නේත්‍රා 👁️ ( Slow Update )

~ 12 ~

" තමුසෙ මොනව ඔප්පු කරන්නද මේ හු#ත දොරේ ගැහුවෙ ආ...අනික උබ දැක්කද මම ඒකි එක්ක ලව් කරනවා.. කතා කරපන් ඉතින් උබ දැක්කද යකෝ මම ඒකි එක්ක හැමිනි හැමිනි ඉන්නවා ටොයිලට් අස්සෙ..."

මම ඒකගෙ කම්මුල පුපුරු ගහන්න ශොට් එකක් දීලත් ඌ මන් දිහා එක එල්ලේ බලාන හිටිය මිසක්ක මට ආපිට ගහන්නවත් බයින්නවත් ආපු නැති එක ගැන නම් පුදුමත් හිතුනා.. මේ වගේ රියැක්ශන් එකක් මම එයාගෙන් බලාපොරොත්තු වෙච්ච දෙයක් නෙමේ.. මන් නම් හිතුවෙ මූගෙ කම්මුලට මගෙ අත ගිය වෙලාවෙම කොස්තත් ආවේස වෙලා මට කැරකිල වැටෙන්න පාරක් දෙයි කියලා..මොකද මගෙ අත සූටි උනාට උගෙ අත ඉස්කෝලෙ යන කොල්ලෙක්ගෙ වගේ නෙමේ හම්මෝ ඒ අතින් පාරක් කෑවොත් නම් අනිවාරෙන් මම මැරිල වැටෙයි..ඒ බව දන්න නිසාමද මන්ද ඌ මට අත ඉස්සුවෙ නැත්තෙ.. නිකරුනේ මම වගේ ගැරඩියෙක් මරල බෝගම්බර හිර ගේකට යන්න ඕන නෑ කියල එයාට හිතෙන්න ඇති..

මම තවමත් උන්නෙ එයාගෙ ශර්ට් එකේ කොලර් එකෙන් අල්ල ගෙන මහ හයියෙන් කෑ ගගහ කුනුහරප පල පල..

" අනුශ ඕක නවත්තපන් බං..."

විදුරය මගෙ පිටි පස්සෙ ඉදන් මැරෙන්න හදද්දි ඌව පඩේකට ගනන් නොගත්ත මම දත් මිටි කාගෙන බලන් හිටියෙ මගෙ ඇස් ඉස්සරහ ඉන්න මේ ඉස්කෝලෙ මහ ලොකු කෙරුම කොස්ත දිහා..

" ආයෙත් මගෙ ඇගේ කොහෙවත් ඉන්න ගෑණු පටලවල මගෙ චරිතෙට හානියක් කරන්න තමුසෙ දැගලුවොත්.. අම්මප මම තෝව මරල දානවා..."

ඌව හොලව හොලව මන් ඌට මරන තර්ජනත් කරද්දි කොස්ත ඔහේ මන් දිහා බලාන හිටියා..උගෙ යාලුවොත් දෙපැත්තෙ ඉදන් මන් දිහා ඇස් ලොකු කරන් බලාන ඉන්න හැටි ඇස් කොනින් මම දැක්කත් උන්ට එක බැල්මක්වත් මන් දෙන්න ගියෙ නෑ..

" ඉදා...මලවන් කාපන් මේ ලබ්බ..."

උගෙ ඇස් ඉස්සරහම අර ෆොටෝ එක කෑලි කෑලි වලට ඉරල කොස්තගෙ මූණට දමල ගහල එතනින් මම ගැම්මෙන්  එන්න ආවෙ විදුරයත් මන් පස්සෙන් බල්ලෙක් වගේ කන් කෙදිරි ගගා එද්දි..

-
-
-
-
-
-
-
-
-

මට පාට් එක දාල පොඩි ඇටිකිච්ච යන්න යද්දි මම තවමත් ඒක ගිය දිහා බලාගෙන උන්නා..විනාඩියක් දෙකක් නෙමෙයි මන් හිතන්නෙ ගොඩක් වෙලා මම බලන් හිටියෙ මගෙ උන් සෙට් එකත් මන් දිහා ඔහේ බලාන ඉද්දි..