لدغة اقارب

الجزء الثلاثون

لا تـجـعنل هـدفـك أن تـكـون أفـضـل مـن شـخـص مـا، بـل أن تـكـون أفـضـل مـن نـفـسـك فـي وقـت سـابـق.

-----

  سالم خلي نحجي  ليش وصلنه لهذا الطريق

.. شتريدن تحجين  والج عين هم

.. ليش شنو مسويه وما الي عين   وين تقصيري  وياك 

سالم .. ما تحتر مين اهلي   وهاي كلش كافيه

.. معندي شي وياهم وشوفت عينك  عمتي وعمي كل يوم الصبح يتريكون يمي وغرفتهم كل يوم اكنسها و انضفها  وياما يطبون بحمامي يسبحون يخلون هدومهم واغسلهن ما اكول شي
سالم الي انا مسويته لهلك بناتهم ما جاي يسوون تره هناء وبيداء يجن وعمتي تكبخ وتحط بحلكهن

سالم .. اكلج تعيرينهم انتي لو شنو  تره اصحي هذا بيتهم سمعتي انتي الخطار عدهم ااانتي انتي

يحجي  مستفزني   ويحط اصبعه بعيني    وكلت ميخالف المهم احصل نتيجه لان تعبت

.. انا ما اعيرهم بس انت كلت  ما تحترمينهم وجاي اذكرك 
احلفك بالله  انا وانت عوف اهلك واهلي

ضحكت تك خد مستهزء وكعد  داير وجها عني

.. وانتي منيلج اهل 

غمضت عيوني مصبره روحي اكول بداخلي سكينه صبري وستهدي بالله  يكولون اتبع العيار للباب الدار

.. عندي اهل سالم عندي  سيف رفعت راس لكل بنيه وامي  جذع نخله ما تهتز

ورحت مكمله ردت اسئله  تقصيري وين  بس  ضحك ضحك بصوت عالي   يستهزء  وما قابل  

هز بيده وطلع  وهو يكول والله مصدكه روحها 

   براكين براكين  تطبخ  بودي  اخلي يطلع مكسر  يروح لامه

   ما اجه  للبيت بعد دز رساله راح اتعشه يم اهلي لا تسوين عشه

  شو بعناده كمت سويت بيتزا    وكعدنه ناكلها انا والبنات   وبين ما سويتها ختمرت وشويتها هو   اجه مناك  يباوع للصينيه ويباوع عليه  

  كعد وراي على التخم   ااي ست سكينه شنو ردتي تحجين 

  وانا اباوع للتلفزيون  واللكمه بحلكي  ما التفتت علي  ستغبيت روحي

وسئلته عن شنو يمتى

.. العصر مو جان عندج موضوع وحوار  بس قاطعتج لان اهلي اهم

.. الله يخليهم الك عموما مسلسلي  اهم ومندمجه عود اذا اتذكرت اكلك 

  سكت شويه وعاط  طفر البنات

.. انا مو كلت هاللبس ما تلبسينه بالبيت  ها شحجيت انا ليش ما تسميعين كلام ولو مديت ايدي  وگطعت القندره على راسج  رحتي تشكين الامج