صغيرة المتملك

20

الجزء 20 🔥 إلينا 🔥

Sima jarisse 🔥🍷💫

🍷دائما ما كنت أظن أن الاميرات  فتيات العالم الخيالي 💫🔮 ..... ولكن عندما رأيت إلينا 🔥 علمت أنها أميرة تفوق الخيال 💫🔮 .......... A .Y

حكمني من ذراعي نوضني  احكيلي اهدري منيش حاب كشما نديرلك قتلو إسلام خبرتك باه تعاوني وليت تضرب فيا قالي واناااااااا نسمع هذي الهدرة حابتني نهدا حكمت خدي نبكي قالي اهدري إلينا قتلو هو ولله روحنا انا ونسرين للحانوت تاع سلف ختها يبيع ليغوب تاع العرايس كي شفت وحدة عجبتني قستها صورتني نسرين بعثتهم في الفيس بصح إسلام هو بيراطا الفيس تاعي ودالي تصاوري خدمهم بلفوطو شوب 😭 حب يفضحني يا إسلام  والمشكل نبان انا صح وليت نسمح في دموعي كي الطفلة الصغيرة قربت ليه قتلو تعيش عاوني
تعيش إسلام ولله غير نولي ناخذ رايك ونولي ندير واش تقولي وندير حجاب  برك عاوني حكمني من كتافي مبعدني عليه وانا دموعي دارو طريق على خدي قالي صاي بلعي علاه تبكي ضك ونتي واش داك تتصوري اصلا نتي علاه تقيسي في #@@ ليروب هذو قتلو حبيت برك ناض من توالي وهز باسم قالي شوفي انا ضك مروح نديه ليماه كي نجي نتفاهمو وعندك كشما وين تخرجي قتلو اوكي مش مشكل راح وخلاني محبيتش نقولو على واش قالي ياسين وواش حاب مني خفت من ردة فعلو تكون مبالغ فيها وكشما يروح يقتلو ويباصي صح انا حابة ضك جيست ليفوطو يتفاصاو من عندو برك .... طلعت لشمبرتي تربعت في السرير والوقت فات وهو مزال ما جا معلابليش شحال وانا قاعدة حتى تخبط باب شمبرتي طرت من بلاصتي نشوف فيه غلقو وقعد فوق الفوق الفوتاي شبك يديه يشوف معايا قتلو إسلام قالي اششش منسمعش صوتك هاتي تلفون قتلو مي .... إلينااااااااااااااا نضت قتلو فيه ليفوطو مش ملاح علاه مشي حاب تفهم قالي هاتي تنهدت وخبطت رجلي في لرض اصلا مراحش يفهم مديتلو قتلو هاه شوف وقعدت في السرير نبكي وهو يتفرج على ليفوطو معلابليش شحال قعد يشوف منبعد جبد تلفونو معرف واش دار لاحو في جيبو حسيتو بدا يقلق زير على تلفوني وناض يدور في الشمبرة عاود جبد تلفونو كان راح يعيط في دقيقة حكم تلفوني وخبطو في لرض قفزت مبعدة قرب مني وانا نبعد قالي علاه ديري كلش كيما يحب راسك علاااااااه مسح على وجهو وبعد مني قالي اهيه وواش حاب ضك هذا سكت عيط عليا اهدرررييي قتلو حاب هو حاب مقدرتش ننطقها قرب مني قالي تهدري ولا لا قتلو حاب حاجة مش مليحة صغر عينيه فيا قالي مفهمتش قتلو حاجة عيب ...... حسيتو تصدم بلع ريقو شفت تفاحة ادم كي طلعت وهبطت قالي عاودي إلينا عاودي عاودي.منيش نسمع بيا قتلو ولله يا إسلام ما جيت نهدر طاح عليا بكف خلاني نرعف الدم طار من نيفي وجهي دار وجعني بزاف راسي طاح على سرير قالي واناااااااااااا كي كنت نقولك بعدي منو وااااااش درتي قلتي مدخلكش ضك @#@@ هاه شفتي مي هذا الكلب ولله نشرب دمو ولا منيييش إسلام خرج وخبط الباب وانا مصدومة من الكف نضت نبكي رحتي فيها راح تباصي السيد خلاااص ايما اجريلي اربي عاوني واش ندير انا غلطت عاوني ...قصص إدمان سيما ... فات هذاك النهار وانا قاعدة على نار نستنى غير وقتاه يقولو إسلام قتل ياسين ردة فعلو كانت اكثر من مبالغ فيها وزدت تفكرت كيما كان هاز الكاس وهذيك القرعة تفكرت هدرتو مع جابر يبان إنسان مش ساهل ويقتل عادي قليل وين نشوفو هذو الناس في مجتمعنا ولا نقولو مكانش منهم بصح دايمن بعض الناس تلقاهم مخبيين ورا الستار ما تعرفو لا مليح لا قبيح مي نهار يوريلك شخصيتو تاع الصح ثما تعرف معامن راك تتعامل .... لغدوة نضت صباح على صوت نسرين هذي واش جابها ... قالتي إلين نوضي نوضي تقعدت قتلها وشبيك واش جابك قالتي يخاه ياسين عيطلي معرفتيش منين جاب نميرو تاعي قتلها يخاه قالتي وقالي إلين علاه مهيش تهز قتلها منيتك قالتي ولله راه يتحلف ما جات تكمل صونا تلفونها قالتي ها هو يعيط قتلها هزي هزي هزت عليه ناض يكفر يقولها بنات الحرام قالتو وعلاه لي نتي ولد حرام مشي راجل مزالو برك يتبع يسما إسلام مدار والو قالها وينها إلين ديت تلفون من عندها قتلو وااااش مزال تحوس قالي اوو بب طفي تلفون عليا حسبتلك راح نخليك في حالك شوفي منا على زوج سوايع نلقاك في البلاصة الفلانية والمفتاح تلقايه عند الكوسمتيك لي ورا الدار قتلو نتااااا وااااش تحكي قالي براس بابا الغالي غير نديرها ونفضحك وخلي باباك يموت مسكين ناس ملاح يتصدم من بنتو @#@# بنت البار قتلو نتااااا لي خاااامج ومش راجل قالي المهم وحلي تلفونك وبلاكي تخممي تجيبي شي واحد إلين بديت نبكي قتلو تعيش ياسين تعيش كوبا عليا مخلانيش نكمل قالتي نسرين إلين متروحيش بلاكي قتلها وكون يفضحني كون نولي معمرة المواقع ويشيرو عليا بصباعهم قالتي خليهم خيرمن تخسري شرفك وليت نخبط في روحي قتلها منييش حابة مي شوفي كيفاه معكوسة عليا ....... اني خايفة نروح اوموا نتفاهم معاه قالتي يخاه تحوسي كشما يفعل فيك ويطلقك خبري إسلام قتلها إسلام خبرتو لبارح مدار والو فهمتي نضت نلبس في قشي سترت روحي بروبة طويلة ولميت شعري ونسرين تقولي هبلتي قتلها استناي هنا روحت لشمبرة جدي دخلت بشوي نحوس في القجور لقيت تلفون حطبة هزيتو وعاودت رجعت نحيت لابيس تاعي من تلفون المكسر ودرتو فيها قتلها هيا قالتي إلين قتلها واااااش قالتي اني خايفة عليك قتلها هيا منعرفش البلاصة لي قال عليها قالتي بعيدة منا بزاف ولله حكمتها من يدها فت على شمبرة ماما قتلها اني خارجة مع نسرين حبت تسقسي وين كوبيتلها الهدرة وقت غلقت الباب ...... خرجنا من ثما وجدة تسقسي وين مروحين قتلها نشرو برك قالتي مطوليش .قتلها اوكي . قالتي نسرين دقيقة برك إلين اذا عندك اينيتي نحكي مع ماما  قتلها شدي مديتلها راحت وعاودت رجعت خرجنا من الباب الكبير حكمنا طاكسي وروحنا  ...... مطولناش بزاف ووصلنا وهي تقولي هبلتي هبلتي هبطنا نحوس على الكوسمتيك هذا لقيتو ورا الدار صح كانت بلاصو فارغة وفيها الطرق بزاف