صغيرة المتملك

56

الجزء  56 🍷 🔥 إلينا 🔥

Sima jarisse 🔥💫🔮 A.Y

🔥 ⒺⓁⒺⓃⒶ 🔥 ملكية خاصة بي 🍷 

بلعت ريقي من كلمة بنتي هزيت راسي عندو قتلو بنتك ههه  لي يشوفك يقول راك كثرمن جدي ضحك بصوت قالي اوااه المهم وجديلي قشي حتى انا قتلو بصح منعرفش قالي ارواحي برك حكمني من يدي يمشي فيا بشوي خايف لا نتوجع قالي نديك للطبيبة مي اخر مرة واحد يشوفك قتلو اوكي وصلنا للشمبرتو دخلنا للدريسيغ قتلو اول مرة نشوف حاجة هكا قالي عجبك قتلو وي قالي كاين بزاف منهم في دار قتلو معنديش في شمبرتي قالي ضك نخدملك واحد ضحكت قتلو صحححح قالي ايه هيا جيبيلي قشي بديت نهز ونحطلو خيرت غير ليشورت وتركيوات خفاف كي خلصت درت ليه قتلو ها هوما قالي صاي كملتي قتلو ايه جاب كابة وحطهم وزاد صوالح وراح للخزانة لي فلوسط هي الوحيدة لي فيها باب صغيرة شفتو دار الكود في الكوفر تفكرت الكاس والنميرو قتلو إسلام قالي وي مزالو داير ويهدر معايا قتلو علاش مداير لادات تاعي وعلاه هذاك الكاس فيه أسمي قالي كنت نستنى فيك تهدري مهدرتيش قتلو ولله سيريو قالي ايه قتلو مي علاش اسمي بضبط وعلى لادات تاعي كنت قادر دير تاع باسم ولا تاع يسرى ياك تحبها قالي خلينا من هذي الهدرة جبد الكاسي وراهولي مليح نشوف في اسمي واضح  ⒺⓁⒺⓃⒶ ... قتلو خلاص خبيه واصلا نتا علاه تشرب قولي مجاوبنيش دا دراهم قالي شدي خبيهم عندك قتلو خبيتهم نتا قالي @#@  نتي لي عندك صاك ولا انا قتلو اوووف هات هات شديتهم وروحت خرجت كانو شوي بزاف بسك قالي نطولو ثما دخلت للشمبرة جبت كابتي وحطيت تلفون والشارجور ودارهم في الصاك لبست قشي روبة طويلة باه ميضلش يهدر مع صندالة بلا وديت بلايغ   تفكرت الاوان لازم نديهم لميت كلش وقعدت  ...قصص إدمان سيما .. دخل لعندي قالي واجدة إلينا !! قتلو وي هاني جا دا الكابة ويشوف فيا من الفوق لتحت قالي هيا قتلو اصبر دقيقة نروح لماما نخبرها قالي علابها هيا برك قتلو وهي وين علابلها تخنزر فيا مقيموتش وخرجت لشمبرة لقيتهم راقدين بستهم في زوج وعاودت غلقت الباب بشوي شفتو ورايا وهبطنا .... طول طريق وانا متحمسة وقتاه نشوف البحر مالغري طولنا شوي بسك بعيد على وين نسكنو مام كي نطلعو للسطح ميبانش غير ضباب برك نطق إسلام قالي إلينا درت ليه قتلو وي قالي عاجبك الحال ضحكت قتلو ايه حابة بزااف نشوف البحر تبسم قالي اوكي مينوشتي ممزالش بزاف سكت ورجعت راسي للكارو نطل كي يحكي معايا هكا نحس بحاجة في قلبي ...قصص إدمان سيما ... وفات الوقت وهو يسوق حتى وصلنا وبديت نشوف في البحر وقلبي مات بسعادة رجعت نقز وحدي في طومبيل ونقولو شوف البحر إسلام وهو غير يقولي ايه مي حبسنا في نص طريق كانو ديار وحوانت كبار قتلو علاش حبسنا قالي ها هي دار هذي نقعدو هنا امشي نسطاليو قشنا منبعد نروحو قتلو هيا اوكي هبطت وهو هبط معايا نطق بلهدواة مي حسيتو مقلق قالي إلينا لمي شعرك محبيتش ندير المشاكل لميتو بشوشو كان لاسق في يدي هو جبد الكابات وجا مدلي المفتاح حليت الباب كانت دار دو إيطاج الايطاج الاول فيه زوج شومبرات برك والايطاج الدوزيام فيه شمبرة وصالو وكوزينة وصالدوبا طلعنا لفوق ومزالني نمشي بلعقل قتلو مي إسلام مراحش نقدر نعوم قالي معليش ورا العرس نزيدو نجو واش رايك درت ليه قتلو صحح قالي ايه قتلو وكون يسرى متحبش كي ترجع ووقتاه ترجعها قالي إلينااا قتلو هاه راني سكت طلعنا لقيت كلش مفرش قتلو تاعمن هذي بصح قالي تاع صاحبي قتلو مي في بلاصو هذاك السويت كنت تشري دار هنا خير قالي نشرو دار مشي مشكل قتلو بصح نتا مرفه ضحك وكملنا ريقلنا قشنا وانا جبت البالي كنست بسك كان شوي الغبار كي البالكو محلول خلصت قتلو هيا نروحو للبحر صاي كرهت هنا قالي ديجا كرهتي قتلو ولله قالي اوكي اصبري نبدل ونجي مام نتي بدلي عليا هذا الشي قتلو هااه روبة طويلة قالي بصح صدرك يبان شوفي خزرت في روحي كان شوي برك قالي لمي شعرك ولبسي حاجة مستورة هزيتلو راسي ورحت جبت سروال عريض اكحل مع تريكو فاغ عريض شوي محلول على لجناب لميت شعري مليح باه ميضلش يهدر ولبست بليغة  كي خلصت خرجت وهو دخل بدل عليه كي خرج كان لابس شورت كحل مع تركيو وبليغة قالي جيبي دراهم وينهم قتلو ها هوما في صاك راج جاب قالي متديش صاكك قتلو لا خليه هنا قالي اوكي مالا راح خباه في الخزانة وجا مدلي يدو قالي هيا بقيت نخزر فيها غير لبارح كنا متهاوشين مديتلو يدي وخرجنا .... مطولناش ووصلنا لابلاج كان يهبل مت بسعادة حبس هو طومبيل في الباركينg وهبطنا نمشو فوق الرملة منقدرش نوصف هذاك الشعور وانا نشوف في البحر توالي والناس كاين بزااف خاصة راهي العشية والذراري يلعبو قالي استناي هنا  وقفت نشوف توالي وهو راح يجيب باراسول ....