صغيرة المتملك

68

الجزء 68🍷 🔥 إلينا 🔥 

Sima jarisse 🔥💫🔮 A.Y

إلينا ملكية خاصة بي لا تحاول الاقتراب ⛔🚫   

الحلقات الاخير ............ 🍷

كي هدر معايا بلحنانة قلت نسيي نقعنو حطيت يدي على يدو قتلو خلينا نتفاهمو إسلام ضك نتا عندك.طفل ياك وعندك مرتك وانا مزالني صغيرة راه عمري 17 طلقني وعيش حياتك معليش حبيت تتزوج الله يسهل المهم طلقني وخليني نكمل حياتي زير على يدي حتى توجعت قالي واش هدرنا في هذا السوجي قرب مني نفسو يضرب في وجهي زاد قرب كثر باسني بشوي وبعد  يهدر بصوت خفيييف  إلينا نتي تاعي نموت ومنخليكش بعدت ضربتو لصدرو قتلو مالاااا اتحمل واش يجيك من عندي وعاودت تكيت نبكي بشوي حتى داني النوم ....قصص إدمان سيما ....فطنت حاسة الدنيا دور بيا شفت روحي في الشمبرة تاعي يادرا وقتاه جيت هنا هزيت روحي بشوي مالغري مكانش وجع قاوي بزاف دخلت للدوش غسلت وجهي كي خرجت تخلعت وقت شفت إسلام في البالكو ساند روحو على الحيط ويبان راقد مشيت لجيهتو نلقاه غاطس في النوم ومعذب تقول عندو عام ما رقد قتلو في قلبي نوم الدهر نشاله ترقد ما تنوض خرجت بشوي من الشمبرة حابة نتنفس شوي مالغري تاعبة مي ناقصني الهوا علاما هبطت من الايطاج نلقى فيصل قاعد ثما فوق الفوتاي خلعني قريب ما طحت شاف فيا قالي إلين !! واش ديري في هذا الوقت ناض من بلاصتو قرب مني قتلو نتا لي خلعتني واش دير شحال راهي الساعة قالي 2 واش صفا كيفاه تحسي روحك دمعو عينيا وقت تفكرت قتلو منيش بيا ولله حطيت يدي على راسي حكمتني الدوخة شدني هو قالي هدي روحك بشوي كلشي يتحل مشاني للفوتاتي قعدت مزالني حاكمة راسي فرغ كاس ماء ومدولي قالي اشربي جيت نهزو مقدرتش يدي ترجف ولا شربني هو و مسحلي فمي قالي صفا ضك كيفاه تحسي قتلو مليحة مي فيصل عيانة حابة نريح ياك وعدتني تعاوني تعيييش حكمت يدو انا منقدرش راني نكرهو ولله نكرهو هذا لي قاعدة معاه وحش مش إنسان قالي إلين نتي راكي صغيرة نفهمك حاجة برك في الوقت لي حبو يزوجوك نورمالمو تمنعي روحك واول حاجة تعيطي ليماك قتلو خفت على بابا وهو مكانش عندي ايامات ملي راحو خفت عليه يا فيصل قالي اشش هدري بشوي برك قتلو هاه قالي حابة تطلقي صح هزيتلو راسي مالا يا إلين" هو مراحش يتحمل الخدع اعطيه لامان برك" قتلو كيفاه هذي قالي كاين لي يتحمل مرتو تخدعو نتي مع الاول مديه لامان ديري روحك حابتو ومنا منبعد جبدي بيه لبساط مالغري اني غالط في واش راني نقولك ومش حاب ولد خالي  يتضرر مي حتى نتي بنت خالي فهمتيني قريه لامان قتلو ني خايفة قالي متخافيش جينا نكملو سمعت  واحد.جاي من الفوق عرفتو إسلام قتلو تعييش نوض روح لشمبرتك تعيش هو ناض دخل وانا حطيت راسي بين يديا مزالها هدرتو دور في عقلي جاني صوتو كي قالي إلينا وطار عندي حضني اووف علاه ديري هكا حابة تقتليني وتريحي حابة تحبسيلي قلبي مجاوبتوش بعد عليا قالي لاه هبطتي هنا قتلو تخنقت في بلاصة نتا فيها فهمت .. مشيت وخليتو جا ورايا ويعاون فيا باه نطلع قتلو مرسي نقدر نمشي اعبد ربي بعدني مدارش على هدرتي وكمل مطلعني .... فاتو زوج سمانات وانا منيش بيا من شمبرتي منخرجش نضل غير راقدة ومام هو ديما معايا ميفارقنيش زوج سمانات كانو كافيين باه ينوضو فيا غريزة الامومة لي حسيت بيها وقت فقدت لي في كرشي ليل ونهار وانا نخمم نقول كان راح يولي عندي بيبي صغير ونربيه ونلبسو ونخرج معاه كل كا نتفكر نولي نبكي دخلت في إكتئاب وجدي وجدي كانو يسيو يخرجوني من هذا الجو مي هكاك وقعدت نفس الشي نسرين مرة على مرة تجي تشوفني حتى هي بكات عليا وحزنت بزاااف قالتي معنديش شحال ملي عرفتك مي درتك كي ختي وهكاك فاتو هذوك الايام نفس الروتين سوايع تجيني هدرة فيصل في راسي نبقى نخمم فيها ونقول صاي نخدعو زعما مع شي واحد ايه هو مراحش يتحمل كيما قالي فيصل منبعد ننفض الافكار من راسي كون نديرها ولله يقتلني عادي تخلطت كامل وليت منعقلش على الصح والخطأ وتلفتلي الحياة ومعنديش طريق محددة نمشي فيها  ..... نضت صباح على صوت تلفون مريقلاتو ديما علابيها صونا هزيت راسي نلقى إسلام متكي فوق الفوتاي الصغير توالي حبيت في هذي الدقيقة نقتلو ونبرد جنوني كرهتو كره مش عادي طفيت تلفون وهو مزال ما فاق هزيت روحي بسيف كنت تاعبة ومنيش مليحة مي لازم نروح نقرا هذو زوج سمانات  وانا مروحتش وزيد عندي الباك كي مشيت سمعت صوتو قالي إلينا نضتي درت ليه لقيتو في وجهو جا يحط يدو عليا قتلو بعددد بلاك تزيد توشيني متفهمش نتا ؟؟؟ قالي تعيشي اعمري تاعب قتلو واناااا واااش دخلني فيك اتعب ولا موت شوف إسلام راني منيش بيا اخطيني روح لعند مرتك علاه لاسق فيا انا روح تقري تلاميذك يستناو فيك في دقيقة حضني قالي وانا نخلي عمري اااه جبد وجهي دارو بين يديه قالي تعيشي حبيبي مديريش هكا إلينا مكانش قصدي زاد حط جبهتو على جبهتي انا نحبك افهمي نعشقك تعرفي واش نعشقك ( مجنون بك أنا إلينا 🍷🔥) .