صغيرة المتملك

38

الجزء 38 🍷 🔥 إلينا 🔥

Sima jarisse 🔥💫🔮 A.Y 

من هنا تبدأ رحلتنا إلينا 🔥💫

شاف في يمات يسرى لي تحوس تديها قالتو انا ممديتش ليك بنتي باه تتزوج عليها وزيد بنت صغيرة مداير قد صبعي قالها واش دخلك نتي بيني وبينها وجا لهذاك خوها طبعو بيد وحدة من صدرو قالو علاه مقرب هنا واش تحوس دير !! نطق قالو إسلام انا ممديتلكش ختي باه تتزوج عليها قالو ربي حلل نتوما واش دخلكم وانا عندي ظروفي باه نتزوج ملخر ضك حبيتو تدو بنتكم ادوها مي ولدي يبقى عندي ونتو ما دبرو راسكم شهقت يسرى قالتو لاااااا وليدي منقدرش قالها مالا احكمي بلاص مد يدو قالها معايا ولا معاهم ضك خيري شفتها بلا ما تخمم جرات حكمت يدو وحضناتو توالنا قالتو نتا إسلام منقدرش نعيش بلا بيك ولله... معلابليش علاه وجعني قلبي من هذا المنظر معلابلش واش حسيت درت مروحة وطالعة حتى قاطعلي خوها كي حكمني من يدي قالي مالا خلينا نتزوجو انا ونتي وهوما يبقاو مع بعض وغمزلي الشارف في دقيقة لقيتو مرمي في لرض وإسلام فوقو يضرب شكووووووون قالك تمسها شكوووون نتاااا ضربو وجهو فزد وجدي يسلك فيه محبش يفكو حتى قريب مات السيد بيه يديه روحت نجري ليه قتلو إسلام تعيش صاي خليك منو صااااي هز راسو شاف فيا وبعد عليه ينهج خزر في يماه قالها ادي ولدك منزديش نشوفو وطلع في دروج شغل واحد سكران بقيت مصدومة من السيد وجهو ولا ميبانش وبديت نخاف في نفس الوقت إسلام واحد مقلق بزاف يقتل بلا ما يفيق هزيت صكادو تاعي لي طاح وطلعت نمشي بشوي مش حابة نشوفو اومول قيسما يدخل لشمبرتو ....قصص إدمان سيما ... وعلى هذاك الحال ولات حياتي روتين واحد كل يوم نفس الحاجة نهبط ناكل ونرجع للشمبرة مع تلفون ولات أياماتي شوي هادية كيما كانت مي فكرة الزواج مزالت توجع فيا ومنيش مامنة راح نتزوج بيه وليت نفيتي كثرة الهدرة كي نقعد في طابلة معاهم ساكتة برك ناكل شوي ونوض منخرجش اللبسة هوما يروحو يشرو معلابليش اصلا واش نشري انا .... ولحق النهار لي تدمر فيه حياتي لي تتربط فيه مع إنسان خلاف إنسان منحبوش عقدنا في المحكمة بسك انا قاصر خلاوني نسنيي على ورقة موتي بسيف عليا نحكي على جدي لي لقى سبة تافهة باه يزوجني ولا على جدة لي سكتتت ولا نحكي على إسلام لي راح نتزوج بيه وعقيلتو متتحملش حتى كي كنت منعرفوش وجامي تفاهمنا يسما ضك كيفاه يوجعني قلبي وقت نشوفو مع يسرى قاعد وحاكم باسم وليدو هوما راح يعيشو وانا نبقى نتمرمد مي كل مرة نتفكرة هدرة لي اسمو اسامة وقت قالي ربي ديما معانا .... هذاك نهار كي عقدت وفتحت ورجعت جسد بلا روح رجعت مرت الوحش دخلت لشمبرتي دوشت توضيت وصليت هزيت يدي للسماء قتلو يااا ربي اذا راح نبقى نتعذب هكا هزني من الدنيا كان هذا الكلام من قلبي لي مجروح طويت السجادة وروحت تكيت حضنت الوسادة ونبكي نشوف في تصاور ماما وبابا مزالني صغيرة ونتوحشهم وهوما مش معايا ضلموني لي من دمي ولحمي  وخلاوني نعيش صوالح كثرمن عمري وحد الشوي سمعت صوت الباب محبيتش نرد جاني صوتو قالي إلين طرت من بلاصتي حليتو هذا شحال ما شفتو طبعتو قتلو نتا واش دير هنا مزالت برك برد قلبك ياك شفتني نتعذب قالي تعيش اصبري قتلو واااااش راح نصبر صاي اخطيني روح منا روووح حكمني من يدي قالي تعيشي مديريش هكا إلين انا ندمت قتلو ضك جاتك ندامة بعد عليا صاي خبطت الباب في وجهو طحت ورا الباب نخبط في يدي على لرض واحد مراه فاهمني واااحد مراه فاهمني الله يلعنهم الله يلعنهم وليت نبكي بشهقة ضارني كلش حتى الهوا لي نتنفسو ضارني ضاقت بيا الدنيا لوحد الدرجة نضت بلجهد وتكيت في سريري وهاربة للنوم من العالم لي راني عايشة فيه ضك هاربة من الواقع المر لي تعبني بزااااف وانا صغيرة ..... معلابليش علاه الدنيا ولات تعسكني هكا معلابليش علاه الدنيا خلاتني نعيش صوالح كثرمن عمري معلابليش علاه الدنيا ضلمتني ايه صح هذي حاجة ربي مي سوايع الانسان ميقدرش يحمل صوالح يكونو ثقال عليه .... قاعدة في وسط الصالة بهذيك الروبة البيضة لي هيا كفن بنسبة ليا كاين لي يقولك تهبل وكاين لي يقولك صغيرة وكاين لي يقولك علاه راحت على ضرة وهي بنت 16 وانا نقول علاه صرالي هكا ودمرت حياتي في رمشة عين بسبة واحد ميسواش صرالي هكا واحد حب ينتقم برك  ..... فيقتني جدة قالتي إلين بنتي درت ليها عينيا مدمعين جامي بكيت وحاولت واحد هكا قتلها جدة نسلم على رجليك لالا حبسو هذا العرس انا منقدرش منقدرش إسلام متزوج مع يسرى كيفاه نتزوج بيه جدة هو راح يقتلني وسمعتي واش قالي تعيشيي قالتي صرا لي صرا ونتي وصلتي روحك قتلها واش وصلت روحي جيبولي ماما وبابا عيطيلهم يهبطو للبلاد قالتي علابلك باباك مزال مريض اصبري يا بنتي هذا ما راح نقولك .....