافي فيه وصافي يقاوم مسكت عاصف ، جلسه عاصف ع كرسي وبالحبل ربطه وصافي يحاول يفك الحبل : فكنيييييي قسم م تهرب من يدي
ضحك عاصف ونطق : ومن قالك اني بهرب خليت الهرب للورعان الي مثلك
ناظره صافي ونطق بحده : وش تبي انت
عاصف وهو يلعب بسبحته بطريقه مستفزه بنسبه لصافي ، نطق بحده : تنسى الريف وان شفتك تحوم يمها لا اخليك تلعن الساعه الي ولدت فيها
صافي ضحك ونطق : اذبحني ولا اخلي الريف لك
عاصف وهو يطلع السكين ويبدا يلعب فيها بيده نطق : مو مشكله نذبحك
صافي انخرش وماكان مصدق انه بيذبحه جد ، لين حط عاصف السكين برقبته وحس بانغراز السكين بالرقبته عرف ان عاصف مجنون يسويها ولا يرف له جفن
صاح بصوت عالي بالم من السكين الي تنغرز برقبته ونطق: خلاااااااااااااااااااااااااااااصصصصصص
بعد عاصف السكين عنه وهو يمسح الدم الي فيها ونطق : الواضح اننا تفاهمنا
هز صافي راسه ب اي منخرش ، ابتسم عاصف ونطق : شاطر ، تنسى انها بنت عمك حتى تسمعني
صافي هز براسه اي ، ورفع عاصف صوته ونطق : م اسمعكككك؟؟؟؟؟
صافي بصوت مبحوح : اي
عاصف وهو يجي من ورا صافي ، وبالسكين يقطع الاحبال مسكه مع شعره وهو يرجع راسه ل ورا ونطق بحده : ان شفتك يمها تعرف وش اسوي
دف عاصف صافي الي طلع من المخزن وهو يركض وماسك رقبته الي كلها دم ، طلع عاصف وهو يركب سيارته وتوجهه لديرته كانت الشمس بتغرب ، وقف عند مطعم ونزل يشتري اكل وحطه ب السياره وركب ، ناظر في المرتبه الي جنبه وكانت كرتون حبوب الريف اخذها ونزل ل الصيدليه يجيب نفسها وركب ، بعدها توجهه للبيت ، وهو في الطريق دق راكان عليه
عاصف وهو يحط اسبكر ويخلي الجوال ع المرتبه نطق : امرني ي الذيب
صوت راكان من الجوال : مايمر عليك عدو انفداك ، وينك من اليوم يولد
عاصف تنهد ونطق : ابد والله طلع برا الديره كان عندي كذا شغله
راكان : اهم شيء انك بخير
ابتسم عاصف ونطق : بخير لاتشغل بالك
راكان : اجل بمان الله
وقفل وصل عاصف للبيت وهو يوقف سيارته ، نزل وبيده الاكياس طلع المفتاح من جيبه وفتح الباب ، ناظر باب الغرفه وقرب يفتحها كانت الريف جالسه ع السرير دخل عليها وهو يرجع يقفل الغرفه قامت من السرير وقربت منه وهي تضرب صدره ضربات متتاليه ونطق : من تكوووون حتى تحبسني ها
ترك عاصف الاكياس ع الارض ومسك يدينها ونطق : لاتتمادين
فكت الريف يدينها منه ونطقت بحده : بتمادى كيفي من تكوووون اصلاً غير واحد مختل عقلياً
مسك عاصف اعصابه عنها ، وبعد عنها وهو يطلع ثوبه ونطق : الاكل عندس اكلي لين يطلع مع اذانيس وانطقي مكانس
ناظرت الريف فيه بعلامات استفهام ونطقت : تربي لك حيوان انت
ناظرها عاصف ومارد عليها وهو ينسدح ع السرير يبي ينام ، ناظرته الريف وهي تطلع كل مابقلبها نطقت : اكرهككك اكررررهكككككك الله ياخذك ياحيووووان ليتك مت ببطن امك قبل م تنولد وفكيتني منك
عاصف وهو يحس كلامها جمره ع قلبه هو م يكرها مثل م هي تكره ونطق وهومغبون : اذا خلصنا فقره التعبير عن الكره ابي انام
الريف مسكت مخده ورمتها عليه وهي مقهوره من بروده ، صكت المخده ع عاصف وبعدها عن وجهه ونطق ببرود تكره الريف : وش بعد تبين ترمين ؟
شدت الريف ع اسنانه بقهره ونط وهي بمكانه بنرفزه : يقهرررررر يقهررررر
التف عاصف ع الجهه الثانيه وابتسم وهو يحس بشعور غريبببببب ، شعور ماعمره حس فيه الريف جلست وهي من جوعها ومن قهره اخذت الاكل وتاكل كان يسمع الاكياس وهي تفكها ، التفت عليها ونطق : ان خلصتي اكل تقدرين تنامي جنبي
شرقت الريف ب الاكل وهي تكح وتضرب صدرها رفعت نظرها عليه ونطقت وهي الاكل باقي م بلعته : انام بالشارع ولا انام جنبك
ضحك عاصف ونطق : براحتس ماتلقين مكان مريح الا جنبي
الريف نطقت وهي تاكل : وع
انسدح عاصف وهو ياخذ نفس وغمض عينه ، والريف قعدت تاكل لين خلصت قربت منه وهي تشوفه نايم قربت من المفتاح الي كان جنبه تبي وهي تحاول تمسك المفتاح بشويش عشان م يحس ، صارخت من اليد الي مسكتها وسحبتها ثبتها عاصف بيدنه ونطق : تحسبينك تقدرين تسرقين المفتاح
الريف وهي تحاول تفك يد عاصف الي مثبته صدرها على ظهره : فكني
عاصف وهو ماسكها نطق : وش ي بنت ملهم استسلمتي
عضت الريف يد عاصف الي فكها بالم ، وقامت من عنده ونطقت : تخسي استسلم
ناظر عاصف مكان العضه وكانت قويه مبينه بيده ورفع عيونه عليها : لعنبوس وش ذا الاسنان