صغيرة المتملك

46

الجزء 46🍷 🔥 إلينا 🔥

Sima jarisse 🔥💫🔮 A.Y 

من هنا تبدأ رحلتنا إلينا 🔥💫 

لحق وقت العشا وانا قاعدة الحالة كانت هادية كنت نستنى من إسلام يعطيها طريحة اسطورية ليسرى مي مكان والو حتى العياط مكانش .. فيقني من سهوتي صوت تلفون لقيتها نسرين هزيت عليها الو وي بب قالتي إلين صفا قتلها لباس ونتي قالتي خلينا المهم احكيلي واش صرا قتلها واش نحكيلك قالتي إلين تتسمخري بيا كيفاه قتيلي الاستاذ رجع يقولك لمي شعرك وباسك ومنا قتلها ايه ولله مفهمتش لاه يقولي لمي شعرك وهو شباب ناضت تضحك قالي منيتك قتلها لاه قالتي غاير عليك هدرتها صدمتني قتلها واش تحكي نتي واش يغير عليا هذا هو قالي نحب مرتي قالتي ولله مدام يقولك هكا معانها غاير عليك وميحبش كي يشوف واحد شعرك ويعجبو يحب يشوفو غير هو وحدو اااه يا إلين كون جا راجلي ولله ما نطلقو قتلها يبرد وجهك نتي وهو قالتي انا حكيتلك ونتي دبري راسك قتلها نسرين راه متزوج السيد قالتي اييه ولله صح كون تشوفي كي كنا نقراو كيفاه يعاملها ليسرى مي نتي شابة عليها تهبلي ذوبيه يا البغلة قتلها اخطيني منحبوووش اصلا راح نطلقو حكينا شوي وكوبيت وقت تحل الباب لقيتو إسلام هاز بلاطو في يدو قالي معامن كنتي تهدري !!! قتلو نسرين هزلي براسو وجا حطلي البلا فوق السرير قالي كولي ها هو قتلو اوكي صحا راح حل الخزانة يشوف فيها قالي وهذي اللبسة لاه ضك تترمى كامل قتلو علااااااش دار ليا حسيتو قلق خبط الباب طرت من بلاصتي قريب طاح البلاطو قالي بسك نتي مرتيييي فهمتي ولا نوووو منحبش لي يشوف في !##@@ منضلش نعاود شعرك تلميه لبستك تولي مستورة والمكياج والتخلاط مكانش قتلو ولله لا هذي حلوة يا الهمجي رووووح تحكم في مرتك حنا راح نطلقو افهم طار عندي رجعت لور لسقت في الكادر تاع سرير وهو قرب كثر وجهو لاسق في وجهي صاي مكانش اصلا كيفاه نتنفس قالي منزديش نسمع حتى هدرة فهمتي كي نقول حاجة تطبق وبلا كلام زايد إلينا مزال ما شفتي وجهي الدوزيام كي نتقلب ننسى بلي نتي بنت عمي ويماك وصاتني عليك مالا ريقلي روحك وخوذي الراي وواش نهدر مكانش لا تاعك هذي راجلك انا منيش صاحبك تحكي معايا هكا فهمتييييييييي عياطو دخل من نيفي لوذنيا لراسي طبعتو عليا قتلو وانا عمري لا نتقبلك راجلي نعيش كيما نحب وحياتي حرة فيها تحكم في مرتك انا حابة نعيش حياتي زاد زير على يدي حتى عيطت قالي نتي ديري رايك وانا نوريلك شيطاني ونشوفو شكون الخاسر فهمتيييييييي طبعني وناض مبعد عليا حكمت يدي لي رجعت حمرة بزاف خرج خبط الباب وراح ..... فاتت هذيك الليلة وجا نهار جديد نضت صباح جوايه 10 تكسلت مليح في فراشي وروحت للدوش نمشي بشوي غسلت وجهي وروحت للخزانة هزيت روبة طويلة تاع ليفلور لبستها لميت شعري وهبطت لقيت نسا عمومي يخدمو في شغلهم دخلت للكوزينة قابلتني جدة دير في الغدا لجدي قتلها صباح الخير قالتي صباح النور بنتي رجلك راهي مليحة قتلها ايه قالتي ارواحي تفطري حطتلي نفطر قتلها وينهم قالتي يسرى خرجت مع مرت عمك ( عجوزتها ) وراجلك راح للريسطو قتلها مهوش راجلي متزديش تقولي راجلي سكتت تستغفر وانا كملت فطوري ونضت خرجت للجنينة جيهة لابيسين بلاصتي لي نموت عليها قعدت مع تلفون اصلا معندي ما ندير وحد الشوي وجاني صوتو خلعني درت ليه قالي إلين صفا قتلو جابر علاه خلعتني اصلا واش جاي دير هنا وعلاه تهدر معايا قالي حاب نحكي معاك تعيشي إلين سمحيلي قتلو وانا مش حابة نحكي قالي تعيشي اني نحاول فيك ربي يسترك منيش بيا هنا حط يدو على راسو حاجة توجع فيا مديريش هكا تنهدت قتلو وواش تحوس قالي نهدرو برك قتلو اوكي مالا حبيت نخرج منا قالي اوكي وصفا من رجلك سمعت لبارح قتلو ايه لباس ....قصص إدمان سيما ... نضت من بلاصتي نمشي بشوي دخلت للدار وهو ورايا قتلها جدة راني خارجة قالتي يخاه سقسيتي راجلك قتلها لا وشفت في جابر قالتو نتا هبلت ولا واش راهي مرت إسلام ولله يقتلك قتلها انا لي حبيت نخرج وضكااااا متبقاوووش ديرو في المشاكل هيا جابر خرجنا وجدة تقول يخاه تحوس يقتلها وتتهنى ركبنا في طومبيل قالي رجلك داويتيه قتلو لا مزال منبعد قالي مي لازم قتلو غير ديماري قالي وين قتلو للجاردا حبيت ناكل لاكريم ضحك قالي اوكي وكون غير مروحتش ..... كي وصلنا هبطنا وهو قالي استناي نروح نشري ونجي قتلو اوكي ... بقيت قاعدة نشوف في الناس حتى لمحتو جاي هاز لاكريم وقراعي جي مسكين مش قادر يهزهم كامل ... قرب قالي شدي شدي راح يطيحو قتلو هات حطتهم فوق الكرسي وزدنا قعدنا قالي قد ما ندير مراحش نرجعلك حقك مني مي سمحيلي وهذا الشي بلاك يفرحك واذا حابة كثر معنديش مشكل ضحكت ما لقيت ما نهدر قالي إلين شفت فيه قتلو جابر الجرح مع الوقت يبرا حط لاكريم وشاف للذراري لي يلعبو قالي من وقت كنت صغير كنت حاسب فيصل خويا نلعبو مع بعض نخرجو نقراو بسك حنا قد بعض كنت نحب نسقسي كيفاه حنا قد بعض ومراناش توأم !!!