Start - April.12.2024
" ဗျာ! ကျွန်တော်ကဘာလို့... "
" အာဏာ! မင်းငါ့အမိန့်ကိုနာခံရမယ် အခုမင်းအသက်ဘယ်လောက်ရှိနေပြီလဲ "
" ၂၆ "
" အေး ၂၆နှစ်တောင်ရှိပြီ ဘယ်မှာလဲအလုပ်အကိုင် ဘယ်မှာလဲပိုက်ဆံရှာတာ တစ်နေ့တစ်နေ့အလေလိုက် ဘားတွေသွားပျော်ပါး ရန်တွေဖြစ် ပြီးရင်အိမ်ကိုမိန်းကလေးခေါ်လာလိုက် ယောက်ျားလေးခေါ်လာလိုက်နဲ့ ပြောပါဦး မင်းကမိန်းကလေးလည်းမကင်း ယောက်ျားလေးလည်းမကင်းနဲ့ မင်းကဘာလဲ gayလား straightလား "
" ကျွန်တော်နှစ်မျိုးလုံးကြိုက်ပါတယ် "
" ဘာကွ! ငါကွာ လုပ်လိုက်ရမင်းတော့သေတော့မယ် ဘာဘဲဖြစ်ဖြစ် မင်းဒီမှာမနေရဘူး ငါ့သူငယ်ချင်းရွာမှာသွားနေ ငါသူ့ကိုအသိပေးထားလို့ရတယ် ရွာမှာလိုအပ်တာရှိရင်ကူညီဖို့ မင်းသွားလိုက် "
" ဗျာ! ကျွန်တော်မသွားချင်ဘူးဖေဖေ "
" မင်းအဲ့ကိုသွားရင်သွားလား မဟုတ်ရင် ငါ့အိမ်ပေါ်ကဆင်း ဘာတစ်ခုမှမယူဘဲ အဝတ်တစ်ထည်ကိုယ်တစ်ခုနဲ့ဘဲဆင်းရမယ် "
" ကျစ်! သွားမယ်ဗျာ သွားရင်ပြီးရောမလား "
ဒုန်း!!
ဖေဖေ့အား အရွဲ့တိုက်ကာ စားပွဲခုံအား ခြေထောက်နဲ့ကန်ထားခဲ့သည်။
" ဟေ့ကောင် နေဦး ပြောလို့မပြီးသေးဘူး "
" ဘာလဲဗျာ ပြော "
" မနက်ဖြန်မနက်သွားရမှာမို့ ဒီညပြင်တင်ထားလိုက် "
" ဟာ ဖေဖေ! အဲ့လောက်အလျင်လိုရလား ပြီးရောဗျာ ကျစ်!! "
ဖေဖေ့အား ပုန်ကန်ဖို့ ကျောပေးထားရာမှ လှည့်လိုက်တော့ ဖေဖေက စူးစိုက်ကာကြည့်နေသည်မို့ စုပ်တစ်ချက်သပ်ကာ အပေါ်ထပ်တက်လာခဲ့လိုက်သည်။
နောက်နေ့မနက်ရောက်သော်အခါ...
" ဖေဖေ ကျွန်တော့်သူငယ်ချင်းကိုခေါ်သွားလို့ရလား "
" မင်းဘာသာဘယ်သူ့ခေါ်ခေါ် ဒါမဲ့မှတ်ထားနော် ရွာမှာပြဿနာမရှာနဲ့ ဘာမှမကြားချင်ဘူး ရန်ဖြစ်တယ်ဘာညာကြားလို့ကတော့ မင်းကိုတစ်ခါတည်းအမွေဖြတ်ပစ်မယ် "
