صغيرة المتملك

1

🔮 صغيرة المتملك 🔮

🍷بقلم إدمان سيما ..... sima jarisse  🔥

........🍷 يقولون أن الصدفة بداية علاقة للعاشقين ... 🍷ولكن صدفتنا بداية لهوس أبدي ... صغيرتي ... هوسي

مجنون بك أنا 🍷

بهمس : إلينا 🔥🔥

⚖ محمية بموجب حقوق المؤلف والحقوق المجاورة : نقل القصة وإزالة إسمي او تغير عنواها أو محتواها يعتبر إنتهاك قانوني 

.... إسمي إلين عمري 16 سنة انا البنت الوحيدة عند والديا وانا أغلى ما عندهم في هذي الدنيا بسك ماما وقت تزوجت مع بابا طولت باه هزت تقريبا 5 سنين وهذا الشي لي خلى جدة كيما يقولي بابا تحب تعاودلو الزواج بصح هو محبش وكيفاه يحب وهوما عايشين قصة حب خيالية من وقت كانو صغار حبو بعضاهم عشقو بعضاهم ووقت كبرو بابا حب يخطب ماما مي جدة مقبلتش بسك ماما كانت زوالية يعني عايشة هي وجدي وجدة وخالي  ووقت مات خالي  زاد عليهم الحال مكانش شكون يخدم ويوكلهم وعلى حساب ما عرفت انو دار جدي لاباس بيهم يعني عندهم في يدهم وهوما دار كبيرة عايشين مع بعض ونسا عمومي خيرتهم جدة كامل من غير ماما مقبلتش بيها   .... مي بابا  قالها نتزوجها بسيف قالتو تتزوجها تنساني ومام جدي كان من رايها الله غالب يسمع هدرة النسا  قالهم يا نديها هيا يا مكانش وصح داها بسيف عليهم سكنها معاهم عوام شربولها الخل مسكينة وكانت صغيرة بنت 17 ( بابا فايت ماما ب 19 سنة ) وكملت عليها وقت مجابتش الذراري ثما جدة حبت دير رايها وبابا منعها وجدي حاوزو قالو متزديش تجي ما تحوس عليا من ثما خرج من دارهم مخلي اهلو وناسو المهم يبقى مع ماما راح لولاية خلاف وكرا دار ثما  ... فاتو لعوام عليهم ماتو جدودي في زوج ( اهل ماما ) وبقات يتيمة وحدها مي بابا واقف معاها وجامي لا قالها كلمة  مالغري هي كانت تتوسوس تقول يتزوج بسك مجبتلوش الذراري مي كيما يقولو ربي رؤوف رحيم صرات معجزة وهزت الحمل بيا كنت فرحتهم رغم الفقر لي كانو عايشين فيه وولدتني بصحة والعافية بابا يخدم ويشقى ويتعب باه يوفرلي كلش ملي نشفى وانا صغيرة نقول غير حبيت هذيك الحلوة يتسلف ويجيبهالي ربي يحفضولي ويطول عمرو ... كبرت وانا مصاحبة بابا وماما لي كانو شغل صحابي مش والديا نقصر معاهم نحكيلكم منحشمش منهم كنا عائلة بزاااف متماسكة مالغري عايشين بلقليل مي الفرحة والتبسيمة كي تكون على فم الانسان هي الصح   مي كيما يقولو ربي ديما يتبلي عبادو وسوايع الانسان يعيش الفرح والقرح وجا هذاك النهار لي بابا ضرباتو لاطونسيو رجع راجل مشلول بعد مكان بصحتو راجل ميقدرش يهدر ميقدرش يتحرك بكيت الدم عليه اغلى ما عندي هو منقدرش نشوفو هكاك قتلو يا بابا نبيع كبدتي ونديرلك عملية المهم تبرا شكون هذي لي تقدر تشوف والديها هكا مي ديما يديرلي بعينيه اصبري ويسيي يهدر كنت مع الاول منفهمش عليه مي مع الوقت رجعت نفهمو ونقصر معاه مالغري مشلول ميقدرش يهدر مي هكاك كل ما نجي العشية من الليسي نحكيلو كيفاه فوت نهاري مع صحباتي وواش قريت وفي نفس الوقت مسكينة ماما كانت تعجن الكسرة ( المطلوع ) والشواط تاع الشخشوخة حلت باجة تاع فسيبوك وانا وليت نحطلها ليستاتي وليفوطو منبعد رجعت للبربوشة والحمد لله كان ربي كافينا قيسما نشرو الدوا وحتى مصروفي مقصرتش فيه ماما كل صباح كي نروح نقرا ومام تخلص الكرا تاع الدار مولاها ساعة يعاونا وساعة لا كل مرة كيفاه يتبدل ..... اليوم كنت خارجة من الليسي حتى نشوف في واحد يتبع فيا اصلا موالفة بسك انا الحمد لله ربي عاطيني الزين منيش نشكر مي نقدر نقول جمالي فاتن فاتنة لأبعد الحدود وهذي بشهادة الناس جاية بيضة بزااف وعينيا خضر وشعري مايل لاصفر وقصيرة بزاف لطاي تاعي معدولة يعني ربي خالقني في احسن صورة وهذا بفضلو سبحانو  يقولو نشبه لجدة ( يمات بابا ) ديما نتعرض للتحرش من جيهة الرجال وشحااال من واحد يجي يخطبني من عند بابا مي بابا يردهم ديركت وهذو لعوام اللخرة ولات ماما تهدر وتقول الطفلة مزالها صغيرة حتى وليد الكراي تاع الدار جا خطبني ومقبلتش  كل مرة نلقاه لاسق فيا وقالي معليش خلينا نكونو كوبل سوايع نحب نكون معاه وسوايع نقول اخطيني من المشاكل نجيبهم غير لبابا مسكين .... قالي بسس الزين يا يما صغير ويغير درت ليه قتلو تفووو شحال مشي مربي قالي مقبولة من عندك الزين معليش النميرو قتلو كون تتحلب للدنيا شوي مشي خير بسك تاع بسبس واعطيني النميرو كانت في وقت ابو لهب وضك اخطي جدي خيرمن نبهدلك هنا ... في نص هدرتي قاطعني جارنا إنسان كبير يخدم مراقب في الليسي قالي إلين روحي للدار بنتي قتلو ايه عمو ... كملت نمشي للدار مخلايتو يحكي مع ربع عبد هذاك كي وصلت شفت مول كراي الدار وولدو ياسين يهدرو مع ماما توال الباب مشيت ليهم قلت سلام دار ليا ياسين عينيه لمعو قالي إلين قتلو واش جابكم ياسين وشفت في باباه قالي جينا نعلموكم بلي الدار هذي راح تتباع سمحولي قتلو مي عمي حنا وين نروحو وبابا مريض قالي ولله منيش حاب بصح عرس ولدي الكبير قريب ومعنديش الدارهم بزاف سكت نشوف فيه اصلا باين يكذب بسك ياسين يخدم أستاذ ولباس  بيه عندو دارو وحدو زعما ميقدرش يعاون خوه  قتلو اوكي مش مشكل راح نروحو مي اعطينا ايامات قالتو ماما يعيشك منا على ايامات قالها اوكي هوما راحو وياسين مزالو يشوف فيا دخلت للدار مع ماما قالتي إلين بنتي واش نديرو ضك مسكينة غاضتني قتلها ماما نبيع سمسالي ومنقوشاتي ولله يجيبونا قيس كرية تاع شهرين ولا كثر قالتي شحال من مرة نقولك هذي الهدرة متعاوديهاش فهمتي انا وباباك شريناهم ليك برك وتخليهم وجامي تبيعيهم تنهدت قتلها وكيفاه قالتي شوفي في الفيسبوك كيما موالف قتلها زعما نلقى قالتي ايه بنتي تلقاي علاه لالا ربي ديما يفرج قتلها اوكي نبدل ونجي نشوفو قالتي انا نوجدلك تاكلي قتلها اوكي انا ماما تدي راي في أي حاجة شغل كبرت معاها وهي مزالها صغيرة عقليتنا تاع صحابات روحت للشمبرة نلقى بابا متكي كي شافني حل عينيه روحت بستو قتلو عمري وشراك غمضلي عينيه قتلو بابا حنا راح نروحو منا بسك عمي فلان قرر يبيع الدار الوغ ضك نحوس على دار جديدة شفتو دور وجهو عليا يغضيني كي يصرالو هكا يحس روحو هو السبة في كلش مخلينا ومش معيشنا كيما نحبو قتلو باباا تعيش مديريش هكا بستو من راسو وخرجت دمعتي على شفاري تكيت على الحيط منحبش نبكي توالو ..... فات الوقت وحنا نحوسو على سكنة مليحة وقيس دراهمنا مكانش والو لي تسقسيه يقولك كثرمن زوج ملايين حتى طاحت عيني على دار يعني مليحة هزيت تلفون قتلها ماما هذي الدار وشوفي شحال مش غالية قالتي وين قتلها في الولاية الفلانية دورت وجها قالتي تعرفي ثما يسكنو دار جدك قتلها منبعد وزيد هنا مش مرتاحين وحومتنا تاع زطايلية وناس المشاكل وحنا دار الندب هذيك واش دخلنا فيها قالتي بنتي إلين نتي مزلتي صغيرة قتلها ممزلتش صغيرة ونفهم كلش ماما معندنا ما راحلنا فيهم هذو ناس غرباء علينا فهمتي قالتي اووف ضك كيفاه قتلها خممي قالتي نتكلو على ربي قتلها ايه ونعم بالله قالتي وقرايتك قتلها ساهل نبدل لثما وصاي وزيد عندي الوقت العطلة تاع تاع الصيف ممزالش والاختبارات فوتهم قالتي وصحباتك قتلها على جالكم نسمح في كلش المهم بابا ميتلاوحش في الشارع وهو هكا قربت مني حضنتني قالتي يا قلب ماماك ربي يخليك ليا نتي فرحتي في هذي الدنيا ضحكتلي الدنيا وقت زدتي زيرت عليها قتلها ربي يخليك ليا ..... فاتو الايامات وانا شخصيا عيطت للسيد مولا الدار نتفاهم معاه قالي فوتيلي ماماك بريزاني عطيتو يحكي معاها   وتفاهمو على كلش وقالها التنقال تاع القش عليا مسكين ناس ملاح بابا مع الاول مكانش قابل مي وراها قنعاتو ماما وهكاك فات الوقت وجدنا كلش  وروحنا قد قد مع البداية تاع العطلة ... ودعت كامل ذكرياتي في هذيك الدار لي من وقت ولدت وانا ساكنة فيها عشت الحلوة والمرة مع والديا مي الظروف غلبتنا وخلاتنا نبعدو على الولاية لي عشنا فيها ونرجعو لبلادنا الاصلية لي ولدت فيها ماما وبابا ..... اليوم نضت صباح على صوت تلفون كنت مريقلاتو هزيتو شفت الساعة 9 سمعت صوت ماما قالتي إلين بنتي نوضي قتلها اممم قالتي مش قلتي نحوس على خدمة قتلها ايه هزيت روحي بسيف نتمايل بسك ليل كامل وانا نحوس على خدمة في هذي الولاية ملقيتش  وماما ملي جات وهي تحط ليستاتي حتى ولاو يبعثولها صحاب الحوانت مي متكفيش هذي الخدمة للكرا والدراهم لي عندنا يكفو جيست شهرين ...  نضت روحت للدوش غسلت وفت على بابا صبحت عليه كان نايض وبعدها دخل للكوزينة نلقى ماما تعجن قالتي مزالتي ناعسة قتلها ايه ولله كنت نحوس على خدمة في الفيس قالتي يا بنتي انا قتلك اخطيك نتي مش حابة قتلها ماما عادي اي واحد يخدم قالتي مزلتي صغيرة بصح قتلها يا ماما وينو المشكل شربت حليبي بلخف ونضت روحت لبست روبة تحت الركبة طلقت شعري وباسكات بيضة هزيت صاكي درتو اكوتي والتلفون قتلها مامااا راني مروحة قالتي روحي بنتي ربي يسهلك خرجت نمشي ونشوف في المابس بسك منعرفش الطريق مليح حتى سمعت صوت ورايا ختيي درت لقيت بنت تكون قدي مع مرا بلاك يماها مشيت ليها قتلها عيطتيلي قالتي وي مش نتوما جيرانا لي جيتو جدد قتلها وي !!! قالتي انا نسرين وهذي ماما قتلها سلام خالتي قالتي بنتي لاباس قتلها حمد لله وين راكي مروحة حسيتها تقرعج ضحكت قتلها نحوس على خدمة قالتي اااا ولقيتي قتلها هذا وين راح نروح قالتي اوكي حنونة ربي يسهل قتلها تعيشي نطقت بنتها قالتي وسمك قتلها إلين قالتي اذا حبيتي نوريلك البلاصة هنا محبيتش نزيد نهدر قتلها هيا اوكي بسك معرفتش مليح قالتي اوكي بقيت يماها بخير وروحنا نحوسو ونحكيو تعرفت عليها مليح هي عمرها 17 كانت بنت حلوة مي مسكينة فيها حب الشباب بزاف وعرفت بلي صحباتها يتنمرو عليها .... قالتي إلين علابلك بلي نتي شابة بزاف ضحكت قتلها عينيك الشابين قالتي معرف علاه كي شفتك اول مرة شبهتك لوحد الاستاذ يقرينا قتلها شكون قالتي هو أستاذ تاع رياضيات ويقرينا ملك جمال الليسي كامل يعشقوه مي متزوج قتلها اااه قالتي وي شغل عندك نفس ملامحو شوييي مش بزاف لازم الواحد يركز فيك باه يعرف قتلها انا طحت في الليسي الفلاني قالتي ياااا صح حتى انا وواشم السنة قتلها طلعت وعندي الباك قالتي حتى انااا نشاله نطيحو في كلاصة وحدة حبيتك تكوني صحبتي ضحكت عليها مسكينة تهدر بعفوية ... ما خلينا حتى بلاصة وحنا نحوسو على خدمة مكانش كامل يقولك مزلتي صغيرة بسك كي يسقسوني نقولهم عمري 16 حنا هكاك حتى فتنا على وحد الريسطورو نقدر نقول يهبل قالتي نسرين هيا ندخلو نشوفو هنا قتلها منيتك اصلا باين مش تاعنا وزيد غير لي عندهم الدراهم يدخلو ليه قالتي يا بنتي نتي واش خاسرة ندخلو ونشوفو ... هزيت راسي لفوق كان  مكتوب فيه حرف Y على الطرف بقيت مركزة معاه حتى شفنا وحد الراجل قالنا وي بناتي كشما تسحقو حاليا كاين انيفارسار قالتو نسرين نحوسو على خدمة قرصتها نهدر بشوي قتلها نتي تحوسي ولا انا قالي حتى انا حابة نخدم قالنا مول الشي راه هنا نهدر معاه ضك هو ميجيش بزاف قتلو اوكي قالنا شعال عمركم نطقت نسرين قالتو 19 سكت وراح بقينا نستناو حتى خرج وحد الجان ميبانش كبير بزاف كان من صحاب الحديد كي شافتو نسرين شهقت قالتي ااه هذا مصطفى شفت معاها قتلها واش ؟؟ قالتي مصطفى خو أستاذنا  ويقرا معايا متقوليش هذا الريسطو تاعهم هزيت عيني فيه لقيتو يخزر فيا قالي وي الاخت ؟؟؟ قتلو والو خويا دور عينو قالها  نسرين ؟ واش ديرو هنا قالتو احم مصطفى هذي إلين وجات جديدة هنا للولاية حبت تخدم قيسما تهز روحها شوي قالي إلين مي تباني صغيرة ومكيش تاع خدمة خزرت فيه قتلو وااااش معانها هذي منيش تاع خدمة ....انا  اكره حاجة عندي هو واحد يستصغرني بسك قصيرة طولي ميطرة وحبة روز ... قتلو  اسمع يا وسمك يا بيدون تاع خمسة اذا حاسب روحك حاجة انا نهبطك من العود فهممت واصلا انا جيت نتفاهم مع مول الشي مشي معاك مزالك تقرا في الليسي يا وليدي روح تلعب وتقرا قرايتك مشي خير ناضت نسرين تسكت فيا حتى خرج واحد خلاف كان تقريبا نفسو طرطقت عيني فيه وانا نشوف زوج اشخاص نفس الطول نفس الوجه ونفس اللبسة  غير الولد هذاك عندو شلطة في وجهو شغل مضروب فما قالتي هذا يحي التوام تاعو قتلها اااه يا ربي وين جيت انا للولاية هذي واااش داااني نجي حبيت نمشي حبسني صوتو قالي ختي درت ليه قتلو خويا صحيت منحتاجش خدمة قالي لالا خويا هو مولا الريسطو وقالك ارواحي خزر في نسرين قالها هذي نتي ؟؟ قتلو لا منيش حابة صاي قالتو نسرين اا يحي ضك نجو دقيقة حكمتني من يدي قالتي تعيشي خلينا ندخلو ولله انا نعشق هذا الاستاذ  قتلها هبلتي نتي قالتي تعيشي إلين تنهدت قتلها اوكي .... دخلنا ورا هذا يحي والكلب لوخر قعد برا شفت الريسطو مديكوري وكل ما نمشو نلقى حرف y و  Bقتلها شكون y ووشكون b قالتي مرتو يسرى ووليدو باسم ستغربت حسيت بحاجة مش طبيعية وصلت نشوف في عايلة متجمعة على الطابلة مقدرتش نحسب شحال واول وحدة لمحتها هي عجوزة مي خسارة فيها هذي الكلمة كانت تهبل شفت فيها صورتي وانا كبيرة في اللاج كامل دورو راسهم لينا ولا الهدوء في البلاصة نطق واحد خلاني نشوف فيه قالنا شكون لي كانت تعيط هكا برا ووقف كان جان يا ربي 28 سنة طويل وكيما الذراري هذوك من صحاب الحديد لابس سروال كحل وتركيو كحل وباسكات شعرو مارو وملامحو باردة شبهتو مي معرفتش ليمن خزر في نسرين قالها نتي مش @@ ( نقمتها ) قالتو وي استاذ نطقت مرا خلاف قالتها نسرين واش ديري قالتها أستاذة بصراحة إلين جديدة هنا في الولاية وحبت على خدمة ومكانش علابلي الريسطو تاعكم قالتها لا عادي ختيتي شافت فيا قالتي محتاجة خدمة قتلها وي هدرتها و داخلي حسيت بوحد الحشمة وانا توالهم نطق هذاك الجان قالي جاية تخدمي ولا تعرشي برا شفت فيه قتلو بسك البيدون لي راه برا ميعرفش يهدر مجيتش نطلب انا فهمت يا عمو وركزت عليها قالي ارواحي ضربيني ؟؟ هزيت راسي وجيت ماشية نطق قالي غدوة على السبعة نلقاك هنا يا إلينا واذا مجيتيش راكي ضيعتي الخدمة وقبل هذا الشي مديلي لاكارت تاعك درت ليه قتلو ملخر انا مينور وعمري 16 الوغ مراحش نساعدك ونخدم هنا ايا السلام عليكم زاد نطق على السبعة متنسايش مشيت وخليتو ونسرين ورايا خرجنا لقيت خوه داخل قتلو يخي بيدون يخي وروحت قتلها يعرفوك قالتي ياك قتلك هذاك الاستاذ إسلام كون تشوفي ولله نموت عليه قتلها هبلتي ياك قلتي متزوج قالتي ايه ولي هدرت معانا المدام اسمها يسرى تقرينا فرونسي وبلاك العام الجاي نطيحو نقراو عندهم قتلها ولله نتي هبلتي .مكذبتش كي قالت شباب زينو كان مش عادي شغل واحد روسي .......مشينا للدار لحقنا قتلها ايا نسرين باي قالتي اوكي منبعد نجي نحكيلك قتلها على واش قالتي الاستاذ قتلها ربي يهديك نتي خالعك هذا الاستاذ هو يشبه للمافيا قالتى حتى نتي جاك هكا كامل الغاشي يشبهوه بسك يلبس غير النوار قتلها روحي نسرين روحي طبطبت الباب حلتلي ماما قالتي إلين طولتي بنتي قتلها بسيف باه لقيت خدمة قالتي وين قتلو ريسطورو قالتي سيريو بنتي قتلها ولله لاه نكذب عليك قالتي عاونيني غير هذو الشهور منبعد تلحق القراية ترجعي لقرايتك عندك الباك قتلها وي نشاله خلينا نخممو في الوقت الحالي .... دخلت للشمبرة نحيت قشي لبست شورت شوي قصير وتريكو موالفة نلبس اي حاجة ديما هكا وبابا ميهدرش من ناحية اللبسة انا عندي حمد لله ماما وين تلقى الصولد تشريلي حاجة حتى عمرتلي الخزانة وكي جيت قصيرة قشي يبقى قدي لبزاف وقت سمعت صوت التلفون روحت نشوف لقيت نميرو منعرفوش هزيت الو ؟؟ قالي إلين جاني صوتو نعرفو قتلو ااا ياسين لاه عيطلتي كشما تسحق قالي إلين بسيف باه لقيت نميرو تاعك واش حوالك قتلو لباس ونتا قالي روحتي للولاية الفلانية قتلو وي قالي مليح وكيفاه قتلو صفا قالي راح نجي نحكي معاك في سوجي وقتاه تقدري تخرجي قتلو ياسين تجي هنا منتيك قالي ولله نسحقك تقدري غدوة هكا باه نوجد روحي قتلو وشنو هذي الحاجة إحكي في تلفون قالي إلين تعيشي تنهدت قتلو اووكي صحا غدوة نقولك وقتاه قالي اوكي صحا الزينة سلمي على يماك وباباك قتلو امم صحا كوبيت عليه هذا مهبول نقولهم يسلم عليكم ياسين .... لغدوة نضت صباح على 6.30 لبست بلخف سروال عريض جين مع تركيو ابيض اوفر سايز و باسكات طلقت شعري ودرت شوي غسيل على طرف عيني وgلوس شفاف يلمع بقيت ندور على روحي ونشوف ونتبسم جات في بالي هذيك العجوزة تقول انا سبحان الخالق  تفكرت هدرت بابا نهار قالي نتي تشبهي لجداك ستغفرت وين نلقاهم انا هنا والولاية طويلة عريضة .... قتلها مامااا راني خارجة قالتي ارواحي تفطري قتلها لااا ضك نلحق روطار خرجت وعاودت رجعت نسيت نسلم على بابا دخلت سلمت عليه قتلو ادعيلي وروحت زاد جاني هذاك الاستاذ لي اسمو إسلام يجبد شوي لبابا في الملامح وانا نقول ليمن شبهتو نفضت الافكار من راسي وطرت للخدمة ... حاطة يدي على صدري ننهج اوووف بسيف باه وصلت لقيت الخدامين ثما والراجل تاع لبارح قالي إلين بنتي قتلو عمي سمحلي طولت قالي عادي ارواحي معايا روحت للبيرو معاه قالي ولله ما فهمت مسيو إسلام كيفاه خلاك تخدمي ونتي صغيرة كون يجيو تاع الرقابة يباصي قتلو واش تقصد عمي قالي مكان والو مديلي لاكارت تاعك جبدتها مديتلو مركا صوالح ورجعلي قالي راح تخدمي لتحت تغسلي الماعين واذا تعرفي شي وحدة خلاف مش نفس الطفلة تاع لبارح يرحم والديك قتلو منعرفش ولاه وشبيها نسرين قالي حتى هي صغيرة كيفك ولا راني غالط منيش حاب المسيو يباصي بسبتكم يا بنتي دورت وجهي نستغفر وهبطت لقيت بزاف بنات ثما وحدة تسيق ولوخر تمسح ... عطاتني وحدة طابلية هزيتها لبستها وقعدت نستنى بسك مزال مكانش الماعين انا هكاك حتى صونا تلفوني لقيتو ياسين هزيت عليه قتلو ياسين اني خدامة قالي وين ؟؟؟ خرجت لفوق جيهة البالكو نحكي قتلو ياسين منبعد تعيش قالي اوكي صحا كي تخلصي عاوديلي قتلو جيت ولا مزال ؟ قالي جيت لبارك يا إلين قتلو ااا اوكي المهم ياسين راح نخدم قالي اوكي ومنبعد فهميي في حكاية الخدمة هذي قتلو روح روح باي كوبيت عليه وجيت نحل الكاميرا نشوف روحي حتى نسمع صوتو قالي جيتي تخدمي هنا ولا تهدري في تلفون يا مدموزال إلينا ؟؟؟؟؟؟