صغيرة المتملك

58

الجزء  58 🍷 🔥 إلينا 🔥

Sima jarisse 🔥💫🔮 A.Y

🔥 ⒺⓁⒺⓃⒶ 🔥 ملكية خاصة بي 🍷 

بدا يدخلني النعاس ستسلمت للنوم حسيت بيه كي حضني ملور وباسني من خدي وجبهتي الاحساس لي جامي عشتو في حياتي اني نعيش فيه ليوم مع إسلام ...قصص إدمان سيما .. فاتت هذيك السمانة روعة روعة منقدرش نوصف كيفاه وانا مع إسلام عجبني الحال بزااااف كل يوم نهبطو للبحر حتى للمغرب باه نرجعو شبعت لعب مي العومان مقدرتش ندخل غير رجليا في الما ونحبس اما هو قالي كرهت البحر مش حاب نعوم ... وروحت للطبيبة عطاتني دوا ريحت شوي  ... كل ليلة نفوتها في حضنو مالغري ما صرا بينا والو جيست يبوسني من خدي ولا فمي بديت نوالف هذا الشي ووليت نتجاوب معاه  ونتعلم منو .. كل مرة نعيط لماما نسقسيها ومام يسرى كانت ديما تعيطلو يحكي معاها يسيي يفهمها مي راسها خشين حتل يكفر عليها ويقلق باه تبرد .... اليوم الخميس لازم نرجعو بسك العرس غدوة نضت شفت الساعة كانت 10 وإسلام مش هنا يادرا وين راح كي خرجت للهول لقيتو واقف في البالكو ويتكيف دار كي سمع حسي قالي صباح الخير عمري قتلو صباح النور بديت نمسح في عينيا قرب مني باسني قالي مزالت حبيبي نعسانة قتلو اممم قالي خلي نروحو للدار وارقدي مليح ياك هزيتلو براسي قرب خدو قالي وينها بوستي تاع صباح شفت فيه قتلو ديجا والفت قالي هاه ومالا قربت بستو بلخف وبعدت مروحة للدوش قالي عسل من بنتي دخلت ننهج ونضرب في خدي من كلامتو لي يخلوني نذوب كيما الشمعة غسلت وخرجت روحت للكوزينة لقيتو يتكيف ويصبلي في الحليب قالي هيا قتلو اممم مش حابة قالي واش حبيتي حليت الفريجدار جبدت شوي فاكية قتلو ناكل هذو قالي اوكي دبري راسك كملي باه نروحو قتلو اوكي .... كملت فطوري وروحت لميت قشنا كامل والماكلة لي بقات خليناها قالي ضك صاحبو يتكلف كنست الدار محبيتش نخليها هكاك وفرزت الفراش وروحنا راجعين للدار ... كي رجعنا لقينا الغاشي لافامي تاعهم واول وحدة قابلتنا هي يسرى جات تجري ليه هازة باسم قالها رجعتي قالتو وي حبيبي منسحمش فيك هز باسم وهي باسها من راسها الجاست لي وجعتني روحت انا نحوس على ماما لقيتها حضنتها وزدت طلعت لبابا سلمت عليه قتلو راك مليح نطق بسيف قالي مليح تكيت على صدرو قتلو بابا انا حابة نرقد وهكاك زاد فات هذاك النهار وانا تاعبة ونعسانة شكيت من الدوا ملي بديت نشربو تقلبت كامل ... جا نهار العرس شفت لادات ليوم عيد ميلادي واحد ما تفكرني هزيت روحي دخلت درت دوش تاع ساعتين نقيت روحي بيا وخرجت لافة الفوطة عليا شفت ماما دخلت قالتي نضتي بنتي كون غير تريقليلي شعري قتلها ايه صبري نكمل مي ماما السمانة لي فاتت شريت روبة ملقيتهاش وقت صرا هذاك المشكل خليتها لتحت قالتي ااا راهي في شمبرتي صبري نجيبها كي راحت جابتها فرحت ليوم نلبسها درت لماما السيشوار وزدت المكياج راحت لبست قفطان قالتي شراتولها جدة معرف منين جاتها كي خلصتلها هي هبطت وانا كملت نلبس سوشرت شعري طلعتو طوماطيشة لفوق وطلقت زوج شعرات لقدام درت مكياج خفيف مع رووج فونصي دم لبست صندالة وبقيت ندور على روحي وليت زي الاميرات شوي وصونا تلفوني لقيتها نسرين هزيت عليها قالتي راني جاية قتلها مي شكون عرضكم قالتي الاستاذ حرت قتلها ااا اوكي صحا كوبيت عليها شوي وجات شهقت قالتي وااااااااو تسخفي 😍 قتلها صحح قالتي ولله تهبلي ليوم يضربوك بعين هيا نرقيلك بقات تقرالي زعما كملت قالتي ربي يحميك قتلها واش تلبسي نتي جبدت روبة نوار سور طاي وطايحة على لكتاف قالتي هذي قتلها ولله تسخف وهيا نديرلك المكياج راحت لبستها وجات درتلها مكياج خفيف زي بسك نخاف وجها يلتهب كي خلصت عاودتلها بليسور وحكمت شعرها كوتشيفال وقعدنا نتصورو زادت طلعت ماما وماماها ناضو يصلو على النبي قعدنا حتى لحق وقت العرس وانا منيش مخالطة بنات عمي بزاف باه ندخل معاهم للشمبرة الوغ حكمت شمبرتي وقعدت وراها باه  هبطنا شفت يسرى لابسة روبة صواري تسخف لطاي تاعها شابة بزاف وطالقة شعرها مدايرة مكياج خفيف وهازة باسم كي شافتني حسيتها تصدمت بقات معلقة عينيها فيا راحت نسرين سلمت عليها وجات .....قصص إدمان سيما .....بدا العرس وبدات التصديرة داروها في الجاردا ونشوف في لافامي مجمعين منهم لي مجاوش في عرسي اصلا حسيت بروحي عطشت ومكانش الما نضت نروح نجيب لقيت جابر في طريقي داخل حل فمو فيا مقدرتش يتحرك قتلو هااي جابر وشبيك أسمي تلفتلو مقدرش يهدرو قد قد قتلو وشبيك قالي إلين هذي نتي قتلو لا ضحك قالي راكي تهبلي ولله قتلو اممم كي شفت عمتي جات قالتو جابر ولدي خليتهم وروحت جبت الما وجيت قعدت حتى لحق المغرب والوقت لي تدخل فيه بلاغوب بلونش وكي إسلام هو الكبير قالك يدخلها وحد الشوي شعلو الضواوي شغل حفلة ودارو الغنية تاع إليسا ولبنات يعيطو ويزغرتو ويصفقو ونسرين نفس الشي انا نشوف فيه لابس كوستيم بلو غوا كيما لاغوب تاعي  مع باسكات ومطلع شعرو كان يهبل يهبل دخلو يشطحو ولبنات معاهم ويسرى لاسقة فيه دور وجهو شاف فيا بقى يرمش برك ويشوف