صغيرة المتملك

53

الجزء  53🍷 🔥 إلينا 🔥

Sima jarisse 🔥💫🔮 A.Y

🔥 ⒺⓁⒺⓃⒶ 🔥 ملكية خاصة بي 🍷

إلينااااااااااااا درت ليه نبكي قتلو واش تحوس خلاص هاني درت واش قتلي قالي لميييي شعرك مليح ومسحي وجهك قتلو كرهت منك لدرجة مش حابة نشوفك اصلا لدرجة حابتك تخرج من حياتي اليوم قبل غدوة فهمت ولا نو لميت شعري مليح وانا نشهق فزدلي كلش ديما هكا زدت مسحت وجهي بطرف الشوميز توسخت كامل قتلو هاه عجبك هكا عجبك زيدي قولي ندير كشما حاجة هبطت وخليتو ياكل في روحو ونسرين تشوف فيا حضنتني قالتي خلاص حبيبة هدي روحك مسحت دموعي مليح ودخلت للحانوت نشوف مع درت طاحت على عيني روبة زرقة وضارب فيها الضو والعقاش لي فيها إنعكاسو في لرض داتلي عقلي روحت نشوف ونسرين قالتي هذيك مليحة عجبتني منقدرش نوصف كيفاه بسك تهبل  تفكرت اول مرة كي روحت لهذاك الحانوت وقست الروبة الزرقة عاودت رجعت لور  حكاية ياسين مزالت في بالي قتلها مش هذي قالتي لااااه قتلها هكا قالتي ولله غير تشريها يا إلين عجبتني مع صندالة تجيك تسخف وشبيك بقيت مركزة معاها قالتي هيا ولله غير تشريها ... ختييي ارواحي تعيشي جات المرا ونسرين تحكي معاها قالتها شحال دير واذا كاين ليطاي قالتها هذي وحدة برك ليك ولا لصحبتك قالتها لصحبتي قالتي تجيك هذيك ولله شابة ومكانش كيفها جبنا وحدة برك وليوم وين حطيناها اذا حبيتي قيسي قتلها اا لا صاي مديهالي قالتي وتحبي صندالة معاها قتلها وي جابتلي وحدة تلمع قالتي هذي قيسيها قعدت نحيت صندالتي وقستها جاتني قد قد قتلها اوكي نديهم هزتهم دارتهم في صاشي حسبتلي شحال وكان خاصتني خمسينلف حرت منين نجيبها وهذاك الحيوان ولله ما نهبط لعندو ونسرين خفت تكون مسحقتها جبدت لاكارت بلعت ريقي قتلها ختي هذي لاكاارت تاعي انا خاصتني خمسينلف بعد سمانة نجيبلك حسيتها قلقت قالتي مي ...قاطعتها  نسرين قالتها انا نخلص ختي وجبدت قتلها يودي قالتي بلعي خلصتها وهزيت صواشي تاعي صح كيما يقولك يا المشبح من برا واش حوالك من لداخل انا ساكنة في قصر ونلبس غير الماركة مي فلخر كي خرجت وحدي مقدرتش مينبا نخلص حق لبستي كاملة مشينا قتلها نسرين ولله نرجعهالك قالتي يودي عادي عمري مي حبيت نحضر عرس بنت عمك قتلها ايه نقولهم يعرضو ماماك واش رايك علابلي المهبول تاع خوك ميخليكش تجي وحدك لينا قالتي ايه ايه قتلها صاي نخبر جدة ...قصص إدمان سيما .. خرجنا وركبنا مهدرت حتى كلمة قالي صاي شريتي خلصتي دورت وجهي للكارو قالي إلينا نحكي معاك درت ليه قتلو جيب باسم هنا هزيتو من عندو ودورت وجهي وهو خبط الفولو قالي شي خطرة نضربك متلقايش روحك ثما تعرفي حق ربي كيفاه وبلي ملازمش طفيني .. ديمارا وصلنا نسرين للدار سلمت عليها وباست باسم قالتو استاذ مرسي تهلى في روحك قالها يعيشك هي ذابت الطفلة ولات كي الثلج ورجعت حمرة هزيت راسي بلا حول ولا قوة هبلت هذي البنت .... وصلنا حنا للدار هبط حل البورطاي وعاود رجع دخل طومبيل للساحة برك كيما موالف وانا هبطت هازة باسم شفت طومبيل تاع عمي ( بابات إسلام ) ستغربت كي دخلت نسمع في الحس والعياط وصوت ماما زاد قلبي ولا يخبط صباح برك هدرت معايا قالتي على سمانة باه نجي صدري رجع طالع هابط دخلت شفتها تعيط في وسطهم ودخل إسلام ورايا حتى هو قال وشنو هذا كي شافتني طارت عندي بنتيييييييييييييي وحتى انا توحشتها وتوحشت بابا لي شفتو تبدل كامل مالغري معندوش بزاف ملي راح سمان وراحلو هذاك التعب حضنتني وباسم في يدي بدا يبكي بعدت عليها مديتو لاسلام وكملت حضنتها هي تبكي وانا نبكي حكمتني الدوخة بعدت عليا قالتي يا عمر ماماك واش صرا فيك مرديتش عليها شفت في بابا لي مهبط راسو مسكين وجدي وجدة توالو يهدرو معاه ويفهمو فيه فهمت بلي عرفو بحكاية الزواج مشيت لعندو هبطت على ركبتي وحطيت راسي على فخضو  بديت نبكي قتلو يا بابا بنتك ضلموها بنتك حقروها في غيابك يا بابا كون تشوف واش هدرو فيا وواش قالو فيا يا بابا حسيت روحي في وسط غابة ولي دايرين بيا ذيابة حسيتو كي حط يدو على شعري رجعلي الروح نطق اسمي بسيف إلين زيرت على سروالو بيدي قتلو توحشت هذي الكلمة منك توحشت تعيطلي بأسمي نضت بستو وحضنتو نبكي ونضحك فرحانة كي شميت ريحتو نطقت ماما قالتهم البنت صغيرة خليتها امانة وسكت على بزاف صوالح بكري خاصة نتي وشافت في جدة مي كي تجي في بنتي خط احمر هيا إلين نروحو بنتي شفت في بابا قتلو نروحو هزلي براسو نطقت جدة لماما ربي يهديك وين تديه وهو مزال مريض ومزال باه يبرا درت ليها قتلها بابا نبيع روحي المهم يبرا فهمتي ولا نو خزرت في إسلام لي كان مربع يديه ويتفرج برك وجيت طالعة لفوق نجيب قشي حكمني من ذراعي رجعني ليه تخبطت في صدرو زيرني عندو دخلي راسي في صدرو  قالها إلينا مرتي انا ومتخرجش منا حبيتي تروحي ربي يسهل مي هيا نو ......