صغيرة المتملك

23

الجزء 23 🍷 🔥 إلينا 🔥

Sima jarisse 🔥🍷💫 A.Y

قالي اصلا ما تصلحي لوالو قتلو مرسي هبطت من طومبيل نجري دخلت للدار لقيتهم الصالو جدة تعيط روحت ليها قتلها وشبيك علاه تعيطي مجاوبتنيش قالتهم من اليوم كل وحدة وداتلها ولبنات كل يوم وحدة تغسل الماعين نطقت وحدة من لبنات قالتها وإلين شفت فيها قتلها إلين ضيفة عندكم علاه متقدروش الضيف وغمزتلها قالها جدي إلين صغيرة بزاف ونتوما الله يبارك راح تتزوجو ستغربت دورت راسي نلقى جابر في الكوانة فوق الفوتاتي مداير رجل على رجل ويلعب كي العادة هز راسو شاف فيا درالي واش روحت ليه قعدت توالو قتلو حبيت نعرف واش تلعب قالي بوبجي حليت عيني قتلو صحح قالي وي قتلو دايمن يحكولي عليها انا نحب نلعبها مي منعرفش اووف وزيد تلفوني تكسر على هذي الهدرة دخل إسلام قال السلام درت ليه مشافنيش بسك كنا شوي متخبيين قالها جدة وشبيك قالتو يخاه راح يهبلوني ماتكم كل مرة مع وحدة تفاهمو شي خطرة ولبنات كل مرة وحدة تغسل الماعين قالتها إيمان إلين قلتو صغيرة وحنا نغسلو نطق إسلام قالها ومنبعد ايه صغيرة ومهيش موالفة قالتو اممم علابيها جات هذاك نهار للريسطو تخدم قبل ما ينطق قتلها ونتي واش دخلك علاه محرحرة هكا شاف فيا إسلام وفي جابر قالي واش ديري نتي ثما اتهزي قتلو واش دخلك يخي حالة يخي ونضت ماشية وماما تقولو سمحلنا وليدي قبل ما نخرج نطق جدي قالي إلين درت ليه قتلو وي قالي داركم ممزالش ويروحو رمشت قداه من مرة قتلو مي هوما عندهم باسبور ؟؟؟ لازم شهور باه يتخدم قالي يا بنتي كلش يسهل بأذن الله المهم انا علمتك شفت في ماما لي تخزر فيا شديت روحي بسيف ضك كي يروحو كيفاه ندير هزيتلو براسي وطلعت جات ماما ورايا تقولي باباك وما باباك قتلها ايه نشاله ترجعو بخير بستها من راسها وطلعت كنت راح نفوت لشمبرة بابا مي تراجعت منيش قادرة نشوف في وجهو بعد الفضيحة هذي دخلت للشمبرة رميت كلش فوق السرير وطحت عليه مزيرة على الوسادة بيدي يا ربي واش هذي المصيبة يا ربي نتحمل صوالح نتفضح لالا ولله ما نقدر عاوني وكون معايا جبدت تلفون جيت راح نكسر لابيس مي تراجعت في اخر لحظة كون يعيط وميلقانيش منبعد يفضحني حليتو مكان حتى ميساج نحيت قشي ودخلت للدوش دوشت لبست الكاب وخرجت نشوف في روحي درت كرام تاع الشعر وزدت لجسمي حتى تحل الباب درت نلقاه إسلام خبيت روحي قتلو حيوااان متعرفش طبطب مكانش اصلا لاهي بيا خازن راسو في تلفون قالي جيبي لابيس قتلو وشمن بيس قالي تاااااعك قتلو معرف وينها هز راسو وانا نمشي جيهة السرير نسي نخبي تلفون قعدت فوقو وهو مركز معايا قتلو اخرج شوف حالتي قالي راكي تلعبي بروحك ودبري راسك مي نهار يوصل الموس للعظم تشوفي كيفاه قتلو مي إسلام الناس متعاونش هكا فهمت انا طلبتك تعاوني بصح مش ديريلي هكا وخلاص من اليوم خليني انا ندبر راسي حكايتي وانا نتلهى بيها عندك عايلتك ولدك ومرتك ربي يخليهم ليك عندك الريسطو تاعك فهمتني من اول نهار حنا منتفاهموش ومن اول نهار التعامل تاعك معايا مش مليح شغل عدوتك مالغري مدرتلك والو نتا لي تستفزني نقولك هذيك الهدرة صاي اخرج من الحكاية ياسين انا نتلهى بيه بقى مسنود على الحيط قالي وزعما تحلي مشكلتك ؟؟؟ نقسملك بربي بتخمامك هذا غير تخرجي منها ونتي #@#@ عيطت ونضت حيوااااااااااان متزديش تكفر اخرج صاي خليني نبدل طرطق رقبتو قالي واخر مرة نزيد نشوفك مع جابر قتلو حاجة متخصكش .... قصص إدمان سيما .. قالي اوكي ضك نشوفو خرج وخلاني دايمن يقولي بعدي على جابر مفهمتش علاه هزيت قشي خبيتو والتلفون درتو داخل الوسادة .....