صغيرة المتملك

24

الجزء 24 🍷🔥 إلينا 🔥

Sima jarisse 🍷🔥💫 A.Y

فاتو الايام مزدتش تواصلت مع ياسين ولا تواصل معايا قلت بلاك نساني اصلا بسك مزاد عيط ما والو ايه وبلاك إسلام عطاه طريحة ونحالو ليفوطو هكا جاني التخمام من ثما ما زدت عرفت والو وحمدت ربي لي بعد عليا بدات ترجع نفسيتي مليحة بعد ما كنت مدمرة مي علاقتي مع إسلام لي كانت مش مليحة اصلا وليت نتقلق منو ومن هدرتو والعكس وليت نتفاهم مع جابر ومتقربة منو خاصة هو جابلي تلفون غالي وهذا الشي فرحني بزااااف وليت ديما معاه وقت يكون في دار نلعبو بوبجي يعلمني يضحك معايا .... اما إسلام منحلموش بزااف مرة على مرة ووين نتلقاو نتهاوشو بلهدرة وليت نحب نفيتيه ونبعد بسك عقليتو بزاف صعيبة قداه من مرة نلقاه في الصالو يشرب مالغري مش سكران كامل  مي نلقاه قاعد في الضلمة إنسان متفهم حتى حاجة تحسو متوحد ميحبش الهدرة بزااف والتجمعات ...قصص إدمان سيما ... كان وقت المغرب قتلو جابر اوووف علاه هكا قالي نتي متعرفيش تلعبي واش نديرلك سكت نشوف في تلفون قتلو صاي ولله ما نلعب ضحك قالي كي خسرتي إلينا قتلو امم قالي معليش ضك تتعلمي بشوي هيا ندخلو قتلو متقوليش يجيو عماتنا السامطين قالي ايه مي نتي متعرفهميش ياك قتلو لا وكاين حتى ولاد عمومي لخرين لي حكيتولي عليهم جامي شفتهم قالي هذوك كل واحد وين خدام اصلا ميجوش هنا قتلو وخوك ؟؟؟؟ شفتو عقد حواجبو قالي خلينا من هذي الحكاية هزيتلو كتافي قتلو اممم اوكي روحنا دخلنا للدار لي ولات مزينة بسك غدوة عيد ميلاد يسرى وعرضو كامل الغاشي تفكرت عيد ميلادي لي قريب وواحد ما علابلو طلعت لفوق لعند بابا وماما لقيتهم قاعدين قالتي بنتي وين كنتي قتلها نلعب انا وجابر قالتي شفتي كيفاه عاقل ونتي هذاك نهار تقوليلو كلام مش مليح وزاد جابلك تلفون قتلها ايه ناس ملاح قربت من بابا قتلو وشراك بستو وتكيت على صدرو حسيتو شوي تبدل كان مشيان من قبل ضك رجع لاباس بيه ونشاله كي يزيد يطلع يداوي واثقة من ربي راح يرجع مليح .... قعدنا هكاك حتى طبطب الباب كانت يسرى قالتها ماما ادخلي دخلت هازة باسم كي شافني حب يجي ليا طلقاتو طلع لعندنا انا وبابا رقدتو توالنا قالتها خالتي يما تقولو ارواحو تتعشاو قالتها ايه ضك نجو بنتي ... شافت في باسم قالتو ارواح ماما محبش يروح وهو لاهي بتلفوني حكمو وبقى يخرب فيه قتلها خليه اتعشاي اذا حبيتي تبسمت قالتي اوكي ... جات هدرتها في راسي " ولله غير حبيتو معرف كيفاه سمحلي" .... فيقني صوت ماما قالتي نوضي تتعشاي قتلها لا شبعانة اماما قالتي اوكي معليش هي خرجت مع يسرى وانا قعدت متكية على بابا وباسم بيناتنا يلعب بتلفون متكي على جنب قربت بستو وغمضت عيني كي دخلني النعاس بداو يجوني خيالات كي قربت نرقد حتى تحل الباب عرفتو من صوتو مي محبيتش نحل عيني حسيت بباسم تحرك عندي قالو بابا نطق إسلام قالو عمي لباس هيا باسم ولدي خلي عمو يريح وهذي لاه راهي راقدة هكا إلينا إلينا ... حليت عين وحدة قتلو واش قالي نوضي على باباك قتلو لا وزدت زيرت عليه قالي إلينا راه مريض نوضي نسفت ونضت قتلو هااه عجبك رتحت ضك درت لبابا بستو قتلو حبيبي انا نروح نرقد في شمبرتي اني نعسانة جيت نحل الباب نطق ورايا قالي امشي تتعشاي شفت فيه قتلو لا شاف معايا وراح وانا دخلت لشمبرتي نكمل رقادي ..... قصص إدمان سيما ... لغدوة نضت كي جدة قاعدة تهدر فوق راسي مع ماما منبعد حلت البالكو قالتي نوضي يا نص فريسة قتلها خليني نرقد قالتي عماتك يحوسو عليك قتلها وانا مش حابة نشوفهم ناضت تقرص فيا حتى نضت نبكي قتلها علاااه خلوني نرقد قالتي وليتي غير رقاد يا طفلة خبطت الوسادة ودخلت للدوش غسلت وجهي  وخرجت لقيتهم مزالو ثما قالتي عيد ميلاد يسرى عندك واش تلبسي يجيو صحابتها وبنات من لافامي قتلها راكي تشوفي الخزانة  قالتي معليش بنتي لا خصك قوليلي هزيتلها براسي سوايع نحسها حنينة بزاف تحب تبين روحها قاسية هو خرجو وانا  بقيت قاعدة نخمم  ....كنت لابسة شورت وبيستي هزيت سروال بيجامة عريض مي الريكو كان ديباردور جاني شوي قصير وكرشي باينة  لميت شعري طوماطيشة لبست بليغتي وتلفوني وهبطت ... نسمع في الحس والضحك لقيتهم في الصالو نطقت جدة قالتهم وهذي إلين بنت خوكم كانو 3 نسا وبنات منعرفهمش نطقت وحدة قالتها هذي لي محبتش تجي لعرس بنت عمتها ؟؟؟ قتلها ونتي هي لي مجيتيش شفتي خوك بعد هذو لعوام ؟؟ بلعت لسانها ما لقات ما تهدر قالها جدي هذي إلين وبركاو من الهدرة الزايدة في حضوري ارواحي سلمي عليهم روحت سلمت عليهم شفت وحدة تشبه لجابر عرفتها يماه نطق جدي قالي روحي بدلي إلين شفت فيه قتلو براهيم راهي سخانة وروحت للكوزينة وهوما يقولو كيفاه نعيطلو بأسمو لقيت إسلام ثما قاعد يشرب في قهوة جات ماما ورايا قالتي نتييي وقتاه تعاقلي قتلها مزال شوي قالها إسلام واش كاين قالتو تعبت منها تعبت وخرجت قالي نتي تحوسي تقتلي يماك مهدرتش معاه ودرت نصب في الحليب حتى دخلت يمات إسلام هازة الباتيسري بصح مش باتسيري كانت كبيرة بطبقات وكل وحدة في سنيوة شفت فيها عينيا لمعو قتلها يااا مرت عمي تسخف لقيت اسم يسرى مكتوب ثما شنفت اووف كنت حابة نشرب بيه الحليب درت نكمل نصب حتى نطق هو قالي إلينا حابة تاكلي درت ليه هزيتلو راسي لا ناض وانا نشوف فيه جاب الموس ....