වස්සාන සිහිනේ 🌺 [ZhanYi]

11 🌺

ගිශාන් හිටියේ නුතාර කියන මේ අමුතු ගුලි ජාතිය මොකද්ද කියලා හිතාගන්න බැරුව..

මහසෝනා ගැනනම් ගිශාන් ටිකක් අහලා තියෙනවා ඒත් ඉතින් ඒකාගේ ගුලියක් ගැනනම් ගිශාන් දැනුවත් නෑ..

"අහස පොළොව ගැටලන්න වගේ දැන් මහසෝන් ගුලි ගැන කල්පනා නොකර කාලා බලන්න"

නුතාර ඇස්වලින් පිගාන පෙන්නලා එහෙම කියද්දි ගිශාන් ඉතින් හිත හදාගෙන ඒ පත්තර කොලේ අයින් කරේ සුදු ආච්චි නරක දෙයක් එවන්නේ නැති බව දන්න නිසා..

(Photo එක උස්සපු එකක් 🥲)

සමපෝෂත් වගේ ඒත් හැබැයි පාට වෙනස්..ගිශාන්  ඉතින් එක ගුලියක් අතට අරන් සුවදත් බැලුවා..
සුවදනම් හොදයි..රසපාටයි.. තවත් හිත හිත නොයිද ගිශාන් කටක් කාලා බැලුවා..

"රසයිනේ.."

"ම්ම්....තේ උගුරකුත් බීලා බලන්නකෝ..හැබැයි ඉතින් කහට තමා ගැලපෙන්නේ"

"ඒක තමා තේ එක්ක පැණි රස වැඩියි..ඒත් ඉගුරු සැර නිසා වැඩිය දැනෙන්නෑ ඒක"

"හ්ම්ම්...තව කන්න ඉතින්..ආච්චි තව හදනවා නැන්දලාගේ පංගුව එයා ගෙනත් දෙයි"

"එතකොට මේ මගේ පංගුවද?"

ගිශාන් එහෙම අහද්දි නුතාර කරේ ඔව් කියන්න යන්තන් ඔලුව වනපු එක විතරයි..ඉතින් මේ අමුතු කෑම රහා වැටුන ගිශාන් තවත් ගුලියක් කන්න ගත්තා..
ඈත ඉදන් මල් කඩ කඩ ඉන්න පැතුම් දිහා බලපු නුතාර කලිසන් සාක්කුවේ තිබ්බ ෆෝන් එක අරන් සේව් කරලා තිබ්බ නම්බර් එකකට කෝල් කරා..

ඒත් ඉතින් වැඩක් නෑ නුතාරට අහන්න ලැබුනේ
'ඔබ ඇමතු දුරකතනය කාර්යයබහුල බැවින් කරුණාකර පසුව අමතන්න' කියලා කියන ගෑනු කටහඩක් විතරයි