لدغة اقارب

الجزء الثالث

سيبقى الليل يناجي السماء، ويشكو الهموم في ظلم البشر.

..

ما قابله !!

دنكت راسي  لان نحرجت وجانت هاي الكلمه الوحيده
الي طلعت مني
ابوي صاح ببدره وكاللها  حاجيها تره طفح گلبي منها 

كعدت بدره تحجي وتقنع ونقيب وما علي غبار الولد وخوال ابوج  شنو اليمنع   وجان نفسه ردي ورفضت اخو خدره

شلون افكر اتزوج  وانا اشوف ثائر  ومرت أبوي مو ويلام  منو اله ومنو يكوم بشغله

  وحجيت ويا بدره وكلتلها انا اذا ما يتزوج ثائر ما افكر اتزوج ابد
الحجي انگلب على  راسي  وما قبلت وهيه تكلي شقصدج يعني انا اخوج ما راح اغسله هدومه وبعدين مو هاي نوره  موجوده  وراحت حطتها باذن ابوي   وكامت هوسه بالبيت  

  اسمعهم يحجون واجه ثائر من بره وكام الصياح رحت كعدت بالحديقه وره البيت   حاضنه نفسي  محتاره وخايفه لا ابوي  يجبرني

نوره .. حلوم شبيج

رفعت راسي الها وابتسمت بوجها  تقربت كعدت بصفي 

. ليش ضايجه  ابوي حجه عليج

.. لا حبيبتي  ما بيه شي  انتي منو وياج ليش عيونج مدمعه

نوره.. خايفه تعرسين وتخليني بحدي  
دنكت تبجي  حضنتها  وطمنتها انا ما اعرس  الا انتي تعرسين

نوره .. صدك والله يعني انا اعرس والبس بدله مثل بت ابو فلاح  
.. نورره شبيج صووتج والله اذا ابوي سمعج هسه يكول تريد ريل عيب كعدي يله 

نوره .. لا والله ما اريد ريل بس اريد البس بدله     مثل مالت قسمو  بت ابو فلاح

.. تلبسينها  لاحكه ورانه ورانه  

تجيت ضهري على الحايط ورفعت  راسي اباوع للسما الدنيا عصر وقريب الغروب الشمس كسرت والجو حلو

انا ليش مريد اتزوج معقوله بسبب ثائر لا يظل وحده لو خايفه زين شنو الي مخوفني  خايفه اموت ويظلون جهالي  اي انا مريد اموت مثل امي ويظلون جهالي جوه الايدين
  وبساعتها هاجت عليه المواجع     شتذكر  من يوم الي طاحت الغرفه وجدي سباني وابوي عايفنه رجال بحار ومن توضف صار سبوع بحر وسبوع دوام وكلشي ما نفهم منه 
  نهاري كله اخدم  بيت جدي لو مرت عمي بحجت عدها جهال كومي وسوي وحطي   لحد ما ابوي اجه اخذني  وما شفتهم الا بفاتحت بيبي ام ابوي    طبعا بعد الفاتحه ابوي راد  يجيب جدي يمنه بس حمد لله ما قبل  ولا ابوي كدر يرجع لان جان  دوامه يمنه  بالميناء

صح بعد فتره تبعونه بيت عمي بس بيتهم وحدهم  وما الها علي شي  اما جدي بعد فتره سمعنه اتزوج وحده يتيمه  وجبيره بالعمر ومقدم وطالعتله وكاله تموين   يعني يوزع حصه وصاير وكيل وهالشي  طمني هو بعد ما يجي واصلا مغير مكانه وساكن  مدينة الكرنه