صغيرة المتملك

16

الجزء 16 🍷

معلابليش شحال قعدث ثما كملت كليت نفضت روحي وطلعت بسك جاني شوي البرد مالغري الصيف كانو هوما مزالو ثما وحتى ماما في الكوزينة قتلها مطوليش وريحي ياكلو الرهج ... وانا روحت لبابا سلمت عليه حكيت معاه شوي كي شفت جدة وجدي طلعو ليه خرجت لشمبرتي .... هزيت تلفون عيطت لياسين مريبودناش حطيتو نشوف في اللبسة ماما ما خلات ما شراتلي الكوافاز معمرة والخزانة حكمت هذوك لي كانو في لرض حطيت شوي فوق الخزانة ولخرين طويتهم جبت البالي كنست الزربية درت شوي بارفا من لي لقيتها ثما وحليت البالكو نشوف لتحت ونخمم مقبيل غاضتني بزاف من إسلام ونكذب اذا نقول راني مرتاحة لا الراحة في داركم ولا مكانش هذو دار جدي ما نعرفهم ما والو جيست هذو الايامات معلابليش شحال قعدت وانا في البالكو حتى تحل الباب كان جدي قتلو وي براهيم قالي مزال مش حابة تحشمي قتلو اووف وقعدت في السرير قالي نوضي تتعشاي قتلو لا قالي ولله تنوضي خيرمن نضربك قتلو اووكي راني نايضة اسيدي برك نبدل قشي ونجي قالي هاني نستنى لتحت وحتى باباك ضك يهبط قتلو صححح قالي ايه ضحكت من قلبي قتلو اووكي راني جاية حط يدو على راسي وباسني قالي ربي يحفضك خزرت فيه حشمانة هو خرج وانا هزيت روبة تاع دار لبستها هزيت تلفون وهبطت نجري فرحانة بسك بابا راح يتعشى معانا لقيتهم مجمعين وجابر ثاني قاعد توال بابا وجدة هازة المغرف توكل فيه عجبني الحال كي راهم يتلهاو بيه هكا وزيد ضك يداوي ويرجع كيما كان قتلهم سلااااام شاف معايا ردولي من غير مرت عمي يمات إسلام وإسلام ويسرى وجابر والبيدون طبعا روحت توالو قتلو اتهز هذي بلاصتي قالتي ماما إلين امشي قعدي هنا تشوفي قتلها لااااا هذي بلاصتي نوض نوض وليت نخبط في رجلي على لرض وربعت يدي قتلو نووووض يا البيدون بلاصتي قالي جدي إلين مزلتي ذراري صغار ولا واش قتلو يسما مش حابني نقعد توالك يا براهيم معليش انا نقعد توال بابا لعزيز روحت لجابر قتلو نوض خزر فيا وهبط عينو كمل ياكل ناضت ليا ماما حكمتني من يدي قالتي أمشي قتلها لااا نووض جابر خليني نقعد توال بابا شاف فيا قالي تروحي من قدامي خيرمن نضربك متلقايش روحك جيت نهدر نطق إسلام قالو قول ولله شاف فيه قالو إسلام مدخلش روحك ناض من بلاصتو جاي ليه حسيت الحالة راح تتخلط ناضو عمومي يهدو في الحالة قالو شوف جابر تعرفني شكون انا مالا اتقي شري بسك نطيرك من الدنيا ومنسالش ونورمالمو تشفى اخر مرة واش صرا شفت في جابر لي سكت مزادش نطق وإسلام خزر فيا طار لعندي قعدني في بلاصتو قالي هاه قعدي توال جدك ونزيد نسمع حسك قتلو وجعتنييييي اييي اماما كتفي طار خزر فيا بلعت لساني شفت في الطبسي كان نتاعو من عادتي انا نعاف ناكل من طبسي تاع واحد خلاف مي معلابليش علاه هزيت المغرف وكليت هزيت راسي لقيتو يشوف معايا قالتي يماه إلين طبسي إسلام ميحبش لي ياكل فيه ( كان عندو طبسي زرق وفيه وردات في الطرف  من بكري ويحب ياكل فيه ) قتلو ااا ها هو جيت نمدلو قالي صاي كولي انا شبعت قالتو يسرى واش كليت إسلام قالها حمد لله وجا فايت  صونا تلفوني شفت اسم ياسين مكتوب  درت ليه لقيتو خزر  وراح طلع كوبيت عليه ..... شافت فيا يسرى قالتي كي تكملي مديلي طبسيه قتلها هاهو حتى انا شبعت جيت نوض خبط جدي الطابلة قالهم ايا تهزو كامل من قدامي وليتو مش مدايرني قيمة طلع وخلانا شافت فيا جدة قالتي اااه يا نص عبد نتي السبة قتلها وييين انا السبة كلش إلين كلش خبطت الكرسي قتلها ماما اني في شمبرة .... طلعت لفوق شفت إسلام واقف في البالكو تاع الكولوار كي سمع الحس دار ليا جيت ندخل قالي إلينا درت ليه قتلو وي قرب مني هز الدخان طفاه في الحيط وقف توالي قدقد قالي ليجاست تاع لبيبي منزديش نشوفهم قتلو وشمن جاست إسلام ؟؟؟ قالي كي كنا لتحت ومتزديش تهدري مع جابر فهمتي قتلو علاه بسلامة نتا ولد عمي وهو ولد عمتي حكمني من ذراعي وخبطني على الحيط قالي كي نقووول كلام منعاودوش ليجاست اللبسة الهدرة كلش مش عاجبني فيك اذا حابة تولي من عايلتنا ديري لي نقولك باه ما يكرهك حتى واااااحد وأولهم اناااااا طبعتو عليا قتلو متزديش تقرب مني فهمت منحبكش تقرب مي هو  شغل منيش نهدر حط يديه على الحيط وانا في الوسط وقالي بلاك ياسين لي يقرب ااااه شفتو مهوش صفا ليوم هبطت من تحت ذراعو وجيت داخلة للشمبرة قتلو متزديش تدخل في صوالح خاطيك فهمت يا ولد عمي قالي اوكي نلقاك تهدري معاه ثما نتفاهمو وراح يمشي حاكم راسو حسيتو دايخ ........