صغيرة المتملك

66

الجزء  66🍷 🔥 إلينا 🔥

Sima jarisse 🔥💫🔮 A.Y

إلينا ملكية خاصة بي لا تحاول الاقتراب ⛔🚫  

طبعتو عليا قتلو مااااابياااااااش كرهت منك برك تفهم فيا ها هي طبيبة وقالتي راه صراليك هذا من التقلاق اخطيني اخرج من حياتي شاف في طبيبة وانا شفت فيها كشغل نقولها تعيشي متهدريش قالتو احمم الطفلة مزالها صغيرة وعندها ضغط نفسي قالها تتسمخري بيا نتي جنيكولوg وين تعرفي لهذو الصوالح قالت  مقريتش هذوك لعوام باطل الاخ وممكن تحترم روحك قالها روحي من وجهي انا الغالط لي جايبها هنا قالتو كون الطفلة راهي هانية معاك مجيبهاش ناض قالها ونتيييييي واش دخلك بقات ترمش حسيتها خافت نضت ليه قتلو صااااي امشي في كل بلاصة مبهدلني مشيتو معايا بسيف وخرجنا ركبت خبطت الباب وهو نفس الشي قالي ممدلكش دوا قتلو لا صاي وصلني نحوس نرقد ....قصص إدمان سيما ... وعلى هذاك الحال فات الويكاند وانا قاعدة نخمم ونبكي على زهري كارهة هذا لي في كرشي نولي نضرب فيها نقول بلاك يطيح كي روحت حوست لقيت كامل واش يصراو بين المتزوجين وفهمت كلش زدت كرهت إسلام وعفتو موليتش نحملو خاصة وقت يجي يحكي معايا بدا يحكمني الاكتئاب وبديت نكره هذي الحياة يجيني تخمام في راسي يقولي قتلي روحك وتنهاي واش فايدة هذي الحياة لي عايشتها ... اليوم نضت صباح على صوت إسلام  نوضي تقراي إلينا نضت بسيف مهدرتش معاه دخلت للدوش غلست وجهي وعاودت خرجت لقيتو يرتبلي كرطابي وكراريسي قالي وشبيك مشنفة عليا قتلو معليش تخطيني منيش بيا قالي اليوم مراحش نقري ديري عقلك إلينا وياسين ثم ياسين جبدت قشي روبة طويلة تحت الركبة في الفاغ مع فاست جيت خرجت لاحلي الطابلية قالي لبسيها ونتي مخرجة صدرك هكاك تنهدت ولبستها زدت لميت شعري قبل ما يهدر عليه ولبست باسكاتي كي خلصت درت ليه لقيتو مركز معايا قالي مراحش ديري خداع المومنين قتلو لا قالي حتى انا ضك نكسر جدهم قتلو ربي يهديك منيش قادرة نهدر ... قصص إدمان سيما .. هزيت كرطابي معلابليش اصلا واش راح نقراو قالي صبري ضك نوصلكم سكت وهبطت لتحت نلقى جدة وجدي قاعدين قتلها روحي جيبيلي كاس ما تعيشي قعدت حاطة يدي على راسي قالي جدي وشبيك ابنتي قرب مني قتلو طلقني من هذاك شفت فيه قتلو حابني نكون مليحة طلقني من إسلام نكرهو انا منيش بيا يا براهيم قالي اششش هدي روحك قتلو واش نهدي قالي ضك نهدر معاه ولله يا بنتي سمحيلي قتلو وينها الفايدة كي تطلب سماح فات لي فات نضت خارجة لقيت جدة جايبة الما شربت وخرجت نستنى برا وحد الشوي وخرجو هو ويسرى .. فات الوقت وقرينا زوج حصص الاولين عند ياسين مي مخزرش فيا اصلا بصح حاستو راه يخطط لشي حاجة كي خلصنا قعدت في الطابلة نبكي وحدي ونسرين تقولي وشبيك درت ليها قتلها نسرين حبيت نخبرك حاجة مي وعديني مراحش تضحكي قالتي وشنو قتلها شوفي كاين بيبي في كرشي شهقت قالتي واااااااااش غلقتلها فمها قتلها راح تخبيرهم صح ضك يولو يضحكو عليا بعدت يدي وبقيت نخبط في روحي قالتي إلييين تهدني وشبيك قتلها كرهت من كلش حابة نموت اربي ولات هي تبكي  معايا وتقولي صاي سكتي ... عاودت صونات وعندنا حصة تاع فرونسي شفت يسرى دخلت رجعت للبلاصة الاخيرة وقعدت هي بدات الحصة تاعها عادي وانا منيش معاها ساعة نكتب ساعة لا ونسرين تقولي ركزي معاها تعيشي مديريش السوجي تاع الحمل في بالك ... بقيت غايسة حتى صونا تلفوني كان في الكرطاب خزرت فيا قالتي نوضي اخرجي ودي تلفونك معاك وجيبي تقرير يالله شفت  فيها من الفوق اللتحت ونضت هزيت كرطابي وخرجت ديركت هبطت للساحة نخمم اصلا منيش بيا نفسيتي محطمة لوحد الدرجة عينيا ولاو يوجعو من البكا حسيت بعبد قعد توالي طرت كي شفت فيه لقيتو أسامة قالي إلين كل مرة نلقاك هكا وشبيك ضحكت قتلو ههه حتى الناس تولهو لحالتي قالي وشبيك قتلو والو خليها على ربي قالي اذا حابة ربي يفرج عليك اول حاجة ديري الحجاب وستري روحك نصيحة مني كي راكي متبرجة هكا مش مليح ....صح عندو الحق كون جيت ساترة روحي واحد مراح يشوف فيا ولا يتبلاني وبلاك إسلام مكانش شاف فيا خزرت فيه قتلو زعما يتحلو مشاكلي قالي بإذن الله ( لا تقنطو من رحمة الله ) دمعت عيني قتلو نشاله قالي واش ديري هنا قتلو حاوزتني يسرى قالي شكون ؟؟ تاع الفرونسي عرفت بلي هي مرت وليد عمك الاستاذ إسلام قتلو ايه قالي مقريتيش هنا منقبل بصح قتلو مكنتش اصلا نسكن هنا قالي معليش وضك كيفاه قتلو حبيت نروح للدار اني تاعبة فت عليه ودمعتي طاحت ريحتو حابة نشمها كثر وحابة نقرب ليه  .... خرجت من ثما وهو  قالهم راهي تاعبة خلاوني روحت حكمت البيس ومشيت للدار حوست في الكرطاب لقيت إسلام حاطلي دراهم كي لحقت هبطت ودخلت للدار نلقى جدة مع نسا عمومي شافتني قالتي واش جابك هذا الوقت قتلها اللفعة حاوزتني من الكلاصة وطلعت رميت روحي في سرير بكيت ونقول مزال حتى بردت قلبي باه رقدت .... ...