الفاو الجنوبي حوز العسماوي سنة1969 ...
الدنيا مطر والبيت طين مشتغله صوبه ابوي رجل بحار مجان يمنه جنت كاعده انا و بيبي وامي واخوني الاكبر مني بيدي لعبه العب بيها
اسمع امي وبيبي يسولفن بس ما افرزن ملتهيا بلعبتي واخوي ثائر الاكبر مني كل شوي وصاح علي يريد يقره علي ضوه الفانوص
دخل جدي من بره وصاح كوموا طلعوا منا كعدوا بالدكان
المطره كل ما الها وتزيد
صوت رعد قوي يهز اركان الغرفه الي اكلها الماي خفت التفيت بدشداشه امي صاحت عليه روحي ويا بيبيتج و اخوانج خلي اطلع الاغراض ركضي
اجه اخوي ثائر طلعني من الغرفه مشينه باتجاه الدكان دكان جدو جان عباره عن مواد غذائيه يسترزق منها وجان بناء الدكان احسن من باقي البيت اسمنت وباب حديد لان يخاف على المواد تنباگ
ملحكنه ندخل للدكان وسمعنا صوت قوي وبيبي صرخت
التفتت واشوف الغرفه الي احنه جنه بيها منهاره وبيبي تصرخ اخوي ثائر دفعني للدكانه وركض وكضا جدي وهو يصيح بي تعال بويه طينه لا تتمزلك وتروح بيها
بس ثائر يصرخ ويصيح ولج يما
اجه عامر كعد يمي يبجي وبيبي تلطم وتصيح شكول لخضير لو رد
جنت خايفه من صوتهم وصياحهم
وصوت الرعيد والمطر القوي ممتظره امي تدخل ولف روحي بحضنها
ومن شفت جدي ضرب ثائر خفت اكثر رحت بركن الدكان بين تنك الدهن ضميت روحي منتضره امي
ويمكن بيومها نمت وانا خايفه وهاي جانت الي اول ليله بعمري ما انام بيها مرتاحه معرفت ان بعد هاليله راح تجي ليالي وتجر ليالي
كعدت الصبح صوت صريخ نسوان واصوات زلم بره و اخواني يبجون وبيبي تلطم
رحت يم عامر سئلته اريد امي ليش مخليتني نايمه بالارض
باوعلي عامر وحضني وظل يبجي ضجت منه دفعته وطلعت بره اشوف النسوان هاي التحضن وهاي التمسح على راسي ويكولن خطيه بت المرحومه
عمري خمس سنوات ما فاهمه شنو يعني بت المرحومه امي اسمها فخريه مو مرحومه
ادورها بين الوجوه ماكو جعت وخفت واريد اروح حمام معرف اسوي كلهن بدون امي وكلها تكول خطيه
خطيه ليش خطيه شبيه وامي وين راحت وليش الناس ملتمه بيتنه
العاده احنه محد يجينه
جانت عندي عمه وحده و عم واحد عمي جان بعمر ال18 لكن عمتي جبيره ومتزوجه رجل كبير بالسن وكاعده عنه بمسافه
شوي ودخلت عمتي تلطم وتصيح ولج فخرره عفتي فروخج ورحتي وين ولج فخرره شنكول الخضر لو رد
جانت لحظات تخوف ما تروح من بالي وين الا اجت عمتي ذكرتني حضنتني وبجت التفتت علي بيبي
زينه .. يما حليمه كلت شربت هالناس تريكو لا
فاطمه ..لا وين ابوج لاهي ويا الاوادم وثائر مختاض جي يده صابه وانا ملتمه النسوان كومي كومي شعلي النار ويبيلنه الماي بالكيتلي سوينه جاي
أنت تقرأ
لدغة اقارب
Actionيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
