زهراء... فتحت الباب واشوف حسين وامه نعم تفضلو شنو تردون.
سميره ... يمه توكفينه على الباب هذا الزمال غلط لا تحجين وياه حجيج وياي يمه .
حسين ... يمه شنهو زمال.
سميره... وصمه أي زمال شلون تعوف هل الجمبده هاي اسكت ابو صماخ .
حسين... يمه لو بافيت على زمال هواي احسن.
زهراء... عذريني خاله الكلام خلص بيناتنه وكولشي انتهى هو عافني مااعتقد ماكنتي تدرين بابنج ياخاله كسرني لا تتحدثون عن شي اذا لم تعشو فالكلام ليش مثل ماعاشه الشخص يعني خاله اني عشته مو قليل وحده تطلق بليل عرسه بس مو زينه هاي
وابنج طلعني موزينه وكل هذا سواه يريد يكسر خشمي بس مادري دمرر حياتي وكسرني كلي انتي خاله تقبلينهه لمريم لا سامح الله . الله لا يخلي وحده بمكاني وبموقفي.
سميره... لا وداعت نظر عيني وشيباتي ماادري لو ادري مااخليه هيج اتبره منه ومااخلي يسوي لسواه
يمه انتي ومريم صرتن نفس معزه من عرفتج الله شاهد صحيح انه مااعرفج وماصاري هواي من شفتج بس حبيتج من كل كلبي .
زهراء... استحيت من حجيه مهما صار ماشفت منه شي أو سمعت عليه شي ابد كتله تفضلي خاله دخلي وجاي يدخل حسين كتله لا انت ماتتدخل لبيت ابقى بره يله دي دي منا أمه ضحكت وكالت فدوه حلكي يا يمه خليه بره بلكت شمس تحرك عقله ويصحه على نفسه .
حسين ... شنهو انه جلب مااطب لبيت تخافين انكسه .
زهراء... مكرم الجلب منك .
حسين... شنهو كلتي اكضبي لسانج لا ورضا اطلع اخبالي عليج .
زهراء.. خليت سديت لباب بوجهه ودخلت خاله لبيت دخل لمي وشافته وضلت تحجي وياي وتقتعني ارجع واني بس نفس كلام ارجعه اله خاله عذريني ما اكدر جيتج هاي على عيني وراسي واحترمج بس ماكدر انسى بأول يوم وهيج سوه بعد شهر شنو يسوي.
سميره... يمه بس هاي الفرصه وبعد اذا سواهه اتبره منه وكرامتج تبقى محفوظه انتي موش ردتي تنتحرين على موده شبسرعه تغيرني عليه اليحب يا يمه يضحي وانتي ردتي تضحين بحياتج انطي بس هل فرصه واذا صار شي اخذيهه مني وحقج عليه بعدين يايمه عرفته اني وامج محد الج يعني ماعدكم كادود وامج عاجزه فكري بأمج وانتي بنيه صغيره وحلوه وينخاف عليج .
زهراء...سكتت ردت احجي اكله اني مااردته ولا انتحرت علموده دك تلفوني واشوفه حسين كتله خاله هذا ابنج فتحت خط وانطيته لأمه .
حسين... ها يمه وين صرتي انه عندي شغل خوما مركز ابوي وتاخر على كيفي. ماقبلت طبه مرض الف وحده تمناني شايله خشمه بعدهي قزمه ام شبر ونص .
زهراء... تلفون عالي وسمعت حجيه كله كتله خاله انطيني موبايل بعد اذنج اخذته الموبايل كتله اسكت ابو خشم مدام ألف وحده تتمناك ليش مارحت الهن ليش اجيتني وامك تكلي انتحرتي علموده اكلهه بحقيقه وافشلك .
حسين... اسمعي زهراء امي هسه طلعت من مستشفى يعني مريضه ودكتور كال اجت تنجلط الا شويه فراح اتفق وياج ارجعج على ذمتي ومقابل اطيب امج ارجعه تمشي على رجليه حتى لو اطر اسفره هاا شكلتي .
زهراء... فكرت بكلامه اول شي اني ماعندج فلوس أو مصدر رزق وثاني شي امي تحتاج الدكتور وعلاج وثالثه شي أريد ارجع كرامتي وانتقم منه فكلتله موافق شنو تريده يصير بس عندي شروط قبل لا نروح الشيخ من اشوفك اكولك ياهه.
في مكان آخر
منى... طلعت من للجامعه خابرت على امير كتله لا تتغده بره اني راح اسويلك غداء من ايدي وبعدين خابرت على لؤي لو. لولايتي حبيبي اني مااكدر اجي وياك للشقه انطيني بس هل أسبوع وارجع كولشي أخذو منه واجيبك واصير حلالك بعد رجعت للبيت وحضرت الغداء شوي ودخل الامير هلا وغلا بلأموري حبيبي بيت هسه حله صبيتله غداء وخلصنه كتله اموري عندي خبر الك راح تطير من فرحه اموري انته عن قريب راح تصير احلى بابا .
الامير... شنو انتي حامل شهل خبر الحلو يبعد عمري كولي شنو تردين من هديه اجيبلج ياهه .
منى... شغله صغيره ما تغله على مناويتك حبيبتي ام الاطفالك أريد تسجل قطعه الأرض بأسمي وبالبيت بسأسم لؤي يابو لؤي شفت الأمير سكت وضاج كتله شنو ضجت .
الامير... لا ما ضجت بس يعني .
منى.. شنو شكو صاير .
الامير ... واني شنو .
منى... شنو مافهمت .
الامير... اني ماراح يضلي شي من املاك .
منى... هو قابل راح يرحن لغريب هو لابنك وام ابنك اني دا سوي هيج أخاف باجر يجون امك أو ختك تسوي شي بعد عمر الطويل الك واذا ماتريد عادي ماريد خليهن ياخذهن .
الامير ... أي صحيح يله أن شاء الله باجر اسجلهن بس اسوي المعامله اكلج تخاف مايصير تسجل شي باسم طفل هو بعده ماجاي .
منى... سجله باسمي اني ولؤي واحد .
الامير ... تمام مامصدك راح اصير اب الحمدلله يا ربي .
منى ... شفته طلع ودزيت رساله صوتيه لؤي كتله أن باجر راح يسجله باسمي. ومابقى الاالقليل واصير حلالك مشتاقتلك لولايتي يوم ماشبعت منك سديته ورحت .
في مكان آخر.
زهراء... رحنه للشيخ وقبل لا ادخل كتله أريد احجي وياك .
حسين... أوك بس تعالي بعيد عن امي يمه هسه شوي واجي تفضلي كولي شنهو شرطج.
زهراء... أول شي ماتجي يمي ولا تقتربلي يم ناس متزوجين بس بغرفه اخوان.
حسين... على أساس انه ميت عليج قبل لا تحجي انه أريد اسوي هيج. ثاني يا سلطانه .
زهراء... ثاني شي نسوي عقد محكمه وتخلي مؤخر مالتي خمسين مليون وبيت .
أنت تقرأ
المهره والظابط
قصص عامةيسألني هذا وذاك عمرج شكد عمري وكضيته بضيم مايسوه ينعد ا ابقى يمي صرت اشوف الدنيا بيج الدنيا ماتوكف ع احد بس شو وقفت عليج
