صغيرة المتملك

37

الجزء 37🍷 🔥 إلينا 🔥

Sima jarisse 🔥💫🔮 A.Y 

من هنا تبدأ رحلتنا إلينا 🔥💫 

بقيت نشوف معاه وهو رايح ويمشي منقدرش نوصف الشعور لي حسيت بيه وانا مركزة مع وجهو لي منور كان طويل شوي وابيض عينيه مخلطين معرفتش اللون تاعهم بضبط يبان يخاف ربي ويبان إنسان مليح يرتاحلو القلب ( أسامة مزال ما يبان هنا مي ضك تعرفو ونتوما خممو واش يخدم وكيفاه يتلاقى إلين مرة خلاف )  .. ستغفرت وقعدت في بلاصتي وهدرتو تتعاود في راسي ايه صح انا منيش صغيرة لهذيك الدرجة مهما يكون عندي كتاب عند ربي ونتحاسب على كلشي لبستي صلاتي لي مضيعتها على شعري لي مش مغطياتو ومش غير انا لي نتحاسب حتى والديا هدرتو خلاتني نفيق شوي وبلي كاين لي خلقنا ما يضيعنا صح الانسان يفوتو عليه ظروف يقهروه مي رب العالمين جامي لي يحمل العبد واش ميقدرش ( لا يكلف الله نفسا إلا وسعها ) صح ربي يبتلك بلموت تاع لحباب بلمرض والصحة تروح مي ميكلفكش  حاجة اكثر منك وهذي هي الدنيا ربي يفرج على جميع إنسان ... قصص إدمان سيما ... وحد الشوي صونا تلفوني نميرو منعرفوش هزيت الو ... علاما قلتها طاح عليا بلكفريات والكلام الفاحش عرفتو إسلام قالي وييييييين راكي هديت روحي وهدرت قتلو شوف يا حيوان كي تولي تعرف تهدر عيطلي كوبيت عليه ونضت من بلاصتي مروحة عاود عيطلي مرديتش عليه حتى بعثلي ميساج قالي تهزي ولا نو عيطلي هزيت قتلو وااااش تحوس قالي راااااكييي تعيطي هكا توال الناس قتلو ضك تريقل هدرتك ولا نو ستغفر قالي وينك قتلو في البلاصة الفلانية قالي وااااش داك لثما قتلو متعيطش حيوان .... إلينااااااااااا قتلو مالا هكا مراحش نتفاهمو كوبيت عليه ومشيت عاودلي قداه من مرة وبعثلي لميساج بسيف باه هزيت قتلو ولله وتزيد تعيط ما نهز على جدك قالي اقعدي ثما ضك نجي ليك قتلو مكلاه عيط عليا اقعدييييي كيما @@@ ضك نجي قتلو اوكي اوووكي مطولش ولله تفوت 10 دقايق نروح ... خليه انا إلين لا معذبتكش منيش مرا حاسب روحك راجل استنى برك بقيت ثما شوي وفاتت عشر دقايق وهو مزال ما جا روحت نمشي يروح يقود كي خرزت في طريق شفت طومبيلو مي درت روحي مشفتش حتى وصل عندي حبس طل من الكارو قالي إركبي شفت فيه قتلو ااا جيت حسبتلي مراحش تجي ولا يسرى حكماتك عندها جا يهدر روحت ركبت شاف فيا غلق الكاروات قرب مني بعدت قالي واش قتلك على هذي اللبسة اهدري قتلو مدخلكش حكمني من ذراعي قالي اني نهدر معاك متزديش تقولي مدخلكش رقبتك نطرطقها فهمتييي حسيت دموعي راح يطيحو من كثرة ما مزير عليا قتلو اطلقني صاي بعد عليا وخبط الفولو وديماراا طول طريق وحنا ساكتين شفت بلي مراناش مروحين للدار قتلو وين قالي نشريلك لبسة باه متضليش خارجة بهذا البرديل فهمتي قتلو نسقسيييك نتااااا واش دخلك فيا اتهلى بمرتك يا عبد ربي اوك إسلام خلينا نتفاهمو قالي في واش قتلو كل واحد.طريقو انا نتزوج بيوسف ولا جابر منبعد نطلقو نتا يا وليد الناس راك متزوج بمرتك واش ندير بيك في دقيقة فرينا رحت وجيت خبطت راسي نضت نتوجع وغالقة عينيا حسيت بنفس قريب ليا حليتهم لقيتو توالي كي الجن بعدت حكمني قربني ليه قالي تحوسي تتزوجي مزلتي صغيرة قتلو وكيييي نتزوج بيك منيش صغيرة شفتو سكت قالي انا هدرت زواج مكانش لا من جابر لا يوسف لا فيصل قتلو مي نتا واش دخلك هذي حياتي يا إسلام افهمني تعيش دار عاود ديمارا قالي منضلش نهدر ونتييييي واش داك تخرجي في حياتيييييي خبط الفولو طرت من بلاصتو في دقيقة يتبدل قتلو انا خرجت في حياتك شاف فيا قالي ايه نتي ايييه قتلو يا عبد ربي ولله مراك صحيح معرف شكون خارج في حياة لوخر بسبتك انااا راح نتزوج بيك وجدي لقى فرصة وزوجني مفهمتش علاااه وزيد منحبش مزالني صغيرة مزالني نقراااا ومنقدرش نتزوج بواااحد كيماااا نتا ... عيط عليا إليناااااااا بلعيييييي بلعي @#@ زهري @@#@ تهدري كثرمن تتنفسي حتى انا نحب مرتي ومنيش ميت على فرخة كيفك وهذا لي دار تصاور نلقاه ياك ثما يروح لقبرو وراني شاك شكون خلي نتأكد برك هذا لي دخل للشمبرة ..... غمضت عيني مزيرة على صباعي جيت نقولو جابر منبعد تفكرت نسرين ستغفرت في قلبي وهو كمل يمشي للدار بعد ما بطل نروحو نشرو اللبسة .... كي وصلنا جيت نهبط قالي ترصي في بلاصتك وين هابطة قتلو ندخل للدار مهدرش معايا وهبط هو حل البوطاري وجا دخل طومبيل تنهدت شحال متقلب كل دقيقة يولي بحالة هبطت ودخلت للدار نلقى وحد الناس معرفهمتش كانو زوج بنات وعجوزة وشيخ وراجل يبان في 38 هكاك وجدة وجدة هزو راسهم فيا نطقت يسرى قالتهم ها هي لي راح يتزوجها شوفي اماما شهقت يماها قالتها يخاه يخاه ولله ما تقعدي هنا امشي تشوفي ناضو يقولولها ستغفري شدت يدي يسرى تحب تديها وانا غير نشوف ونتفرج في الفيلم جا ليا هذاك الراجل قالي نتي واش تحوسي ختي واش دراتلك اااه قتلو بعد وين مقرب جا جدي ليه قالو بعد واش دير نتا وقف بيني وبينو حتى دخل إسلام قال واش كاين هنا !!