صغيرة المتملك

64

الجزء  64🍷 🔥 إلينا 🔥

Sima jarisse 🔥💫🔮 A.Y

إلينا ملكية خاصة بي لا تحاول الاقتراب ⛔🚫 

قالي انا هدرت وضك اتهزي نروحو نفطرو قتلو منيش قادرة حكمني من يدي يكركر فيا بسيف كي وصلنا قريب لوين متجمعين قتلو اطلقني إسلام منيش حابة يعرفو بلي انا مرتك اطلقني نطرت يدي بسيف دار ليا قالي مالا امشي بغرضك تنهدت ومشيت معاه قالي نفطرو برا مش هنا قتلو ومرتك قالي تهزي إلينا مكلاه تقلقيني ستغفرت وكملت مشيت ركبنا في طومبيل ووحد لبنات كانو ثما يخزرو منيش حابة نتفضح يا ربي ديمارا طريق كومبلي وحنا ساكتين وصلنا للريسطو هبطنا ودخلنا قعدت فوق الطابلة حاطة يدي على وجهي وتاعبة حاسة روحي مش مليحة هو ناض وعاود رجع قعد قالي إلينا وشبيك قتلو مبياش أخطيني نتا برك نكون مليحة قالي ولله نحكي سيريو وشبيك هكا راكي مريضة ؟؟؟ نديك للطبيب قتلو لا سكت مزاد حتى كلمة وحد الشوي وجابونا الفطور كي حطولي الحميس توالي عينيا شعلو هزيت الطبسي كليت هذاك الزيتون لي فوقو وطحت عليه بلا خبز مالغري كان حار بزاف مي هكاك ومحسيتش بيه  هزيت راسي لإسلام لي مركز معايا ومطلع حاجبو قالي وشنو هذا !!! الردان والدوخة وراكي تاكلي هكا قتلو معرف بلاك العادة وهذا وقتها وموالف يصرالي هكا قالي مي المرة لي فاتت مصراتش قتلو واش دخلك ضك يرحم باباك قالي حابتني نوض نقسم جدك على زوج قتلو كول كول خلينا نروحو مسح يدو وناض قتلو ما كليت والو قالي اتهزي مزدت حتى كلمة ونضت وراه هو راح خلص وجا ركبنا في طومبيل في نص طريق عيطلتي ماما قتلها منبعد نحكيلك بسك راح نقرا قالتي اوكي كي وصلنا قالي شوفي إلينا ياسين الكلب راه هنا نلقاك تهدري معاه ولا مع واحد خلاف ولا مصاحبة شي طفل نقتلك ولله نقتلك قتلو نتا مريض ولازم داوي روحك وهبطت نجري خفت لا يعطيني ضربة بقيت نحوس على نسرين حتى لقيتها قالتي وين كنتي قتلها مع هذاك السامط قالتي اخاه يا إلين ياسين رجع مفهمتش واش رجعو قتلها ايه شفتي اني خايفة من المشاكل مالغري هو كان يقري في ولايتنا واني حاسة دار تحويل بلعاني وقبلوه قالتي مام انا ونعرف الاستاذ دمو حامي ولله يقتلو بقينا نحكيو كلش على واش صرا الصباح وكي مصطفى ويحيى ضربو الطفل حتى صونات دخلنا نقراو الساعة الاولى كانت عربية والدوزيام رياضيات اووف ضك يقريني إسلام مام لي كانو يقراو معانا قاعدين يهدرو ويعاودو يقولو كون غير ميقريناش وعرفت من نسرين بلي هو شوي واعر ومدايرلهم الرعب صونات وقعدنا حتى طرنا من بلايصنا وقت تخبط الباب لي كان نايض جرا قعد ودخل هو كي الوحش الهدوء ولا في الكلاصة حط وراقيه فوق البيرو وشاف معايا نطق إلينا نتي وصحبتك هنا في طابلة الاولى من اليوم زاد خزر في خاوتو قالهم تهزو في زوج كل واحد يقعد في طابلة منشوفكمش مع بعض قعدنا نخزرو عيط علينا اتهزوووووو نضت انا مخلوعة ونسرين معايا قعدنا في طابلة الاولى لي كانت فارغة ومصطفى راح لبلاصتنا هزيت راسي نخزر فيه مداير يديه ورا ظهرو تقول مراه إسلام لي كان يبوس فيا منقبل ويضحك ضك وجهو مبدل كامل قالهم هذا العام كاين الباك التمسخير تاعكم خلوه عندكم لي يجيب عندي تحت 15 غير يبدل الكلاصة ومكلاه نعاود نهدر ضك هزو صوالحكم تقويم تشخيصي جبدنا كامل الوراقي تاعنا باه نكتبو نطق لمصطفى قالو نوض روح جيب ماركور وارواح راح مصطفى جاب وجا وانا نشوف فيه كيفاه يكتب خطو بزاف شباب كي خلص قالنا عندكم 10 دقايق حطيت راسي نكتب ونسرين تسقسي فيا بقيت نفهم فيها حتى نطق قالي إلينا منزديش نسمع حسك درت ليه قتلو انا فهمتها برك مدرت والو قرب مني هدر بشوي قالي تسكتي ولا نو محبيتش نزيد نعاندو وسكت كملت قبل الوقت هزيت راسي ليه نشوف فيه يخزر فيا معلابليش كيفاه غست فيه حتى ناض من بلاصتو قرب مني جا فوق راسي يشوف في الورقة حكم الستيلو قالي هذي متأكدة منها !! شفت فيه قتلو نو بسك مقرينهاش حليتها على حساب فهامتي قرب لوذني قالي عاودي ركزي حبي تهزيت من بلاصتي من هذي الكلمة ونسرين سمعتنا خزرت فيا نغزتني من فخاضي درت ليها قتلها وشبيك بعد هو عليا قالتي يخاه قالك حبي قتلها بلعييي قالتي كون قالهالي انا راني دخت قتلها يبرد وجهك هذا ما نقول وحد الشوي وكملو نطق قالو مصطفى اتهز للطابلو قالو أستاذ ولله مراني فاهم ونسيت كلش عيط عليه ناض ديركت طلع للسبورة جاني الضحك هدرت بشوي وقت دار ليا قتلو ياه يا البيدون ناضت نسرن تضحك قالها نتي كاش حاجة تضحك فيه لمت فمها قالتو لا استاذ وهبطت راسها مدلو الماركور قالو حل السؤال الاول بقى غير يخزر مسكين معلابلو بوالو وزيد الكلاصة ساكتة اسوء موقف يطيح فيه الانسان 😂 هدرت بشوي قتلو يا البيدون عيط عليا إسلام إلينااا اسكتي سكتت وهو يقولو حل السؤال دار ليه قالو أستاذ ولله معلابلي قرب ليه ضربو للراس قالو بصح المشاكل من اول نهار تعرف كي نتا كي خوك ياك امشي من قدامي راح قعد وهو نوض طفلة خلاف حلت السؤال كي خلصت هزيت يدي قتلو أستاذ شاف فيا قتلو نطلع نحل مهدرش معايا ونوض يحيى حسيت بوحد الحاجة ووحد الاحراج طاحتلي الدمعة هبطت راسي وزيرت على يدي ساكتة طول الحصة مزدت حتى كلمة كي صونات لميت صوالحي وجيت خارجة عيطلي مرديتش عليه لقيت الاستاذ أسامة خارج من القسم لي توالنا شاف فيا قالي إلين قتلو استاذ وتبسمت معاه