لـقـد خـظـت حـروبـا لـيـسـت بـأرادتـي
----------
لكن ..
مرت خالي رجعت وكومتني كوه غسلي شعرج خاف تشوفه
حليمه .. شكو انتو بس راح تحجزون صالون اصلا المن رايحه وياج
سلمه .. ها لالا تختار بدله على ذوقها كومي ولج سكينه كوومي تاخرنه
امي هم كومتني كومي وعيب من مرت خالج
رحت غسلت شعري وصاحت هيه على خالي يوصلنه
كاعده يم امي تلبس جواريبها وتكول والله تعبانه انا
حليمه .. اجلوها باجر مو الا اليوم
سلمه .. لا يا شلون باجر ما نفرق اشيرلها وتحف لا لا ابد ما نلحك
خلصت و وكفت انتظرها خذت بتها ورحنه صعدنه
كلتلها ليش ما انتظرنه خالتي
سلمه .. هيه خالتج وصتني اخذج انا وين بيه شوفي صار تعبانه كم يوم ومالي حيل وكله طاح براسي
وكعدت تتشكه يم خالي وهو يكللها الج اجر واعتبريها يتيمه
ومصدكها ولو هو انا صدكت الي جنت حاضره ما ينلام خالي
وصلنه للصالون انا جنت ماخذه دور المتفرج
هيه اختارت البدله وردي فاتح وتفقت ونزلنه
بس جانت طايره ما تمشي بالارض هيه حتى عربون دفعت وكالت بعدين اخذهن من ام سالم
رجعنه للبيت ظلت تسولف اجدد بدله واحسن تسريحه حجزت و وصيتها ودفعت عربون
خالي مخلانه نروح كال باتو بعد شعدكم يوميه رايحين جايين
رجع سيف وحده للشقه
يوم ثاني دخلت خالتي نوره
وخطيه جايه الصبح مرت خالي تسربتت وراحت للسوك كالت عندي نواقص
نوره .. يله خاله حضري روحج انروح لام انور
حليمه .. يا ام انور بعد انتي مو كلتي السلمه توديها الهيام
نوره .. بربج هيه هيام تعرف تعدل مو هيه عدلت سلمه وخربتها يلا يلا خاله كومي اريد ارجع اطبخ
حليمه .. نوره شبيج بليل خذتها سلمه وراحت وحجزت ودفعت عربون
خطيه خالتي كعدت بالارض ودكت على رجلينها
نوره .. يماا والتالي ويا بت اختج سويلنه حل بكلشي حاطه روحهاا منو كاللها تروح الهيام
التفتت على امي وهيه توج نار
خيه ليش خليتيهاا صدك جذب ما تعرفين انتي تعديل هيام خيطي بيطي
حليمه .. شدراني انا هيه كالت نوره وصتني مابيه واخذيها انتي الهيام
الله لا ينطيها
أنت تقرأ
لدغة اقارب
Aksiيوكولون الماله حض ويا اهله لا يتعب روحه ويدور ويا الغريب وهاي انا من فتحت عيني وشفت الدنيا ما شفت بس عقارب محاوطتني اليوم احجيلكم عني انا حليمه بنت فخريه الي ما مر عليه غير الحنظل .....
