المهره والظابط

البارت السابع عشر

حسين... علاوي راح يتأجل عرسك لان عمتي مريضه وزهراء يمهه  علاوي ساكت ماحجه كلمه وحده  باوعت عليه واشوفه الاشوي ونفجر حاصرته الضحكه كلتله علاوي بس اجيب دنوبس واجي افشك شبيك ماتكلي راح تطك اضحك وفضهه .

علاوي... هههههههههه والله متت ضحك حسين بصراوي عدنه عمه وتصير ام مرته هاي واكفه ويكوله عمه حسون بداعت كل غالي عندك صدك تحبهه لو لا تره البنيه فقير لا تأذيهه انت حميته سويت خير الله أن شاء الله ينطيك حسنته لا تلعب عليه خطيه عوفه

حسين... علاوي تريد صدك لو ابن عمه.

علي... حسون اطلعلي بنظيف.

حسين... انه ما حبيته وعمري مااحبه ولا راح أثق باي مره  بس أريد اكسر خشمه يابس. واكسر كلب بنات كله مثل مانضحك عليه احسسهم بشعور عشته

علي... حرام عليك شنهو ذنبه تدفع غلط غيره شناوي عليه مادام بعدكم بس خطوبه افسخه وعوفه بحال سبيلهه الااروح واكله عليه ماعرفتك هيج اناني .

حسين... علي اكضب السانك ولاتتدخل لا تخليني انسه انته صاحبي وتعرف شنهو اسوي اسكت وانسه الي حجيته وتجيك اخبار بيوم العرس علي المره الثانيه انبهك اذا وصل حجي لزهراء اوسمعت كلت الامي ورضا انسى عندك أخو وصاحب اسمه حسين .

علي ... مرات حسين من يكلي علي موش علاوي  معناهه يحجي صدك ومايصير اكله لا  كتله خوش راح اسكت بس انته بضميرك ترضاهه وانته بعدك بكيفك سكتت ما حاجني عفته وطلعت من مركز .

حسين... مأثر كلام علاوي بيه ابد  لان انتقام مسيطر على عقلي وكلبي بس صحيح هيه ماله علاقة مااعرفه ليش اسوي هيج بس مرات مادري شنهو ليسيطر عليه وارجع لتفكير الانتقام (الشخص الذي يفكر دوماً بالانتقام، هو شخص يبقي جراحه مفتوحة.)

إضليت احرك بروح جكاره وره جكاره لفت انتباهي موبايل دك شفت امي مخابرتني كلت احضر نفسي لرزاله كلت شنهو اكوله حتى ماتزعل أي لكيته الوو هايمه شلونج .

سميره... ها يمه حسين شلونك ليش هيج يمه ماكلتلي خاطب ادري من مريم شكولون علينه الناس ياهي هاي لبنيه وشلون عرفتهه أول فرحتي انت هيج تسوي وانه انتظرك تكول اي عبرتني الخنكه وبجيت.

حسين... يمه دمعتج توجع كلبي هسه ورضا اروح افصخه وانتي تختاري وانه ابمأمرج امشي بس صارت ظروف خلتني أعقد .

سميره... يمه سولفلي ليش هيج سويت مجبور انته.

حسين... لا يمه انه لبنيه مااعرفه ولا شايفهه بس تعرفت عليه  من سنه  من الانترنيت  ولزكتلي ورادت تنتحر لو ازوجهه وتعرفين ابنج كلبه طيب من اجيت لبغداد عرفت بمشتفى بالعه حبوب ومنتحره كلت لا يصيرلهه شي وضل بذمتي .

سميره... لا يمه ازوجهه ماصار اله شي من بلعت الحبوب .

حسين... لا يمه العار مايموت سولهه غسيل معده وصارت اصحه من المطي.