صغيرة المتملك

5

الجزء 5 🍷

رميت تلفون فوق السرير وقعدت نخمم هو ولد عمي مكانش علابلي عندنا لافامي شابين هكا حتى يحيى خوه ومصطفى شابين برك جايين شوي قصار ...دخلت عليا ماما قالتي معامن كنتي تهدري إلين ؟؟ قتلها مع ولد سلفك قالتي شكووون قتلها إسلام قالتي ولاه تهدري معاه هبلتي ولا واش ومنين جاب نميرو تاعو وليتي تمدي نميرو إلين قتلها اسمعيني وشبيك مديتو لوحدة خدمت معاها لبارح وهي عطاتولو سور قالتي بلاك نزيد نسمع صوالح هكا إلين نسامحك في كلش من غير تصاحبيلي وديري حاجة هكا قتلها ماماا وشبيك كليتني هكا هذا غير عيطلي يسقسي لاه مجيتيش رجعتيها مصاحبة ومعلابليش خرجت وخليتها هذا غير إسلام دارت هكا كون تعرف بحكاية ياسين ولله تقتلني ... قصص إدمان سيما .... روحت لبابا طليت عليه قتلو اني خارجة بابا لازم نحوس على خدمة منقدرش نخدم عند ولد خوك الحيوان هذاك حسيتو كان حاب يضحك بسك بانتلي تبسميتو روحت نبوس فيه قتلو ربي يدومها يا احلى اب في هذي الدنيا ولله نموت ونحيا باه نعيش الوقت والساعة لي ترجع فيها كيما كنت غمضلي عينو قتلو المهم انا مروحة ادعيلي papti ( هي تقولو papa مي انا مش كل خطرة نكتبها يعني كي تشوفو كلمة بابا اعرفو راه تقول papa )  روحت للشمبرة غلقت الباب وخيرت قشي لي نلبسو جبدت سروال جين مع فاست جين شوي طويلة وتركيو ابيض من لتحت مرسوم فيه وردة لبست ودرت كاسكيطة فيها وحد الحجار صغار يلمعو وصاك اكوتي هزيت شوي غسيل وgلوس كي العادة درتهم وخرجت لبست الباسكات قتلها ماما راني مروحة قالتي روحي ربي يسهل خرجت وفت على دار نسرين طبطت الباب خرجلي خوها ولا معرف قتلو نسرين هنا قالي مكاشها يهدر ويكيل فيا مام لافاصو تاعو معجبتنيش قتلو ولاه راك تهدر وتكيل جيتك بيزار قالي روحي متزديش تجي قتلو شوف هنا يا وسمك مجييتش ليك وانا قلت على نسرين مقلتش عليك نتا فهمت بانتلي تحب دخل روحك في صوالح خاطيينك قالي جيتي طفلة برك قتلو صحا ختي الناس تخدم ونتا ناعس هنا روح دير تاويل لعمرك  راح تضيع  خرجت يماه في وجوهنا قالتي إلين بنتي ... قالها يماااا اسمعي منزديش نشوف هذي الطفلة هنا قالتو يخاه يا طفل وشبيك قالها رااااني هدرت فهمتي قالتو واااااش دخلك مزال برك تتحكم في الناس لي يجيو لينا روح من وجهي قالها يماااا ودخل يعيط ويهدر وحدو ولله نزيد نشوفها هنا نقلب عليكم الدار قالتو يبرد وجهك يا عرة الرجال قتلها شفتي ولله عرة الرجال قالتي عياني هذا الطفل عيااااني قتلها شحال عمرو الشارف ولله يا خالتي حاوزني قالتي خليك منو هو مداير هكا قتلها معليش المهم وينها نسرين قالتي يا بنتي راحت عندها ختها سليمة خرجو للسوق قتلها ااا معليش ولله كنت راح نقولها لا تروح معايا قالتي كشما وين تروحو قتلها نحوس على خدمة قالتي مش لقيتي عند استاذ نسرين قتلها وي مي بطلت قالتي يا بنتي خدمتي نهار واحد قتلها المهم خالتي انا لازم نروح منبعد كي تجي نسرين نفوت عليها قالتي روحي بنتي ربي معاك قتلها امين ...قصص إدمان سيما ... طول النهار وانا نحوس ما خليت بلاصة وحدة غاضتني عمري بزاف وقت ملقيتش خدمة وندمت لي ضيعت الخدمة في ريسطو مالغري كنت قادرة نخدم عندو وبلا ما يعرفني ما نعرفو وخلاص المهم نجيب دراهم ونعاون ماما اووف لاه ديما يصرالي هكا لاه .... انا هكاك نخمم صونا تلفوني لقيتو نميرو جديد هزيت عليه كان صوت نسرين قتلها وييي قالتي وينك يا الكلبة سمعت من يما بلي حوستي عليا قتلها ايه باه نروحو نحوسو على خدمة قالتي لاااه قتلها يودي منبعد نحكيلك وينك نتي قالتي مع ختي في البلاصة الفلانية كيما سوبيرات الفلانية ارواحي نستناو فيك قتلها اوكي مش مشكل نشوف في المابس بسك منعرفش البلاصة قالتي ايا اوكي ... قصص إدمان سيما .. شفت بلي مش بعاد عليا مشيت شوي لمحت نسرين ومعاها ختها تبان شوي كبيرة وفيها لابوسات تاع طفل صغير روحت ليهم جات حضنتني قتلها اووف بعدي تقول عندك ما شفتيني قالتي توحشتك قتلها ياك لبارح تلاقينا نطقت ختها قالتي نسرين هيا هكا ضحكت روحت سلمت عليها قتلها اهلا واش حوالك قالتي وشراكي ختي لباس قالتي حمد لله ونتي هبطت سلمت على البيبي قتلها ربي يحفضو مشاء الله قالتي امين ويحفضك من العين قالتي نسرين اسمعي نتي حبستي عند الاستاذ قتلها ايه قالتي لاااه قتلها بسك مديها في روحو قالتي ايما ولله صح قتلها اني درت كامل الحوانت مكانش خدمة قالتي ختها ولله ما تلقاي ضك تنهدت قتلها معليش قالتي فطرتي قتلها مزال ضك نروح للدار نطقت ختها قالتي شدو دراهم روحو فطرو وانا نروح للدار قتلها نوو صحيتي حنونة قالتي عادي قتلها ولله ما عندي الخاطر مردتش عليا مدت دراهم لنسرين لي حكمتني تجر فيا قالتي امشي برك خلينا ندورو وحدنا مخلاتنيش مينبا نسلم على ختها ...قصص إدمان سيما ... مشينا شوي قالتي نروحو نفطرو قتلها ولله مراني قادرة يا بنتي قالتي مالا نروحو ناكلو لاكريم قتلها ااا اوكي مزيا قالتي بصح إلين راكي زلة علابلك قتلها احمم حشمتني مام نتي راكي تهبلي قالتي ولله ديما في الكلاصة يضحكو على وجهي قتلها لي يكون ناقص هو لي يضحك حنونة خلينا نروحو ناكلو لاكريم كيما قلتي قالتي هياااا ... روحنا لوحد البلاصة جاي مش كبير بزاف مي قالتي عليه يبيعو لاكريم ..