صغيرة المتملك

73

الجزء 73🍷 🔥 إلينا 🔥 

Sima jarisse 🔥💫🔮 A.Y

إلينا ملكية خاصة بي لا تحاول الاقتراب ⛔🚫   

الحلقات الاخيرة .... 🍷 

مفقتش بيهم كامل حتى ضك حليت الخزانة ما لقيت حاجة مستورة وليت خرجت لشمبرتي انا وإسلام حليت خزانتي لقيت روبات تاع خرجة طوال ومستورين هزيت روبة بيضة طويلة بلكمام وخرجت لشمبرتي لبستها عاودت روحت لشمبرة ماما كشما نلقى خيمار ... هزيتو زعما نعرف نديرو ... وزعما يجيني شباب لحتو فوق راسي وبديت نريقل فيه كي تمعنت في روحي مليح حسيت بلي انا ملاك نازل مع السما السر بان عليا اكثر بشرتي البيضة نعكس لونها مع لون الروبة ووجهي المدور جا معاه الخمار قد قد صح يقولك السترة مليحة ووجهي رجع منور هزيت يدي للسماء قتلو يا ربي نتا لي خلقتني ونتا لي تهديني يا ربي اذا كنت راح نكمل هنا متخلنيش كون معايا نحتاجك غير نتا .. مسحت يديا على وجهي قلت أمين وروحت لشمبرتي هزيت تلفون حليتو لحقوني ليزابال من عند إسلام يخاه هبل ليوم يقتلني حكمتو في يدي وهبطت قعدت توال جدة لي كانت تبكي وعمتي توالها ... عاود صونا تلفون هزيت عليه نحكي بشوي قتلو وي هدر بكل هدوء قالي عندك خمسة دقايق تخرجي من الباب لوخر للجنينة قتلو واش تحكي قالي اني نهدر الباب لي تحت دروج تخرجي للجنينة يالله كوبا عليا وانا نضت قالتي جدة وين قتلها إسلام برك يحوس عليا قالتي مترديش الهدرة لا يعشي دافنك مع البنت هزيتلها براسي وروحت كانت قاعدة وحد المرا ثما قتلها تعيشي معليش تخليني نفوت قالتي ايه بعدت كرسيها وانا حليت الباب قتلها كي نطبطب عليك حلي ياك قالتي اوكي بنتي خرجت من ثما جيهة الجنينة مكان حتى واحد لمحتو توال البيسين علاما شافني طار عندي قالي إليناااا قتلو وي حكم وجهي يثبت فيه قالي وشنو هذا بلع ريقو يخزر فيا إلينا وين طحتي شوفي وجهك يدك واش صرالك اعمري قتلو احمم طحت برك وكي عيطتلي كنت في سبيطار قالي وانااااا اخر من يعلم هبط يدو ليدي قالي وجابر ؟؟؟ متقوليش كنتي معااااه  حتى هو مضروب احكي واش صرا قتلو ارخف على يدي عرفتها ضك تتخلط بديت نبكي حطيت راسي على صدرو قتلو تفكرت البيبي يا إسلام مسكين مات كيما بنت فيصل في دقيقة قدرا نأثر عليه رخف عليا وحضني قالي اششش تهندي ثما تنفست مرتاحة مزيا نسى السوجي وبديت نبكي صح معلابليش علاه وليت مزيرة على التريكو تاعو ونشهق بسيف باه حبست وبعدت عليه حكملي وجهي بين يديه قالي صاي رتحتي ضك هزيتلو براسي قرب باسني من جبهتي ربي يحفضك ليا يا العزيزة صاي مكلاه تعمري راسك بحكاية البيبي ياك قلتي راح تبقاي معايا ياك بقيت نشوف معاه قالي جاوبيني معلابليش كيفاه قتلو ايه قالي مالا صاي تكبري شوي ونجيبو بيبي ياك مينوشتي عاود حضني نتي مزلتي صغيرة على الحمل مزلتي صغييرة بزااف وانا هزيتلك بيه كانت غلطة ومراحش تتعاود ... بعدت عليه قالي الحجاب جاك يهبل يا قلبي هبطت راسي حاشمة قتلو انا نروح نرجع لجدة قالي اوكي ومكلاه تخرجي لبرا ومنبعد فهمني حكاية راسك ويدك ياك قتلو ايه .... فات الوقت وجابو بنت فيصل وحنان وفيصل معاها نحرقت عليها قاعد تضرب في روحها وطيح وتنوض حالتها كانت تشفي عرفت بلي ماتت كي ضربتها الحمى قاوية ومش فايقين بيها منبعد ولات تتقيا الدم مسكينة من ثما صاي ... حطيت يدي على كرشي نبكي وقت تفكرت المنام هذاك حتى حسيت بواحد ورايا درت نلقاه إسلام يشوف فيا حضنتو بلا مقدمات وهو يسكت فيا بلجهد باه هديت ومن ثما داو الطفلة دفنوها وبداو الناس يروحو بقاو غير لافامي ومرة على مرة يجيو ناس خلاف يعزو المهم الدار مفرغتش كامل ... انا من التعب طلعت ديركت رقدت غلقت باب شمبرتي بلمفتاح ونحيتو حطيتو تحت الوسادة .... حاسة بواحد يخرب في شعري خلعت درت بلخف مع كانت الضلمة مشفتش مليح نطق بشوي قالي اششش هذا انا عمري تنهدت بعد الخلعة لي حكمتني قتلو منيتك نتا شعل الفيوزة شعل دار شعلها بانلي وجهو قالي رقدتي بزاف اممم قتلو اني تاعبة دروني ليه مليح دخلني في صدرو حطيت يدي ورا ظهرو مش فاهمة الشعور لي جايني قتلو كيفاه دخلت هنا وجبدت المفتاح من تحت الوسادة قالي عندي الدوبل قتلو امم بقينا هكاك ساكتين حتى كسر الصمت قالي احكيلي ضك واش صرا صباح وواش بيها يديك وريني نشوف قتلو ولله مكان والو يا إسلام مرة وحدة متسقسينش مرة وحدة دير فيا ثقة قالي كيفاه حابتني نسكت ونتي حالتك وحالة جابر نفس الشي كيفاه حابتني نسكت ويسرى دخلت معاكم العشية اااه اهدري قتلو اذا صح تحبني قالي قسما بالله اخر مرة واني هدرت قتلو اممم مرسي ... حطيت يدي على صدرو نخرب فيه قتلو علابلك حاجة قالي وي قتلو نهار لي مات البيبي تاعنا ثما حلمت بلي طفل وبنت فيصل راحو ومقدرتش نلحق عليهم وخرج صح يا إسلام قالي هذي هي الدنيا احبي واش نديرو قتلو رد بالك على باسم ياك قالي تحبيه قتلو ايه قالي مي لازم تحبيني انا اكثر هزيت راسي لعندو كان يشوف فيا قتلو الصراحة انا نكرهك نتا دمرتلي حياتي ومن اول نهار تلاقينا فيه مكناش متفاهمين وعرفتك بلي ولد عمي زدت نقمت عليك وواش درتو في ماما خاصة يماك ولخرين قالي اشش خليك من هدرة الكبار قتلو هذي حقيقة وزدت تزوجت بيا بسيف على ضرة ومكرهني حياتي متلبسيش ومديريش انا نحب نعيش كيما صحباتي ونحب نكون الاز في حياتي ...