صغيرة المتملك

71

الجزء 71 🍷 🔥 إلينا 🔥 

Sima jarisse 🔥💫🔮 A.Y

إلينا ملكية خاصة بي لا تحاول الاقتراب ⛔🚫   

الحلقات الاخيرة .... 🍷  

قتلو مي وشبيها قالي منبعد حبي كوبي ضك ومكلاه تقلقي روحك ياك قتلو اوكي صحا ... قالي نحبك كوبيت عليه ديركت وحطيت راسي على طابلة كلمة نحبك تتعاود في مخي قالتي نسرين واش صرا قتلها بنت فيصل ولد عمتي معرف وشبيها وزيد صباح حكمتها الحمى نشاله ما يكون غير الخير قالتي نشاله شحال عمرها قتلها ولله ما نكذب عليك مي صغيرة شوي ... فاتت هذيك الحصة وانا قاعدة نخمم في بنت فيصل وفي المنام لي شفتو ... لحقت الحصة تاع ياسين ولازم نهبطو للمخبر كرهت حياتي قتلها لنسرين ولله ما نحضر قالتي وشبيك منيتك حصة اساسية قتلها ولله ما نحضر عندو خرجت من الكلاصة وهبطت مزيا مكان حتى مراقب روحت ديركت لبرا لقيت العساس مع الاول مخلانيش نخرج كي قتلو منيش بيا قالي ربي يشفيك خرجت نمشي بشوي مزالني تاعبة مهيش ساهلة عليا وحدة 17 سنة تطرح هزيت تلفون عيطت لماما وحكيتلها على بنت فيصل في نص طريق حبستلي طومبيل شفتو أسامة كي لمحتو عيني حاجة جات في قلبي وتفكرت وقت عجبتني ريحتو قالي إلين ؟؟؟ وين مروحة هذا الوقت قتلو منيش حابة نقرا قالي كيفاه هذا كيفاه مشي حابة تقراي مفهمتش السنة عندك باك مستوعبة واش راكي تقولي قتلو ولله يا أستاذ غير مرانيش حابة تعيش متكثرش عليا مشيت حبسني صوتو قالي ارواحي نهدر معاك درت ليه جيت ننطق سكتني قالي إلين دقيقة من وقتك برك هزيتلو براسي ومشينا شوي لوحد البلاصة نقعدو في الاز قالي وشبيك معليش تفهميني عندك مشاكل في داركم ولا علاه ؟؟؟ مكيش حابة تقراي ياك القراية مليحة وبيها تضمني مستقبلك قتلو ايه علابلي وحتى انا كنت نجيب المعدل مليح قالي مالا واش صرا علاه تغيبتي هذو الحصص قالولي كنتي مريضة ياك غير الخير قتلو ماتلي البيبي في كرشي قالي واااااش درت ليه حال عينيه على وسعهم مصدوم قتلو انا متزوجة وراجلي إسلام الاستاذ تاع المات وهو ولد عمي نورمالمو راك علابلك قالي واش تحكي عمرك 17 متزوجة وزيد هو متزوج بمرتو قتلو ايه قالي منيتك تحكي ولله مراني مأمن قتلو ولله سكت يشوف معايا قالي علابيها ديما نلقاك مهمومة يا بنتي نتي مزلتي صغيرة على الزواج ولولاد مي نقولك حاجة ديري ثقتك في لي خلقك  قتلو سبحانو المهم استاذ انا نوض لازم نروح للدار قالي وقرايتك قتلو منيش حابة نحضر عند الاستاذ تاع العلوم قالي ولله راح تضيعي روحك تلهاي في بقرايتك خير مشيت وخليتو حكمت البيس وصلتني لاري لي قريبة للدار مشيت شوي كي قربت للباب نشوف في يسرى دخلت وانا زدت وراها مي مشافتنيش جيت نكمل ندخل صونا تلفون لقيت نميرو منعرفوش هزيت عليه كان غالط قتلو لا خويا مشي نميرو تاع صاحبك هذا ايا صحا كوبيت وكملت دخلت كان الكاااالم مام يسرى عرفتها بلي طلعت لفوق نحيت صباطي وروحت قعدت في الصالة حاسة روحي تاعبة بزاف هزيت كاس ما فوق الطابلة شربت منو شوي وسندت راسي على الفوتاي حتى نسمع في هدرة وصوت ميزتو ... ايه تاع جابر ..قصص إدمان سيما ... عقدت حواجبي نشاله ميكونش واش جا في بالي نضت نمشي بلا ما ندير صوت طلعت وبكاها يزيد قالتو متفهمش اخطيني اربي قالها راني خاطيك شوفي نتي لي ضك جيتي ليا ولا اني غالط قالتو ايه كنت نحبك مي حبيت إسلام ولله نحبو يا جابر قالها وهو رجع يحب إلين شفتي كيفاه الله يمهل ولا يهمل كنت ناويك للحلال تريقلت بسبتك حبيتك تكوني مرتي وندير معاك عايلة بصح نتي فزدتي كلش بين ليلة ونهار تبعتيه حتى طيحتيه فيك بصح نأكدلك ضك هو يحب لي صغيرة وشابة وديري في بالك حاجة حتى إلينا انا حبيتها من قلبي طفلة بريئة قلبها نقي وندمت على واش درت كون غير يرجع زمان اللور انا لي نتزوجها ونعيشها خلاتني ننساك ونفكر فيها في كل وقت قالتو يسما راك تقول نسيتني ولا واش قالها ايه نسيتك ... طلعت بشوي نطل عليهم كانت واقفة معاه قد قد مقابلين بعض قالتو وكون نحط يدي عليك تعاود تحن لاياماتنا قربت منو وحطت يديها على صدرو ووحدة ورا رقبتو ... شوكاتني من هذي الجاست تخدع في راجلها وهي على ذمتو متوقعتها دير كلش غير هذا الشي وتفكرت هدرة فيصل كي قالي مراحش يتحمل الخدع صح الخدع صعيب من إنسان مداير فيه ثقة متحملتش المنظر وقت  زادت قربت راح تبوسو مي هو  طبعها قالها يدك الموسخة متزديش تتحط عليااااا الخدع يمشي في دمك يا #@#@ وجا هابط من الشوك جمدت في بلاصتي مقدرتش نتحرك كي وصل للدروج شافني نطق " إلين " دارت يسرى وشهقت قالتي واااااش ديري هنا طلعت في دروج ربعت يدي قتلها مكنتش حاسبتك هكا علابلك بوليدك تخدعي راجلك عينيها تجمعو دموع قتلها علابلك هذا شكون ولا نو قربت منها كثر خبطتها لصدرها قتلها علابلك بلي هذا خوه قالتي واااااش قتلها وااااش هذا ما تعرفي يا الفاسقة راه سلفك خووو راجلك متحشميييش تخدعيه وهو مداير فيك ثقة متحشميش في هذا العمر ديري صوالح تاع مراهقين نتي كلبة مكيش مربية فهمتي ولله غير نوصلها لاسلام إستناي برك جيت ماشية وقف جابر في طريقي قتلو بعد نتا من وجهي قالي اشش تهدني مراح تهدري والو انا وريتلها قيمتها قتلو  شفتك كيفاااااه جابر ومتزديش تعاود تاع تحبني ونحبها بسك مهما كان راني مرتو لاسلام ..