صغيرة المتملك

7

الجزء 7 🍷

قتلها وااااش قالتي ولله يا بنتي كيما نحكيلك وماماك منقبل مقالتيش بلي عندكم لافامي هنا زادت دات قشها وراحو  حسيت الدنيا دارت بيا حسيت روحي مشلولة مش قادرة نتحرك قعدت في الكرسي توالي وقت حسيت بدوخة جاو يتفقدو فيا ونسرين جرات جابلتي شوي ما هزيتو من عندها نرجف شربت ومديتلوها بديت نستغفر داخلي هدي إلين هدي روحك نطقت خالتي قالتي إلين يا بنتي هزيت راسي لعندها قتلها انا لازم نروح خالتي صحيتي قالتي وين تروحي لدار جدك قتلها وي درت لنسرين قتلها وين يسكن إسلام قالتي واااش عيطت عليها قتلها نسرين معنديش الوقت قالتي في البلاصة الفلاني ورا الطريق الفلاني وعندهم بورطاي كبير كحل  قتلها اوكي صحا درتو في المابس خرجلي الكارتيي وطرت نجري برا تشوكيت صح من واش صرا كيفاه عرفو وواش عرفهم الله أعلم ؟ وزيد داو بابا مسكين مش قادر يتحرك وماما حليلها تبقى مرا ومتقدرش خرجت للطريق الكبيرة بقيت نستنى في شي طاكسي يطل عليا حتى فات واحد كان وحدو الحمد لله يا ربي حسبتو ركبت ومديتلو البلاصة وين ...قصص إدمان سيما .. كانت الدار شوي بعيدة كي وصلت قتلو عمو استناني تعيش هنا جيست نجيب بابا وماما ونجي قالي اوكي بنتي قتلو ياك هنا لافامي فلان متأكدة قالي ايه قتلو صحا اني جاية  هبطت نجري نخبط ....حلوووووو البااااااااب يا سراقين الناس من دياااااارهم حلووووو الله يلعنكم قعدت نطبطب ونخبط وهذاك الباب شغل تخبط في الريح ومهوش باب مع انا قصيرة طلعت راسي لفوق كامل باه خزرت فيهم شغر بورطاي كبير .... واخير بدا الباب يتحل ونسمع في صوت واحد يهدر مش غريب مع حلو لقيتو بيدون خمسة قالي اوو بنتي عمي وناض يضحك قالي ليوم عرفت بلي عندي بنت عمي زلة بصح نقولك من ضك مراحش نتفاهمو بسك معنديش مع وحدة كيما نتي ومكلاه تقوليلي على نميرو انا إنسان نحب نلعب بلبنات بقيت مشوكية فيه قتلو تلعب بلبنات يا الطحان ونعطيه كف وجهو دار طرت داخلة للدار نجري وهو عيط قالي ليومااااااااااااااا نشرب دمك يا البينااااااااااازة الكلبة انا نجري وهو يجري مع هذيك الساحة لي كانت مداير كثرمن حومتنا وليت نجري بين الشجر وهو ورايا يعيط ويكفر على صوتنا شفت الناس خرجو من هذيك الدار ومنهم العجوزة لي شفتها لبارح لي يسموها جداتي جانا صوت كيف الرعد مصطفىىىىىى حبست ديركت وحتى هو كان صوت جدي قالنا هبلتوووووو ولا واااااش حطيت يدي على ركبتي فات عليا قالي سلكك جدي ولله نشرب دمك قتلو روح يا عرة الذراريي يا البيدون كون بعدا معمر فارغ الله يلعنك جا جدي ليا قالي إلين بنتي قرب قتلو احبس ثما بلاااك تقرب شكون نتا اصلا حتى تعيطلي بنتي شكون نتا حتى تدي بابا من دارنا وينووو هو مشيت في وسط الساحة نعيط وينوووو جات جدة قالتي اسمعي علاه تعيطي قتلها نتي بذات تبقاي بعيدة فهمتي ولا نو الحاجة الاولى انا منيش بنتكم ومتهدروش معايا جيت ندي ماما وبابا نقطة الى السطر وبلاك تحسبي نديركم من لافامي ولا نطمع في دراهم تاعكم بخرووو بيهم وينو بابا وماما قالتي راهي لداخل جيت نرد ... إلييين درت على صوت ماما روحت نجري ليها حضنتها قتلها ماما حنونة وينو بابا قالتي وشبيك متخافيش اني معاك قتلها هيا ندو بابا ونروحو منا تعيشي مولا الطاكسي يستنى نطقت جدة قالتي ولدي ميروحش وليدي بعثتو مع يماك جبل رجعاتو واحد مشلول قتلها ونتيييييييي كون جيتي ام متحاوزيش وليدك فهمتي ولا نو واخر مرة تهدري على ماما هكا بسك لالات النسا اذا معلابلكش مي ديري في بالك حاجة ياك ربي كاين ومبقالكش تزيدي تعيشي 100 سنة نهار تروحي للقبر ويسقسيك علاه درتي هكا ثما نشوفو بلعت لسانها  قالي جدي إلين بنتي علابلي زعفانة منا يعيشك بنتي خلينا نحكيو كي شفتك اول مرة مقدرتش ننسى صورتك ارواحي عندي بنتي اوراحي قتلو روح متزديش تعاود هذي الهدرة منيش بنتك وينوو بابا بعدت على ماما جيت داخلة للدار لمحت إسلام لفوق يطل من البالكو ويشوف معايا هاز الدخان بعدت عينيا عليه ودخلت نحوس على بابا بابااااا وينك نطقت مرا قالتهم هذي الطفلة راهي دارت الفوضى في الدار احكمي في بنتك درت ليها قتلها روحي لا كشما نقولك جيت ندي بابا ونروح بابااااااا امامااااا اهدرريي وينو قالتي جدة راه في سبيطار قتلها واااش وشبيه قالتي داه خوه باه نبداو من هذي الدقيقة نداوو فيه قتلها منسحقوش مزيتكم هيا ماما هيااا جيبي قشك ونروحو شفت ماما غير ساكتة متهدرش مش كيف العادة مهبطة راسها باينة خايفة درت للجدي قتلو وينو قش ماما قالي يا بنتي قتلو تهدر ولا نو ديجا نحوس عليه وحدي طلعت في دروج لقيت هول الاول فيه صالة كبيرة شفت قش الكابة تاع ماما ثما طرت ليها جبتها وجيت هابطة لقيت إسلام معاهم لابس شورت وتريكو محبلتوش اصلا قتلها هيا ماما مديت يدي ليها نحكمها حتى حسيت بيد حكمتني دورني ليه حتى طاحت الكابة من يدي قالي شوفي إلينا نهدر زوج كلمات كثرتي فيها تطلعي وتبلعي مع سلاف تديك لشمبرتك راني بديت نقلق خيرمن نقلب عليك الدار فهمتيييييي ... نطرت يدي منو قتلو روح قود نتا بداركم هذي وخاوتك واهلها عرة الرجال ......

زير على يدي حتى توجعت صح جا جدي يجري قالو خلاف تاج الدين بعد على بنت عمك جا يبعدني خطفني إسلام لعندو وجهو ولا كحل قربلي وذنو من فمي قالي مسمعتش كل كلمة ينطقها يزيد يزير قتلو اطللق يدي يا حيوان جات ماما تسيي تفكني منو وجدي يقولو اطلقها .. عااااااااااوووووووووددددييي فرررخة تجي تقولي هكا زاد جبدني عندو ويعطيني كف جيت ديركت مطروحة