رواية حب و دموع (بقلمي دينا محمود صابر)

الفصل الرابع عشر

مالك: انا بصراحه بفكر اني

عاصم: ايه يبني قول وخلصني

مالك: هقولك اهو... انا بحب يارا صحبت تالين... بفكر فيها كتير واول ما تيجي قدامي برتبك كده مبعرفش مالي

عاصم: ههههههههه بتتكلم بجد

مالك: انت بتضحك ايوه بجد...... انا بصراحه وقعت من اول لحظه شوفتها فيها بجد بنت محترمه و رقيقه وجميله

عاصم بضحك: حيلك حيلك ايه دا كله يعني حاسس اتجها كده من زمان وساكت دا انت طلعت جبان كنت روح واعترف ليها علي طول

مالك: ما انا مش كنت متأكد من مشاعري الاول وكنت بتجاهل الشعور ده بس مكنتش بعرف امنع نفسي من التفكير فيها بس دلوقتي انا متاكد من مشعري اتجاها

عاصم: وناوي علي ايه

مالك: علي ايه يعني

عاصم: يعني هتروح تتطلبها وتصرحها ب اللي في قلبك ولا هتعمل ايه

مالك: لسه متردد ومش عارف اهلي مش هيرضو ب بنت زي يارا عوزني اخطب من عيله حسب ونسب وانا بصراحه كنت معقد بسبب كده ، عاوز اتجوز اللي قلبي اختارها مش مهم بقي غنيه او فقيره المهم اني بحبها

عاصم: صرحها الاول و اما تنوي انك تروح تتطلبها سيب موضوع عيلتك ده عليا ومتشلش هم

مالك ابتسم بفرحه من كلام عاصم: مش عارف اقولك ايه يا صحبي

عاصم: طول ما انا جمبك متشلش هم اي حاجه

مالك: بجد ياعاصم

عاصم: ايه اللي بجد اعتبر الموضوع ده خلصان ، انت قاعد مع عاصم الانصاري اما بحط حاجه في دماغه لازم يعملها

مالك بضحك : انت هتقولي عليك

مالك:الا قولي يا عاصم عاوز اسألك سؤال كده

عاصم: قول

مالك: انت باين عليك كده بتحب تالين صح شكلك و خوفك عليها اما كانت في المستشفى بتقول كده

عاصم: بصراحه مش هكدب عليك انا فعلا بحبها من اول لحظه شوفتها فيها

مالك: مش مصدق بصراحه

عاصم: ليه مش انسان وعندي مشاعر

مالك: بصراحه انا كنت فكرك انسان ألي من كتر الجديه اللي عندك و كمان بصراحه من تجربتك اللي فاتت متوقعتش انك تحب تاني

عاصم: انا فعلا كنت رافض الموضوع ده نهائي بس حسيت ان تالين مميزه كده وغير كده هي اول حب في حياتي متنساش انها اميرتي الصغيره بس مش متاكد انها ممكن تحبني زي ما بحبها ولا

مالك: هتحبك اكيد انا عارفك يا صحبي بتحاول تظهر من برا انك انسان قاسي لكن اللي يعرفك بجد يعرف انك حنون وقلبك ابيض من جوا وهي اكيد هتلاحظ ده وتحبك