ထိမိလိုက်သည့်သွေးကြောအား စက္ကန့်ပိုင်းအတွင်းအလျင်အမြန်ထိန်းလိုက်နိုင်သည့် ဒေးကို စိတ်ထဲမှ ချီးကျူးလိုက်သည်။တုန်လှုပ်မှုရှိသွားပေမယ့် သူ့အတွေ့အကြုံအရ ဘာသရုပ်ပျက်မှုမှမရှိသွားခဲ့။
''Bleeding ထပ်ဖြစ်နေတယ်''
ထွက်ပေါ်လာသည့်ဒေးရဲ့အသံ ကြောင့် ဖန်သားပြင်ပေါ်သို့အကြည့်ရောက်သွားသည်။ ထိလိုက်မိသောသွေးကြောကိုထိန်းလိုက်နိုင်ပေမယ့် ထပ်၍ Bleeding ဖြစ်လာသည်မလို့ ထိုနေရာအား အာရုံစူးစိုက်ကာရှာဖွေ၏။ ဒေးမှာလည်းဖန်သားပြင်ပေါ် မျက်ခုံးများစုကျုံ့ကာ သတ္တနည်းတူ Bleeding ဖြစ်သောနေရာသို့ရှာဖွေကြည့်နေသည်။
Camera မှာ လှုပ်လှုပ်ရှားရှားဖြစ်နေကြသော ခွဲစိတ်ခန်းအတွင်းရှိလူအများကိုပြသနေသော်လည်း Surgeon ဖြစ်သည့်သတ္တမှာ တည်ငြိမ်စွာနှင့်Surgical Assistant ဖြစ်တဲ့ဒေး မှာလည်းထိုနည်းတူ။
''massive bleedingမဟုတ်လောက်လို့ကိစ္စမရှိဘူးဒေါက်တာ''
''BP ကျနေပါတယ် ဒေါက်တာ''
မေ့ဆေးဆရာဝန်ဖြစ်တဲ့ Grace မှာလည်း ထပ်၍ ပြာပြာလဲ ဖြစ်နေပြီး Live Surgery ကြည့်ရှုနေသော ဆရာဝန်များအားလုံးစိတ်လှုပ်ရှားစွာနှင့်အခြေနေအရပ်ရပ်ကို စောင့်ကြည့်နေကြသည်။
''သွေးအိတ်ထပ်ချိတ်ပေးပါ''
Nurse Anesthetist မှ သွေးအိတ်ထပ်ချိတ်ပေး၏။ BP ထိုးကျ၍ အော်မြည်နေသောအသံတို့မှာ ခွဲခန်းအတွင်းရှိလူများကိုတုန်လှုပ်ခြောက်ခြားစေကုန်သည်။
''HP 99 ထိရှိနေပါပြီ''
''Vital''
''80/50 ပါ''
''ခုဏက ကြောင့်များလား''
ဒေးမှာသတ္တအားကြည့်ရင်းပြောလာသည့်အတွက် အလျင်အမြန်ခေါင်းခါလိုက်သည်။
''မဟုတ်လောက်ဘူးဒေါက်တာ''
အဖြေရှာမရသေးသောအဖြစ်အပျက်နှင့် တဆက်တည်းတွေးမိသော တပတ်တိတိအဖြေရှာမရခဲ့သော ထူးဆန်းသည့် caseမှာလည်း အခု ဖြစ်ပျက်နေသောအရာများနှင့်ပုံစံတူတူဖြစ်နေသည်။
''ကျစ်! ဘယ်ဘက်အဆုတ်အခြေအနေ Grace ''
ရုတ်တရက် ဒေးရဲ့စကားကြောင့်မျက်ခုံများပင့်သွားရသည်။ Grace မှာ အလျင်အမြန် stethoscopeနှင့်ဘယ်ဘက်အဆုတ်အခြေအနေကိုစမ်းသပ်ပေးသည်။
YOU ARE READING
Day ဒေး (Completed)
RomansaThink about whether you should read this first because you can have a rude expression. Wana Day × Sam Thet Ta Kyaw စိတ်ကူးယဥ်ဖန်တီးထားသည့်ဇာတ်အိမ်နှင့်ဇာတ်ကောင်များသည် အပြင်လောကနှင့်သက်ဆိုင်မှုမရှိကြောင်း ကြိုတင်သတိပေးသည်။
