"Nakakabasa kayo ng palatandaan sa langit, ngunit hindi ninyo mabasa ang palatandaan ng kasalukuyang panahon." [Mateo 16:3b]
Ang tao ay may masidhing pagnanais na maunawaan ang kanyang kasalukuyan at mahulaan ang kanyang kapalaran. Dahil dito, kung ano anong pamamaraan ang ginagawa natin tulad na pagpapahula O Di kaya ay pagbabasa ng horoscope.
Aminin mo na madalas ay naniniwala ka sa sinasabi nito. Pero para Kay Jesus, hindi mahalaga ang kakayahang mabasa ang palatandaan sa langit kundi ang kakayahang mabasa ang palatandaan ng kasalukuyan. Walang anumang bagay sa mundo na hindi sakop ng kapangyarihan ng Diyos. At para maunawaan natin ito, kailangan ang palagiang pakikipag niig sa Kanya sa pamamagitan ng panalangin, pagsisimba at pagbabasa ng kanyang salita.
Prayer: Mula ngayon, Panginoon, tanging sa salita mo na lang ako mananangan at hindi sa anumang sinasabi ng horoscope at iba pang hula ng tao.
