صغيرة المتملك

9

الجزء 9🍷

نطق جدي قالي إلين بنتي وناض جا يتوشيني قتلو تعيش احبس ثما افهمو انا منحبكمش واش في راسكم يا عباد قالتي جداتي احشمي على روحك مزال برك مبردتيش من الكف لي ديتيه من عند إسلام قتلها شفتي إسلام لي مخلوعة بيه كون يزيد يمد يدو عليا نكسرهالو ( زعما تقدري 🙂) قالتي راكي طايشة بزاف قتلها دبري على روحك وينها شمبرتي ديجا قالي جدي راهي لفوق ارواحي نوريلك بنتي قتلو انا وماما قالي لا وحدك ويماك عندها شمبرة مع باباك قتلو كيفاه عطاك قلبك ترمي وليدك علاه ضك وين بنتو وحوستو عليه وين كنتو وقت هو مرض وتعذب قالي يا بنتي مش وقت هذي الهدرة قتلو اهدر ملخر وينها شمبرتي مقتلكش وصلني نطقت جدة قالتي إلييييين تبلعي فمك وجدك تحترميه هو مش حاب يهز يدو عليك قتلها اول واحد هز يدو عليا شفتي كيفاه رجعتلو الصرف وفهمك كفاية طلعت نجري  سمعت الحس بانولي قاعدين كامل في الصالة لفوق من غير إسلام ومرتو نطق راجل منهم قالي بنتي ارواحي قتلو وي روحت وقفت توالو قالي مش حابة تتعرفي على عمامك ونساهم وولادهم قتلو اوكي درت يديا ورا ظهري ونشوف معاهم قالتي وحدة نتي تشبهي بزاف لجدة كي شفتك من اول نهار روماركيت قتلها اممم نتي وسمك قالتي سلاف ضحكت قتلها نتي هي سلاف ايه ونتي كانو ثلاث بنات توالها عرفوني على رواحهم سلاف واميرة وحياة وسيرين خوتات ولاد عمي الوسطاني احمد ... نريمان وإيمان  ولاد عمي الصغير .. إسلام وحسام ويوسف ويحي ومصطفى وعبير وفيفي ولاد عمي الكبير كامل ... وفيصل وجابر ولاد عمتي مي هي تزوجت وخلاتهم فهمت هكا بسك بابا وماما مكانوش يحكولي صوالح بزاف وتفاصيل وعندي بزاف بنات عماتي وولادهم نطق عمي أحمد قالي إلين اقعدي بنتي قتلو لا حبيت نروح لشمبرتي نطق جدي ورايا قالي ارواحي نوريلك الشمبرة درت ليه لقيتو جاي وجدة وراه وماما يادرا واش حكاو معاها عوجت فمي قتلو اممم اوكي وشفت في مصطفى قتلو ولله يا البيدون ما ننسالك هدرتك استنى عليا برك تشوف حتى ندخلك لسبيطار المهابل باه يبرد قلبي ناضو يضحكو وجدة تقولي هذي الطفلة مهبولة قالي مصطفى يا البينازة مالا طول ما نتي هنا تشوفي واش نديرلك قتلو اني خفت غير شدوني حكمتني ماما من يدي تكركر فيا تقولي اسكتي خليه وجا جدي ورايا قالي منا الشمبرة قتلو اووف ايطاج خلاف ثاني ولله راكم مرفهين يا براهيم ( اسم جدي ) قالي قولي جددي قتلو اممم طلعنا انا وماما وهو ورانا لايطاج ما قبل الاخير لي كان شغل كولوار شوي طويل يخلاص ببالكو تاع زجاج بقيت تايهة في هذي الدار درت ليه قتلو نتوما واش تخدمو ؟؟؟ قالي كل حاجة قتلو يسما نتومااااا مافيااا ماما خلينا نروحو منيش حابة نموت مزالني صغيرة ناضت تضحك تقولي هبلتي دمعت عيني للحظة امنت صح قتلها ماما قالتي يا بنتي وشبيك قالي يا بنتي من بكري ورثت على بابا وخدمت لولادي و لاحفادي باه درت هذي الفيلا لي راكي تشوفي فيها تعبت وحكموني كامل لمراض تاع الدنيا قتلو يعني متكتبهاش  على اسمي قالي ايه نمركي لبنتي قتلو ايا اوكي كي نلحق 18   نشاله مي  ولله ما ننسى واش درت لبابا وماما علابلك قالي نشاله تنساو اسيدي هيا لشمبرتك خيرتها  سبيسال ليك إلين قتلو اوو وقتاه هذا قالي من وقت شفتك بقيت نتبع فيك ونحوس وحسبتلك كي كذبتي عليا معرفتكش مام وعراتك كي واعرة جداك ووجهك وجها وهي صغيرة سبحان الخالق قتلو مي علاه درتو لماما هكا مسكينة علاه عايروتها ناضت تغلقلي في فمي قالي هيا مشيت وراه نطق قالي هذي شمبرة إسلام شفت فيها كانت توال البالكو الباب تاعها في الطرف قتلو مي علاه درتني هنا منيش حابة نقعد انا والوحش في إيطاج واحد قالي مكانش إلين هذي شمبرة تاع باباك وماماك وهذي تاعك ولوخرا تاع إسلام والشمبرة لوخرا فيها وحد القش قتلو اووف اوكي قالي  قولي لماماك تخبرك تاعمن هذي شمبرة ايا نروح نخليكم تريحو قتلو روح براهيم بلاك طيح في دروج برك  ناضت ماما تقرص فيا وتضحك وهو شاف فيا قالي ربي يعطينا العقل وهبط ...قصص إدمان سيما ...