مجدول الذهب

الــحــلــقــة الــتــاسـعــة و تــلاتـــون

✨ مْــــجـــــدُول الـــذهــــــــبْ ✨
           - سـنـاء الــصنــهـاجــي
          

- ضرباتو الفيقة على الشعا لي ضرب ليه فعينيه معنكش فنعسة عنقو كيضرو .. دور راسو كيتشبح شاف للجهة لوخرا كان فؤاد ناعس حك عينيه هاز تيليفون يشوف شحال الساعة كانت 7 ديال الصباح حط تيليفون مغوبش حط يدو على كتف فؤاد كيفيقو :

  فؤاد فيق أصاحبتي .. حل فؤاد عينيه مخسر سيفتو متنهد تنهيدة طويلة :

  مكايناش شي محلبة نمشيو نفطرو نغسلو اوجهنا ولا شي قهوة ؟

- هاشم : خاص نشوف كيف بقات قوت هو الأول

- فؤاد : واش من نيتك باغي دخل عليها وجهك مامغسولش نمشيو نلوحو اشيحاجة للكرشنا أنت من لبارح ماواكل والو مايكونش راسك قاصح وكون كانت شيحاجة راه غايسونيو ليك ..

- هاشم : يلاه زيد .. ديمارا الطوموبيل وتحرك من تم كيقلبو على شي قهوة قريبة لقاو وحدة افدوك الجوايه .. بلاصة طوموبيل ودخلو للقهوة توجهو للطواليط هو الأول ، غسلو وجهم باش يفيقو شوية عاد توجهو لواحد طبلة .. شدو القهوة والمسمن ..

- بدا كيحس شوية بلينيرجي كترجع ليه من لبارح مداق النعمة ولا شافها .. فطرو بزوج خلص فؤاد وخرجو طلع فطوموبيل يلاه ايديماري بدا تيليفونو كيسوني بزربة فتح الخط .. كيسمع فصوت الطبيب يزربة ديمارا وكسيرا

- فؤاد : اش ݣاليك ؟

- هاشم : (عينيه معميين بغا غير ايمتا يوصل خلاص كلو رجفة ورهبة وفرحا مخلط عليه كولشي ) فاقت ݣال بلي الحمد لله تجاوزات مرحلة الخطر ..

- فؤاد : ( فرحان ) شتي ياك ݣلتها ليك أصاحبي الحمد لله ..

- وصلو للكلينيك نزل كيجري درجة كيطلع فيها ودرجة كينقزها مع دخل تلاقى بالطبيب نيشان

- هاشم : امضرا واش صافي ولات بيخير ياك ( باللهفة)

- الطبيب : ( كيضحك) الحمد لله مابقاش الخطر عليها دابا راه داوها للبيتها ..

- هاشم : واش فاقت نقد نشوفها عفاك ؟

- الطبيب : ممكن غير هو متكترش معاها الهضرة بزاف واخا ؟

- هاشم : كون هاني .. عيط الطبيب للفرملية دات هاشم عندها وفؤاد لقى على برا كيتسنى ، بيت كبير مصبوغ كلو فالبيض فيه تلفازة بلازما وماريو فالبيض محطوط حداها الدوا وقرعة ديال الما ، من جهة ليشر ديالها كاين بالكو كبير ..

- فوق النموسية متكية شعرها كلها موسداه مغمضة عينيها يد فيها سيروم حطاها على كرشها ويد مسرحاها .. حل الباب بشوية ودخل كيطل عليها كتبان ليه بداك الشكل ..

- قرب منها كيشوف فيها وفالمنظر ديالها لابسة تيشورت فالبيض يديها بيضين وناعمين صباعها الرقاق عينيها المشدودين وموشها الهابطين .. شعرها لي موسداه مخبل ومشتت كتبان بريئة وناعمة بحال بنت صغيرة .. تنهد تنهيدة طويلة خلاتها تبدا تحل عينيها غير بشوية كترمش .