صغيرة المتملك

44

الجزء 44 🍷 🔥 إلينا 🔥

Sima jarisse 🔥💫🔮 A.Y 

من هنا تبدأ رحلتنا إلينا 🔥💫

كي لحق وقت الغدا حسيت روحي جعت قتلو إسلام هز راسو من البيرو قالي وشبيك قتلو جعت هزلي براسو قالي ضك نقولهم يجيبولك الماكلة قتلو لااا هيا نوض نفطرو برااا مش هنا قالي مكانش قتلو اووف نتا ديما هكا ناض قالي هيا اسيدي نضت نقز وحدي قتلو يااا صح شاف فيا قالي ايه مدلي يدو بقيت نشوف معاه منبعد مديتلو يدي وخرجنا مروحين لايطاج الدوزيام كانو الغاشي فيه مش بزاف يا ربي 6 عايلات قعدنا في طابلة شوي بعيدة توال الزجاج يطل لبرا بقيت نشوف ونصور بسك نسرين قالتي ندير ليسطوري وحد الشوي جاب السارفور موالف نشوفو قتلو ااا هذا نتا شاف فيا تبسم قالي وشراكي قتلو لباس ونتا نطق إسلام قالو روح لشغلك مخلاهش ميبنا يهدر مسكين هذاك حسيتو تشوكا قالو اوكي ديزولي وراح شفت فيه قتلو وشبيك إسلام علاه تحاوز فيه قالي نزيد نشوفك هدرتي مع واحد ونتفاهم معاك واش تاكلي قتلو جيب وخلاص ناض من بلاصتو وهبط انا بقيت نشوف من ومن حتى عاود طلع السارفور قتلو خويا شافني جا ليا قالي وي ختي ومهبط راسو قتلو إسلام مكانش يقصد راه مقلق برك قالي وي مش مشكل مسيو إسلام ديما يعاملنا مليح تبسمت معاه قالي بصحتكم وراح .... وحد الشوي رجع إسلام يهدر في تلفون قعد قالو جدي متزديش تعيطلي وتكسرلي راسي فهمت خليني اني في حالي متبقاوش تهدرو كوبا في وجهو شهقت قتلو ياااا حكيت مع جدي هكا خزر فيا قالي شفتك نتي كيفاه تحكي دورت وجهي وعوجت فمي قتلو معليش ... تغدينا وخلصنا مزدت نطقت حتى كلمة مام هو مسح فمو قالي هيا نروحو قتلو وي مدلي يدو باه نروحو حتى نشوف في وحد لبنات يخزرو فيه مبانوليش مقبيل يهدرو بوحد الطريقة تعيف ويكيلو فيه من لفوق لتحت قالي إلينا فيقني من سهوتي قالي وشبيك قتلو والو هيا مديت يدي وخرجنا ...قصص إدمان سيما ... روحنا ديركت للدار وانا نخمم في واش راني نحس وحد الاحساسيس صعاب معرفتش كيفاه نفسرهم كي وصلنا هبط حل البورطاي دخلنا وهبطت وهو جا ورايا لقيت يسرى في الصالة مع مرت عمي كي شافتو دخل جات تجري طارت حضناتو لدرجة رجع لور حالتها ولات تخوف قالتو وين كنت وييين مش قتلي هذي الطفلة مراهي والو علاااش روحت معاها وقعدتو لهذا الوقت علاه تبدلت هكا من وقت دخلت لحياتنا ناضت مرت عمي تهدر وتشر قالتها قتلك متخافيش إسلام يحبك نتي مكنتش فاهمة واش تهدر يسرى غير كي نطقت مرت عمي زعما انا راني ديت إسلام عليها ضحكت وخزرت فيها قتلها ولله تغيضي علابلك مكانش علابلي عقليتك متخلفة هكا وزيد استاذة راكي منيتك انا نديلك راجلك غير يجي بابا نروح منا وبقاي معاه يا المخلوعة عيط عليا إسلام إلينااااا طيري منا قتلو هذا ما تعرف نتا إلينااااا إلينااااااااا طلعت في دروج ونهدر وحدي لقيت يحيى قاعد ثما مع مصطفى قالي إلين وشبيك قتلو يودي خوك هو والمهووسة تاعو يعيو قالي ساعفي برك هي هكا شفت فيه هزيتلو راسي وطلعت لفوق سمعت حس واحد يمشي مشيت  بشوي نقرعج حتى سمعت سلاف قالتو شوف ياسين انا مشيت معاك بنية ونتا قتلي جيبي تصاور وتفاصي تصاوري إلينا  راهي مرت خويا ضك صاي ... كيفاااه تتمسخر بيا تحوس يقتلها ولا واش .....