صغيرة المتملك

15

تكملة 15🍷

درت الطابلية ودرت الصابون وبديت نغسل ايه باه اوموا ندي دراهم نكسي ماما وبابا ...فات الوقت وانا نغسل ونمدلهم في طباسة كل مرة يطبطو عليا باه نحل مي ولله ما حبيت يديا فشلو عيييت وليت كامل عرق مبلولة شعري منحكيش عليه مي على جال والديا ندير كلش حتى  لحقت العشية وبداو يخرجو روحت لميت قشي غلست وجهي خرجت للوحد البلاصة ثما فيها وين يحطو صنداق ضربني الهوا حاسة روحي مهدودة ودايخة وزيد ما كليت والو ... طلعت لعند الحيوان هذاك الخطوة بسيف باه نخطيها مزالني صغيرة على شغل قد هذا وزيد ريسطو كبير مش صغيرة والماعين سوايع نلقى روحي مغسلتهمش مليح نعاوهم ... طبطبت في الباب سمعتو قال وي دخلت شفتو يتكيف نفس الشي ملي ينوض وهو مع الدخان عقد حواجبو كي شاف حالتي قتلو هاني خدمت كيما قتلي وغسلت الماعين وحدي ضك مدلي خلاصي خليني نروح ناض ليا قالي نتي واش تحكي اااه قتلو هياااا خليني نروح قالي غسلتي كلشششش وحدددك هبلتييييي وهذوك الحمير واااااش وصيتهم طبعو  قتلو متعيطش عليا فهمت انا خدمت خدمتي وضك مدلي دراهمي قالي نتي مكيش صفاااا  في مخك يااا فرخةةةة حسيت الدينا دارت بيا حطيت يدي على عيني نمسح بيهم البيرو ولا يبان نوار  ثما جيت طايحة ..........

حسيت روحي تخبطت في لرض مي فاشلة مقدرتش نتحرك جاني صوتو إليناااا هبط عندي وانا حالة عيني منيش نشوف بيا غير خيال قاعد يخبط في وجهي بشوي ..إلينا .. إلينا فيقي وشبيك ناض من توالي جاب الما وبقى يرش عليا نحس غير قطرات باردين ثما رجعت شويا للواقع حليت عيني مليح بانلي السقف قالي إليناا وشبيك نوضي هزني من ذراعي ونوضني قعدني فوق الكرسي وقعد هو فوق الطابلة مقابلني قالي صفا رجعت راسي لور مغمضة عيني قتلو ولله مراك راجل ملخر عيط عليا إلينااااااااااا سكت ما زدت قلت حتى كلمة ... فاتو وحد العشر دقايق وهو كل شوي يسقسي فيا اذا راني مليحة كي شفت رجعتلي الروح نضت هزيت صاكي من لرض درت ليه مديت يدي ليه شاف معايا مستغرب قتلو هات دارهم يالله حق ما غسلتلك الماعين قالي مفهمتش نتي مهبولة ولا وااااش جبد دراهم من جيبو معلابليش شحال كانو مي بانولي بزاف جا جيهتي قالي شدي ولله ونزيد نشوفك لابسة هكا ولا درتي هنا غير نقطعلك رجليك قتلو دبر على روحك وعلى مرتك فهمتني خرجت وخبطت الباب عيط عليا كسري ### وتهناي يا فرخة ضحكت ولله نخرجك من عقلك ولا منيش إلين كي هبطت وخرجت لبرا طلعت راسي لمحتو يطل من التاقة وهاز الدخان خرجتلو لساني قتلو إسلاااام ولد عمي بااااي درتلو بيدي باي وطرت نجري خفت لا يهبط نعرفو مهبول .... من ثما روحت ديركت حكمت طاكسي قتلو هبطني وين البازرات تاع القش قالي اوكي مطولناش ووصلنا خلصتو وهبطت اول شي مشيت فليكسيت منبعد فت نشري شريت زوج روبات لماما وصوالح خلاف ومام بابا كي كملت القضية جيت مروحة صونا تلفوني لقيتو ياسين هزيت عليه الو ويي ياسين قالي مساء الخير الزينة قتلو صفا قالي بيا حمد لله قتلو وكيفاه مع العرس قالي ولله بيا خص غير نتي ضحكت قتلو معليش قالي ها هو جاي عرسنا ضحكت بسيف قتلو اممم قالي وينك ضك قتلو هبطت للسوق شريت صوالح واني طالعة قالي اممم متكثريش الدورات بزاف إلين قتلو هاني طالعة المهم انا نخليك وفي ليل كي تكون قاعد عيطلي نسحقك قالي ايا اوكي قتلو واذا مهزيتش المرة الاولى متعاودتش حتى انا نعيط قالي مش مشكل تهلاي في روحك عمري ستغفرت في قلبي قتلو يتهلى فينا ربي ايا باي كوبيت عليه نسب اووف علاه قبلت بجدو المرة الاولى وطمعتو حمارة نتي إلين ...... حكمت طاكسي وروحت للدار تاعبة كي وصلني خلصتو وهبطت هازة القش دخلت نلقى لبنات قاعدين كااامل ثما ونسا عمومي وماما  وجدة على راسهم ينيقو في القمح ولا معرف .. قصص إدمان سيما .. قالتي جيتي يا نص فريسة وين كنتي قتلها واش ديرو قالتي روحي بدلي قشك وارواحي خدمي معانا سكت عليها جيت طالعة قالتي وشنو هذا لي في يدك قتلها صوالحي برك ... درت لماما قتلها ارواحي نسحقك شفت في يسرى تفكرت هدرتها صباح مع جابر  ... طلعت وجات ورايا قالتي وشنو هذا قتلها شريتلك قش قالتي ومنييين ليك قتلها خدمت عند إسلام قالتيى إليين هبلتي نتي وشبيك بنتي قتلها ماما شدي مام بابا شريتلو مديتلها وروحت نشوفو لقيتو راقد بستو مسكين يبان تاعب عاودت خرجت لشمبرتي شفت ماما جاية قتلها ماما برك صوالحي لي شريتهم جيبيلي للشمبرة قالتي ارواحي تشوفي قتلها واش قالتي ارواحي برك دخلت للشمبرة تصدمت وانا نشوف في القش عمر الخزانة وكاين حتى لي فوق السرير ومش حجابات قش لي موالف نلبس انا يعني الستيل تاعي درت ليها قتلها واش هذا قالتي جدك داني معاه قالي هي محبتش مي نتي اشريلها قتلها سيريو ضحكت قالتي ايه بنتي دراهم باباك قتلها مكنتش حابة مي معليش المهم ماما حابة نرقد تعبانة قالتي يا عمري على بنتي تعبت ربي يخليك ليا حضنتني باست راسي وخرجت غلقت الباب نشوف في كلش تاع بنات حتى ليسور وسيشوار شراتلي مكنتش نحلم بحاجة هكا اصلا نحيت الفاست وزدت الباسكات طلقت شعري ومشيت للسرير بعدت القش والكراطن لي ثما لحتهم في لرض ولحت روحي ديركت حاسة عظامي يوجعو معلابليش شحال وانا راقدة منبعد نضت كان بانلي من البالكو الليل ممزالوش بزاف ويطيح هزيت روحي نتكسل دخلت للدوش غسلت وجهي وربطت شعري حاسة بكرشي فارغة من صباح ما ذقت النعمة جيت نبدل منبعد قلت خلي ناكل ونبدل هبطت هكاك جيست لبست بليغة وزيد السخانة روحت نحوس على الكوزينة حتى نشوف في ماما لداخل طيب عقدت حواجبي روحت ليها قتلها ماما قالتي نضتي بنتي قتلها واش ديري قالتي ندير العشا قتلها وااش ؟؟؟ قاعدة وحدك هنا وينهم هوما قالتي مزالهم برا ينقو في القمح قتلها ونتي طيبي لهذي القبيلة وحدك حطيلي ناكل حطي ماما قالتي وشبيك قتلها والو حطتلي هزيت الخبز درت سوندويتش قالتي اقعدي وكولي قتلها نخرج الجو مليح برا قالتي ايه ... لقيت الباب لي يخرج للساحة محلول وصواتهم معمرة الدنيا خرجت نشوف فيهم كامل قاعدين لافامي كامل مام الرجال وإسلام هاز باسم وهو يلعب بتلفونو نطق جدي قالي إلين نضتي بنتي شافو كامل فيا روحت وقفت توالهم ناكل قالي إسلام روحي بدلي وجهك عليا واستري روحك مقيمتوش اصلا قتلها جدة نقولك من ضك ومنحبش نهدر انا بزاف ماما مهيش خدامة عندك حبيتي طيبي عندك عرايسك عيط عليا إسلام إليناااااا درت صبعي على فمي قتلو اششش نتا متهدرش صوتك يوجعني هنا ودرت يدي على راسي جا نايض حكمني يحيى من يدي مبعدني قالي اسكتي امشي قتلها سمعتي ولا نو ماما في وحد الوقت حاوزتيها مالا ضك متخدمش عليك ناضو كامل يهدرو يقولولي سكتي ووشنو هذي الهدرة شفت إسلام طلع وانا قلبت الدورة توال البيسين