لدغة اقارب

الجزء السادس

   
الـكـل يـطـالـب مـنـك ان تـقـاوم ولـكـن لا احـد يـعـرف

صـعـوبـة شـعـور انـك تـحـاول  ولا تـسـتـطـيـع ..

.......

ليش حليمه ليش

.. والله نازك فار دمي  نزلت من السطح  وشفته يبجي
وجانت نجات هنا بس سئلت شبي منو ويا سيف
  تخصرتلي وظلت تعد وتصف
  والي بالحمام  طلعتلي راسها  والي بالغرفه  مدت لسانها

ما شفت غير سيف الي كاظ بهدومي   خايف  يا نازك فوك خوفه كتلته  هو واخته  ودخلتهم للغرفه وطكه عليه وطكه عليهم 

نازك ..  عورتي گلبي  حليمه الله يسامحج اذا انتي اطكينهم بيمن يحتمون

  نازك ما قبلت عليه وعافتني ومشت  حقها هو انا ما قابله على روحي

  هيج مشت الايام وهيج كبرو جهالي   لا لبسه لا لعبه

  البيبيه الحنينه تروح تشتري الابنها العاب  ونساتل وسيف وسكينه يلگطون بعيونهم   وبس حجو لو بجو  اكتلهم 

  الراتب كبال عيني وما اكدر اجيسه  اوقات اطلع سيف بالبوكات يشتري اله والاخته  واحبسهم بالغرفه ياكلون

  سيف كبر وهو ما ياكل لحوم  تلعب نفسه منها اكله كله تمن وروب لو بيضه اسويله وجاي جبن

فمره   اجه يبجي   ما يريد مرك
رحت طلعت من الراتب فلوس  ونطيته وجان بوقتها دنانير
راح جابله كاسة روبه من جيرانه   صار وقت الغده  وصبينه حطيت الكاسه كبال سيف  كعد ياكلها هو واخته ويا شويه تمن

  ام هادي ..  منين هاي الروبه

... من بيت ابو مصطفى تدرين سيف ما ياكل  مروكات

  ما حجت بس هزت براسها   خلتها سكته

  لحد ما نزل هادي
يومين مرت هاديه

  بس عصريه جنت كاعده بالغرفه اخيط  كونيه بكونيه افرشهن جوه البطاطين لان يتزحلكن 

دخل هادي  فتح الكنتور واخذ الراتب 

هادي .. مو صوجج صوج الي يامن فلوسه يمج   تلعبين بيهن

.. شنو هاي الحجي ليش  بشنو لعبة لو شسويت الي يسمعك شيكول 

هادي ..  مالي خلك اشرح الراتب عند امي بعد وهيه تقسم الكم مصرف  الج و للجهال  وتلمنه الباقي  نكون نفسنه خو ما نظل عمرنه كله هنا

انا من حجيت الحجايتين  كملت خياط بس هو من حجه  وكفت ايدي لا كلشي وكف عندي
حافظهن بالحرف الواحد اجه كتاهن يمي  وراد يطلع صحت علي ما خليته

.. لحظه هادي  انا ما صرفت وهاي فلوسك واحسبهن تره الهوسه كلهن  بس لان شتريت طاسة روب السيف  هادي لا تخلي جهالك بلا مصرف