صغيرة المتملك

4

تكملة 4🍷

قالي سمحيلي قتلو ونتا وين تعرفني قالي نتي لي جيتي لبارح تخدمي عند إسلام  ياك قتلو اااه وي انا وباباك لاه يحوس يحكي معايا حنا هكاك تحل الكارو طل  الشيخ شفتو لبارح معاهم بدات شكوكي وبلي هذي هي عايلة بابا بسك كلش يبين هذا الشي قالي ارواحي بنتي مشيت لعندو قالي إسمك إلين هكا قتلو وي عمي قالي وباباك واش اسمو حتى هو كذبت عليه زي إسلام وخلاص هنا تأكدت مليح كلشي باين الشبه بيني وبين العجوزة إسلام لي عندو ملامح بابا وحتى النقمة نفسها تاعنا ومدام زاد هذا الشيخ سقساني يسما هوما قالي ااا مالا سمحلينا غلطت برك قتلو ايه معليش صحا مشيت مخلايتو قلبي يخبط اول مرة نشوف عايلة بابا اول مرة نحس بهذا الشعور تاع الخوف مخلط مع حاجة خلاف
وصلت للدار بعد تعب طويل طبطبت وسمعت الحس حرت شكون عندنا حتى حلتلي نسرين قالتي إليين جيتي قتلها لا مزال واش ديري نتي هنا قالتي تحاوزي فيا قتلها منيتك بعدي بعدي دخلت نحيت صباطي قتلها شكون هنا قالتي انا وماما برك قتلو امم اوكي روحت للصالو سلمت عليها قالتي اهلا بزين تاع الحومة ربي يسترك من العين يا بنتي لازم الرقية متخطيتكش قتلها يا خالتي ولله الحامي ربي وهو لي يسترنا قالتي سبحانو شفت في ماما لي كانت تخزر فيا قالتي روحي تاكلي بنتي راهي في للكوزينة وادي نسرين معاك من الصباح تستنى فيك قتلها اوكي روحنا للكوزينة قالتي احكيلي واش صرا مع الاستاذ إسلام قتلها ولله نتي هبلتي قالتي إلين كون غير تعجبيه معرف علاه حسيتو لبارح يشوف معاك وحد النظرة قتلها هبلتي نتي ولله قالتي انا نضل ندعي كون يكون واحد كيما هو من مكتوبي قتلها يا بنتي تلهاي في قرايتك .. اسمعي نحطلك تاكلي معايا قالتي لا هذا وين شربت الحليب وجدتنا ماماك مسكينة ...قصص إدمان سيما .... فات الوقت وهوما راحو وانا بدا يحكمني التوسويس ضك ممكن ولا نقول اكيد يكونو عايلتي نفس النقمة نفس الشبه يمات بابا لي تشبلهي وهو بنفسو قالي هذا الشي كلش مبين مي علاه الصدفة هذي ومن اول نهار علاه تلاقيت بعايلتي لي جامي شفتهم منقدرش نتقبلهم بسك ضرو ماما بزاف منقدرش نتقبل نسا عمومي لي دارو فيها المنكر ولا جدة لي شربتها المر وعايروها بكلمة "عاقر " هذي الكلمة تغيض بزااف وهي مش ذنبها وواش ذبنها اذا ربي محبش تجيب لولاد ياك هو لي خلقنا وهو أعلم بكل شي علاه الناس تحب تدخل في حكم ربي وتظلم العباد ... علاه معلابلهمش بلي يجي نهار وكل حرف نطقوه يتحاسبو عليه  ... علاه مولاوش الناس يخافو ربي .... بقيت نخمم ونخمم قلت صاي نبطل الخدمة اصلا مش مريحني هذا إسلام لي كل دورة نلقاه في وجهي ايه صاي نبطل ونشوف شي خدمة في بلاصة عادية انا مراني تاع هذيك البلاصة ما نقدر نخدم فيها ومنيش من الناس الكلاص صحاب الدراهم والغاشي ولا يقيم الانسان بداهمو اذا عندك تكوني عزيزة وقيمتك عالية واذا معندكش من لرض مراحش يهزوك هذي حالة المجمتع الله غالب ... وحد الشوي نضت روحت لشمبرة ماما وبابا طبطت قالتي ادخلي بنتي تنهدت ودخلت لقيتها متكية توال بابا روحت بعدتلي جيت وسطهم وهو نايض حطيت يدو على راسي توحشت وقت كنت نرقد في حضنو ويبقى يخربلي في شعري قالتي وشبيك محكتليش كيفاه فوتي نهارك قتلها مش مليح هزيت عيني لبابا لي كان شغل متحير علاه نطقت ماما قالتي لاه وشبيك قتلها عندي ولد عمي اسمو إسلام ياك ؟؟ قالتي إلييين ونتي وين علابلك قتلها الريسطو تاعو هذا وتلاقيت مع جدي ولبارح مع جداتي لي كانت فيها صورة إلين وهي صغيرة قالتي واااااش زير بابا على شعري بشوي خزرت فيه قتلو متتقلقيش معرفونيش ضك نحكيلكم بديت نحكي من الاول وواش صرا لبارح لحتى مقبيل كي خلصت قالتي من اليوم مكانش خدمة وزيد جدك يكون عرفك على هذاك سقساك قتلها يا ماما كون تشوفي ولله خلعني كي قاطعلي هذاك الراجل قالتي كيفاه مداير بديت نوصفلها فيه قالتي منعرفوش حضنتني قالتي ولله ما تزيدي تخدمي عندو وزيد هذاك تاج الدين نعرفو انا مربيه جدك باين قلبو قاسي كيما هو قتلها علاه جدي هكا قالتي واكثر يا بنتي واكثر شفت مع بابا قربت ليه بستو من خدو قتلو مراكش مقلق ياك هزلي براسو لا عاودت بستو وتكيت على صدرو ورقدت بين والديا اغلى ما عندي ...... للصباح نضت عظامي مكسر نحس بحاجة تمشي فوق شعري تخطفت حتى لقيتو بابا بقيت مصدومة قتلو باباااا نتا حركت يدك يا بابا ولله حركتها تبسملي بسيف هزيت يدو نبوس فيها قتلو لازم نخدم ونشوفلك طبيب ولله ما نقدر دخلت ماما على صوتي قالتي وشبيك يا بنتي تعيطي قتلها بابا حرك يدو قالتي ايه عندو شحال وهو يحاول مسكين قربت منو قالتو راح ترجع كيما كنت يا عمري يا احسن راجل لقيتو في حياتي قربت باستو من جبهتو انا خرجت خليتهم على راحتهم .... قصص إدمان سيما .. دخلت للشمبرة تاعي هزيت تلفون نحيتو من لاشارج ليل كامل هو يتشارجى كي حليتو فيبرا نلقى لميساج وليزابال من عند ياسين وكاين نميرو خلاف ... معرفتش بضبط تاعمن قلت بلاك غلطو بعثت ميساج لياسين قتلو نهار نكون الاز نعيطلك ضك منيش وحدي بلخف ردلي قالي اوكي ma belle راني نستنى فيك درتلو قلب وخرجت حطيت تلفون عاود صونا لقيتو نفس النميرو هزيت عليه قلت الو جاني صوت راجل معرفتش مليح شكون هو قتلو وي قالي إلينا ياك ؟؟؟ كي قال اسمي عرفتو إسلام قتلو وي مسيو إسلام الين منين جبت نميرو تاعي قالي سؤال ميحتاجش  question جابلي الضحك قتلو وي اني فهمت جبتو من عند لبنت لي تخدم  ثما قالي ملخر منكثرش الهدرة مهوش ريسطو تاع باباك باه تخدمي وقت تحبي وينك يا مدموزال قتلو انا مراحش نزيد نخدم مسيو ويعطيك الصحة ويكثر خيرك منيش موالفة بهذاك الجو قالي اوكي مالا مي مرة خلاف كي تحبي تخدمي عند شي واحد ابداي ديركت وطول ولا متبدايش فهمتي منيش نتمسخر انا باه تجري بنت قدك تفوت نهار وتروح درت فيك الخير بسك قلتي محتاجة ولا مراحش نخلي طفلو مينور تفزدلي تعب سنين قتلو واش  تقصد كوبا في وجهي خزرت في تلفون كوبا عليا الحيوان .ولله دارها ...