صغيرة المتملك

13

الجزء 13 🍷

قتلو اممم اوكي صحا خزر فيا من الفوق لتحت وراح .... دخلت للويفي درت الموتباص مشالي .... فرحت روحت  قعدت فوق الكرسي دخلت للفيس شفت لميساج من عند نسرين دخلوني في المسنجر من نسرين  مي انا نخدم بلايت بزاف كي  دخلت عقدت حواجبي وقت قريت لميساج تقراو لقيتها باعثتلي ليفوطو تاعي حرت علاه مبانوليش هنا مي قلت بلاك اللايت فيه حاجة بعثت ميساج لنسرين كانت عندها 14 دقيقة ملي خرجت طلعت ليفوطو تاعي وفاصيتهم خرجو روعة خاصة وحدة منهم وقت كنت ندور وحكمتني ... انا هكاك نشوف فيهم صونا تلفوني لقيتو ياسين هزيت عليه بلخف قتلو الو وي ياسين قالي إلين مفهمتش علاااااااه عيطتلك قداه من مرة متهزيش قتلو وشبيك انا راني في دار جدي قالي وينا دار جدك قتلو كي نكون قاعدة نحكيلك وكيفاه صفا قالي صفا خممتي في واش قتلك قتلو ياسين مش وقت هذي الحكاية قالي وقتاااه وقتها قتلو مش ضك تعيش كوبي السوجي قالي اوكي إلين نتي ديما هكا ... المهم انا نروح نرقد رانا نوجدو لعرس خويا قتلو مبروك عليكم قالي يبارك فيك كوبيت عليه مش واجدة لهذا الشي راح نبعد عليه صح مع الاول كنت متحمسة وقبل ما نعرفو مليح مي ضك كي ولات صح مقدرتس غدوة نخبرو بهذا الشي .... نضت مروحة حتى هزيت راسي لفوق نلقى إسلام واقف في البالكو وهاز الدخان ويشوف معايا كي شافني خرزت فيه طفاه ودخل مفهمتش هذا المخلوق وشبيه من جيهتي ......... نوووووضييي إليين بقيت نتقلب وندير في الدرا على راسي وهي تنحيلي فيه زدت زيرت عليه جبداتو طحت معاه في لرض مكور عليا نحيتو بسيف نبكي قتلها علاااااااااه الناس ينوضو هكا قالتي اعوذ بالله يخاه لسانك طويل كثرمنك قتلها خبرني براهيم بلي كنتي حتى نتي كيفي نحات بلغيتها بلخف قالتي يا الكلبة انا لساني طويل طرت نجري فوق السرير وهي تضرب فيا قتلها جددةةة خلااص حبست قالتي كلمة جدة حلوة منك قتلها يخاه تأثرت ايما اياا روحي ضك نولي نعيطلك بأسمك كيما براهيم قالتي سيي تشوفي كيفاه لا مقطعتلكش لسانك نوضي بدلي راهي 11 الناس  خدمت شغلها ونتي راقدتلي هنا قتلها ووااش دخلني فيهم قالتي امشي روحي أشري قش ليك كنت مروحة معاك انا مي لازمني نروح مع باباك لطبيب قتلها منشريش قالتي ولله غير تشري وبسيف عليك ضربتني بلبيغة حرقتني طحت فوق السرير قتلها اوووف وجعتيني يا الشايبة قالتي اناااا شايبة قتلها هاا ولله نقصر المهم ربعت رجليا قالتي نوضي غسلي وروحي أشري قش وحجابات كيما بنات عمك قتلها اواه خاطي قالتي لاااه خاطي قتلها هكاك ولله ما نديرو منيتك واحد ما يتحكم فيا انا علابلي هذاك الكلب تاع إسلام وسوسلكم كي الشيطان مي كل واحد يدبر على روحو واذا شفتوني بلي عار عليكم نقدر نروح منا قالتي واش تحكي يا طفلة وشمن عار الحجاب سترة قتلها نهار نقتنع بيه نديرو وصاي قالتي ربي يهديك وخلاص المهم البسي وهبطي تفطري انا مروحة مع ماماك وباباك قتلها علاه درتي في ماما هكا بصح ؟؟؟ قالتي إلييييين الهدرة تاع الكبار متدخليش فيها قتلها ضك ولات هدرة كبار ولله ما ننسالك واش درتي فيهم كي نتي كي نسا ولادك اخرجي ضك خليني نبدل قالتي ربي يهديك هذا ما نقول ... خرجت هي وانا دخلت دوشت شيحت شعري ومشطتو درت كوتشيفال ولبست جيب مارو مع لطاي تاعي يوصل لتحت ركبتي وفيه شقة في الوسط مع تريكو كحل بلا ليمونش يشبه للبيستي وزدت الفاست تاع الجين لبست باسكاتي البيضة لي نعشقها هزيت تلفوني والصاك وخرجت نجري من الشمبرة مي حبسني صوت لفوق وشغل واحد يمشي شفت الدروج ثما مش مبنيين طلعت فيهم كانت الفيلة لفوق وقيل نص بنيان بسك حتى الدروج ما فيهمش كرلاج ولا دالدوصول وصلت للدرجة اللخرة نشوف في هول كامل تاع الفيلا حيط مع يسعى والبيبان تاع الشومبرات توال بعض مستفين والصوت ماشي ويزيد عرفتو هو قالتو ولله غير حبيتو معرف كيفاه سمحلي قالها علاه جاية تطلبي السماح ونتي خدعتيني مع إنسان لي مدايرو خويا تشوكيت من هدرتهم صراحة ....( منبعد نفهمو شكون هذو 🔥) ...هبطت لتحت لقيت ماما طالعة شافتني قالتي إلييين واش كنتي ديري لفوق قتلهاا  ااا والو نشوف في الفيلا برك قالتي انا مروحة مع باباك وجداك وجداك قالتي راه تهبطي لسوق ابنتي عادي روحي اشري على روحك دارهم باباك ورزقو متحشميش كيما هوما يسالو نتي تسالي قتلها اوكي ماما مي منيش حابة ندير حجاب ضك قالتي ولله معرف ولاد عمومك شوي معقدين قتلها واش دخلهم فيا كل واحد يتلهى في ختو بابا وينو قالتي راه لتحت معاهم قاعد هبطت نجري وهي تعيط تقولي لا طيحي سمعت الحس جيهة الصالة روحت نشوف تصدمت نلقى جدة قاعدة على ركبتها وتمسد في رجليه وجدي حاكملو يديه ويهدر روحت ليهم هز جدي راسو ليا قالي صباح الخير قتلو صباح النور مشيت لبابا سلمت على راسو قتلو صباح الخير لاحلى أب تبسملي بسيف قالي جدي إلين بنتي حنا ضك نروحو ونتي اهبطي للسوق ياك تعرفي البلاصة قتلو ايه ضك نعرف وحدي شفتو جبد برية من توالو قالي هذوك ليك بنتي قتلو واشي هذو قالي دراهم شدي وروحي إشري ليك وليماك نطقت جدة قالتو حنا قلنا لإلين برك طرت فيها قتلها وماماااااااااااااااا هي الصح فهمتي ولا نو اذا جاتك ماما ثقيلة على قلبك نديهم ونروحو فهمتي علاه تكرهيها كشما دارتلك مسكينة ياك جامي جراحتك قالتي دات وليدي قتلها وليدك كان عايش معاك نتي لي رحلتيه وحدك واخر مرة تزيدي تحكي على ماما هكا ننسى بلي نتي كبيرة وننسى شكون نتي والديا خط احمر