မာလာက သံစဉ်မောင့်ကိုတွဲကာ အိမ်ထဲခေါ်လာခဲ့သည်။ အန်တီကိုတော့ အိမ်ထဲရောက်တဲ့အထိ မတွေ့ချေ။
" အန်တီ......ဘယ်မှာလဲလို့"
" မမကြီးက အပေါ်ထပ်မှာပါ အစ်မ"
" စောင့်နေမယ်ထင်တာ မစောင့်နဲ့ပြောလည်းစောင့်နေမယ်ထင်တာကို သူအိပ်သွားတာပဲ"
" ဟုတ်ကဲ့"
" အန်တီမကောင်းဘူးကွာ ရော့ ဝယ်လာတာ မင်းပဲစားလိုက်တော့"
သံစဉ်မောင်က လက်ထဲက စားစရာထုပ်ကို မာလာ့ကိုပေးလိုက်သည်။
သံစဉ်မောင်တစ်ယောက် ဆိုဖာကိုလှဲချလိုက်သောအခါ အားပါသွားပြီး မာလာက သူ့ခန္ဓာကိုယ်ပေါ်ရောက်လာသည်။
မာလာက သူ့ကို မဲ့ပြုံးပြုံးကာ နှုတ်ခမ်းချင်းနမ်းလိုက်လေသည်။ သံစဉ်မောင်ရဲ့ လက်တစ်ဖက်က မာလာ၏ ခါးပေါ်တွင်။
" ငါရှောင်ပေးဖို့ လိုသေးလား နှစ်ယောက်လုံး"
ဒေါ်မြနှင်းဆီချိုက လှေကားပေါ်မှ လက်ပိုက်လျက်ကြည့်နေလေသည်။ တကယ်တော့ သူ့ခမျာ မောင်ထွက်သွားကတည်းက အခန်းထဲတွင် စာဖတ်လျက် စောင့်နေခဲ့သည်။ မောင့်ကို ချစ်လားမချစ်လားကတော့ သူကိုယ်တိုင်ဝေခွဲမရနိုင်ပေမယ့် သံယောဇဉ်တော့ရှိသည်။ လက်ထပ်ထားတဲ့အတွင်းတော့ မောင်ဟာ သူပိုင်တဲ့လူပင်။ အခုလို ဧည့်ခန်းထဲတွင် နှစ်ယောက်သား ဖြစ်ပျက်နေသော အခါ သူ့မျက်ဝန်းထဲမှ မျက်ရည်များက စိုလျက်။
" မမကြီး မာလာ တောင်းပန်ပါတယ် အစ်မက မူးလာပြီး သူ့ဘက်ကစ...."
" အခန်းပြန်အိပ်တော့ မာလာ"
" ဟုတ်ကဲ့ မမကြီး"
မာလာက သူ့အခန်းရှိရာသို့ ပြေးသွားလေသည်။
မြတစ်ယောက်က ဆိုဖာပေါ်က မောင့်ကို လာထူလေသည်။
" မောင် ထပါဦး အိပ်ခန်းထဲသွားအိပ်ရအောင်"
" ဟေဇယ်လ် လားဟင် ဟေဇယ်လ်လား မောင့်ကို ခေါ်တာ ဟေဇယ်လ်လားလို့"
" ဟေဇယ်လ်လည်းမဟုတ်ဘူးတော် ရှင့်မယား လက်ထပ်ယူထားတဲ့ ရှင့်မယားအစစ်"
" အား....အန်တီ ..အစက အပေါ်မှာအိပ်နေတာမလား"
" ဘယ်ကလာအိပ်ရမှာလဲ...ရှင့်စောင့်နေတာလေ....ဒီကိစ္စ အပေါ်မှာ ပြန်ရှင်းမယ် တွဲမယ်လုပ်တုန်း ထချင်ထ မထချင်ရင် ဒီမှာ အိပ်နေခဲ့"
YOU ARE READING
ယောက္ခမကြီးကမြားနတ်မောင်
Romanceဟန်ဆောင်လက်ထပ်ထားတဲ့ အထဲမှာ စည်းမျဉ်းတစ်ခုက တစ်ယောက်ကိုတစ်ယောက်မချစ်မိဖို့ပဲတဲ့။ နှစ်ယောက်လုံး အဆုံးထိ မချစ်ဘဲနေနိုင်ပါ့မလား။
